عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[CuTiE PiE]

انا انا اجاوب.......
هميج المقصود به العيش اللين ....... ابدا انا ماغشيت من قطريه :wqedqw:

 

[قطريه من قدي]

غدانا اليوم (قشيد)

شنهو يعني قشيد؟؟؟oster_av1:

 

[CuTiE PiE]

قطريه حبيبتى حطيها فى جمله ممكن اعرفها......

 

[قطريه من قدي]

قطريه حبيبتى حطيها فى جمله ممكن اعرفها......

تامرين فديتج

غدانا اليوم عيش وقشيد:tek:

 

[orangeya]

بفريجنا كان واحد اسمه شهابو المينون صج اهو مينون هذا مصروووع كل بنات الفريج مايشوف وحده الا لحقها يخرعها وينحاش هههههههههههههههه

اهلين يا احلى نونو...

بنشدج اشهابو هذا اللي اتحجين عنه؟

مشيته غريبه... ما يمشي سيدا... يمشي لي ورا!!!

يقولون ان امه طاقته بالملاس واهو صغير؟ وتوفى بحادث داعمته سيارى بيبسي؟؟

 

[orangeya]

نسيت اسلم لووووووووووول

يايه مستنّه عالاخر هي هي هي

حدي ولهانه عليكم,,,

ومتشفقه لحجيكم

يلا انا براقب من بعيد,,,

لان مسلسلي بدا للغاليه حيوته (حياه الفهد)

ابله نورة

 

[CuTiE PiE]

قطريه قشيد يعني سمج مفتفت و مبهر صح

 

[جاي الضحى]

الله بالخير بنيات...عساكم بخير؟

هذي جم حجوه طرو علي وقلت أذكر إلي ناسي فيهم

لا تصوقه ماصلي: لا تسوي الشي أي كلام
لا حجت البقر على أذونها: تنقال حق الشي إذا مستحيل يصير.
متهردق: بيت متهردق يعني حالته حاله.

شرايكم نتذكر الكلمات الأنقليزيه إلي قبل كانو اهلنا الاولين يقولونها مثل: موتر(سياره)
كتلي( إلي يغلون فيه الحليب)
دوركم الحين :hjy5jewf: ​

 

[CuTiE PiE]

اووووووووووووووووووووووووو حبيبتى جاى مشكوررررررره على الاهداء وعلى الاوراق الحلوه

جويهه دقيت عليك بس مارديتى انا زعلانه منك:bbbiu:

كنت بقولك مشاعرى الجياشه اول ماعلنو :dddds:

Yes we can:hjy5jewf:

 

[^^اليتيمه^^]

امي دايما تقول كلمه بس ماله معنى زرييييييييييييييين لوووووول
او يالخلا الخالي
او يداااااااافع البلا
فهمتو شي لا لووول حتا ان

 

[قطريه من قدي]

قطريه قشيد يعني سمج مفتفت و مبهر صح

اي صح ونص

والسمج يكون نوع معين مب اي سمج

احنا انسميه( نواعيض) او( ناعوض)

عاد مادري انتو شتسمونه:080402ask_prv:

 

[DooNy]

خخخخخخخخخخخخ جاى تعرفين هالانشوده
حمامه نودي نودي سلمي على سعودي
سعودي راح المكه يجيب الثوب العكه
يحطه في صندوقي
صندوقي ماله مفتاح
المفتاح عند الحداد
والحداد يبي فلوس
والفلوس عند العروس
والعروس تبي ولد
والولد يبي حليب
والحليب عند البقر
والبقر يبي حشيش
والحشيش فوق الجبل
والجبل يبي مطر
والمطر عند الله
ذبحنا دويش عبد الله

هالاغنيه نقولها جذي بالكويتي وليلحين أغنيها لعيالي الله يحفظهم

يا مرت ابوي يا مرت ابوي
وين راح ابوي وين راح ابوي
راح البصره راح البصره
شييبلي شييبلي
شرق ورق شرق ورق
وين أحطه وين أحطه
بصنيديقي بصنيديقي
والصندوق ماله مفتاح
والمفتاح عند الحداد
والحداد يبي فلوس
والفلوس عند العروس
والعروس تبي عيال
والعيالي بيون حليب
والحليب عند البقر
والبقر تبي حشيش
والحشيش يبي مطر
والمطر عند الله
لا اله الا الله محمد رسول الله

 

[orangeya]

الله بالخير بنيات...عساكم بخير؟

هذي جم حجوه طرو علي وقلت أذكر إلي ناسي فيهم

لا تصوقه ماصلي: لا تسوي الشي أي كلام
لا حجت البقر على أذونها: تنقال حق الشي إذا مستحيل يصير.
متهردق: بيت متهردق يعني حالته حاله.

شرايكم نتذكر الكلمات الأنقليزيه إلي قبل كانو اهلنا الاولين يقولونها مثل: موتر(سياره)
كتلي( إلي يغلون فيه الحليب)
دوركم الحين :hjy5jewf: ​

هلا وغلا بالغلا كله :eh_s(7):

ياسلام عليج...

صفقولها يا بنياااات :ggdw:

وربي لستانس لما القاج كاتبه شي

بالنسبه للمصطلحات طلعت كشخه اعرفهم ماعدا اول وحده,,,

ماظنتي مرت علي.

ومرة ثانيه لاتبطين على كيوتي الحلوة... ردي عليها بساع

بس عذريها يا كيوتي اكيد ماردت الا لانها لاهيه

مو يقولون الغايب حجته معاه؟

على قولة رويشد :

**عذرك معاك عذرك يا آسري معذور وانت الذي قدرك عيني و على راسي **

:eh_s(7):

 

[orangeya]

بنات...

