فناتق استقبالات الولاده (فيدي واستفيدي)=تم دمج المواضيع المتشابهه

[غوالي76]

أحلى شي البساطة والنعومة
الناس ما تعطي خير
والوحدة لمن تولد تكون حدها تعبانة .. وينها ووين هالسوالف
أهم شي الكفر مرتب والطقم ناعم وخلاااااص
هذا رايي الشخصي .. ولا شرايكم ؟؟؟؟؟؟

:33_1185028183:

 

[أم عبدالرحمن]

انا اضم صوتي لصوت الاخت غوالي


لما اختي ولدت انا وخواتي سوينا لها تغليف كاكاو بسيط

الشرايط والاغلفه والستراس والالعاب اللي على التغليف كله

من اختيارنا يعني لو تلفين الكويت كلها ما تلاقين نفسه

ونفس الطريقه بس بشكل ابسط غلفنا السكر


وحطينا الكاكاو كله بستاند هم الستاند شارينه

خشب ساده و زيناه لها بشرايط والعاب وعلى الباب

سوينا طوق من الفرير وحطينا عليها العاب على شكل

نحل وردي وشرايط و ورد الطوق ابيض والحركات اللي عليه

وردي و وتحته احرف جاهزه بالابيض والوردي مكتوب عليهم


its a girl وكان شكله وايد وايد كيوت ما جنا شغل بيت للاسف


كانت الصوره عندي بس الميموري ضاع ولا جان

وريتكم اياهم لأن شكله كان بسيط و مرتب





والله يرزقكم ويفرح قلوبكم ويجعل

ايامكم كلها افراح









ام عبدالرحمن

 

[Fashion]

فناتق والله عجبني
ان شاءالله لاولدت بسوي جذي
بس بنات انا معزومه لاستقبال رفيجتي بس في البيت
وماني عارفه شنو اهديها الي عندها فكره تقولي

 

[أسولة]

بنات أمس رحت استقبال بمستشفى السلام الصراحه البساطه حلوه شي راقي وبسيط يعني كان كفرها وقميصها بيج بالدانتيل بس نوعين من الدانتيل وفي كوشيتين جدام السرير وعصير طازج واستكانات حلوه بسيطه والشكر ملبس ورق ذهبي وعليها استرس ورده صغيره جدا ومعجنات صغار وستاندات كاكاو وحلويات قهوه حتي التوزيعات من ريبال أكياس ستان ملبس تور ومزموم وملفوف عليها ورد وستراس حبتين ومربوط بحبل من لولو حباته نمنم وبس

 

[coca^cola]

يا بنات تعبو على الكفر و القميص هذا اهم شي
و حطو مفارش بسيطه و مو وايد طقم استكانات و فناجين
و اللي بتقدم عصير تستغني عن الشاي و عند الطلعه نوعين حلو قهوة او ثلاث مع القهوة و بسسسسسس كافي
ماله داعي توزيعات و ديكورات و مدري شنو لعى غير معنه الحين الاوادم اتجهوا للبساطه و ام قاموا يحطون شي خبه ترى و صرت الاستقبالات المبالغ فيها مثيره للضحك و السخريه صدقوني
و شدعوه ازين حتى باب الغرفه من بره ليش !! هذا مو بيتي و الناس تدري انه هذا مو بيتي !!
كفري و قميصي و طقم التقديم و حلو القهوة و بسسسس

 

[Sweets_Boutique]

coca cola :eh_s(15):

والله أنا رايي من رايج .. أصلا مالا داعي كل ها مصاريف .. آخرتها الناس بتاخذ التوزيعات بتاكل الكاكاو وبتقط الباجي ..

