في البيت ونص راتب والا تداومين و معاش كامل

[digital]

انا اداوم واذا عرض علي هالعرض راح اوافق وانا مغمضه بس بشرط انه يسويلي استقطاع من راتبه يعني بس ينزل راتبه على طول ينخصم منه على حسابي خووو مو كل شهر اقعد اطر واذكره بالمعاش

 

[كويتية نايس]

رد : في البيت ونص راتب والا تداومين و معاش كامل

وضيفتي طبعا باجر اذا طلقني وين بروح

 

[قلبي ابيض]

طبعا قعدة البيت ونص المعاش عسل

 

[سارونه العسل]

بالعكس اي اقعد بالبيت انا متزوجه وجرب البيت وجربت الشغل تراا تعب وراج عيال وبيت وريال ولازم تفصلين بينهم وتطلع لج اشياء خدامه اغراض البيت لاا اشتغلتي الريل بيحط عليج جم شغله واذا انتي معاشج اكثر من معاشه عاادي تبين اغراض اليهال بيقوولج ماعندي يعني انتي اشتريلهم لان عندج معاش اماا اذاا رضيتي تقعدين ونص رااتبج يعني ماايجيسه كلش وهوو مرتاح حتن لوو خلصو قلتيله عطني ماراح يقصر معاج صدقيني والله انا حالتي عقب المعاش لاااااتوصف وكل مره اقوله يليتني بالبيت قاعده ولااا تصير حالتنا كله ماعندك وكله تخش علي والي بيدك كان لي يحليل زمان موو الحين الله يعيني بس الحمدالله علي كل حال انتي ريلج زيين نص راتب انا بس الزوجيه وكنت اسحب منه اول مع انه والله موو بخيل بس ما ادري شنوو صار فيه غار مني عشان عندي معاش اكثر منه

 

[Vouge]

رد : في البيت ونص راتب والا تداومين و معاش كامل

إذا هو بيعطيني نص راتبه .. لا .. لأن مصاريفنا وايد

لكن لو الحكومة بتمشي لي نص راتب .. إيي أقعد بالبيت

 

[iLLuMinaTion]

رد: رد : في البيت ونص راتب والا تداومين و معاش كامل

إذا هو بيعطيني نص راتبه .. لا .. لأن مصاريفنا وايد

لكن لو الحكومة بتمشي لي نص راتب .. إيي أقعد بالبيت

خوش قرار

 

[iLLuMinaTion]

طبعا قعدة البيت ونص المعاش عسل

ههههههههههههه

 

[* فطامي *]

مملكتي بحاجتي و انا ابيها

فاكيد اختار البيت لراحة ريلي و عيالي و الفلوس تروح وترد

 

[iLLuMinaTion]

مملكتي بحاجتي و انا ابيها

فاكيد اختار البيت لراحة ريلي و عيالي و الفلوس تروح وترد

مشاركه طيبه

 

[iLLuMinaTion]

رد: رد : في البيت ونص راتب والا تداومين و معاش كامل

إذا هو بيعطيني نص راتبه .. لا .. لأن مصاريفنا وايد

لكن لو الحكومة بتمشي لي نص راتب .. إيي أقعد بالبيت

قرار سليم

 

[قلبي سلومي]

اواااااااااافق

 

[جلكسيه اس 3]

لا ماا اوافق
اصلا اهوا ملزوم يصروف على زوجته،،
بس بحالة انه مو راضي زوجته
تتوظف وتكد على روحها
عيل خل يصرف عليها معاش كامل مو النص

 

[زينبو]

شوفي اهوا حسافه ان الوحده تتعب عالشهاده وتالي تقعد بالبيت

بس اذا مايأثر معاشي على حياتنا ووقتي راح يكون لبيتي وعيالي بدون فراغ زايد اي اوافق غيره لا

 

[iLLuMinaTion]