تعرفون ديايه ام احمد؟

دياية ام أحمد الله يسلمكم ‏تنقال على الانسان الضعيف اللي مايقدر ‏يسوي أي شي

منو الحلوة اللي تحط لنا اياها بجمله؟


مممم...

عندكم كلمة متعومس تنقال على الانسان اللي يكون مرتبك متوهق ...



إمهتمل تنقال على اللي شكله مايكون مرتب يعني ملابسه جذي...

أيّس تنقال على اللي فقد الامل

خابرين غنايه طال هجر الحبايب؟

طال هجر الحبايب واعذاب العليل
أيّس القلب منهم وابخلوا في دواه



يلا عن الرباده (يعني الكسل)

نبي تفاعل اكثر من باجي كويتيات احلى منتدى :eh_s(7):

جويهه,,, هالمرة قلدتج بالاحمر لوووول

مو يقولون بالدعايه : الاحمر يعبّر؟ :dddds:

عاد ماذكر شمالته هالدعايه!!!
يمكن الوطنيه ولا حدا هالبنوك؟

 

[orangeya]

احم احم ... نحن هناااااااااااا

يا بنيااااااااات وينكم؟

ترى مايسير جذيه تخلوني بروحي؟!!! :bbbiu:




ويك اند ياجماعه ,,, ومالكم حس!!! :080402ask_prv:

اليوم يمعه,,, خلص اليوم اصلا

وباجر السبت ....................




السبت .. سبمبوت
الاحد .. عنكبوت
الاثنين .. بابين
والثلاثا .. مناره
والاربعا .. ابشاره
والخميس .. نذبح ابليس
واليمعه .. عيدنا وعيد الرسول



يلاّاا عاد ونسوني
خلوني أعيّد ,,, ولا اليوم مو عيد :080402ask_prv:

 

[MaZaji CoOL]

السلاام عليكم ..


شلونكم بنياات ؟؟
خصوصآ الشيخه جويهه ؟؟؟؟:eh_s(7):


اليوم تذكرت جم كلمه ..


خـمال : اعتقد بمعنى الشي الغلط يمكن!! ... يعني مثلآ أمي لمن تزف خواتي عشان دارهم مو مرتبه .. يقولون يمه ليش معصبه جذي؟ تقولهم :

أنا ماأحب الخـمال ..! :bbbiu:

.
.

وبعد ..

لمن احد يطلب مني شي .. أقول : انشالله و الغنيمه ...:wqedqw::wqedqw:
.
.


وشكرآآآ:hjy5jewf:

 

[coffee]

جايووو خبري لي حجت البقر على اقرونها

Mazaji cool الخمال بمعنى الكسل والرباده

متى ينقال هالمثل "تموت الديايه وعينها بالسبوس" ؟

 

[جاي الضحى]

هلا بحبايبي كلهم...أخخ من هل دنياه تنسي الولد أمه...ولهت عليكم كلكم بدون إستثناء ...:hjy5jewf: عاشو البنات :ggdw:

تصحيح تنويه تصحيح <<< جريده

لا حجت البقر على قرونها مو أذونها....شكراً كوفيا :eh_s(7):

كلمة اليوم: ووقيه
مثل ما تعرفون أيام أول أول ماكو جمعيات اكوا الدكاكين إلي انتو خابرين: يوقف الواحد عند الدكان ويقول حق إلي بالدكان طلباته...وكلمه كانت دارجه: عطني ربع ووقية شكر: يعني مثل نص كيلو شكر...وايد ناس تقول سجل علينا الحساب...و أخر الشهر يعطون صاحب الدكان حسابه....مثل ما كانت ناس تقول حق بو صالح بياع الثلج (يار حسينو وسعد بدرب الزلق)....تذكرون يوم حسينو يقعد يعفر بسيكله ويشفط على ثلج بو صالح...عفسه فقير وبو صالح بعصاته يمحط السيكل...:dddds:

منو تسمع كلمة محسن: حلاق لا الحين :080402ask_prv: ​

 

[^الزين^كله^]

اي و الله محسن لا وفي حريم كبار ليلحين يقولون رحنا الحلاقه مايقولون الصالون
ياحلو حجي اول تصدقين جاي الضحى انا قريت تعليقج ورديت ماشفت باجي الموضوع بتمقل فيه الحين​

 

[orangeya]

اهلين يا أم مزاااااج كوووووول
عساه دوووم كول مو يوم ...

حلوة كلمة الخمال ... :ggdw:

ان شا الله والغنيمه = غالي والطلب همبه

في الغالب يقولون غالي والطلب رخيص



اهلين قهيوة = كوفيا خانوم

"تموت الديايه وعينها بالسبوس"

مادري ماعرفتها وان شا الله البنات يجاوبون...
المشكله انها ماره علي بس مافكرت بمعناها

يلا يا بنيات كل هذا تفكير :080402ask_prv:




جويهه موجوده اليوم؟

لا لا لا ماني مصدقه

لحظه خل ابقق (ابحلق) عويناتي @@


اي والله

ياااا هلااااا ويا مرحباااااا

اسفرت وانورت ,,, واستهلت وامطرت
(عاد صج مطر خفيف قبل شوي)

انتي وينج؟

غطّيتي جم يوم؟

مرة ثانيه لا تبطين علينا يالغاليه :eh_s(7):

مممم

محسن؟ حلاق؟
مادري بس ماظن يقولون محسن هالايام!
ياحلاق ياصالون!






الزين كله...

هلا فيج حبوبة :eh_s(7):

تمقلّي على رااااااحتج

عاد نبي مشاركتج مو طله وتروحين

وان شا الله يعجبج الموضوع