حتى الورد بالدار ألحين صار ماله معنى .. أول شي موزين لا حقج ولا حق البيبي ريحت الورد .. الناس قامت تحط شموع

وورد مجفف .. أنا عندي أحلى من الورد .. أهو الورد حلو بس حرام مارده بيموت وبينقط .. صح ولا أنا غلطانه ؟؟

:eh_s(1):

 

[بنات حواء2]

بنات حبيت اقولكم حياكم الله في موضوعي المثبت في ركن نساء و حمل و و لاده انشاله راح تستفيدون منه وايد و راح احط صور يديده حق توزيعات المولود

 

[بنت الشاميه]

السلام عليكم أنا ودى أقول رأى خاص فينى ومادرى عنكم يعجبكم ولا لأ...........ليش هجرتوا بيوتكم ليش الإستقبال في المستشفيات الوحدة توها والدة وتعبانه هذا إذا كانت والدة طبيعي فمابالك إذا فتح بطن .....خلكم إذا إرتاحت بعد إسبوعين تسوى إستقبالها وكشختهاحق بيتها ويم أهلها...........ومادرى شنوا رايكم........... وسلامتكم وتعيشون oster_av1:

 

[أم^مشمش]

انا رايي من رايج الصراحة الناس قاموا يبالغوون في كل شي والله حرااام فلوس تنقط على كاكاو الناس بتقطة وعلى شكر الناس اتعابل فيييه على مايتبطل الا الجاي بارد والله الواحد يبي السلامة وبس وحلو الشي البسيط والناعم ليش الفخفخة كل وحدة تدور شي غريب ومحد سواااه شنو اهيه منافسة ولا شسالفة وسامحوني اذا تنرفزت عليكم لووووووول

 

[أم عبدالرحمن]

انا بعد اقول ان الاستقبال اللي ماعليه استقبال

يكون بالبيت فهمتي قصدي يا كوكا كولا يعني الباب

اللي زيناه كان باب غرفة الضيوف في بيتنا مو باب

السويت بالمستشفى ولا حتى باب المستشفى

لووووول


الحين خو صارت المستشفيات حتى صالونات فيها

شدعوى كل هالحركات الولاده كلها يومين او 3

بالكثير وبترجعين بيتكم


بصراحه بولادة اختي بالمستشفى ما سوينا

فيها اي شي غير القهوه و الحلو يبنا بس طبقين

كبار والباجي حبايبنا ما يقصرون







تــحــيــاتــــي



ام عبدالرحمن

 

[ام الزين كله]

حبايبي ... في ولاداتي الثلاث ماسويت استقبال الا في بكري لانه اول فرحتي و اول حفيد .. حطيت ورد و كفر من لبنان و قمبص ب100 من انور و نوعين كاكاو و نوعين حلو قهوة و بالطلعة علبة بلاستيك فيها برواز فيه ستراز تركواز معاه كيسة بيض الصعو و هذا سنة 2003 ... بس في الثاني و الثالث ماسويت شي اولا وااايييد مكلف لانج ماراح تحطين الا الزين و ثانيا انا الوالدة و التعبانة و حتى بالاستقبال تعبت لانه كله مظاهر و رزة من الصبح الى الليل و ماشفت ولدي و لا قعد معاي ريلي الا نص ساعة بعد الدوام وقت راحتي من الاستقبال الصبح فما بلغت احد غير اهلي و حمولتي و رفيجاتي المقربين و ياحلوها و خفها من يمعه حتى ماكو كلافة ولا تصنع... بس المهم فرشة ناعمة و بسيطة و تواجه لو احد حاب ايني المستشفى مع حلو قهوة و كاكاو لاني ما اسوي استقبال بالبيت بس عشا طلعة النفاس...
و هذا درس و تعلمته و الصراحة الزم ماعلي راحتي وراحة جيب ريلي:dddds: لان بعد النفاس الاول ماسفرني بسبة الاستقبال المكلللللللففففف بس بالثاني و الثالث غيييير
هذا رايي و انتو احرار:gathering:

 

[green]

السلام عليكم ... شلونكم انشالله بخيير:tek:
اخر استقبال رحته كاان خووش شي كانوا حاطيين شموع على الكوميدينات على جانبي السرير واايد حركة حلوة وناعمة تحسون بجو الريلاكسيشن ... والكاكاو كان واايد حلو يايبينه من chocklate bar ، والفرشة اوف وايت على بيج ناعمة والوانها هادية.. يعني بسييط وهادي .. :icon30:
:eh_s(7):​

