عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[حبة خاله]

هلا والله فهههده وأم العيال
بالله شناويين علي من روونا والله تفنجرني وبالشلوت
out
:O_SHH_::O_SHH_:

باجر أقول حق بنتي تدزه لكم على الخاص

 

[ام _خلودي]

حبه خاله اناا الا طلبه الووصفه

 

[مدرسة كويتية 95]

سؤال ثاني حبايبي اللي طارو بالردة علي الاتحاد انزين الجناط امرنا لله بس جناط السحب اللي ناخذهم معانا بالطيارة هم يوزنونهم والا ما لهم شغل؟ ردو تكفون باقي اسبوع علي الردة واحاتي

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

السلام عليكم
شخباركم بنات انا خلصت وزعت الصوغه وحطيت هدوم اليهال بالكبتات ونزلنا جناطنا السرداب وفتكينا
بس خليت جنطه لي باجر رايحه العمره مع اهلي
ام العيلان ترا مو ناستج بس عيز وليدي بينزل صور الكبت ما عرف ماكو الا ادزهم لج sms
واذا تبينهم دزي رقمج بالخاص>>> رونه بتصك التجمع ههههههه

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

سؤال ثاني حبايبي اللي طارو بالردة علي الاتحاد انزين الجناط امرنا لله بس جناط السحب اللي ناخذهم معانا بالطيارة هم يوزنونهم والا ما لهم شغل؟ ردو تكفون باقي اسبوع علي الردة واحاتي

لا ما وزنوهم بس حطو لهم اوراق الي خبرج يحطونهم مثل اليبل على الجناط وما تحجت على الوزن
بس احنا ماكانو ثقال لان 6 تذاكر فالوزن راهي عندنا دششنا كل جناطنا الثقيله الشحن ما عدا جنطتين حطيت فيهم جناطي وجم غرض ما ابيهم ينعفسون بالشحن

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

فهده لا تروحين فيغاس برمضان

 

[حبة خاله]

فههده أخذي معاج مره فطورج يوم الجمعه وجربي الفطور الجماعي في أي مركز أسلامي
والله تخنقج العبره من المناظر الي تشوفينها من تواصل بين المسلمين وتشوفينهم مستويات من العامل في المكدونالدز ليما الدكتور في حاله وحده وطبعا اختلاط حريم ورياييل ف مو تروحين بروحج بعد يمكن في مركزكم غير ماكو اختلاط
ولا تطوفج صلاة العيد بعد اغتنمي فرص ما تتعوض لا تطوفج التجربه

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

ام احمد جيكي الاميل دزيت لج صور الكبت بس ضغطي عليهم كبريهم

استودعكم الله الذي لا تضيع ودائعه برد الاربعا ان شاء الله

 

[الجوري74]

رد: رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

ام احمد جيكي الاميل دزيت لج صور الكبت بس ضغطي عليهم كبريهم

استودعكم الله الذي لا تضيع ودائعه برد الاربعا ان شاء الله

الله يسهل دربج تروحين وتردين بالسلامه
لا تنسينه بالدعاء والله يتقبل منج حبيبتي

 

[الجوري74]

رد: رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

فهده لا تروحين فيغاس برمضان

فهده
:eh_s(4)::eh_s(4):
نصيحه مثل ما قالت ظلال لا تروحين فيغاس برمضان

 

[فهههده]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

ظلال القران
اكيد يالغاليه مافي مجال نفكر لابفيقاس ولا بغيرها برمضان و طلعاتنا كلها بعد الفطور خفيفه تارقت ولمارت كوستكو سبكتروم فاشن لاين واصلا مافي وقت لابالنهار ولا بالليل
وعمره مقبوله لاتنسونا بالدعاء وتردون بالسلامه انتي واهلكم
وماشاءالله مبروك ظلال خلصتي ترتيب الشنط والهدايا بس ياليت تذكرينلنا شي من الي ممكن ويناسب ينوخذ هدايا لاني بلشت ولازم ابدى من الحين

وربعنا ورفيجاتنا الي ردوا وش جبتوا اشياء فعلا مناسبه هدايا نبهونا تكفون دام فيه وقت من الان نشتري يالله يمدينا

الجوري
اكيد مافي لافيقاس ولاغيره الا بعد العيد ربي يتمم لنا ولكم على خير يالحبيبه

حبة خااااااااااله
يابعدي انتي على هالتنبيه فعلا فكرة الفطور بالمركز اكثر من رائعه وروحانيه وتجربه وخبره للعائله بس هاليومين اتشوف بطيح على انسب واسهل شي ينقل فطور للمركز

 

[ms_5ajoola]

حياج الله معانا ماادري اذا رفعو التذاكر ولا لا انتي حاطه الخبر / وترى لو رفعو نسبة 4 ماتفرق وايد بتزيد يعني دينارين تقريبا

