فوائد الشيقور للشعر

[إصلاح]

اشلونكم بنات منو عندها معلومات عن الشيقور وتقوللي شنو فوايدة ومضارة واللي مجربتة ترد علي اللة يجزاها خير لإني ودي أستعملة بس خايفة وعلي فكرة الشيقور هو بطل بني تحصلينة عند العطار وياريت ماتقصرون معاي فديتكم

 

[FANTAST!K]

اللي اعرفه ان الشيقور يفتح لون الشعر

بس خالتي تقول اللي ماتعود شعرها عليه يطيح

وبنات اللي تعرف بعد معلومات تفيدنا جزاها الله خير

 

[math2020]

للرفع

 

[إصلاح]

اللي اعرفه ان الشيقور يفتح لون الشعر

بس خالتي تقول اللي ماتعود شعرها عليه يطيح

وبنات اللي تعرف بعد معلومات تفيدنا جزاها الله خير

مشكورة إختي علي المشاركة وأتمني بعد البنات يفيدونا لإني مشتهية أجربة

 

[الاحاسيس المبهمه]

انا جربة الشيقور " ماي الأكسجين "
بس ترى حــــــــده ينشف الشعر و ماسوى شي بشعري استخدمته مرتين و ما فتحه و لا شي انا طبيعة شعري مايصبغ بسرعه لأن لوونه اسود
و ترى مو زين تحطينه برووحه يحرق الشعر انا حطيته مع الحنه بس والله نشف شعري و ماصبغ ولا شي

 

[إصلاح]

انا جربة الشيقور " ماي الأكسجين "
بس ترى حــــــــده ينشف الشعر و ماسوى شي بشعري استخدمته مرتين و ما فتحه و لا شي انا طبيعة شعري مايصبغ بسرعه لأن لوونه اسود
و ترى مو زين تحطينه برووحه يحرق الشعر انا حطيته مع الحنه بس والله نشف شعري و ماصبغ ولا شي

انشاللة تضعفين وتنجحين بمتياز ويحقق مناج ويجزاج خير علي المعلومة

 

[عتيبيه ناعمه]

امى تحط الشيقور وشعرها طوييييييييييييل ولونه بني فاتح بس هي من صغر مع خالتى يستخدمونه يعني متعودين عليه بس اذا شعرج مو متعود عليه يطيح وطريقته لمن تعجنين الحنا تحطين ربع العلبه من الشيقور على الحنا واهو صج يطول ويصبغ الشعر واغلب المطيريات تقريبا يستخدمونه ومعروف عندهم

وان شاء الله اكون فدتج

 

[إصلاح]

امى تحط الشيقور وشعرها طوييييييييييييل ولونه بني فاتح بس هي من صغر مع خالتى يستخدمونه يعني متعودين عليه بس اذا شعرج مو متعود عليه يطيح وطريقته لمن تعجنين الحنا تحطين ربع العلبه من الشيقور على الحنا واهو صج يطول ويصبغ الشعر واغلب المطيريات تقريبا يستخدمونه ومعروف عندهم

وان شاء الله اكون فدتج

اللة يجزاج خير ياعتيبية يعني أحط ربع العلبة والباقي ماي

 

[إصلاح]

عتيبية ممكن تسألين أمج اللة يخليها ويطول عمرها كم ساعة أخلية بشعري

 

[بنت الدلال]

انا بقولج تجربي الناجحه فيه :


اول شي استخدمته للتفتيح وخلطته مع كريم سانسلك للشعر ما حطيته ويا حنه والمقدار كثر الي يكفي شعرج


وحطيته على كل خصله ونمت فيه قعدت الصبح غسلته وفتح لون شعري لا نشفه ولا شي وحطيت لمه غسلت ماسك للشعر صار اينن


وسمعت انه مو زين تستخدمينه على طول وره بعض فصرت احطه مره كل بين شهر ونص او شهرين استخدمته 4 مرات من الصبف الي طاف


والنتيجه لونه صاار ايــنن وكل من يسألني عنه وحسباله صابغته لان اساسا لون شعري الطبيعي فاتح وهذا زاده صار على كستنائي وليلحين ماراح اللون بس صا نص شعري فاتح ونص غامج ولاني اسويه كيرلي يبين حلو


