فناتق استقبالات الولاده (فيدي واستفيدي)=تم دمج المواضيع المتشابهه

[TooToo]

العفو نونيا اي دقي وسأليهم بس ترا غالي شكلة الكاكاو كانوا صافينة على جامة مرتب يم بعض بدون تغليف واموقفينة بالطول على شكل محقان ---وتحته قالب ثلج عشان ما يذوب ( فكره غريبة وناعمة ) .

انا بعد كنت رايحة عرس وزعوا كاكاو داخل كيس بلاستيك فيه ماء احمر يتحرك هم من Bread Talk

ووزعوا بعد قلاصات فيها كيك مع تمر من Chocolate Bar

 

[nonia]

العفو نونيا اي دقي وسأليهم بس ترا غالي شكلة الكاكاو كانوا صافينة على جامة مرتب يم بعض بدون تغليف واموقفينة بالطول على شكل محقان ---وتحته قالب ثلج عشان ما يذوب ( فكره غريبة وناعمة ) .

انا بعد كنت رايحة عرس وزعوا كاكاو داخل كيس بلاستيك فيه ماء احمر يتحرك هم من Bread Talk

ووزعوا بعد قلاصات فيها كيك مع تمر من Chocolate Bar

حبيبتي TooToo مشكوره ما قصرتي , , ,

دقيت لهم ومن واحد لي واحد و آخر شي قالولي بنعطي رقمج حق وحده لبنانية واهي تعطيج التفاصيل ولي ألحين ما دقت علي .

أنا قاعده أفكر فيه حق استقبال البيت مو بالمستشفى لأني وديت مواعين حق المحلات اللي طالبه منهم حلو القهوه حق استقبال المستشفى وخلصت , طلبت من محل اسمه اسبيشل و بسكوته وصافي طلبت منه موالح ومن وحده تسوي بالبيت مارشميلو اينن .

انشاءالله يبيض الويه واتصدقين والله حدي قاعده أحاتي.

 

[TooToo]

Nonia محل بسكوته وين صاير اول مره اسمع عنه شكله يشوق

 

[nonia]

Nonia محل بسكوته وين صاير اول مره اسمع عنه شكله يشوق

هلا حبيبتي ...

بسكوته ياطويلة العمر بحولي شاع المثنى شفتي المهلب يصير بالشارع اللي جباله وهذا رقمه : 2631311 - 2631312

ترى حده يشوق أخذت منه نوعين قهوه عاديه وكباتشينو وعندهم شي يشوق تقول تين بس لونه وردي اذا بتييبين انشاءالله بنت بيطع وايد حلو .

 

[dl3_wl3]

ممكن مساعده انا ما بقالي شي وما جهزت شي لما الحين ابي كفر
حلو قهوه بس اشياء غريبه وسبشل موالح صغيره اللي تنحط بالستكانه
صحون تقديم ستكانات وفناجين حلوه وبس اكون شاكرتلكم

 

[nonia]

ممكن مساعده انا ما بقالي شي وما جهزت شي لما الحين ابي كفر
حلو قهوه بس اشياء غريبه وسبشل موالح صغيره اللي تنحط بالستكانه
صحون تقديم ستكانات وفناجين حلوه وبس اكون شاكرتلكم

شوفي حبيبتي كفري أنا مسويته بس والله كلفني فوق ال 250 فروحي اشتري جاهز ابرك لج من هاللويه .

في وحده اسمها ناديه تسوي كفرات مشغلها بالشعب البحري شي حده حده راقي تسويلج المجموعه كامله بحدود 350 بس اذا انتي تييبين لها الخام يطلع لج أرخص بس تبرد قلبج . وهم ترو فاليو تلقين كفرات حلوه بحدود 100 وأقل . وهم بالرحاب تلقين كفرات زينه وأسعار متفاوته .
صحون التقديم أنا أختهم من أكثر من مكان وأهمهم سنتر بوينت كانو بحدود 18 - 20 دينار لونهم ذهبي فيهم منظره وااايد حلوين .

حلو القهوه أخذته من بسكوته واسبشيل ومن أم خالد بالروضة .

المعجنات الصغيره أخذتهم من صافي , طلبت معاهم المشروم الفريش الصغير وأشياء ملونه ووديت لهم الصواني مالتي .

القند أخذته من وحده بالمنتدى على أغراض بيبي وريول بيبي .

الاستكانات عندج فياصل مسوين خصم واسعارهم مناسبه وهم عندج تروفاليو.

أنا بصراحه أخذت استكانات من سيتي سنتر الدرزن بحدود 40 دينار كلش مو غالي بس ركبت عليهم أشياء وانشاءالله بس أولد أوريكم شغلي .

والفناجين طلبتهم من لبنان . اهم مو نفس الاستكانات بس راح يكونون بعيد عن الاستكانات فما يهمني يكونون نفس الشكل .

