عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[رضاب 66]

الف مبروووووك رووووووونة على افتتاح التجمع
عاد انا كان بخاطري تجمع فقط فقط لامريكااااااااا
الله يسلمج انا راح اسافر من تاريخ 1-7 الى 28-7
راح انروح اورلاندو ونيويورك
على طيران الكويتيه " الي بأي لحظة راح تطيح فينا ';x

لا الله يهداج عن التخرع .. عاد انا عندى فوبيا طيارات ..انشاالله ماكو الا العافيه واللى الله كاتبه بيصير :eh_s(16):

 

[بوران]

مبرووك التجمع اليديد
بس انا مو مسافرة هالسنة لظروف خارجة عن الارادة لوووول
بس راح اكون متابعة سوالفكم
و انشالله الله يكتبلي سفرة حق امريكا السنة الياية

 

[ام البنين2000]

صباح الخير جميعا

سمبوله احسن طريقه اكتشفناها انا وروونه عدم الحنه والتمسكن بخبث لووووووول

ام خلود الحمدالله علي سلامة اختج
ديجتوله الله يبارك فيج ويشافي ام ريلج يارب
بعدين انت وينج وشخبارج واخبار ولدج

 

[أم أحلى جود]

صباح الخير اشلونكم جمعيا انا من زمان مو مشاركه بس امريكا خلتني اشارك رونه مبروك حبيبتي الافتتاح والله يرزقج السفره الي ابالج
ام البنين اشلونج بما انج خبرة بكاليفورنيا لوس انجلوس ماندري وين نسكن بصراحه تحير شنو افضل منطقة للسكن فيها
؟؟؟؟؟؟؟؟؟؟؟؟؟؟

 

[ام البنين2000]

هلا ام احلي جود انا بخير حبيبتي انت شلونج

بخصوص السكن انا افضل نيو بورت اناهايم كوستاميسا انا العام سكنت بمنطقه اسمها كورونا تبعد عن اناهايم ربع ساعه وهذي المناطق تكون اقرب حق سان دييغو
في ناس تفضل تكون قريبه من لوس انجلوس فتسكن ببفرلي هيلز او هوليوود او سانتا مونيكا انا احسها زحمه فما احب اسكن فيها

 

[Marymary]

ام البنين رحتي فلوريدا من قبل؟؟؟

اتصدقون انا كل يوم والثاني اقول جانزين اكنسل السفرة والسبة بنتي

لان مالي قلب اهدها اخاف مناك اقلبها مناحة "
انا بخليها عند امي وابوي ووخواتي واشوه انها وايد متعلقة فيهم لان انا اروح الدوام عند امي وابوي ومرات عيارة ماتبيني تبي امي
فأنتو شرايكم ؟؟؟

وماقدر اوديها لان ادري راح اتأذى عمرها بيكون 9 اشهر

 

[أم أحلى جود]

شسم الفندق الي سكنتي فيه ام البنين ؟ بس انا بسكن بسان دييغو ومحتاره اناهيم ولا بفرلي هيلز ؟ ولا مره رحتامريكا فماني عارفه ؟ سكنتي شقه ولا فندق ؟

 

[أم أحلى جود]

جان زين احد يوضح لنا عن مناطق لوس انجلوس شنو الي بشمال وشنو الي بالجنوب ؟ والي جرب شقق فندقيه خل يقولنا بانتظاركم ياحلوين

 

[ام البنين2000]

انا سكنت بسويت صغير غرفه وصاله وشبه مطبخ صغير
الصاله كان فيها سوفا بيد ينامون عليها عيالي وقعدت بفندق ماريوت اسمه سبرنج هيل
وحبيبتي الشمال اهما بفرلي هيلز وهوليوود وسانتا مونيكا
الجنوب انهايم كوتا ميسا نيوبورت لونج بيتج
وبخصوص سان دييغو انا ما سكنت فيها علشان كانت تبعد ساعه عن منطقتي يعني اذا سكنتي بالجنوب تكونين قريبه لسان دييغو

انت دشي علي موقع ماريوت في خريطه توضح كل فندق وين موقعه وشنو الاماكن القريبه منه وعندهم بعد شقق فندقيه اللي اسمها ريزدنت ان
او تاون بليس
وختاري منه اللي يعجبج

www.marriott.com

 

[Marymary]

ام البنين ما رديتي علي "

 

[ام البنين2000]

iهلا حبيبتي mary mary
انا للأسف مارحت فلوردا من قبل اللي ممكن اتفيدج روونه
وبخصوص بنتج انا عن نفسي كنسلت السفر لمي ولدي كان صغير وسافرت 10 ايام شرم الشيخ وبعدين لمي كمل سنتين خذيته وياي امريكا انا ما اقدر اخلي عيالي وسافر من دونهم حتي لو عند امي ما استانس بصراحه
وهذا الشي يختلف من وحده لي وحده في امهات يقدرون وفي لأ انا ما اقدر
وانت شوفي نفسج تقدرين تروحين من غيرها او لأ
اذا ما تقدرين انا اقول اخذيها وتعاونو عليها انت وريلج

 

[دلع الكون]

السلام عليكم ....
عندي جم سؤال لو سمحتي .
شلون أقسم رحلتي بين واشنطن .. أورلاندو .. نيويورك .. واشنطن ... وين أسكن احسن شي ... طبعا أهم شي عندي أورلاندو عشان بنتي تستانس في دزني ... الكل يقول واشنطن ونيويورك حدها 4 ايام ... وفي ناس قالو غير الرحله حق لوس أنجليس وأرلاندو ... ابي اذا سمحتي ممكن تعطيني رايج وتقسمين الرحله لي لأن أنا وزوجي أول مره نروح ومانبي تطيح بأخطاء ... طبعا الرحله راح تبدي من واشطن لأن طيارتنا على يونايتيد من تاريخ 31/5 لمدة 28 ليله ... ولاتنسين لو سمحتي ترشحيلي فنادق زينه ومع العلم ترا ماراح نأجر سياره يعني التنقل بين الولايات طيران داخلي على شركة دلتا ..

