بسم الله الرحمن الرحيم
السلام عليكم و رحمة الله و بركاته
هلا خواتي العزيزات ,, كيف الحال ؟ بخير إن شاء الله ,,
أبخفف شووي من اللهجة القصيمية عشان ينفهم علي :eh_s(3): , لأن سبق و جتني ملاحظة من وحدة من الأخوات الحبيبات تقول كلامك ما ينفهم ههههههههههه
فـ أبخفف شووي من اللهجة ,,
المهم بنات ما لكن بالطويـلة ,, فيه سالفة صارت لي من ثلاث سنوات ..
انتبهي أختي تحطين إيميلك بالتوقيع أو بالملف الشخصي على أساس إننا في منتدى نسائي و كذا ,
, حتى لو كان المنتدى معزول و الزوار ما يقدرون يتصفحونه ,, حنا ما نضمن إن فيه شباب مسجلين معنا هنا و مسووين أنفسهم بنات ,,
و يا كثر ما صدنا بهذا القسم شباب مسووين بنات ,, أو أحياناً يجيك صريح و معترف إنو رجال ..
السالفة آللي صارت لي مثل ما قلت قبل 3 سنوات ,, واحد نشب لي نشبة ,, الله يهديه ( قولن الله يهديه ) لا نسبه و لا نهينه
لأننا ما راح نستفيد شي , بالعكس لو ندعي له بالهداية أفضل ..
اتصلت على أختي وحدة من صديقاتها و هي صديقتي بنفس الوقت و سألت عني , أنـا انبسطت كثير , و قلت للأختي :
أعطيها إيميلي خليها تضيفني على المسنجر .. ^^
المهم أختي راحت و قالت لها هذا إيميل أختي و ضيفيها على المسنجر ,,
دخلت أنا المسن ,, لقيت إضافة و الإيميل باين عليه بنوتي مرّة ,, قلت أكيد هي ,, و أقوم أقبل الإضافة و يا غافليـن لكم الله ,,
طلع واحد ماهيب وحدة ,, :eh_s(1):
و الله يهديه نشب لي نشبة بنت لذيـــناا ,, :eh_s(13):
حذفته على طول , ما قال إنو رجال ,, كان مسووي بنت و يقول لي :
أنا الصراحة معجبة فيك لأنك بنت خلوقة و قدوة لكل البنات ,, و كلاااااااااااام كثير ,, كأنه يعرفنا
مدري من وين جاب إيميلي >< ..
المهم أنا كنت حذرة كثير بالكلام ,, و كنت شاااكة إنو رجال مسووي بنت و إنو ماهوب وحدة من صديقاتي ,,
يمكن ملقب أو شي , لأن مرة سوون فيني خوياتي مقلب بالجوال ..
على طول من دون مقدمات أعطيته بلوك و دليت , ما ارتحت كنت شاكة إنو رجال ,,
قام أرسل رسالة في الإيميل و فضح نفسه بنفسه و قال أنا رجال و سبني هههههههههه عشاني ما أعطيته مجال سبني ,,
و الله يا إن هالشباب تفكيرهم غريب ,, إذا البنت ما أعطتهم وجه سبوها ,, و إن أعطتهم وجه قالوا عنها فاجرة و قذرة و مسحوا كرامتها بالبلاط !!!
شي غريب الله المستعان ,, المهم حنـا ما علينا منهم و ما علينا من نظرتهم لنـا ,, علينا من نظرة رب العالمين و بس
و أهم شي مرضاة الله سبحانه و تعالى في الإبتعاد عن العلاقات المحرمة و غيرها ,, و الله يهدي هالشباب و هالبنات إلى طريق الهدى و الصلاح ^^
أكمل الموضوع ,,
حذفته بلوك و دليت , قام أرسل رسالة فورية و فضح نفسه و اعترف إنو رجال ,,
أنا طنشت الموضوع .. بس وش الفايدة دامه يعرف إيميلي و يدري إني بنت ,, ؟؟؟
قام كل شووي يسووي إضافة بإيميل , مرة عبادي , مرة أمل مرة مدري أيش ,, و أنا أرفض ,, :eh_s(11):
زهق مني و تركني .. ^_^
مرّت سنة على الموضوع أو سنتيـن ما أذكر ,, على بالكن نساني ؟
لا والله ,, قام و سووا لي إضافة !! ( راح أعلمكن وشلووون عرفت إنو هو ) خخخخخخ ,,
هو خليجي ,, باين من اللهجة , بس مانيب قايلتن وش جنسيته ,, لكنه من إحدى دول الخليج ..
سووا إيميل اسمه ( ملاك السعودية ) << يدري إني سعودية .. فسووا إيميل بنت سعودية حتى أضيفه على المسن !!
ما قبلت الإضافة ,, قلت إيميل غريب ما راح أقبله أخاف يكون ولد ,,
و إذا وحدة من صديقاتي خلها تتصل علي و تبلغني ما لوهـ داعي هالحركات إنها تضيف من دون لا تعطيني خبر !!
