فضفضه لحوامل البجريات عامه و لعرايس 2013 خاصه♡ .. حياكم خواتي

[lawyara]

بالرابع يثبت الجنين ان شاء الله

وجنس الجنين افضل شي من 17 اسبوع وطالع لانه قبلها يكون مو أكيد وممكن يغلط

 

[sara.]

أذكر يوم كنت أراجع بحمالي قالت لي دكتورتي انتبهي لنفسج هالخمس شهور الأولة والجماع مره بالأسبوع عشان لا سمح الله يصير شيء وقدر الله وماساء فعل أجهضت

 

[# غنوجة بيبي #]

نور الضي

الحمدلله صرت زينه راحت السخونه و راحت الكحه


ساره عسى ربي يعوضج قريب ان شاءالله
خيره.. انا اجهضت قبل هالحمل و عسى ربي لا يعوده و لا يجربونه البنات
فعلا شعور يعور القلب


الحمدلله على كل حال



ان شاءالله ربي بيعوضج قريب..

 

[البطه البلدية]

مرحباً كروشات
انا معاكم بآخر ساعات هال سنة هههه
تزوجت شهر ثلاثة و حملت شهر عشره
ما كنت افكر بالحمال ،،، بس زوجي استغفر الله من اول أسبوعين من عرسنا انجن ع الحمال
بين فتره و فتره يقولب انا حلمت انج حامل ،، و يروح يشتري الفحص المنزلي ،،،
لين ما جاني اكتئاب ،،، حسين استغفر الله أن أحدنا عقيم ههههه
من كثر الحن جاني
لين ما طخ ،،، وبيوم اللي المفروض تنزل فيه الدورة عزكم الله ،،، ما نزلت علي ،،، و كنت أحس أني حامل ،،،
سويت تحليل كرم كم الله البول ما بين ،،،، سويت الدم ،، طلع بوزيتف
والحمد الله
بأجر راح اشد الأسبوع ال١٧
الله يقومنا بالسلامة و يرزق كل محروم ،،،
الحين محتاره عند منووو أولد ،،، كنت أبي د سلوى الرفاعي ،، بس من دريت أنها ما تولد بالفترة الصباحية ،، كشيت منها
انا راجعت الفترة اللي طافت مستشفى الهادي
و يمكن الحين أروح عند بهواني ،،، استشارية و خبرتها ماش الله كبيره
احترت ،،،

 

[قطعة حلا2]

الله يكون بعون الكل ان شالله
ام سند انا على كل شي البه وكيلج اشم روائح غريبه عجيبه

وبخصوص الدكاتره اغلب الي قلتوهم مااعرفهم وبمااني اول مره وماافهم بالسوالف
بس اعرف حيان وزكريا لانه زكريا مجربته اختي قبل

لولو انازوجي ما كان راضي وحاولت اقنعه قلت اهم شي نفسيتي وانا وحده اخاف من الحريم وطخ ان شالله مايغير رايه

 

[^لغموضي معاني^]

اسعاار دار الشفا زينه ومقدوور عليها عكس الباقي واللي مريحني بالمستشفى فيهم نظااااااااااااافه مو طبيعيه والسسترات دوم مبتسمات ويراعوون حاله المريضه حتى لو تطلبين منها تساعدج تكرمون بالحمام تدش وماتقول لا

 

[# غنوجة بيبي #]

لغموضي انا بعد سمعت عن خدمتهم زينه

بس جنه زادو اسعار الوﻻده

 

[مذهلة2013]

ان شاءالله السلام او المواساه

 

[لوولوو_88]

كل عام و انتو بخير يا احلى عرايس و كروشات .. عسى ربي يجعلها سنة خير عليكم و اتمم عليكم حمالكم و تقر عيونكم بشوفة بيبياتكم ياااااا رب و انتو بصحة و عافيه انشالله ..

بطوطة مبرووك الحمال ذكرتيني بريلي فجأه ين على الحمال و انا حلمت أنج حامل .. بس ما ورى الحنه إلا الفقر هههه اشتط شهر و لمن اندقر و اأيس و ضاق خلقه حرم يحن ههههه .. خلاص ايي من الله و بوقته انشالله .. و ربي اتمم حمالج حبي ..

