غسيل الملابس ..استخدام داوني

[desigual]

يا بنات انا هدومي كانت تغسلهم الخدامه بس كانت مافيها ريحة ريحتها شمس
فقررت اني اغسلها اب ايدي
استخدمت صابون مبشور اسمه قبيطر مع بانش البودر الهدوم ريحتهم اتيين
وقمت انقع الهدوم اب داوني بس الريحه مااظل في
ابي اعرف شنو السبب وشنو طريقة استخدامه ؟.؟ وشنو افضل صابون غسيل ؟؟ يخلي الهدوم ريحتها حلوه وبيضه ودوم
وشكرا

 

[*فديتكم*]

اغسليها بصابون تايد مره حلوه ريحته وينظف الملابس​

 

[حصوص الكويتية]

انا من قمت استخدم الغسالة الاتوماتيك ماعاد اشم ريحه مو حلوة الحين ملابسي وملابس عيالى ريحتها تهبل نظافه وانتعاش

يعنى السر فى الغسالة

 

[desigual]

شكرا حبايبي بس الللي اعرفه عن تايد انه ظاهر انج تستخدمينه للملابس وتلبسينهم بعدين

ابي اعرف شلون احط داوني على الهدوم اذا كانت غسالتي عاديه

 

[سنعه بس مظلومه]

حبوبه انا استخدم كومفورت برآئحة الورد احط الماي بالغساله وصآبون اريل وعلى حسب الكميه احط كومفورت غطاء او غطاء ونص تطلع ريحة الملابس رووعه واذا بكويهم احط علبه للرش فيها شوية ماي ومعاه دهن عود او عطر مركز بجذيه اضمن اي احد يلبس الملاابس يكون ريحته حلوه حتى لو ماتعطر واذا علقناهم بالكبت احط المبخر داخل الكبت وابخر بعود مبخر وارش خلطات واسكر الكبت والبخور داخل والله تضمنين الريحه الزينه وادعي لي

 

[desigual]

شكرا حبيبتي والله يوفقج و يوفقنا اجمعين

 

[No0oNh]

شوفي حبيبتي انا استخدم يا اريال يا برسيل واستعمل معاهم داوني ,, والريحة تطلع عجيبه وتدرين شلون ما تروح الريحه لا تشرينهم بره بالشمس شريهم داخل بالبيت ما تروح الريحه منهم ,,

 

[desigual]

صج والله اي مو هذي المشكله الغساله بيس يبيلها تمديدات خاصه ونكسر البورسلات ..واختي اللي قالت لي انشرهم داخل البيت حبيت استفسر منج وين تحطينهم ياربي ماكو مكان داخل البيت

 

[ام حنونة]

غسيلي الملابس بصابون ايريل وبعدين سبعي الملابس مرة بداوني ومرة بأي كلونيا تحبين ريحتها ..لاتحطين الملابس فترة طويلة بالشمس ..وبعدين عند الكوي حطي أي طيب تحبينه في بخاخ الماي حق الكوي

 

[78MariMar78]

تايد وبعدين الشطف بداوني

او ايريال وبعدين داوني