في احد منكم جرب التدريس مع دراسة الماستر ؟؟؟؟

[مليكة الدنيا]

الله يوفقج ياررررربي

أجمعين ان شاء الله​

 

[مليكة الدنيا]

الصراحة حبطتيني بهالشروط

آنا توني متخرجة من الكلية تخصص عربي وودي آخذ الماستر .. يعني مايصير الا عقب ثلاث اسنين بعد التدريس لأني سمعت بس اسنتين
..
انزين المعدل له علاقة بالماستر لأن معدلي التخصصي تحت الثلاث نقاط بشوي؟!

والله يوفقج حبيتي مو مشكلة السنين تركض ركض

حبيبتي معدلج التخصص لازم يكون على الأقل 3 نقاط عشان تنقبلين بالماستر
ولازم خبرة 3 سنين مو سنتين
والله يوفقج​

 

[مليكة الدنيا]

الله يوفقج حبيبتي

انا بعد جذي
بس انا الحين من تعينت صارلي كورس
وابي اكمل اصول تربيه الصراحه ومادري وين اروح
او لازم اكمل 3 سنين ولا عادي ادرس الماستر الحين
ووين اروح بالضبط

اللي تعرف تفديني والله يوفقها ياحي ياقيوم

لازم حبيبتي تاخذين خبرة 3 سنين واذا تبين بعثة راجعي العديلية
واذا على حسابج شوفي جامعة الكويت او اي جامعة خاصة ثانية
وموفقة​

 

[مليكة الدنيا]

الله يعين

انا ماودي اكمل بجامعه الكويت

والجامعات الخاصه مو راضيه تبطل كليات علميه

وانا طموحي شهادة الماجستير.. صج انه تشهادتي الباكليوس قويه بس طموحي اكثر

والصراحه الشروط حبطتني

الله يوفقج يااارب
بس انتي خلي إرادتج قوية
وادعي ربج يسهل لج امورج​

 

[مليكة الدنيا]

انا مثلج والله :0bee2e8d89: ابي مالماستر علشان اطلع من التدريس مو كرها بالتدريس.. بس وزارة التربيه ماتقدر كلش

مابي اضل بالتدريس

والله حسافه على المواد اللي درستها بالجامعه تخصصي قوي والله

ووزارة التربيه كلش ماتقدر

تخصص نادر بالجامعه ولنا مميزات ومكافآت واخرتها بالتوضيف حالنا حال الباجي مع احترامي لكل التخصصات بس والله مد راح يجس فيني الا اللي مثلي

انا ودي اكمل ماستر بعلوم البيئه بس ماكو جامعه خاصة تدرس هالتخصص وجامعه الكويت الله بالخير شروطهم هم وايد ومقابلات يعني مو مضمون مثل التخصصات الباجي.. صعبة شوي


وموفقه انشالله

الله يوفقج ويسهل امورج حبيبتي​

 

[مليكة الدنيا]

فعلا احلامنا تتحطم
وزارة تقتل الطموح االشكوى لله انا ودي اكملها برى الكويت بس صعبة

الله يوفقج يااارب​

 

[مليكة الدنيا]

حبيبتي انا اخوي يدرس ويكمل ماستر بس تبين الصج تعب تعب تعب والله

ير من الدوام تعبان وعلى طول جامعه ويشرح ويعرض ولازم كل اسبوع بحث وتقرير وربي ازعاج


انا اساعده في ابحاثه ولايعه جبدي اشلون اهو وطبعا اهو مو مدرس لا رئيس قسم مو ماسك جدول اشلون انتي اذا مسكتي جدول ودرستي ونهاية الدوام رحتي للجامعه تخيلي وضعج

انا بصراحه ما انصحج فيها

وموفقه يارب

حبيبتي الله يسهلها يااااارب
بس انتي ادعيلي​

 

[أنا أنا]

حبيبتي..
انا مستغربة شكو 3 سنوات >> انتي فاهمة الموضوع غلط

راح اشرح لج بالتفصيل الممل:

