فناتق استقبالات الولاده (فيدي واستفيدي)=تم دمج المواضيع المتشابهه

[كتكوته551]

رد: فناتق استقبالات الولاده (فيدي واستفيدي)؟؟؟؟؟؟؟؟؟؟؟؟؟

ليش محد رد علي

 

[ام سوسو]

رد: فناتق استقبالات الولاده (فيدي واستفيدي)؟؟؟؟؟؟؟؟؟؟؟؟؟

كتكوته اشلونج و الله انا مسويه بنفسجي اللون الاساسي مع الاوف وايت و داخل عليه شوية الون ثانيه ....

ليش ماتسوين بنفسجي و فضي وايد حلو و اللون وايد راقي لون يديد ...

على فكرة رحت عند وحدة تأجر ستاندات حق الكاكاو و الحلو و صواني و فناتك حق الاستكانات خذيت منها حق

استقبالي بالمستشفى غريب و وايد حلو ..

ومسويه شوية فناتك انشالله يطلع كل شي حلو و مرتب ...

 

[أم الكتاكيت]

رد: آخر فناتق الاستقبالات في المستشفي ...2008

انا رحت قبل فترة استقبال وحدة كان عجيب الكفر و المفارش و التصاميم حتى لبس البيبي من عند ليالي و الحلو من اوبرا و الفطاير من امبرس و التوزيعات من منال الجيماز

 

[itsbabyboutique]

رد: آخر فناتق الاستقبالات في المستشفي ...2008

من زمان ما شفت شي غريييب

 

[الست اصيله]

رد: فناتق استقبالات الولاده (فيدي واستفيدي)؟؟؟؟؟؟؟؟؟؟؟؟؟

المنتدى متروس

 

[موضي مرسيدس]

رد: فناتق استقبالات الولاده (فيدي واستفيدي)؟؟؟؟؟؟؟؟؟؟؟؟؟

احنا عندنا الاستقبال بالبيت بالمستشفى كلها يومين والي يجون فيها الاهل المقربين بسسسسسسسس

وكل الحركات والفناتق بالبيت واغراض الاستقبال وتزيين الغرفه واغراض الضيافه


عندي كذا شكل بس الحين بنزل صوره وحده الي بجهازي الحين والباقي بنزلها هاليومين


هذا النفاس مولوده بنوته ان شاء الله يعجبكم

وعندي صور انفاسات ثانيه بنزلها قريب اذا حابين تشوفونها

وهذي الصور

 

[موضي مرسيدس]

رد: فناتق استقبالات الولاده (فيدي واستفيدي)؟؟؟؟؟؟؟؟؟؟؟؟؟

نسيت اقولكم .... بالنسبه للبيالات ( استكانات ) وكاسات العصير والدلال والصواني

الي دارج اكثر شي الحين تكون ملونه بنفس لون الانفاس وكلها مرصعه بالكرستال الشوار فسكي

يعني بيالات الشاهي والفناجيل يكون اطرافها ايطار شوار فسكي او نقشات موزعه وكلها كرستال


والنوع الثاني : طقم الضيافه يكون ماركه مثل ديور او لويس فيتون او فندي او بربري ( وهذا يكون جلد )

يعني البياله يكون بالنص فيها ايطار جلد لويس فيتون او ديور ,,, وباقي الطقم نفس الطريقه كلها

بحاول ادور الصوره وانزلها لكم حقت الماركات اذا عجبتكم الفكره

والله يسهل لكم الولاده يارب

 

[al7noona]

ماشالله موضي مرسيدس الصور روعه شغلج انتي مسويته ولا جاهز؟؟؟؟

 

[سمار الشمس]

مشالله موضي روعه

 

[القبله]

أنا مرة رحت أستقبال و وزعو علينا بوكسات فيها ككاو مطلي بالذهب عيار 21
و ساعات فيرساتشي من فرنسا و طبعا ساعات اللي تكون تنحط عالطاوله تكون جنه تحفه زجاج و منقوشه

و مره رحت استقبال ناس ثانين و موزعين بوكسات من فرنسا فيها هديا ماركات كاشريل و روبيرتو كافالي

صج هالأستقباليين كانوا حييل فخميين

 

[ام فهوودد]

يعطيج العافيه بصراحه انا رحت وايد استقبالات بس عاديين مافيهم ذيج الخبه والا الفناتق بس بنت عمي كانت مسويه نفس سالفة الشجرة بس هذي جايبه غصن اشجره كبير لقته بالشارع طايح وخذته ورشته بصبغ الرش لون ذهبي وبني يعني نفس الطبيعي صار وثبته ابفازه وعلقة فيه كور شاريتهم من سرداب الي بحولي يسمونه بياع الورد والكور هذي من خشب ولازقه عليها لولو مع الكاكاو شكلها كان حلو بس ما اعرف ازل الصور جان حطيتلج صورتها .
وفي استقبال سمعت عنه من رفيجتي بس كان وايد مباللغ فيه الوالده كل شي مسويته اسود حتي كفرها وحاطه عليه ريش

 

[دانتي]

مشكوره للموضوع والي تبي افكار للكاكاو تروح بياع الورد وجوف الاشكال الي عنده

 

[موضي مرسيدس]

اal7noona يسلموووو ياذوق ,,,,,, الستيار والاطارات جاهزه من محل اسمه قباء

وسرير الطفله الديكور الي عليه شغل بيت

 

[موضي مرسيدس]

سمار الشمس الروعه انتي ياذوووق

 

[MZajEyA]

الموضوع روعة توني اجوووفه و بانتظار المزيد

 

[Al Atwan]

:ggdw:هااااااااااااي بنات
كاكاو

 

[الكشخة]

موضي مرسيدس من وين احصل استكانات و فناجين ملونه؟؟ انا لوني بنفسجي (مو لوني أقصد لون اغراضي)

 

[الكشخة]

بالنسبة للحلو و الموالح
جربت ام سعود اللي بالنزهه مو ذاك الزود شغلها
و جربت فولتيير كلش كلش ماعجبني ياااابس يوم ذقت الحلو مالهم من كثر ماهو يابس لثتي قامت تطلع دم

 

[Marimar]

وناسه الموضوع حلو،،،وأفكاركم تشوق

 

[نوور الليالي]

انا مشتركة جديده وتوني اشوف موضوعج سامحيني على التأخير​

:lolo::edbf4317b9::lolo:​

[/FONT][/SIZE]