حلا انشالله ما يغير رايه أهم شي راحتج و سمعت الدكتور ..

 

[لوولوو_88]

لغموضي انا جربتهم مرتين مره تعبت و نمت و مره عملية .. والله تووووووووووب أحبه هالمستشفى و يشرح الصدر و اكيد الولادة نفس المعاملة و احسن اتوقع ..

مذهله اختي تموت على السلام بس انا ما احبه كله زحمه ينرفزني هههه .. معنه دكاترتهم ممتازين .. المواساة ما سمعت أحد من معارفي ولد فيه ..

 

[لوولوو_88]

لغموضي انا جربتهم مرتين مره تعبت و نمت و مره عملية .. والله تووووووووووب أحبه هالمستشفى و يشرح الصدر و اكيد الولادة نفس المعاملة و احسن اتوقع ..

مذهله اختي تموت على السلام بس انا ما احبه كله زحمه ينرفزني هههه .. معنه دكاترتهم ممتازين .. المواساة ما سمعت أحد من معارفي ولد فيه ..

 

[أميرة-]

شلونكم بنات

انا بجريه

اخر دورة كانت بتاريخ ٢٣ / ١١ يعني جم صارلي الحين

بنص ١٢ رحت احلل لانه معاي دايم فقر دم وقلت بجيك على نفسي ومره وحده قالت لي الدكتورة احلل حمل طلع بوستف بس ماصدقت لانه باقي على دورتي اسبوع تقريبا عدت التخليل طلع بوستف الحمد لله بس ماني عارفه جم صارلي

بمرعد دورتي اللي وراها رحت وقالت لي الدكتورة تو الناس مايبين شي الحين بالسونار

زين هالحزة طبيعي عوار الظهر معاي عوار مو طبيعي مله ظهري يعورني

 

[لوولوو_88]

مبروك اميره حبي .. عسى ربي يثبته انشالله .. معناته حامل 5 أسابيع و 5 ايام ..

هذا تقريبي حبي

 

[# غنوجة بيبي #]

الف مبروك اميره طبيعي عوار الظهر و عوار الدوره بعد

لا تحاتين بس حافظي عالمثبتات

 

[قطعة حلا2]

بنات مستشفى السلام منو احسن دكتور او دكتوره ؟
وهم مستشفى المواساة ؟

افيدونا جزاكم الله خير

 

[# غنوجة بيبي #]

قطعه ترى فوزيه سمعت عليها مدح بس عيادتها خارجيه

و انا اراجع عند شيرين بدار البراء حيل شاطره

 

[Om_Sanad]

لغموضي معاني

مشكورة يالغاليه

غنوجه الحمدالله و ان شائ الله بعد ما ييلج مره ثانيه


لولو ا ي والله اشوه مو علي زوجي خو اهو كل شي عنده دلع يعني مو صج و الحريم بس يتدلعوون لووووول

قطعه حلا الله يعينج وان شاء الله تروح منج

 

[# غنوجة بيبي #]

امين ام سند

 

[لوولوو_88]

سلام يا احلى كروشات شخباركم ..

ههه أم سند احنا لو نعطس قالو دلع .. شده و تزول و تفتكين من النساة انشالله

 

[قطعة حلا2]

بنات ادري الحمال تعب بس ودي نفيد ونستفيد من بعض نفس لمن كنا عرايس <فيس يبجي

والله بنات انا وحده ميييح مااعرف لاي شي بخصوص البيبي مع انه خواتي متزوجات وماشاالله عندهم جهال

بس للامانه وانا عروس ما فادني الا المنتدى والبنات جزاهم الله خير

افكر ساعات شنو اسوي للبيبي وشنو اشتري بس حتى اسماء الشغلات ماعرفها ههههههههه حالتي كسيفه يبيله اتعلم ع هالحياه

خنتشارك الافكار والفناتق للبيبي واي وحده عندها اكاونت في الانستجرام للبيبي ختفيدنا وانا ان شالله بدور واحط

نبي هالتجمع نشيط