فرك الثوم لإنبات الفراغات

[brettey]

لا والله جربته وطلع لي بيبي هير وااايد استفدت
ولا نزل ضغطي مع ان عاده يحوشني هبوط
انا وااايد استفدت
افركه من جدام على مكان الفراغ بس تروح الريحه لما اغسله ولا كاني حطيت
والخمريه تلعب دور
انا مثلج كنت متخوفه من الريحه
نتيجته وااايد روووعه
اييب فص ثوم واقصها بالنص وافرك على الجوانب صوب الجبهه

 

[modern]

انا اعرف البصل تسويه عصير و تخليه على شعرك حوالي ال 3 ساعات و بعدها تسوي دوش و النتيجة انه يفتح مسامات جديدة للشعر و يصير سميك و مجربة

 

[كهرمانة]

مشكووووورين بنات
انا شفت بيبي هير بس شويييييه ومادري اذا من الثوم او من الحبوب اللي آخذهم
لكن ماقدرت الصراحة على ريحت الثوم فوقفت

تخيلو وقفت من شهرين وليلحين احس ريحته عالقة براسي كل ما اسبح اشم ريحته:eh_s(11):

 

[@شيخه@]

ااب

 

[AL34BA]

حبيبتي مو معقوله كل ماتسبحتي تضل الريحه يعني المشكله من نوعية الشامبو
انا احيانا اسوي خلطه حق شعري وريحتها خايسه اكثر من ريحة الثوم بس من اتسبح تروح الريحه !!
اقولج على شي استخدمي حمام زيت بعد ماتغسلين شعرج والله يروح اي ريحه بالشعر انا اذا حسيت شعري بعد الشامبو فيه ريحه احط حمام زيت فاشكول وتروح الريحه على طول جربي

 

[أريد حلا]

توكلي على الله انا استخدمته عرفتي حق الوجبات اللي مع وجبة الاكل اللي نطلبها الثوم هذا لا ترمينه انا كنت احطه بشعري

لا ريحة لا بطيخ او تقدرين تسوينه بالبيت في بقسم المطبخ طريقته ريحته خفيفه وبعدها لمن ينشف بالشعر لمن تفركين

راسج فيه عصرة ليمونه وروحي غسليه بالشامبو العادي والله حلو


و بعد اكلي جرجير سلطة جرجير عجيبه انا نفسج لمن نحفت شعري خف بشكل رهيب رديت اكل من جديد وسويت كل شي

جنيت اخر شي جربت جذي وفاد معاي الحين اصبغ واستشور والعب ههههههههههه مشاءالله تبارك الرحمن


تغذي عدل حياتي مو تنسين

 

[ريم الروقي]

​

الثوم زين للشعر ولكن يفضل زيته وتخلطينه مع زيوت أخرى

أنا بختصر لج وأقول لج على زيت مخلوط وجاهز وفيه زيت الثوم وهو روووعه ومعروف>> أسم الزيت
الخلطه العجيبه <<وهو ينباع بالجمعيات وغطاته على شكل قصدير

طريقته أول يوم غسلي شعرج عدل بشامبو للشعر الجاف وحطي الزيت ونامي
ولقعدتي الصبح غسلي شعرج.. ويوميااا حطيه لمدة عشر ايام متواصل وبعدها حطيه يوم وترك
راح تلاحظين فرق بشعرج من ناحية اللمعان وقل التساقط

ويفضل كل يومين تسوين حمام زيت >> أي حمام زيت مرتاحه له

شعورنا يبي لها اهتمام أهتمام أهتمام
خاصه على جونا الحار المغبر


:eh_s(7):

أدعيلي >> لا تنسين:eh_s(7):

 

[قاهره عذالي]

شوفي

طريقتج غلط


تغمسين الثوم بزيت وةتفركين الفروة

بس انا عندي لج طرق احلى


انا استخدم الثوم بطريقتين

الاولى مع الحنه

الطريقه


اخذ بصلتين و3 فصوص ثوم واقطعهم واحطهم بالماي يطبخون ربع ساعه بعدين اغطي الجدر اللي طبخت فيه الماي والبصل ربع ساعه ثانيه

واجيب حنه

واحط حنه واعجنها مع ماي الثوم والبصل واظل ازيد ماي واعجن واخر شي احط ملعقة من اي زيت جوز هند او خروع او سمسم

واخلي الحنه ساعتين مغطيتها تخمر

عقب احطها على شعري 6 ساعات واغسل

ولما اغسل بدون شامبووو بس احط على الاطرراف بلسم

وعقب سيدا

ادهن شعري باي دهن

انتي اشتري زيت الثوم من العطار احسن


وفي طريقة ثانيه حلوه

انج تجيبين جرجير فرش وتقطعين ثوم وتحطين ملعقه او فنجان من اي زيت

وتحطينه بالقطاعه او الخلاطه

ولما يختلط راح يكون لزج

وسيدا تحطينه على رااسج

الجرجير مع الثوم حيل زين

وزيت الجرجير هم اقري عن فوايده حييييييييييل زين


وترا في جلسات بالصالون حق العنايه بالشعر
جلسات ثوم وصبار وجرجير

واللي تبين حسب مشكلتج


بس دامها شغلات طبيعيه

لازم التزام وبطيئه شوي النتيجه

انا بالنسبه لي زيت الزيتون كلش مايمشي مع شعري ولا يرهم عليه

بس يزين مع جوز الهند او الجرجير
انا افكر اشتري امبولات الصبار اللي ماركتهم ايفا
واحط منهم على شعري
من الاسبوع الجاي

وفي بنات بعد اعرفهم يحطون مايونيز على شعرهم لان فيه بمكوناته ثوم وبيض