وان شالله ناويه احطه بعد جم يوم عقب التان



وأي سؤال انا حاضر

 

[عتيبيه ناعمه]

هلا وغلا اصلاح

اي حطى ربع العلبه مع شوي ماى وحنه وحطيى على شعرج 4 ساعات وغسليه بحمام زيت بدون شامبو

وتسلمين لدعائج لوالدتى يالغلا

واى سؤال انا حاظره

 

[الاحاسيس المبهمه]

واااااااااي عيييل لييش بس انا ماصبغ و نشف شعري يمكن على طبيعة الشعر على العمووم لاتنسوني من صالح دعائكم

 

[Turquoiseya]

بنت عمتي كانت تستخدمه شعرها طويل وغزير ولما تزوجت تركته وطاح شعرها حيل حيل

 

[إصلاح]

بنت عمتي كانت تستخدمه شعرها طويل وغزير ولما تزوجت تركته وطاح شعرها حيل حيل

شكرا علي المشاركة بس علي فكرة كل وحدة بعد الزواج يخرب شعرها من قلة الإهتمام وكثرة استشوار الزوم الكشخة

 

[إصلاح]

واااااااااي عيييل لييش بس انا ماصبغ و نشف شعري يمكن على طبيعة الشعر على العمووم لاتنسوني من صالح دعائكم

يمكن طريقة استخدامج غلط

 

[رحيق السنين]

شوفي اختي انا استخدم الشيقور واحنا بسعوديه نسميه مشقر اشتريه من العطار كانه علبة علاج واستخدمه مع السدر لانه يعطي لون بني ولمعه بنيه واذا استخدمتيه مع الحناء يعطي لون احمرولمعه حمراء وانا اشوفه حلو لانه ماثر علي بشي وانا احط سدر مع المشقر فقط ما اضيف حاجه ثانيه معه وحلو الون اللي يعطيني وان شاء الله اكون نفعتك...

ربي يسعدك...

 

[ازعجهم هدوئي]

شوفي اختي انا استخدم الشيقور واحنا بسعوديه نسميه مشقر اشتريه من العطار كانه علبة علاج واستخدمه مع السدر لانه يعطي لون بني ولمعه بنيه واذا استخدمتيه مع الحناء يعطي لون احمرولمعه حمراء وانا اشوفه حلو لانه ماثر علي بشي وانا احط سدر مع المشقر فقط ما اضيف حاجه ثانيه معه وحلو الون اللي يعطيني وان شاء الله اكون نفعتك...

ربي يسعدك...

انا سعودية اول مرة اسمع فية لة اسم ثاني تكفين ويصلح للاطفال بنتي من شافت ملاك بمسلسل الخراز :krkrkr: تبكي تقول ابغى شعري احمر ومستحيل اصبغلها تكسر الخاطر ماتحب الاسود

 

[إصلاح]

انا سعودية اول مرة اسمع فية لة اسم ثاني تكفين ويصلح للاطفال بنتي من شافت ملاك بمسلسل الخراز :krkrkr: تبكي تقول ابغى شعري احمر ومستحيل اصبغلها تكسر الخاطر ماتحب الاسود

بصراحة لاتزعلين مني بنتج ماعندها ذوووق مالقت إلا ملاك تعجب بصبغتها وووووووووع علي ملاك وعلي صبغتها تقولين جنها ساحرة

 

[ازعجهم هدوئي]

ههههههههههههههههههههههههههههههههههه اشفيك عمرها ثلاث سنوات متاثرة بسبيستون تقول ابغى وردي ولا ملاك صبغتها وع

 

[رحيق السنين]

انا سعودية اول مرة اسمع فية لة اسم ثاني تكفين ويصلح للاطفال بنتي من شافت ملاك بمسلسل الخراز :krkrkr: تبكي تقول ابغى شعري احمر ومستحيل اصبغلها تكسر الخاطر ماتحب الاسود

هلا اختي شوفي سمعت انه عادي تستخدمينه للصغار والله اعلم...


ماادري اذا له اسم غيركذا والا تلقينه عند العطار واساليه قولي له عطني مشقر وتلقين علبة نشبه علب الاعلاج لونها تقريبا بني...

ربي يسعدك...