علموني وربي ضايقه طلعت نتيجة تحليل زوجي

[مهاوي25]

السلام عليكم

مثل ماعرفتوا من العنوان اليوم طلعت نتيجة زوجي ومبين انه الحيوانات كلها ميته ..

ماتتدرون اشصار لي والله مت بجي واحس مخي وقف مدري شاسوي ووين اروح وهل له علاج او لا

الحمدلله على كل شي .. بس امانه الي عندها خلفية عن الموضوع تقولي

 

[فاقده حنان ابوه]

حبوبه اول شي ربي يهون عليج ان شاءالله

ليش ما كلمتو الطبيب اكيد بقولكم شنو العلاج والحل

وترا في عسل حق الريايل يقوي الحيوانات المنويه


ربي يفرح قلبج بشوفج ظناج اللهم امين

 

[_ظل الياسمين _]

حبيبتى توكلى على الله اهو اللى يجعل لج مخرج ماغيره ..ولا تجزعين وتجزعين ريلج معاااك..

اعرف وحده من البنات هنيه مايحضرنى اسمها ريلها كانت النسبه عنده صفر ورااح للحجام..

وعسل واكيد قبل هذااا كله التوكل على الله ..والحمدلله ربى رزقهم..

الرزق بيد رب العالمين عليج بالتوكل والاستغفااااااااااااااااااااااااار وباذن الله مايردكم خايبين..

لانه ارحم من انفسكم عليكم.

 

[مهاوي25]

تسلموون عالرد ونعم بالله والحمدلله على كل شي ..

انزين بسألكم اذا كانت ميتة ممكن بالعلاج يعني حبوب وغيره ممكن يعني يكون عنده سليمه؟؟؟

 

[_ظل الياسمين _]

الدكتور اللى ممكن يفيدج بهالشى حبيبتى ..

بس انتى بعد تطمنى الطب تطور ..اذا اضطرت الظرووف سوى اطفااال انابيب ..

وحده من جماعتنا لقوا النسبه عند ريلها صفر ..واضطروا انهم يفتحون الخصيه ومالقوا الا حيوان منوى واحد يصلح للتخصيب...

وسبحان الله وتحمل بهالطفل والحين بنتها مره ماشاء الله ..

انا اقولج هالكلااااام عشااان تعرفين انه ربك لى اراد شئ يقوله كن فيكووووون ..

وان شاء الله ربى يهون عليج وعلى ريلج ويرزقكم بكوكش يهال باذن واحد احد.

 

[مهاوي25]

ياحياتي والله ماقصرتي .. صحيح كلامج كل شي بيد الله ..

انا للحين ماوديت الاوراق لاي دكتور لاني محتاره ما اعرف وين الاحسن

من بكره بشوف لي دكتور ونبلش وياه ..

الحمدلله على كل شي الله كريم

 

[كويتيه مذهله 87]

سافري أمريكا علاجهم قوي
ماتردين الا اب بطنج توأم قولي كويتيه ماقالت
هنيه دكاترتنا وعلاجنا الله بالخيييييييييييييييييير

,,,

 

[_ظل الياسمين _]

ربى يسهل امركم ويجعل لكم الخير منه يارب العالمين .

 

[منيرة خالد]

استعيني بالله وتوكلي عليه

وابدوا بالعلاج ولا تتهاونون او تملون وان شاء الله باذن واحد احد الله يرزقج بالضنى الصحيح المعافي


قولي آآآآآآآآآآمين

 

[منيرة خالد]

استعيني بالله وتوكلي عليه

وابدوا بالعلاج ولا تتهاونون او تملون وان شاء الله باذن واحد احد الله يرزقج بالضنى الصحيح المعافي


قولي آآآآآآآآآآمين

 

[مهاوي25]

سافري أمريكا علاجهم قوي
ماتردين الا اب بطنج توأم قولي كويتيه ماقالت
هنيه دكاترتنا وعلاجنا الله بالخيييييييييييييييييير

,,,

يسلموو على ردج .. صاجه والله بس والله مادري للحين تايهه ومتخربطه مادري شاسوي

 

[مهاوي25]

ربى يسهل امركم ويجعل لكم الخير منه يارب العالمين .

الله يسمع منج .... امييييييييين يارب العالمين

 

[الاهله]

رد : علموني وربي ضايقه طلعت نتيجة تحليل زوجي

مو كل الناس السفر عندهم سهل

تراه مكلف جدا

اصبري وادعي وان شالله الله يدلكم على الدكتور الي يكون سبب للشفاء

الاطباء سبب بس

الله يرزقنا يارب كلنا ويشفي زوجج وزوجي اللهم امين

 

[مهاوي25]

استعيني بالله وتوكلي عليه

وابدوا بالعلاج ولا تتهاونون او تملون وان شاء الله باذن واحد احد الله يرزقج بالضنى الصحيح المعافي


قولي آآآآآآآآآآمين

ان شاء الله ببدأ والله يوفقنا .. الله يرزقني ويرزق كل محرومه ..

الله يسمع منج امين

 

[مهاوي25]

رد: رد : علموني وربي ضايقه طلعت نتيجة تحليل زوجي

مو كل الناس السفر عندهم سهل

تراه مكلف جدا

اصبري وادعي وان شالله الله يدلكم على الدكتور الي يكون سبب للشفاء

الاطباء سبب بس

الله يرزقنا يارب كلنا ويشفي زوجج وزوجي اللهم امين

صحيح اسمع انه غالي حيل .. اختي توها دقت علي تقول لي انه عادي زوجها كان جذيه ومع الابر والحبوب شوي شوي كل ماله يتزايد العدد ويكون سليم..

عسى الله يشافيهم يارب .. انتي زوجج حالته مثل حالتي

 

[nadoooy]

رد : علموني وربي ضايقه طلعت نتيجة تحليل زوجي

الله يشافي ازواجنا يارب
هم انا ريلي عدد الحيوانات المنوية عنده صفر وقالو ماكو امل الخلايا ميته

 

[الاهله]

رد : علموني وربي ضايقه طلعت نتيجة تحليل زوجي

اي زي ماقالت الاخت الخلايا ميته مافي امل قالو لنا مافي علاج اصلا

 

[%متفائله%]

عسى الله يرزقج ويهون عليج وتقربي لربج وادعيه ليل نهار

ونصيحه لاتبينين لريلج لان من داخله تعبان اكثر منج واسيه حني عليه عشان نفسيته قوليله ربي ان شاء الله بيرزقنا والطب تطور

وكل شي يهون انت اهم شي عندي والعيشه معاك تسوى الدنيا وماااااافيها ومن هالحجي عشان المعنويات

ولا تبجين قدامه اذا السبب منه عشان لاينكسر قلبه

لان انا مستحيل ابجي جدام زوجي لان العيب منه عمري بحياتي مااااااااااااشكيت له بس مع هذا اسعى في علاجه من عسل وحجامه ومراجعات دكاتره

وعسى الله يفرج همكم

 

[لوازم العائلة]

لاحول ولاقوة الا بالله

 

[عــود كمــبودي]

خليه يروح عند دكتور محمد بو حمرا وااااااااايد شاااطر واخذيله عسل المرشد للرجل يمدحووونه

وعسا الله يرزقج يارب ياكريم