فرصتي بنات .. اقتراحاتكم بليزززززززززز

[mi corazon]

قوه بنات

مادري شسالفتي ما يملجون علي ويخلصوني من حنتي؟

انزين الحين اختي سألتني سؤال حيرني

بتييبينه .. شنو بتسألينه؟؟؟

آنا ويهي @@ جذي

صج اهما سرالين اللي عندي .. شنو بعد اسأله؟

راح اسأله ... اهوا مو سؤال كثر ما اهوا توضيح

- بكمل ماستر وراح يكون يومي مشغول
- بغير وظيفتي لأني تعبت من التدريس لوعه " واهني بيطلع على حقيقته لو ماخذني علشان مدرسه نياهاهاااا صدته "


ها يالله عطوني اسأله منطقيه وتكانه بلييييييييييز فديتكن ان ان ان :*

 

[سوسو السعودية]

احس ماله داعي تجهزين اساله



هو راح يسالك وتاخذون وتعطون بالاسئله



ممكن تسالينه .. وشو اللي تحبه من الالوان مثلا او شي زي هييك



اسأله منها تعرفين شخصيته

<< محللله بتصيرييين

 

[واحشنى موت]

رد : فرصتي بنات .. اقتراحاتكم بليزززززززززز

قوليله شنــو برجك وهل تؤمن بالأبرآج ولآ لآ ,,



وشنوو نوع البرآمــج اللي تتآبعهــاا ,,


لووووووووووووول لآ أضحك ,, أنتي قولي شنو طلبــآتج ,,


والأسئله رآح تطلع بوقتهــآ ,,

 

[مدام زيزو]

رد : فرصتي بنات .. اقتراحاتكم بليزززززززززز

لا يبا انتي لا تسألين خليه اهوا يسألج ويدير المحور ومنها تشوفين اسلوبه ولا تكشفين عن نفسجج هع هع هع
لا بس اقصد مو تاكلين الريال ترى وترى وترى شوي شوي عليه لا يهون هههه

 

[تبطي عظم!]

لا تسألينه

انا ماسألت شيء بالنظره هو سألني شلونج شخبارج..؟

وعطيته مقفاي وطلعت هههههههه شسوي مستحيه

بالملجه سألني وهم ماسألته شيء

ولي يومج نسولف مع بعض والله وكيلج ولا سؤالسألته كل شيء عرفته عنه من دون لا اسأله من سوالفه

يبين كل شيء

الله يوفقج ويسهل كل اموورج وتملجين على خير حبيبتي

 

[( درّه )]

ممممممم

مادري .. خلّيها تطلع عفوية !

آنا ما أذكر سولفنا .. اللهم أهوا قال : شلونج شخبارج ؟! بس لوول ..

الله يوفجج يارب ..

 

[mi corazon]

صج بنات؟ عيل ماله داعي اكشخ وحالة .. اخلي مي ادق عليهم تقولهم بلا هالخبه لول

 

[شقرديـه عالطل]

لا حبيبتي خليج على طبيعت لان مصيره بشوفج عالطبيعه اذا صار نصيب ولاتزهبين اساله ولاشي
والله يوفقج

 

[فرفوشه ؟؟]

حتى انا اقول لاتسالينه

خلي حواركم عادي واي شيء تبينه

قولي لامج تقول لامه شروطكم ويوصله وخلاص

موفقه

 

[بنت.المطيري]

خخخخخخخخخخخخخخخ



واي مت ضحك انتي متا تملجين تفكيني من حنتج



ترا احبج ومتابعتج اول عبالي مالجه وخاالصه


عقب صاق خلقي ان توج ...


وليلحين ناطرة الفرج <<< قلبها معاج



لول


لاتخرعين الريال الثقل ماما الثقل


من اولها مسويتله امتحان خخخخخخ يحليلج


هالحجي خلي احد من اهلج يقوله انتي تصنعي الحيا


وووو...


وخلج غامضه (بلعي ريجج )<<< كلمتي... وقصدي ان تسكتين

وتبلعين العافيه

درسيه عدل خليه يخر كل اللي عنده لا اتحجين الا لي انطلب منج او اذا سؤال مهم جدا جداولو اني ماافضل البنت تاخذ وتتعطي



ةبالتوفيق

 

[mi corazon]

شقرديه اي مو آنا ستايلي سمبل اصلا

فرفوشه اي حبيبتي امس قلت حق امي قوليلهم لازم


بنت المطيري فديييييتج

شفتي شلون طلعت مقلب؟ هههههههه وآنا اموت فيج سمعي شصار اليوم امبيه نكته

الحين مو آنا احن على امي وامي تقول لاتحنين الحنه تييب الفقر

امس امه دقت علينا تقول لازم تروح معاه المحكمه ياخذون اوراق ومادري شنو امي قلت لا ماتروح إلا وقت الفحص الطبي والباجي اخوانها يسوونا

المهم آنا حنت يمه أكييييد مو تصدموني تقولون يالله روحي الحين الفحص ترى ماني رايحه

المهم قعدت الصبح وكشتي شكبرها وقاعده العب قطوتي واحطها بالشمس ورديت نمت .. شوي ولا اقعد الساعه 11 على صوت التليفون امي داقه تقول يالله قومي لبسي تروحين الفحص الحين

@@
يما مو قتلج امس لا تسوين فيني جذي؟

المهم قلت ماني رايحه انزين

شوي ولا يدق اخوي يقول قومي لبسي الصبي وابوه ناطرينا اهناك .. قلت خلها باجر تعبانه

شوي ولا يدق اخوي الكبير .. عطاني بوزفه وقلت ان شالله الحين اقوم هههههه بنات ماتيي إلا بالزف

تخيلي بعد هاذا كله رحنا ومادري شنو ولا التحاليل سكرت لأنا وصلنا متأخر

والأخ حتى مارفع عينه يطالعني .. آنا عيني مافارجت كرشته .. عنده كرشه """"""""""

خفت اقول حق امي يما كرشه تعطيني على عيني تقول انتي تهمج المظاهر وبس

بنات فديت بوكرشه ليش ماطالعني؟ تهقون مستحي؟

 

[تبطي عظم!]