 

[nazek_q8]

بنات شرايكم بالتوزيعات مصحف صغييير داخل جيس مع كاكاو وبيض الصعو؟؟

 

[عشقي ضنيني]

الاغلبيه مو فناتق بقصد فنتق لكن تبذير
الله يهدينا وواياهم

 

[أم بدير]

بنات شرايكم بالتوزيعات مصحف صغييير داخل جيس مع كاكاو وبيض الصعو؟؟

شوفي انا صارلي مده اشتغل بهالسوالف
ووايد كانت تييني طلبات يبون مصاحف صغيره بالتوزيعات
بالفترة الاخيره ماقمت احصلهم بكميات
رحت مكان يبيعون فيه كتب دينيه ومصاحف صاحبه رجل دين كويتي
سألته عنهم قالي عنده منهم بس مو كميه كبيره لأن وقف ماقام اييبهم
سألته اذا بغيت منهم قالي لا والله ما اقدر اييب وما انصحج تاخذين
انا اقدر اوفرلج بس ماي استاثم
لأن كل مصحف موجود في بيت وماينقرى يشكي على صاحبه يوم القيامه
وبما ان هالمصحف مو للقراءه لأن حجمه صغير وايد فراح اخذ اثم كل شخص اوزعله المصحف
انا صراحه خفت ووقفت هالسالفه
موناقصين اثم احنا اللي عندنا مكفينا استغفر الله
خخخخخخخخخخخخخخخخخخخخخخخخ
والله يغفرلنا ويغفر للجميع انشالله

 

[coca^cola]

الغلا ام عبدالرحمن

انا مااقصدج والله يالحبيبه انا اقصد ان في ناس يزينون باب المستشفى هاهااههاه
انا من رايي جربت الولاده مره و استقبالي كان نصه بالمستشفى لاني كنت تعبانه وايد و نص الناس زاروني بالبيت
و تبين الصج المستشفى اريح وايد اولا يزمين و تخلصين وب س العصر مو شرط الصبح منها تغيرين جو بدل ضيقه الخلق بالمستشفى و منها تفتكين من الناس و منها ما تتكلفين لان البيت يكلف و لويه و التزام و مادري ماحب فكره البيت

 

[sereen]

نصيحة كلما صارت الاشياء ناعمه وبسيطه والوانها هاديه كلما عطتج رقى وشكل سنع بس كلما زا د التعقيد صدقي بالنهايه كل الشغل بيطلع خرابيط ويصير من كل بستان وردة

الفكرة خليلج theme مادرى شنو بالعربى بس وحدى افكارج وعلى اثرها الاكسسوارات تكون طقه وحدة عشان تصير انيقه

الف شكر لج بالسلامه ان شا ءالله

 

[nazek_q8]

ام بدير

زين نبهتيني خلاص مو لازم اسوي المصاحف اشوف فكرة البراويز او بس كاكاو

 

[نفيشه]

خووووووش موضوع

بنات حبايبي احنا نقصد الاشياء اليديدة الحلوة والمعقولة بنفس الوقت ماقلنا بنسايق وبس

يعني الياهل فرحة سبحان الله يمكن الوحدة اول ماتحمل مالها خلق بس تالي يصير همها التجهيز وهالسوالف هذي الفطرة
عاد الشي الاوفر اكيد مصاخة

احنا نبي الافكار الحلوة والناعمة

انا مرة رحت استقبال وعجبنتي توزيعاتهم كانت كتيب سيد الاستغفار ملبس بمخمل ازرق ومطبوع عليه اسم البيبي وعبارة لا تنسوني بالدعاء

 

[مرقوقه]

والله انا ما اعرف بس يمكن اقدر افيدج انا اعرف وحده تسوي عطورات وتقدرين تحطينهم باستقبال اذا كانت بنيه لها عطر معين وشكل زجاج العطر من بره على الشكل اللي تبينه واذا كان صبي هم نفس الطريقه وشغلها واايد حلوو وسامحيني على القصوور وهذا رقمها اذا كنتي تبين تستفسرين على اي شغله تبينها
7330330