حبيبتي مشكوووورة وا تقصرين :bye22:

 

[Marymary]

قووووووووووة حبايبي ششلوووووونكم
\\


ووحمدلله على سلامتكم كلكم
انا الصراحة اشتقت حق امريكا " ودي اروحلها السنه اليايه "

احس ملل بالكويت اهني
مادري انتو شرايكم


بنات قبل جم يوم اخوي وريلي كانو يفكرون ان اييبون وكالة باث اند بادي ووركس الكويت
المهم ريلي دزلهم ايميل جان يردون عليه يقولوله مانقدر نعطي وكالة حق احد ثاني لان الشايع خذاها وراح يبطل 8 افرع بالميديل ايست ومن بينهم الكويت اتوقع هالسنه "

 

[كويتيه عبسيه]

ياحلوامريكا احلى سفره سافرتهااااااااااااااااااااااااااااااا

 

[Simply_The_Best]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

السـلام عليكـــــــــــــم شخبـاركم ؟؟؟؟ أول شي مبـارك عليكم الشهـر و ربي يعيـده علينـا و عليكم بصحة و عافية و زايـدين مو ناقصين

أدري غطيت بس والله ما عنـدي وقت دخلت مرة وحدة من هنـاك و كتبت وايـد حجي بس للأسف و كالعادة ما أدري ويـن راح ... تونا واصلين صار لنـا 4 أيـام من وصلنـا و على طـول حاشتني صخونـة اظاهر كله من جـو سان فرانسيسكو مــــــــــــــــوت بـرد !! اشتـا الكويت ما إيي عنـده و لا شي ! ما تـوقعنـا هالجـو بالهبرودة !! طبعا عيالي بعد ثاني يوم هنـاك صارو مراضى بنتي و ولدي الصغير و دفعنـا حـق الدكتور ابن الذينا 520 دولار

والله هالسفرة كلها شرطـة و شكاوي ... بس بشكـل عام لك ألف شكر و حمـد تونسنـا بس إبـونـا آذانييييييييييييييييييييييييييييييييييييي حنة يبي يرد الكويت بعد إسبوعيـن !!!! يقـول بس وايـد قعدنـا لوووووووول فقير يحاتي شغله و إلتزامـاتـه بالديـرة


بنـات وين صـوركم ؟ و على طاري الإكتئاب !! أنـا حاشني من طبيت أمريكـا لوووووول أحاتي يـوم الردة شوفوا التفكير بس

 

[Simply_The_Best]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

بنـات تونـي قاعـدة أقـرا مشاركاتكم بالصدفـة عـن العطـور .. في عطـر عنـد فيفث أفنيـو عجيب !! حطيته على إيدي من أول اليوم و تـم معاي لآخـر اليـوم اسمه Clive Christian و فيه اثنين واحـد بالعـود و الثاني اسمه اكس هذا أحلى واحـد بس سعره غالي حـول 700 دولار طبعا ما شريته لأني حسيت أن سعره وااو

 

[فهههده]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

هلا والله سمبلي سمبووووله هلا بهالطله
والحمدلله على السلامه وماتشوفين شر لاانتي ولا العيال ولا ابوهم
بس خير بعد الحنه على السفره يحوشكم اكتئاب وانتي بامريكا انتبهي بس واقري على نفسك والعيال
هاه وين رحتي وين تمشيتي وش تشريتي ابي اشتري هدايا بس للان ماعرفت وش أ خذ وابي عطور وكريمات بعد وانا لازلت بارفاين للان الله يتمم الرحله ويحفظنا ويستر علينا ونرد سالمين والحمدلله

 

[white**angel]

سمبلي انتي مثل حالتي كنتت حييل متشجعه حق السفره ولمن تقريبا صارلنا 10ايام حاشتني حالة اكتئاب مووووطبيعيه واحن ابي ارد الدييييره ولهت على اميي وخواتي
اقولهم انا عكس الاوادم بالسفره تحوشني حالة اكتئاب
فهده اذا بتاخذين صوايغ نصيحه اخذي من باث اند بديووركس

 

[Simply_The_Best]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

هـلا فهـدة الله يسلمـج حبيبتي .. الشر ما اييـج
انتـوا شخباركم عسى العيال بخير و إبـو العيال ؟ عـاد ذاك اليوم بالليل كنا بآيرفاين سبكتروم و لا ما شاء الله !!! السعودية كلها محتلـة المكان لووووول والله ذكرتـج قلت لنفسي يمكن وحدة منهم فهده و عيالها ... عقب دخلنـا بالسيارة على مبنى الشقق الي انتوا ساكنين فيه ماشاء الله حده راقي ... الله يهنيكم و زين اخترتوه

