عفوا. محد نظيف غيرج

[&جالكسي&]

السلام عليكم حبايبي شلونكم


طبعا قريت العنوان بِـــ??ـسّ مافهمتوه


الموضوع سلمكم الله

ان لما تيينا حماتي مٍـن بيت زوجها عادي تسلم وتسولف بِسّ تشوف زوجي اللي اهو اخوها تقعد تتشيحط والله ماطلعت مٍن غرفتي ا? وانا منظفتها ومبخرتها ومعطرتها توني الحين قبل ماايي غرقتها عطور وحطيت البخوراللي يوصل لي تحت والله والله عمري ماطلعت وغرفتي محتاسه اموت والله تصدق آنـّا حتى نتفة قرطاسه بالارض مااخلي ?عََلِـى طول تنظيف والخلطه دايم بأيدي ونظامي ?قعدت تسبحت وتمكيجت وتبخرت وتعطرت وقبل مأنزل اعيد على حمرتي واحط بخور للغرفه وانزل و? تقول محد يطبخ عند حمولتي غيري يموتون ?عََلِـےّ طباخي وحتى الذبيحه اسويها و?تذوقون خبز الصاج يهبل عاد الحبيب ينفخ خشمه ويلف علي بكل عصبيه ليش ماتصيرين نفسها والله يابنات الدياي ماتعرف تطبخه شلون الذبيحه انا ييتهم واهي مومتزوجه عاد امها والله مافيه احد نفسج بالنظافه والسنع ماشفت حتى من كثر ماتبخرين ولدج صار صدره تعبان طيب اوكيه مدحي وبكل وقت عادي اما انج طول اليوم ساكته وتسولفين عادي ولما تشوفين اخوج على طول بديتي موضوعج المعتاد



يعني شنو محد نظيف غيرج
محد يعرف يرتب غيرج
قولولي فيه احد يخلي غرفته محتاسه و? مليانه وصخ
بنات ليش جذي ماتقول هالاسطوانه الا لما تشوف ريلي ?اوكي انتي سنعه ونظيفه كله لج ماقلنا شيء بِـسّ موكل مره هذا موضوعج صار بيني وبين زوجي مشاكل من هالموضوع الله يهديها
بنات شسوي تضايقني كل ماتشوفني انا وياه

 

[منو انت]

ماابي اقهرج بس باين انها نحيسه يعني عقب كل هالاسطوانه شنو تبي ؟ تبي اخوها يقوم يبوس راسها على السنع طبعا لا تبي اخوها يسوي مقارنه بينج وبينها صج انها مو شريكتج بس باين هذا اللي تقصده وعلى العموم ماعليج منها وحتى لو قالج ليش ماتصيرين مثلها ردي عليها وجدامها قولي انا شي واهي شي ثاني بعدين انتي تدرين اني سنعه وموناقصني شي موضروري اقول شنو سويت انت لك عيون وتشوف ( بس هذا مايمنع ان جد يكون بيتج على طول نظيف لان الفكره ركزت في باله ) انا اعرف لج وحده تقعد تسولف جدام اخوها انا ادفع معاش خدامتي انا ادفع هدوم عيالي انا وانا وانا وطبعا اخوها يصدق وكل ماتقول له شي مرته المسكينه يقول شوفي فلانه تدفع وماتقصر مع زوجها والنصابه فلوسها كلهم على ملابسها ومكياجها يعني ابي افهم شنو هالمعاش اللي يكفي كل هذا

بس جد حريم فيهم نحاسه تسوي نفسها مسكينه جدام اخوها علشان تقهر مرت اخوها راح تقولين واهي شكو فيهم بقولكم مهما كان الزوج يبي مرته مثل الكلام اللي يسمعه الله يعين الزوجات اللي مثلج ياصاحبه الموضوع لانه شي يقهررر بس نصييحه لاتوضحين حق حماتج انج انقهرتي علشان ماتعلق على هالسالفه نصيييييييييييحه

 

[ترجمة احساس]

