فرص عمل لحملة الدبلوم و البكالوريوس من kpc إعتبارا من 31\7\2011

[AROORA]

الله يستر انا باجر مقابلتي
حدي متخوفه
اخاف يقولون شنو مشاريعج لووووووووول ماعندي مشاريع انا علم اجتماع
بنات لما يسالون ليش اخترتي هالوظيفه ؟؟
شنو جاوبكم

 

[KUVEYT]

اختي اروره الله يوفقج
قولي اخترته لاني حابه اتطور بمجال شغلي وجذي حركات خخ
خيتي طلبتج ساليهم متى نتايج المقابله لان كل من يقول شي فنبي نتاكد
ومشكوره

 

[AROORA]

اختي اروره الله يوفقج
قولي اخترته لاني حابه اتطور بمجال شغلي وجذي حركات خخ
خيتي طلبتج ساليهم متى نتايج المقابله لان كل من يقول شي فنبي نتاكد
ومشكوره

ان شاء الله

 

[Andie]

في ناس أسألوا عن اخر موعد مقابلات و قالولهم 20-10 فأكيد النتايج بعد هالتاريخ

 

[فيصل21]

والله تعبت وانا أنطرا
ابى اتوظف
إلى متى البترول
ولا خلونى أروح وزراة التجارة الصناعة

 

[جمر الوداع]

إذا طلغ قبولج بالصناعه والتجاره روحي لا تصيغين ع عمرج المكان واذا طلع قبولج بالبترول قدمي استقالتج تقدرين

إذا لا سمح الله ماطلع تكون عندج وظفتج.



مجرد نصيحه حبيت انصحج فيها أختي الغاليه

 

[AROORA]

اختي اروره الله يوفقج
قولي اخترته لاني حابه اتطور بمجال شغلي وجذي حركات خخ
خيتي طلبتج ساليهم متى نتايج المقابله لان كل من يقول شي فنبي نتاكد
ومشكوره

حبيبتي انا سالتهم اليوم عقب ما خلصت المقابله
قالي النتايج نهايه شهر 10 وبدايه شهر 11

 

[iNoor]

لووووول أهم شي ان الأخ فيصل داش منتدى نسائي ويخاطب العضوات بصيغة المذكر والبنات يردون عليه "اختي" مع ان اسمه واضح.. بدعتوا :d


الكل كان يتحلطم على شهر 9 واحنا الله يصبرنا على هالشهر المليييييييييييق

 

[KUVEYT]

حبيبتي انا سالتهم اليوم عقب ما خلصت المقابله
قالي النتايج نهايه شهر 10 وبدايه شهر 11

خيتي بشري شلون مقابلتج ؟ ..
ان شاء الله خير عاد بهالتواريخ .. مايندرى اذا مثل ماقالت الاخت 20 اكتوبر اخر يوم مقابلات
اذا كلش كلش ماطلعوا معناه عقب العيد .. لان العيد 6
:krkrkr:

 

[AROORA]

خيتي بشري شلون مقابلتج ؟ ..
ان شاء الله خير عاد بهالتواريخ .. مايندرى اذا مثل ماقالت الاخت 20 اكتوبر اخر يوم مقابلات
اذا كلش كلش ماطلعوا معناه عقب العيد .. لان العيد 6
:krkrkr:

الحمدالله اليوم مقابلتي حيل سهله وماخفت ولا توتر عادي خذيت راحتي :eh_s(15):
حتى اللي يقابلوني كانوا ثلاثه وبعدين دش واحد وقعد
كانوا حيل حبوبين يتغشمرون ويسولفون
صح نسيت قالي لما تطلع النتايج راح ندزلكم ايميل
لوووووووووول لا لاتقولين ورا العيد نبي معاشات:ggdw: )))) لووووول داشه بقوه

 

[fa6oomo]

الله يوفق الجميع

 

[bnt_7waa]

بنات بالعكس انا حدي مستانسه ماشالله وايد نشيطين هلمره والتوظيف سريع الاعلان الي طاف نطرت 9 شهور انطر النتيجه

 

[MiiiMa]

اب اب اب

 

[MiiiMa]

سكته بناات
نبي اخبار حلوه
الله يرزق الجميع

 

[lawyara]

متى آخر يوم للمقابلات ؟

 

[نادية_]

توه شفت مسج واصلني عالايميل استانست بالبدايه قلت حدودوا لي موعد لامتحان التخصص ولا اروح ابطل المسج والا اشوف

(( نعتذر عن استكمال بقية الاجراءات لعدم اجتيازكم امتحان الانجلييزي ))

خلااااااااااااااااص النفط راحت علي

بالتوفيق لكم

 

[KUVEYT]

20 من الشهر اخر يوم مقابلات
ناديه ..
ان شاء الله تلقين وظيفه احسن منها وخيييره وعسى الله يوفقج

 

[ماما جيكره]

بنات الي خلصو مقابلات
واي وحده يدزون لهم مسج فحص طبي بمستشفى الشركه تقولنا بليييز

يارب تسهل الامور

 

[bnt_7waa]

ان شاءالله كلنا مقبولين

 

[محاميـــة]

مممم بس ودي اقول شغلة لاحظتها من اغلب رفيجاتي وحتى انا تخصص الحقوق ان كلللللنا موناجحين امتحان الانجليزي !!!
وانا متأكدة اني مسوية زين وانصدمت ان همن انتي نادية دزولج ايميل انج مو مجتازة !!!!

اذا مايبون يوظفون قانونيين شحقه بالله نادونا الامتحان