التمشي هالسنـة على بـروود يعني على راحتنـا نطلع على 2 الظهـر على ما الكـل يقعـد .... لا شي جـديد بالأماكن نفس أماكن العام تقريبا .... بس رحنـا الأوتلت دزيرت هيلز و أنـا حدي متحمسـة و مستانســـــــــــــــــة !!! و أروح بولو بشري لليهال ... و أشتري كـل واحـد تقريبا 4 قطـع المهم يطلع الحسـاب علي حـول 400 دولار هذا غير العربانة و الجنطـة !! و الجيس شكبره !! و أروح و أعطي إبونـا الجيس و أقـوله روح مع اليهال الكافتريا و أنـا بروح مع بنتي نتسوق ... يوم رديت و إلا ألقاهم قاعديـن بره عنـد الألعاب ( الي رايح يعرف المكـان ) الي يم جـوتشي ! هـا ويـن الأغـراض ؟ وين جيس بولو ؟ و إلا يركضون عيالي الأشاوس و إبونـا داخـل الكافتريـا و يــدوروننننننننن و انادي السكيوروتي و يكلم صديقـة بالاسلكي ... المهم العربانـة مالت ولدي مـاك لريـن غاليـة بعد و جنطة توني شاريتهـا من اليونيفرسـال !!! يديدة أول طلعـة لهـا و جيس بولو مبيوقين !!!!!!!! بغيت أبط راس اليهال و أبوهم واااااااااااااي قهر

عطينـا أرقمنـا في حال اذا لقـوهم ! و الله و يقعـدون السكيوروتي يدورون بسيايرهم مواصفات العربانة و الجيس .... و دقيـن على Lost found من الصبـح هم مافي فايـدة

لوووول صادف بنفس الوقت و احنـا بالسيارة طالعيـن من الاوتلت طيارة هيلوكوبتر و أنـا حدي تعيسـة ! و أتحلطم على اليهال و ابوهم ... و إلا أسمع عيالي ورا واحد يقـول شـوف شـوف الهيلووكوبتر و إلا الثاني يقوله إييييييييييييي قاعـديـن يدورون العربانـة و الجيس لوووووووول والله حزتهـا ما أدري شلون قعدت أضحك


بالنسبـة للصـوايـغ كـل واحد و غـلاتـه عنـدج .... ممكـن أطقم من فيكتوريـا سيكرت ( العطر الكبير + عطر الجنطة الصغيرونو + اللوشن + أو الشور جـل ) للبنـات بجامات أو الترينج سوتات للبنات أو مثل ما قالت وايـت آنجـل من با آند بدي وركس هم عروضهم حلـوة ... تشتريـن 2 و الثالث مجانـا و هكذا و يعطونـج كوبونات خصم على 20 % .... همممم شنـو بعد .. وال مارت ... لليهـال ... أنـا خميت لعيالي تشيرتات وايـد حلويين و أحلى من الي يبيعونهم بمحلات اليونيفرسال و أرخص بس مو الفرع الي موجود عنـدكم بتستـن Tustin ( الي عنـدكم حليو ) الي بسان فرانسيسكو وايــــــــــــــــد حلو و بضاعتـة غير .... أنـا شريت بـواكـه يعني wallt مرتبيـن نسائيـة بس أسعارهم معقـولة من محـل ب Ontario Mills و حتى إبونـا شرا من المحـل جاكيت جلد عجيبـة حـج سان فرانسيسكو و سعرها وايـد معقـول بعـد شنـوووووو .. حـق اليهـال شريت تي شيرتات من محـل ديزنـي بنفس المول على 5 دولارت و بعضهم أغلى ... lunch box اشحلوهم . خذيت لبنت اخـوي و عنـدج Rack nordstrom تكرمين الجواتي حلوة و أسعارهم معقـولة ! بس انشاء الله تحصلين القياس و عنـدج saks fifth avenue OFF هذا خذيت منه لبنت اخوي بدلـة كأنها من كيدز ستور ( البنات الي بالكويت يعرفونـه ) ... شـوفي اهو مافي مكـان محدد ... و إنتـي داشـة المـول دخلى كـل محـل و لفيـه على السريـع و تـرا حتـى غـاب أسعاره معقـولة للصوايغ .. بس إنتـي تبين شي ما فيه منه بالديرة حتى يكون له قيمة أكثر عنـدهم

 

[ام _خلودي]

هلاااااااااا والله سمبوووله عااش من شااافج

فقدنج يالغاليه

وحمدالله على السلاامه وخطااكم السوء

ليش دفعتوووا للمستشفى ؟؟

هذا وانتى خبره انا ولدى انفلع الاسعاف خذا منا 1400 دولار والمستشفى 1500 دولار

اخرر شىء اكتشفناا انه لووو قاضبين الباب وطالعين محد راح يكلمنا لان احنا سوااح مو مقمين