لما شافني ما قبلت , راح فضح نفسه برسالة ألكترونية , و قال إنوهـ فلان القديم ذاااك آللي قبل سنتين !!
والله إني دعيت عليه من قلب من قلب من قلب بالشلل و السرطان ما خليت دعوة ما دعيتها عليه ><
سبب لي رعب شدييييد الله يهديه يا رب ,, و يهدينا وياهـ ..
شكيت إن جهازي متهكر , أوووووو ؟؟؟ مدري المهم لعب بأعصابي ,, مرة يعني انهرت منه الله المستعان ,,
و علمت أختي بالموضوع ,, قالت لو أنا منك و جتني الرسالة كنت مت بمكاني من الخوف خخخخخخخ << أبيها تشجعني طلعت خوافة أكثر مني ههههههه
يا بعد عمري يا أختي ,
المهم إني ما رديت على رسالته و طنشتها و لا كأني شفتها ,, أصلاً أنا من دريت إنو رجال و أنا ساحبة عليـه الله يهديه يا رب ,,
بس الحمد لله لما ما شاف استجابة فك عني و تركني مدري وش صار فيـه هل انشل هل صابه سرطان من دعاويي عليه
مدري وش صار معه المهم ما عاد يضايقني على الإيميل ..
فأختي الكريمة انتبهي و شيلي إيميلك من توقيعك أو من الملف بأسرع وقت ممكن و لا تتساهلين بالموضوع
و ماهيب أي وحدة قالت ضيفيني على المسنجر رحتِ ضفتيـها .. أول شي تأكدي هل هي بنت ؟؟ طيب هل هي خلوقة
محترمة ؟؟
يمكن بلحظة غضب و هوشة تروح تنشر إيميلك بالنت أو أي معلومات عنك ,, ترى تصير و صارت .. فالوحدة تحرص على نفسها قد ما تقدر ,,
و عني أنا خلاص أخذت درس قوي من الموقف ,, صح إنو قديم بس ما زال الأثر في نفسي ,,
حسبي الله و نعم الوكيل .. و الله يهدي هالشباب و يكفينا شر الفاسدين منهم ^^
انتبهي أختي في الله أكثر و لا تتساهلين بالموضوع ,,
احترامي و تقديري
ترانيم القصيم
السلام عليكم و رحمة الله و بركاته
هلا خواتي العزيزات ,, كيف الحال ؟ بخير إن شاء الله ,,
أبخفف شووي من اللهجة القصيمية عشان ينفهم علي :eh_s(3): , لأن سبق و جتني ملاحظة من وحدة من الأخوات الحبيبات تقول كلامك ما ينفهم ههههههههههه
فـ أبخفف شووي من اللهجة ,,
المهم بنات ما لكن بالطويـلة ,, فيه سالفة صارت لي من ثلاث سنوات ..
انتبهي أختي تحطين إيميلك بالتوقيع أو بالملف الشخصي على أساس إننا في منتدى نسائي و كذا ,
, حتى لو كان المنتدى معزول و الزوار ما يقدرون يتصفحونه ,, حنا ما نضمن إن فيه شباب مسجلين معنا هنا و مسووين أنفسهم بنات ,,
و يا كثر ما صدنا بهذا القسم شباب مسووين بنات ,, أو أحياناً يجيك صريح و معترف إنو رجال ..
السالفة آللي صارت لي مثل ما قلت قبل 3 سنوات ,, واحد نشب لي نشبة ,, الله يهديه ( قولن الله يهديه ) لا نسبه و لا نهينه
لأننا ما راح نستفيد شي , بالعكس لو ندعي له بالهداية أفضل ..
اتصلت على أختي وحدة من صديقاتها و هي صديقتي بنفس الوقت و سألت عني , أنـا انبسطت كثير , و قلت للأختي :
أعطيها إيميلي خليها تضيفني على المسنجر .. ^^
المهم أختي راحت و قالت لها هذا إيميل أختي و ضيفيها على المسنجر ,,
دخلت أنا المسن ,, لقيت إضافة و الإيميل باين عليه بنوتي مرّة ,, قلت أكيد هي ,, و أقوم أقبل الإضافة و يا غافليـن لكم الله ,,
طلع واحد ماهيب وحدة ,, :eh_s(1):
و الله يهديه نشب لي نشبة بنت لذيـــناا ,, :eh_s(13):
حذفته على طول , ما قال إنو رجال ,, كان مسووي بنت و يقول لي :
أنا الصراحة معجبة فيك لأنك بنت خلوقة و قدوة لكل البنات ,, و كلاااااااااااام كثير ,, كأنه يعرفنا
مدري من وين جاب إيميلي >< ..