الله يعينج عليها مااحب هالنوعية من الناس
تجنبيها صدقيني تمل وانتي حاولي تشوفين وتتهتمين اكثر ادري مهتمه
بس حاولي اكثر الله يوفقكم وعساه مايشوف غيرج يارب

 

[• JoJo •]

الحمدلله والشكر وشنو يعني اهي بتقول انا انظف وانا وانا ؟؟؟؟؟ شنو المغزى تبي تحرج مثلا ؟؟؟؟

طنشي بس وانتي خليج احسن منها

ولا تبينين انج منقهرة من كلامها

 

[مناته]

انا رايي كسري راسها
بس مو بالنحاسه
لي بدت تمدح
مدحيها انتي بعد بعد قولي لها اي والله مبين السنع ما شاء الله عليج دومج مترتبه
ومدحي ومدحي
وعطي ريلج بعد شوي
قولي امكم عرفت تربي حتى اخوج ما شاء الله سنع ومسنع ( طبعاً وهو موجود)
ترى اشكره البنت فيها نقص ومحتره
انتي عطيها من المدح
والله يهديها

 

[ميموووورااا]

جان قلتي لها شنسوي لج؟؟ والله من صجي فشليها انا حماتي ماشاءالله جميله جمالها ملفت ولوعت جبودنا كله تسولف جدام اخوانها ان الكل لمن يشوفها يسالها انتي حاطة ميك اب؟انتي كويتية بطن وظهر؟والله من تزوجت هالسالفه لازم تنقال وانا صارلي سنتين الحين مستحيل ماتقولها بعض الحريم ودج تحطينهم عالسايلنت

 

[الفدنه]

الله يعينج على هالاشكال......

 

[فرزاشيهـ]

قطيعه ولله لو منج اقوولها على ضحكه >>> فلاانه ههه شنو المطلوب يعني ؟؟؟ او اقولها اي احسن زين تعلمتي النظاافه و الطبخ احسن من حالتج اول حتى الدياي ماتعرفين تطبخين >< مع ابتسامه بريئه ههههههه ولله الله يعينج ماحب اللي جذي شنو توها تتسنع و مو مصدق المسكينه !

 

[زينهـ قطر]

عطيها ع قد عقلها وجبتيها عالعوووق لانه انا عندي وحده نفس الشي واهي والله حتى ضروسها ماكلها السوس

وشايفه عمممممرها فوق خلق الله .. وكله انا وانا الظاهر الانا عندها مخبطه ..

ترى داايما الي تمدح عمممممرها قدام الناااس هذى والله ثم والله ماعندها الا قممممل ثيابها الي تتكلم عن النظاافه وتبربر عنها

تلاقينها اوصخ بشر بالدنيااا والي تعلق ع بزران خلق الله تلاقين عيالها حثاله ..

والي عن الكشخه تلاقينها لابسه قلاطيع شاحذتها بعد ..

يبه مااعليج شي واااضح جدااا انه تبي مدح تبي حــــد يمدحها وشايفه اخووووها طاير فيج وتبي تغير عليكم ..
لانه شكله ابوالشباب مالها مايعطيها وجـــه ..

الشي الثاني اذا تكلمت او عادت نفس الاسطوانه .. سووي اي حركه خصوصا اذا زوجك موجود ناديه حبيبي تعال ابيك شوي
واذا دشيتوا الغرفه حاولي تلهينه شووي يعني عطيه بووسه قوليله ولاشي يقلبي اشتقت ابوووسك وماقدرت اصبر لمن نكون لحالنا... او ..ناديه وريه شغله بجوالك واهي جالسه تسوولف عادي ..