اولا بما انج خريجة التطبيقي جامعة الكويت تقبلج عادي لكن لازم معدل عالي..
ثانيا:
الشروط الخاصة في اكمال الماستر (في اي تخصص في التربية سواء ادارة تربوية ..مناهج..اصول..علم نفس تربوي) اذا كان داخل الكويت
تشترط الجامعة ان تكون عندج خبرة من 2 الى 3 سنوات على حسب المجال اللي انتي حابة تكملين فيه
مثال: بتكملين مناهج لازم خبرة سنتين والادارة التربوية 3 سنوات وجذي..
بالاضافة الى شرط المعدل
(اعتقد العام لازم فوق 3 نقاط والتخصص 2,67)
ايضا التوفل وهذا سهل لان التربية طالبة450 فقط << حلو ومقدور عليه..
وتقدرين تاخذين تفرغ بس الراتب يروح عليج ويعطونج الجامعة اعانة

وتقدرين تنسقين مع ادارتج وبجذي ما تخسرين شي..

اما البعثة الخارجية:

نفس شرط الخبرة >>> للأسف :krkrkr:
بس المعدل فوق 3 بالعام والتخصص
والتوفل مو اقل من 550 << هذاااااااا الموت

بس المميزات احلللللللللللى_03BA:
يعني:
راتبج ماشي
وفوقة راتب ثاني للمبتعث
وزوجج مرافق لج ويمشي راتبة اللي في الكويت بالاظافة لراتب ثاني (بما انه مرافق)
ويتكفلون ب3 من عيالج (دراسة و مستشفى ووووو)
غير البدلات (بدل طباعة رسالة وغيرها وغيرها)

الفرق بين البعثة الخارجية والداخلية:
الداخلية:
ما في بالكويت الا الماستر فقط (دكتوراة انسي)
ترجعين مدرسة والفرق ما يتعدى ال30 دينار (تقريبا)
يعني ما سوينا شي

الخارجية :
ترجعين دكتورة بجامعة الكويت برااااااااااااتب وااااااااااااااااااااااااااو (اخاف على الدكاترة من العين ولا جان قلت :dddds

التدريس بااااااااااااااااااااااح
لان التدريس بالجامعة غير وممتع ومافي ادارة تحن على راسج
مميزات روووووعة
مثال بسيط: تذاكر سفر مجانية كل سنة .. سيارة كل سنة.. عيالج مدارس خاصة..
وما خفي اعظم..

----------------------
اما بالنسبة لسؤالج انج تبين تكملين ادارة اعمال
بدووووووووووووووووووووووووووووون خبرة تربوية تقدرين تكملين من باجر لو كان في اعلان نازل
(لان شرط الخبرة للي بيكمل في التربية مو برا)

وشروط ادارة الاعمال..
المعدل عالي
اكثر من اختبار (توفل والباجي نسيتهم) بس صعبين
وبس
الظاهر انتي قلتي ابي اكمل ادارة والموظفة افهمتج انج ادارة تربوية مو ادارة اعمال
(ترى الموظفات في الجامعة خوااااااااااااااارة عادي الا من رحم ربي)
-------------------

اسمحوا لي طولت بالشرح <<< مدرسة بضمير :eh_s(1):

وبالتوفيق للكل
ونصيحة كملي برا اكويت افضل والتعب واااااااااااااااااحد

تقبلي مروري

 

[همامة]

هلا الغالية
رفيجتي تكمل بالبحرين مو متزوجه و الحمد لله امورها طيبه بس السفر كل شوي هو اللي يقص الظهر مع المصاريف
و رفيجتي الثانية متزوجه و عندها عيال عسى الله يحفظهم لها تدرس بمصر نفس الشي مصاريف واجد

و بصراحه زين يسوون الشهاده حلوه
انا اشجعج و توكلي على الله اذا امورج المادية زينه

 

[shoshoway]

الله يوفقج ..

بس سؤال .. عشان تاخذين الماستر .. ياخذون بالحسبان معدلج بالبكالوريوس لمن تخرجتي من الجامعه؟؟؟؟؟

 

[مليكة الدنيا]

حبيبتي..
انا مستغربة شكو 3 سنوات >> انتي فاهمة الموضوع غلط

راح اشرح لج بالتفصيل الممل:

اولا بما انج خريجة التطبيقي جامعة الكويت تقبلج عادي لكن لازم معدل عالي..
ثانيا:
الشروط الخاصة في اكمال الماستر (في اي تخصص في التربية سواء ادارة تربوية ..مناهج..اصول..علم نفس تربوي) اذا كان داخل الكويت
تشترط الجامعة ان تكون عندج خبرة من 2 الى 3 سنوات على حسب المجال اللي انتي حابة تكملين فيه
مثال: بتكملين مناهج لازم خبرة سنتين والادارة التربوية 3 سنوات وجذي..
بالاضافة الى شرط المعدل
(اعتقد العام لازم فوق 3 نقاط والتخصص 2,67)
ايضا التوفل وهذا سهل لان التربية طالبة450 فقط << حلو ومقدور عليه..
وتقدرين تاخذين تفرغ بس الراتب يروح عليج ويعطونج الجامعة اعانة

وتقدرين تنسقين مع ادارتج وبجذي ما تخسرين شي..

اما البعثة الخارجية:

نفس شرط الخبرة >>> للأسف :krkrkr:
بس المعدل فوق 3 بالعام والتخصص
والتوفل مو اقل من 550 << هذاااااااا الموت

بس المميزات احلللللللللللى_03ba:
يعني:
راتبج ماشي
وفوقة راتب ثاني للمبتعث
وزوجج مرافق لج ويمشي راتبة اللي في الكويت بالاظافة لراتب ثاني (بما انه مرافق)
ويتكفلون ب3 من عيالج (دراسة و مستشفى ووووو)
غير البدلات (بدل طباعة رسالة وغيرها وغيرها)

الفرق بين البعثة الخارجية والداخلية:
الداخلية:
ما في بالكويت الا الماستر فقط (دكتوراة انسي)
ترجعين مدرسة والفرق ما يتعدى ال30 دينار (تقريبا)
يعني ما سوينا شي

الخارجية :
ترجعين دكتورة بجامعة الكويت برااااااااااااتب وااااااااااااااااااااااااااو (اخاف على الدكاترة من العين ولا جان قلت :dddds

التدريس بااااااااااااااااااااااح
لان التدريس بالجامعة غير وممتع ومافي ادارة تحن على راسج
مميزات روووووعة
مثال بسيط: تذاكر سفر مجانية كل سنة .. سيارة كل سنة.. عيالج مدارس خاصة..
وما خفي اعظم..

----------------------
اما بالنسبة لسؤالج انج تبين تكملين ادارة اعمال
بدووووووووووووووووووووووووووووون خبرة تربوية تقدرين تكملين من باجر لو كان في اعلان نازل
(لان شرط الخبرة للي بيكمل في التربية مو برا)

وشروط ادارة الاعمال..
المعدل عالي
اكثر من اختبار (توفل والباجي نسيتهم) بس صعبين
وبس
الظاهر انتي قلتي ابي اكمل ادارة والموظفة افهمتج انج ادارة تربوية مو ادارة اعمال
(ترى الموظفات في الجامعة خوااااااااااااااارة عادي الا من رحم ربي)
-------------------

اسمحوا لي طولت بالشرح <<< مدرسة بضمير :eh_s(1):

وبالتوفيق للكل
ونصيحة كملي برا اكويت افضل والتعب واااااااااااااااااحد

تقبلي مروري

ما شاء الله عليج حبيبتي
كل اللي قلتيه ادري عنه
وبالنسبة لمعدلي الحمدالله عالي
وترى بس امتحان واحد يا توفل او ايلز انا اختار اللي ابيه
وانا ماقدر اكمل بره الكويت ريلي عنده مكتب وما يقدر يهده ويسافر معاي
وانا بعد ماقدر اهده اهو مع العيال وعيالي بعدهم صغار بنتي بعدها ما كملت سنتين ونص وولدي 3 شهور
معنه ميزات البعثة بره الكويت ممتازة
وعلى قولتج اقدر اقدم على التفرغ من باجر بس ما نقدر نعيش على معاش واحد ما يكفينا
ويعطيج ألف ألف عااافية​

 

[مليكة الدنيا]

هلا الغالية
رفيجتي تكمل بالبحرين مو متزوجه و الحمد لله امورها طيبه بس السفر كل شوي هو اللي يقص الظهر مع المصاريف
و رفيجتي الثانية متزوجه و عندها عيال عسى الله يحفظهم لها تدرس بمصر نفس الشي مصاريف واجد

و بصراحه زين يسوون الشهاده حلوه
انا اشجعج و توكلي على الله اذا امورج المادية زينه

تسلمين حبيبتي على المرور الحلو والتشجيع الأحلى​

 

[مليكة الدنيا]

الله يوفقج ..

