عوار بالصدر ساعدووني

[جوزائيه مغروره]

السلام عليكم

بنااات باركولي قبل يومين حللت وعرفت اني حامل :eh_s(22):

الحمدلله يارب

صارلي من امس وانا حاسه بعوار بصدري ذابحني حتى مو قادره البس ستيان

شنو الحل؟ في كريم ولا حبوب او اي شي يساعد

بولدي ماصار جذي :eh_s(11):

انا حامل باول شهر

ساعدووووني

 

[روح الأحزان]

الف مبرووك حبيبتي الله يتمم عليج ان شاء الله والله ماعندي فكره بس دهني بزيت زيتون يمكن يخف

 

[عنووشه]

مبروك


ما يصير تاخذين ولا شي كلها فترا وتعدي حاولي تسوين له مساج او تسبحين بماي دافي


والله يقوومج بالسلامه

 

[جوزائيه مغروره]

فديتكم والله ماقصرتوا

بجرب الماي الدافي والزيت زيتون يارب يضبط معاي

ربي يعطيكم على قد نيتكم

 

[ام الحلوااات]

ادهــــنــــي بـــزيــت زيـــتـــووون داافــــــــيء
واللــــه يـــثــبــت حـــمـــلــج ويــتــمــم عـــلـــيـــج​

 

[جوزائيه مغروره]

حياتي ام الحلوات ماقصرتي والله يعطيج اللي ببالج يارب

توني جربت الماي الدافي حسيت انه خف شوي وبعد شوي بجرب زيت الزيتون

ماقصرتوا

 

[mira]

عندي سؤال حبيبتي متى حسيتي بألام الصدر قبل تاخر الدوره أو بعـد ؟
والله يثبت حملك ياقلبي ..)

 

[مس استي لودر]

اب اب لعيونج

 

[جوزائيه مغروره]

ميرا فديتج انا قبل كان هرمون الحليب حيل مرتفع عندي والعوار يذبح

الحين بعد حمالي والتحليل بدا العوار بس يمكن مال الحمال مع اني بالبجر ما صار فيني جذي

مس فديتج حبيبتي ماتقصرين

 

[غلآ نوآف]

الافضل اختي تروحين تفحصين عند طبيبة نساء وولادة
لان يمكن السبب انه بيرتفع عندج هرمون الحليب
اظن ف الصيدليات زبدة لدهن الصدر تلينة مومتاكدة اذا موجودة بالكويت
واذا مافي ممكن تستخدمي زيت زيتون مثل ماقالوا البنات او سمسم
يكون دافيء مع التدليك الخفيف

 

[جوزائيه مغروره]

غلا نواف ماقصرتي حبيبتي

بنطر بعد اسبوع لانه موعدي مع الدكتوره

انا خذيت لي دش دافي والحمدلله خف شوي

 

[sosowaty]

مبرووووك حبيبتي بس ترا هالالام ما تدووم

يعني بالكثير يوم و لا يومين ويختفي

 

[جوزائيه مغروره]

سو سويتي ما قصرتي حبي والله يسمع منج ويروح العوار كلش

 

[ع ـبدليه]

واااي العوار حقير اول الحمال بعدين راح وصارله فتره رادلي والحلمه شي مو طبيعي
صرت مالبس برا بالبيت من العوار اريح جذي

 

[امـ خــزامـى]

انا كنت مثلك يوم حملت بنتي
ونفس حالتك قبل ماحمل كان عندي هرمون الحليب مرتفع
يوووووووووووووه كان صدري لايطاق كانه حجر
حتى النوم مااخذ راحتي زين
اقوم بنص نومي عشان انام وضعيه تريح صدري

واتذكر صدررررري كبر مرررررررا انتبهي حبيبتي ضروري تستخدمين زبدة الكاكاو
عشان تشققات

انا بطني ماكبر حملي كله بصدري على قولة امي


فتره وتعدي حبيبتي اتذكر باول الرابع خف الالم

انتي اول حطي كماده ساخنه او فوطه حطيها بمويه دافيه وعلى صدرك
واذا ارتحتي حطي كريم زبدة الكاكاو
ولاتهملين صدرك البسي ستيان ولا بينزل صدرك بعديين

ومبررررررررررروك ياقلبي عسى ربي يثبت ويسهل حملك
واتوقع تجيبين بنوته مثلي
اذا سويتي سوناربشريني

 

[جوزائيه مغروره]

عبدليه حبي فديتج ماقصرتي

ام خزامي انا ماشيه بنظام الكمادات والحمدلله ارتحت شوي

هههههه انشالله اول ما اعرف شنو فيني بقولج

فديتكم حبايبي