او فشليها بلفيت انه ضحك .. قوليلها ماشاءالله علييييييك تغيرتي عقب الزواج صرتي مرتبه اخبرك واحد من الشباب
سبحان مغير الاحوال او قولي ليش يقلبي فيه احد مايحب النظافه او الترتيب وااي فدددددديتني كل شي لعيووون حبيبي يهووون
يعني من هالكلام يعني خلي ردة فعلج تكون واضحه وحلووووه بنفس الوووقت يعني لاتجرحينها بس احرجيها خليها تعرف ان الناس هم يعرفون يكشخون ويرتبون بس مايحبون يتكلمون .. وشكلها معفنه من كثر ماتسوولف عن النظافه

 

[دبه موت]

شوفي ياقلبي ولا يهمك كلامها أهم شي ماتحسسين زوجك أنك مهتمه في كلامها
يعني أهي لقالت كذا قولي حتى أنا تو منظفه غرفتي ومسويه لبو عيالي ومبخرته كذا
والاهم من هذا كذا لاتقصرين من ناحية زوجك لجل مايحس بنقص وتتهاوشون والسبب أهي
خلي لقالت هالكلام أهو يرد عليها يقول لها حتى أنا حرمتي مو مقصره معي
ياليت فهمتي كلامي وسمعي من هنا وطلعي من الجهه الثانيه فديتك

 

[noo7a]

لووول شفيها حماتج
الله يعينها على نفسها
لي تكلمت جذي قوليلها اي والله ادري تعلميني فيج مشالله عليج سنعه حتى من قبل لا تتزوجين

 

[اميره1980]

انا لو مكانج اقولها الله يرحم قبل لا تتزوجين حتى البيض ما تعرفين تسلقينه بس ريلج سنعج و الزواج حملج مسئولية كبيرة و لا تعطينها مجال تسولف بهالموضوع و قطعي كلامها و لا تكمله و راح تسكت مع الوقت و ما تتكلم فيه

 

[@البتووول@]

كل ماتكلمت عن الطباخ قوليلها على ايدج ذوقينا من هالذبايح اللي بس نسمع عنها

 

[مولاي الفرج]

قوليلها تعالي اعض ايدج اسويلج ساعه هديه عاللي سويتيه كله ههههههههه

 

[المكسيكيه]

الله بالعون

 

[رآآحٺ آيآمڪْـ]

آقؤلهآ على ضحكـة ة ..~ْ سبحآإن من يغير ولايتغير أؤل مآتعرفين ُ أشلون آتسؤين آلدجإج ؤآلحين تعرفين ذبيحـة ة ..علمينى ..؟

 

[الشهد كله]

عسى بس على هالنظافة والترتيب والسنع ريلها حاس فيها ولا معبرها :eh_s(10)::eh_s(10)::eh_s(10):

ودي أصدق :bbbiu::bbbiu::bbbiu:

أغلب الحريم اللي عندهم النظافة ( OVER ) يعتبر وسواس مو وناسة ولا نظافة

ورياييلهم مطنشينهم وحاقرينهم عشان جذيه تحط حرتها بالتنظيف :eh_s(17)::eh_s(17)::eh_s(17):

إذا شفتيها جذيه قولي لها اشلون فلان ( ريلها ) معاج عسى مقدر هالتعب كله

وشوفي ويها إذا ما صار علبة ألوان :rgewrg::rgewrg::rgewrg:

الله يعينها المسكينة ​

 

[FeShinGoOo]

واااااااااع طفارتي الي تعلق على سالفة معينه وبكل يمعه تعيدهااا

قوليلها يالله عيل الاسبوع الياي الغدا علييييييييييييييييج شوقتينا على هالطبخااااااااااات الي جنها بيض الصعو نسمع عنها ولا نشوفها

 

[كارلوفي فاري]

شفيج حبيبتي هذي صايره موضه هالايام
وين ماتقعدين اللحين تلقين وحده تمدح بروحها نسوا المثل اللي يقول مداح نفسه يبيله رفسسسسسسسسسسه

 

[PuPa^^SWeeT]

عادي شغل التفلسف والمهايط موجووود عند كل الحرييييم


عادي اتييج اشكال و ارناااااق


اتيييج وحدة ماتعرف تلبس ولا اترقع بهدوومها كل شي لوون واتقووول انا احب اكشخ واحب اسوي


عادي ياحبيبتي اتمشين الموضوع

واذا على زووجج بخريييه وكل مرة قولييله اشووفك تمدحني انشالله مو كل شوي تعلمي تعلمي

لوووووووووووول

ياشين اللي يقارن بين الحريم )