علاقتج مع ريلج فترة النفاس

[ضحاوي الديره]

امبي انا كلش ماينفع اكتب رد اهني لوووووووول
لان بتشوتوني برا
شنو سبوح كل يوم وعطور وشعر مفلول ومكياج بالنفاس لااااا وبجايم ستان بعد !!!!
ياحبيبي

 

[ناتشوو]

ضحاوي
لاتعقدين عمرج
مو كل شي قديم صحيح
الطب والولادة تغيرت
الجدات كانت لهم اسبابهم
بالمبالغه
بس احنا مو مضطرين
للغسولات الشعبية
والتخشخش بالفراش
وسكرو رجولكم طول النفاس
الحين في خياط اللهم لك الحمد
غسولات طبية
تحاميل طبية
بس انا
المحلب
مااستغني عنه
يعني ماارفض كل شي قديم
ولا اتجاهل الطب الحديث
اخذ اللي ينفعني ويفيدني

 

[انثى عاشقة]

انا كنت اتدفى والبس ملفع وشراريب وكل ابو شي لاني اساسا ابرررررد
ومع الدورة والنفاس يزيد البرد بردين
بس لما يزورني زوجي البس بناطيل واسعة وتيشيرت وحركات وميك اب خفيف
كنت اطلع معاه مرات نتعشى ويردني بيت اهلي
النومة كانت بعد طلعتي ع طول يختلف من وحدة للثانية متى ما طهرتي
كانت ايام نفاسي رووووعة كنا وزوجي نشتاق لبعض نفس سوالف الملكة
لوووووووووووووول
بس انتي اهتمي حيل بالاكل الدافي وادوية النفاس والماي اشربي وايد
ومبروك ما جاك لا تضيعين هالايام الحلوة بالمحاتاة الي بغير محلها ..
​

 

[Tom ♥ Jerry]

.


شوفي انا ريلي اول اسبوعين تقريبا كان ايي يوم و ترك
و كنت البس ملابس عاديه يعني بجامه النفاس ههه
بس بدون ملفع خوو شدعوة ..
و بالاسبوعين الثانيين ييه مرتين بس ! > لزوم الشوق
عاد انتي حييييييييييلج بنفسج و اهتمامج بنفسج في فتره النفاس
اهم شي تردين جنج عروسه له .. بالخلطات و المنتدى مو مقصر
و اخر اسبوع روحي صالون سوي نيو لوك و اشتري قمصان يديده و شغلات يديده
و عطور و لوشنات و هالسوالف ..

بالنسبه للجماع عادي بآول يوم اطلع فيه من النفاس جماع !
و الله اقول حق ريلي اصبر بعد 10 ايام يعطيني محمودي على خدي يطيرني بيت ابوي :$
سالفه انه 50 يوم اول مره اسمعها !!

امممم و بالنسبه لضروريه عمليه التضييق
ترا كلش كلش مو مهمه ماشالله ماشالله علي ولدت مرتين
و في كل مره ارد حق ريلي جني عروسه و اتعور و حالتي حاله بعد !!
نفس يوم الدخله اهتمي بنفسج و غذائج مو اي شي تاكلين
دخلي بالنت و شوفي برنامج النفاس
و سوالف خلطات تنظيف الرحم و جذي و الادوية و الاعشاب مهمه وايد
الي تنظف الرحم :$

موفقه و الحمد لله على سلامتج !

 

[Tom ♥ Jerry]

.


شسمه بعد اذا كنتي والده طبيعي مو بقيصريه
حاولي تمشين كل يوم ساعه الى ساعه و نص
ترا المشي وايد مفيد و لبسي الحزااااام مال الكرش !!

 

[مناير ...!]

الملفع والقميص والبهدله مالها خص بالنفاس
مدري شحقه امهاتنا الله يطول بعمارهم فارضينها فرض
لبسي حبيبتي وترتبي
الترتيب مطلوب

 

[نونو العصله]

شكو ما تتسبح
مستحيل
تغطي شعرها مو مشكله
بس اذا زارها ريلها
تتعدل
والاجانب عشان ما يتنفسون
كلها بلاوي
وامراض
لازم دلاغات طوال
وسروال طويل
وملفع
وتتغذى عدل وتشرب ساخن
انا ما جربت
بس شفت خواتي
اللي ما تتنفس
بعدين تحس بالام الراس و العظام

 

[نونو العصله]

هذيك المره سالت امي عن نفاس الاجانب
تقول عشاان جذي
نصهم شايلات ارحامهم
يكفينا شرهم
ويسلم القارء
لا تقلودنهم
ميخالف كلها فتره تحملوها
وعندكم العمر كله
تدفو عدل
لاحقين على الكشخه
ماعليه تسبحو و تعدلو
بس هم تنفسو عدل

 

[fatomd]