بس سؤال .. عشان تاخذين الماستر .. ياخذون بالحسبان معدلج بالبكالوريوس لمن تخرجتي من الجامعه؟؟؟؟؟

أكيد حبيبتي لازم على المعدل ​

 

[ورق عنب]

يصير اللي عندها بكالريوس تربية تكمل في علم النفس ؟؟؟؟؟؟ ويصير تكمل واهي ماعندها خبرة تدريسية اذا تبي علم نفس ؟؟؟؟؟

 

[مليكة الدنيا]

يصير اللي عندها بكالريوس تربية تكمل في علم النفس ؟؟؟؟؟؟ ويصير تكمل واهي ماعندها خبرة تدريسية اذا تبي علم نفس ؟؟؟؟؟

ما عندي فكرة حبيبتي لازم تروحين تسإلين بالجامعة​

 

[mo3lema2007]

السلام عليكم

انا ادرس ماستر تكنولوجيا تعليم بالجامعه الخليجيه بالبحرين على حسابي
الدراسه صعبه وايد وخاصه السفر ومن الطياره للجامعه وعندج تحضير للمدرسه ووسائل
وغير المصاريف .
واي سؤال انا حاضره

 

[com-teacher]

اي والله تعب وانا عيالي بعدهم صغار
بس تدرين انا كان معدلي بالثانوية يدخلني طب
بس الله يهداه ريلي ما رضى ادخل الجامعة قالي إلا تدخلين التربية ولا بعد التطبيقي
ويوم تزوجت وشاف معدلي قالي ليش داشة هالمكان روحي حولي الجامعة
بس شعقبه عاد عقب ما مشيت بالتطبيقي وشرطت عليه اذا تخرجت اكمل ماستر ودكتوراه
وشديت حيلي اكثر وتخرجت ب3 ونص وكنت الأولى على تخصصي الحمد الله
والحين انا حيييل ودي اكمل لأني ما حبيت التدريس وودي اطلع منه
واهلي واااايد مشجعيني خصوصا امي بعد قلبي تقولي ابيج تبردين قلبي بالشهادة
والله يقدرني وافرحها يااااارب​

نفسي بالضبط ولا حرف زياده
بس انا المشكله ريلي موو راضي اشتغل بمكان فيه رياييل
واقولي ما يسوى تعبين روحج وتاخذين الماستر وظلين بالمدرسه ويزيد معاشج بس 20 دينار
قالي اذا تصيرين استاذة بكلية التربية الاساسيه عادي
بس يبيلي وااااسطه قويه
ادعولي الله يسهل اموري وابرد قلب امي
والله يوفقج انتي بعد مليييكة ويعطيج الي تبينه اللهم ااااميييييين

 

[com-teacher]

لازم حبيبتي تاخذين خبرة 3 سنين واذا تبين بعثة راجعي العديلية
واذا على حسابج شوفي جامعة الكويت او اي جامعة خاصة ثانية
وموفقة​

انزين اذا روح بعثه على التطبيقي بس اروح اسال بالعديليه ولا لازم يحطون اعلان عشان اروح
لان انا قسمي مرتين نزلو اعلان وقدمت بس مره وحده نادوني واظاهر ما نجحت بالمقابله
والثانية كان قبل لا نعطل بس للحين ما دقو علي
تتوقعين اروح العديليه واقولهم بقدم على بعثه واي مكان بالعديلية بالضبط اي مبنى ؟؟ظ
شكرااا ملوووك ادري اذيتج
انا بخاطري من زمان اكمل بس محد مساعدني
ناطرتج

 

[3w!Shni]

ماكملت باجي الردود عشان لاتقولين تعيد الكلام خخخخخخخخخ

ترا ان تخرجتي و اشتغلتي مدرسة بيزيد معاشج خمسين دينار مع الماستر

وان كملتي مع الدكتوراه بيزودنه 100

يعني ماتسوى هذا الي قاله لي واحد من الدكاترة بجامعه الكويت

فاااا ليش ماتكملين و تدرسين في معهد من معاهد هالتطبيقي؟؟؟

 

[ليالي نجد]

موفقه خير يارب وتنولين اللي في بالج