شوفي اهوا حسافه ان الوحده تتعب عالشهاده وتالي تقعد بالبيت

بس اذا مايأثر معاشي على حياتنا ووقتي راح يكون لبيتي وعيالي بدون فراغ زايد اي اوافق غيره لا

معاج حق

 

[iLLuMinaTion]

مملكتي بحاجتي و انا ابيها

فاكيد اختار البيت لراحة ريلي و عيالي و الفلوس تروح وترد

اي والله

 

[ام سوسو الحلوة]

طبعاااا لا
لانه بكلا الحالتين اهووو ملزوووم يصرررف علي سواء موظفه او قاعده بالبيت
البيت مرردي بمل منه لانه جررربت القعده بالبيت سنه كامله تقريبااا وصراحه حياتي كانت بلا معنى وهدف
بس اللي خلاني اقعد الحمل وبعد الحمل والولاده رجعت سويت اجراءاتي وداونت وحسيت في شي يشغلني
ويملي علي وقتي قبل 24 ساعه متهاوشه مع ريلللي لانه كله انا فاااضيه ويوم توظفت داومت حسيت في وقت للبيت ولدوام والريل والعيال ويوومي
يصير حلووو وبهدددف
والفلوووووس مردهاااا بتروووووح وتخلللص

 

[ام سوسو الحلوة]

ولا قوووق هذا تخيلي حااالتي وبتخسوون بللي اقوووله
انا اقعد كنت من النوووم عالظهررر واهوو سكون توه راد من الدوام تعبان يبي غدى وينام للمغرب
والحززه هذي انا قااعده لحااالي امبيييييه مللل موووو طبيعي ويقعد يبي يرووح الدوانيه والطلعااات بين فتره وفترره وباالاخبر يرد عشان دوام باجررر
وااااااي امبيه

 

[floreda]

موضوع محير بصراحه

 

[ماني من الناس]

حسب طبيعه الشغل اللي بيكون طايح في حظي

وترى انا الفلوس ما تهمني وما اصرف واايد يعني مو من النوع اللي يمصخها لا معتدله ,,,,,,

يعني أصرف بأحترام خخخ حلوه دي بس لا انه صج يعني الشي اللي احتاجه واحبه آخذه


وانا كل شي يلوق علي يعني مو معقوله بخسر فلوسه او فلوسي على جنطه سعرها 300 او ساعه ب 400


ما تهمني هالسوالف والماركات ,,,,,,,,,,

لأن بالنهايه اهو حرام تعب في شغله مو عشان اجي اخلصه في ثانيه

وحتى انا لو اشتغلت بكون تعبت في شغلي مو عشان اصرفه بشي راح البسه مره وحده واقطه

وانا من النوع الملول اللي يحب يغير ,,,,,,,,يعني اخذ لي عده اشيا كشخه ولا شي واحد اتورط فيه,,,,


الموهم نرجع لمحور الحديث حسب طبيعه الشغل ووقته

اذا طبيعته مريحتني ووقته مريحني اوكيه اكمل شغل واذا اهو مرتاح مني بعد اكمل

اما اذا انا مو مرتاحه من الدوام ومأثر على نفسيتي ومنكد علي وكرف وارد البيت متأثره نفسيا ومضيع وقتي ما يسوى لان الفلوس مو من اولوياتي

اذا على تغيير الجو زوجي ياخذ لي سياره افر فيها اروح ازور اهلي اطلع اتسوق مع ربعي هيك شي الى لما اهو يوصل

والحياه حلوه ويا كثر الجمعيات الخيريه عشان تحسين ان لج دور بالمجتمع


ويا كثر الاماكن المفتوحه للمشي والتنفس ,,,,,ويا كثر البحووووور


يعني تيك ات ايزي ,,,,,,,,,,,


المهم الوحده ما تخلي اولولياتها الفلوس وتمد ريلها على قد لحافها ,,,,,,,والسعاده اهم شي وراحه البال

 

[ماني من الناس]