المهم أنا كنت حذرة كثير بالكلام ,, و كنت شاااكة إنو رجال مسووي بنت و إنو ماهوب وحدة من صديقاتي ,,
يمكن ملقب أو شي , لأن مرة سوون فيني خوياتي مقلب بالجوال ..
على طول من دون مقدمات أعطيته بلوك و دليت , ما ارتحت كنت شاكة إنو رجال ,,
قام أرسل رسالة في الإيميل و فضح نفسه بنفسه و قال أنا رجال و سبني هههههههههه عشاني ما أعطيته مجال سبني ,,
و الله يا إن هالشباب تفكيرهم غريب ,, إذا البنت ما أعطتهم وجه سبوها ,, و إن أعطتهم وجه قالوا عنها فاجرة و قذرة و مسحوا كرامتها بالبلاط !!!
شي غريب الله المستعان ,, المهم حنـا ما علينا منهم و ما علينا من نظرتهم لنـا ,, علينا من نظرة رب العالمين و بس
و أهم شي مرضاة الله سبحانه و تعالى في الإبتعاد عن العلاقات المحرمة و غيرها ,, و الله يهدي هالشباب و هالبنات إلى طريق الهدى و الصلاح ^^
أكمل الموضوع ,,
حذفته بلوك و دليت , قام أرسل رسالة فورية و فضح نفسه و اعترف إنو رجال ,,
أنا طنشت الموضوع .. بس وش الفايدة دامه يعرف إيميلي و يدري إني بنت ,, ؟؟؟
قام كل شووي يسووي إضافة بإيميل , مرة عبادي , مرة أمل مرة مدري أيش ,, و أنا أرفض ,, :eh_s(11):
زهق مني و تركني .. ^_^
مرّت سنة على الموضوع أو سنتيـن ما أذكر ,, على بالكن نساني ؟
لا والله ,, قام و سووا لي إضافة !! ( راح أعلمكن وشلووون عرفت إنو هو ) خخخخخخ ,,
هو خليجي ,, باين من اللهجة , بس مانيب قايلتن وش جنسيته ,, لكنه من إحدى دول الخليج ..
سووا إيميل اسمه ( ملاك السعودية ) << يدري إني سعودية .. فسووا إيميل بنت سعودية حتى أضيفه على المسن !!
ما قبلت الإضافة ,, قلت إيميل غريب ما راح أقبله أخاف يكون ولد ,,
و إذا وحدة من صديقاتي خلها تتصل علي و تبلغني ما لوهـ داعي هالحركات إنها تضيف من دون لا تعطيني خبر !!
لما شافني ما قبلت , راح فضح نفسه برسالة ألكترونية , و قال إنوهـ فلان القديم ذاااك آللي قبل سنتين !!
والله إني دعيت عليه من قلب من قلب من قلب بالشلل و السرطان ما خليت دعوة ما دعيتها عليه ><
سبب لي رعب شدييييد الله يهديه يا رب ,, و يهدينا وياهـ ..
شكيت إن جهازي متهكر , أوووووو ؟؟؟ مدري المهم لعب بأعصابي ,, مرة يعني انهرت منه الله المستعان ,,
و علمت أختي بالموضوع ,, قالت لو أنا منك و جتني الرسالة كنت مت بمكاني من الخوف خخخخخخخ << أبيها تشجعني طلعت خوافة أكثر مني ههههههه
يا بعد عمري يا أختي ,
المهم إني ما رديت على رسالته و طنشتها و لا كأني شفتها ,, أصلاً أنا من دريت إنو رجال و أنا ساحبة عليـه الله يهديه يا رب ,,
بس الحمد لله لما ما شاف استجابة فك عني و تركني مدري وش صار فيـه هل انشل هل صابه سرطان من دعاويي عليه
مدري وش صار معه المهم ما عاد يضايقني على الإيميل ..
فأختي الكريمة انتبهي و شيلي إيميلك من توقيعك أو من الملف بأسرع وقت ممكن و لا تتساهلين بالموضوع
و ماهيب أي وحدة قالت ضيفيني على المسنجر رحتِ ضفتيـها .. أول شي تأكدي هل هي بنت ؟؟ طيب هل هي خلوقة
محترمة ؟؟
يمكن بلحظة غضب و هوشة تروح تنشر إيميلك بالنت أو أي معلومات عنك ,, ترى تصير و صارت .. فالوحدة تحرص على نفسها قد ما تقدر ,,
و عني أنا خلاص أخذت درس قوي من الموقف ,, صح إنو قديم بس ما زال الأثر في نفسي ,,
حسبي الله و نعم الوكيل .. و الله يهدي هالشباب و يكفينا شر الفاسدين منهم ^^
انتبهي أختي في الله أكثر و لا تتساهلين بالموضوع ,,
احترامي و تقديري
ترانيم القصيم
التعديل الأخير:
![[[ عيون جابر ]]](/data/avatars/m/88/88982.jpg?1621060915){kind=avatar}