المشكلة حبيبتي بالعادات والتقاليد اللي مالها أساس طبي
في المستشفى سبحوني وكانت ولادتي بشهر ١١
وقالتلي عادي تسبحي كل يوم عشان الريحة، وشعري كنت أسشوره وأفله، طبعا لا ملفع ولا هم يحزنون
كنت ألبس تيجان فناتق وتراجي ومكياج خفيف يوميا
وشريت قمصان ذربة من زارا مع مثل روب خفيف طويل عليه تطريز
وكنت آخذ أدوية النفاس ولبست الحزام
وأحط عطر
لا جرحي التهب (طبعا مع غسول البيتادين والبخاخ ومرهم الأثر)
ولا دشني هوا، ويبت سستر اول ١٠ ايام حق الليل
فكان ريلي يزورني كل يوم نتغدى مع بعض ويشرب جاي العصر وعادي تصير مداعبات خفيفة
وعقب ما خلصت مدة السستر كان ينام عندي بالليل
ولما طهرت رحنا فندق، والمنطقة كانت ضيقة وماكو مشاكل الحمدلله، وهذا ثاني ياهل لي والامور طبيعية

شوفي الاجانب تمارس حياتها وتخلص اصلا اجازتها بعد اسبوع

:rerrerek::rerrerek::eh_s(15)::eh_s(15):

واي نفسي بالضبط
امي تنبط جبدها بس انا ما اطاوعها بالخرابيط هذي

 

[بقلبك مكاني]

الله يقومج بالسلامه يارب
انا ولدت قيصيري مولوده وحده بس
ادعولي احمل صار لي سنتين ماحملت
البنات ماقصروا
اهم شئ تدفي عدل بنفاسج

 

[fatomd]

معلومه سريعه للي تقول امريكا رقم 1 بالسمنه
غلطانه يا حبي
الكويت رقم 1 بسمنه النساء صديقتي استشاريه غدد صماء بالفروانيه و اكدتلي المعلومه
للاسف توهم اعلنوها بمؤتمر صار بدبي من شهرين

 

[لباسةالعقد]

شكو ماتتسبح النفاس
انا عيالي بالشتا اتسبح يوميا او عالاقل اغسل جسمي

 

[الجوهرا]

شكو تطور الدنيا بالنفاس الاهتمام بفتره النفاس مهمه جدا تغني المراه عن امراض وايد ومن ضمنه دخول الهوا وان دخل الهوا تتاثر العظام ويكون بعلمج اختي الوالده اللي ما تتنفس عدل بنفاسه تكبر بسرعه واحتمال تتعرض بهشاشه العظام فالفتره هذي مهمه جدا جد ا

:ggdw:اللي يخاف من العفريت يطلع له شنو هدا الهوا ينطرج تقطين الملفع عشان يدش فيج كبري عقلج شوي الله عطانا عقل قلة الحركه والجوع هي اللي تلعب بالنفاس مو الملفع اللحين صار في وعي

 

[نونو العصله]

ههههههههههههههههههههههههههههههههههههههههههههههه الجوهره هههههههههههههههههههه

 

[سنفورهـ]

ويييييييييييييييييييييييع النفاس كريه

كله محبوسه ما تطلعين

ويكره النفس هالنفاس

لا ورة ال40 يوم اذا يتلج العاده مالت الاربعين زين واذا خلصتي تقدرين تسوين اجماع

وكثري من جاي الزعتر ينظف الرحم

 

[بولندية]

امي تقولي مايندرى عن نفاسج لووول لاني والدة قيصرية

 

[مواصله]

اصلا ماسمعت ولا عرفت عن لبس الملفع الا من المنتدى هني


ليش الوحده تلبس سروال عجايز وتهلق بلبسها ع ابو زهوه حق طلعة نفاس

انا كنت البس بجامات كيوت خفيفه وارواب نفاس ساتان وحرير واسشور شعري وكل يوم اغسل جسمي عادي

وكنت صابغه وحافه وصابغه حواجبي قبل مااولد عشان يكون شكلي مرتب بالنفاس ولما ردت لي عافيتي شوي يعني

بعد اسبوع قمت احط لي شوية بلشر وماسكرا ومرطب شفايف فيه لون خفيف مااحبه يشوفني حالي من حاله

وعادي كلام حلو واشياء خفيفه ع السريع عشان تظلين بعينه انثى مثيره مو مجرد ام مرضعه خخخ

 

[Melazlaza]

انا مع الاخت الجوهرة

لكل زمن حاجاته

اعرف مره عمرها٧٠يابت عشر بطون عمرها ما خذت الي نسمع فيه تقول اللهم اكل عدل وماقط دلاغاتي
قولوا ماشالله
عمرها ما اشتكت من شي يخص هالامور
هذا مثال للي يظن ان بيطلع عليج التعب بعدين

 

[أملي بعد الله]

:eh_s(1):

بجريييةة

وحيرتــــــــــــــــــــــــــــــــــوني ...



أمم

الله ييسر أنا بتوكل على ربي وهو سبحانه بييسر لي الأفضل

العذوب الله يكون بعونج وتع\ي هالفترة على خير وتردين حق ريلج أحلى عروس يــارب ويبارج لج باللي ياج يارب

:wqedqw:

 

[Zaina-al-zaina]

والله الموضوع صار يحييير !!!

الحين في بنات مايتبعون النظام القديم ويطلعون اوكي !!!

وفي بنات يتبعونه بحذافيره وتصير معاهم مشاكل !!!

والله احترناااا شنسوي بالضبط !

وللعلم في بنات لا حملوا ولاولدوااا واهما وساع من تحت !!!

مافي احد مختص بهالامور يفهمنا شسالفه بالضبط !!!