واذا تبين أي شي أنا حاضره .

 

[srabeel]

أختي مستانسه مشاء الله وخووووووش بيبي كفت روعه ما لقتي كلام مني مناك من وين مسوينه ؟؟
شكله غريب

 

[nonia]

أختي مستانسه مشاء الله وخووووووش بيبي كفت روعه ما لقتي كلام مني مناك من وين مسوينه ؟؟
شكله غريب

ما فهمتج حبيبتي ؟؟؟ قصدج كفري ؟

 

[srabeel]

اختي اقصد هدية البيبي إلي قلتي عنها إلي فيها جاي وايد حلوه الفكره بس ما عرفتي من وين عدل ؟؟

 

[nonia]

اي حبيبتي , والله ما أدري من وين .

 

[Mrs. Finance]

السلام عليكم
بنات سوري بدش عرض .. بس انا ما عمري رحت استقبال في بيت..
شلون يصيرو الوالدة اشتلبس؟ و شلون يعني تحوس عادي ولا بس قاعده؟

 

[nonia]

السلام عليكم
بنات سوري بدش عرض .. بس انا ما عمري رحت استقبال في بيت..
شلون يصيرو الوالدة اشتلبس؟ و شلون يعني تحوس عادي ولا بس قاعده؟

أنا وايد أروح استقبالات ولاده بالبيت واختي بعد سوت .

الوالاده تلبس دراعه أو بدله أو نفنوف بس يكون شي مميز .

وتقدر تحوس لأن استقبال الولاده اللي بالبيت عادة اسوونه بعد شهر من الولاده فالوالده تكون ارتفعت وما عندها مشكله .

واول ما ايون الناس يقدمون لهم عصير , وجاي .

بعدين بوفيه مالح وبوفيه حلو مع القهوه وبس .

ويكون مو البوفيه كله فنجرفود Finger Food .

 

[رقي]

شنو فنجر فود

 

[nonia]

شنو فنجر فود

هلا حبيبتي . . .

Finger Food
يعني موالح صغيره تنأخذ بالايد وتنأكل وعموما يقصدون فيها الموالح اللي حيل صغيره تقريبا بنفس حجم حلو القهوه .

وتكونين مو محتاجه صحن تحطين فيه أو بعض المرات يحطون الصحون الصغار حق هالنوع من البوفيهات .

 

[الفنانه79]

فناتق الاستقبــــــــــــــــــالات؟؟؟؟؟؟؟؟؟ (متـــــجـــــدد)

بنااااااااااااااااااااااااات ولهت عليكم وايد وعلى الموضوع الصراحه :eh_s(17)::eh_s(17):
وحسييييت ان وايد بنات استفادوا منه :eh_s(9):
وحبيت ارفعه علشان كل اللي عنده فناتق يديه يحطها للحوامل عسى الله يتمم عليهم :eh_s(22):

هااااااااااااا اشرايكم نبتدى بالفناتق اليديه :eh_s(15)::eh_s(15):

 

[r2004]

بنات الله يعافيكم انا سويت السوفينير للمولود بس متوهقة بالصندوق اللي بعرضهم فيه ...وين القى فنتك حلو لعرض التوزيعات الله يعافيكم

 

[جناش]

للرفع

 

[بنات حواء2]

مشكورين لصراحه تعبت لى ما قريت كل الردود و يعطيكم ألف عافيه و أشوى \غني عرفت كل هلحجي مبجر عشان يمديني خاصتن و إن اهلي و أهل ريلي ما يعرفون هسوالف فإذا سويت راح أطلع التوب بينهم بس إذا بسوي حفلت إستقبال بسويها في المستشفى و مابي أحط بوفيه بحط شغلات عنونات و ناعمه و غريبه لأني أحب البساط و ما احب الخبه و غفكرت بفكره حلوه بشوف رايكم فيها شرايكم بنافورة الككاو تكون على طاوله كشخه و دام داره الفراوله و البسكوت و خدود البنات مو فكره حلوه و غريبه بدال حلو لقهوه و لا شراااايكم

 

[بنات حواء2]

و بقيت اقول حق الفناااااااااااااااانه ما تشوفين شر و ربج يعوضج فيه يارب و سوري عتأخير بس لأني كنت معصبه على منتدى نساء و حوامل لأني كل مره أحط موضوع و ينطشوني و صج تضااااااااايقت و ما دخلته من قبل سبوع

 

[أم بدير]

بنات الله يعافيكم انا سويت السوفينير للمولود بس متوهقة بالصندوق اللي بعرضهم فيه ...وين القى فنتك حلو لعرض التوزيعات الله يعافيكم

الصندوق او الششكل يتوقف على نوع التوزيعات
يعني مانقدر نقولج حطيهم على ستاند او سله او اي شي ثاني قبل لانعرف شنو نوع التوزيعات اللي مسويتها​