عادي حبوبه مو لازم يطالع يمكن مستحي او خايف يحرجج بنظرته لج

انا بالفحص ماطالعني وانا اطالعه من طرف عيني بس هم ماشفت شيء خخخخخخ

انا جيكت على ملامحه عدل الاسبوع اللي طاف ههههههههههههههههه

شهرين مالجه وتوني انتبه حق ملامحه عدل

الله يوفقج يارب وتملجين وتصيرين معانا بتجمع عرايس شهر واحد

بس ما ادري عندي احساس من كثر حنتج ع الملجه بتصيرين حنانه وتبين العرس قريب ههههههههههههههههههههه

فديتج والله تهبلين

 

[بنت.المطيري]

خخخخخخخخخخخخخخخخخخخخخخ


امبيه انتي نفسي ماحب التوهق انا جذي فجأة قالوا باجر الصبح الفحص


ونفسي مااقوم الا بالزف خخخخخخخ

عشتوووو يمكن مستحي ويمكن معصب زارعته بالشمس


سئلييييني... يوم تنقعت عفت الزواج بكبره اقول حق ابوي ردنييييييييي مابي مابي


بس حصلت زفه وبلعت ريجي

يالله يالله باجر ان شالله ... ترا يوم مايتطوف خخخخخخ

والله يعينج اعرف نوعج ... اسبووووع كامل تنطرين النتيجه .. الاسبوع هذا مر عللللي جنه دهرر وييييع وساوس وغيره بس بعطيج ايات يوم قريتهم ارتحت وايد


ولما فكرت فيهم

برب .... :*

 

[بنت.المطيري]

هالايات اقريهم اذا حاشج وسواس*
انا كنت خايفه يصير شي ومايتم واتحطم نفسيا :/
اعتقد كل وحده تفكر جذي
بس عرفت ان ربي معاي ان شالله*..
وربي مايكتب الا اللي فيه الخير ان شالله وياقلبي لاتسولفين وايد ترا موزين*
يقولج اقضوا حوائجكم بالكتمان*
عموما ..*
الله يكتبلج اللي فيه الخير عاجلا غير اجلا*
ويارب يتمملج على خير*


بسم الله الرحمن الرحيم*

" وَإِنْ يَمْسَسْكَ اللَّهُ بِضُرٍّ فَلا كَاشِفَ لَهُ إِلا هُوَ وَإِنْ يُرِدْكَ بِخَيْرٍ فَلا رَادَّ لِفَضْلِهِ يُصِيبُ بِهِ مَنْ يَشَاءُ مِنْ عِبَادِهِ وَهُوَ الْغَفُورُ الرَّحِيمُ "


بسم لله الرحمن الرحيم*

" مَا مِنْ دَابَّةٍ فِي الأرضِ إِلا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُبِين "

بسم الله الرحمن الرحيم*

"إِنِّي تَوَكَّلْتُ عَلَى اللَّهِ رَبِّي وَرَبِّكُمْ مَا مِنْ دَابَّةٍ إِلا هُوَ آخِذٌ بِنَاصِيَتِهَا إِنَّ رَبِّي عَلَى صِرَاطٍ مُسْتَقِيمٍ "


بسم الله الرحمن الرحيم

" وَكَأَيِّنْ مِنْ دَابَّةٍ لا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ"




بسم الله الرحمن الرحيم*

" مَا يَفْتَحِ اللَّهُ لِلنَّاسِ مِنْ رَحْمَةٍ فَلا مُمْسِكَ لَهَا وَمَا يُمْسِكْ فَلا مُرْسِلَ لَهُ مِنْ بَعْدِهِ وَهُوَ الْعَزِيزُ الْحَكِيمُ "






بسم الله الرحمن الرحيم*

" وَلَئِنْ سَأَلْتَهُمْ مَنْ خَلَقَ السَّمَاوَاتِ وَالأَرْضَ لَيَقُولُنَّ اللَّهُ قُلْ أَفَرَأَيْتُمْ مَا تَدْعُونَ مِنْ دُونِ اللَّهِ إِنْ أَرَادَنِيَ اللَّهُ بِضُرٍّ هَلْ هُنَّ كَاشِفَاتُ ضُرِّهِ أَوْ أَرَادَنِي بِرَحْمَةٍ هَلْ هُنَّ مُمْسِكَاتُ رَحْمَتِهِ قُلْ حَسْبِيَ اللَّهُ عَلَيْهِ يَتَوَكَّلُ الْمُتَوَكِّلُونَ "

 

[mi corazon]

واي بنت المطيري ... مشكوووووووره

اي والله نوعي جذي حنه ومحاتاة ألوع الجبد اللهم ياكافي

حفظت الصفحه بالمفضله ..ادري بحتاجها :$

باجر اقولج شصار .. بس ماني قايله لأحد عندي

يسلمو قلبي :*

 

[مالتيزر88]

رد : فرصتي بنات .. اقتراحاتكم بليزززززززززز

الله يوفقج حبيبتي ..
(( وكل تأخيره فيها خيره ))..
ماعليج لا تحاتين وان شاء الله خير ..