ومشكوره وايد على التجمع

 

[أمانيQ8]

ماريمار انا ولدي بيكون وقتها عمره 9شهور بس شسوي بوديه ما اقدر اخليه قلبي مو مطاوعني
وبصراحه عمري ما خليت اعيالي وسافرت

 

[أم بنوته]

السلام عليكم ....
عندي جم سؤال لو سمحتي .
شلون أقسم رحلتي بين واشنطن .. أورلاندو .. نيويورك .. واشنطن ... وين أسكن احسن شي ... طبعا أهم شي عندي أورلاندو عشان بنتي تستانس في دزني ... الكل يقول واشنطن ونيويورك حدها 4 ايام ... وفي ناس قالو غير الرحله حق لوس أنجليس وأرلاندو ... ابي اذا سمحتي ممكن تعطيني رايج وتقسمين الرحله لي لأن أنا وزوجي أول مره نروح ومانبي تطيح بأخطاء ... طبعا الرحله راح تبدي من واشطن لأن طيارتنا على يونايتيد من تاريخ 31/5 لمدة 28 ليله ... ولاتنسين لو سمحتي ترشحيلي فنادق زينه ومع العلم ترا ماراح نأجر سياره يعني التنقل بين الولايات طيران داخلي على شركة دلتا ..

ومشكوره وايد على التجمع

شوفي حبيبتي واشنطن ما فيها أماكن وايد تقدرين تروحيلها يعني 3 أيام وايد عليها ، بالنسبه لتقسيم الرحلة آنا أقترح أنه تكون أورلاندو قعدو فيها 21 يوم بعدين روحي نيويورك 4 أيام و خلي واشنطن آخر 3 أيام ، اتمنى أنه البنات يفيدونج أكثر و إنشا الله تستانسون بسفرتكم

 

[rawona]

مبررررررررروك

روونه صج صج استانس علشاانج الله يتمم عليج وان شاء الله سفره سعيده

ان شاء الله اذا الله عد اليوم هذا على خير لى عووده للموضوع

بنااااات لاتنسونى اختى بالدعاء عندها عمليه بعد شوي نسبه الخطوره 80 %

ام خلودي حبيبتي الله يشافي اختج يارب ويقومها بالسلامة وتقر عينكم بشوفتها اللهم آمين .. أمس بغيت اتصل عليج بس بعدين تأخر الوقت وكنسلت

قلبي وياج طمنينا على اختج وان شاءالله معافاة ..

​

اي نسيت اضيف
شغله انا وزوجي بنروح
وبنتي راح احطها اهني "بالكويت عند امي وابوي وخواتي "

امممم شوفي مدام انتي رايحة امريكا واورلاندو بعد انا اقول اخذيها!

اول شي الديرة كلها لليهال .. ووين مارحتي بتذكرين بنتج وقلبج بيفرفر عليها .. واهناك كل شي متوفر لليهال الحمامات عزج الله فيها اماكن لتبديل اليهال وأماكن للأمهات المرضعات .. ووين ماتروحين بشوفين الناس ويا عيالهم وبعضهم أعمارهم شهر وشهرين! ..

لو رايحة كاليفورنيا بأقولج خليها لأن الديرة كبيرة ووايد تنقلات وعروض للكبار .. بس اورلاندو سهالات وبالنسبة للألعاب تقدرين تلعبين وريلج يمسك البنت والعكس عندهم غرف يسمونها child swap للأهل اللي ما عندهم احد يمسك عيالهم .. وانتي عاد واللي يرحج ..

وهم ترى اذا خليتيها اهني مالها الا العافية بين اهلها واريح لها .. وان شاءالله تستانسين سواء خذيتيه والا لا
​

أنا بخاطري اروح حق أمريكا ,, بس مادري اروح حق اي منطقة وجم التكاليف ومن اي طيران احجز ,, بس انا وزوجي

ساعدوني ؟

اذا انتي وزوجج بس روحوا كاليفورنيا ولاس فيغاس

الكي ال ام مسوين عروض لكاليفورنيا الحين حق شهر 7 التذكرة ب 356 دينار وايد زين ..

والفنادق على حسب تبتدي من 30 دينار لليلة لي فوق على حسب المنطقة ووين تبين تسكنين ..

سفرة أمريكا شاملة التذاكر والسكن والسيارة لشخصين لمدة 3 اسابيع تكلف أقل شي 2000 دينار

والمصرف والمشتروات يبيلج كثرهم او اكثر شوي

موفقة
​

مبرووك التجمع اليديد
بس انا مو مسافرة هالسنة لظروف خارجة عن الارادة لوووول
بس راح اكون متابعة سوالفكم
و انشالله الله يكتبلي سفرة حق امريكا السنة الياية

الله يبارك فيج وان شاءالله تنكتب لج سفرة السنة الياية يارب
​

 

[rawona]

السلام عليكم ....
عندي جم سؤال لو سمحتي .
شلون أقسم رحلتي بين واشنطن .. أورلاندو .. نيويورك .. واشنطن ... وين أسكن احسن شي ... طبعا أهم شي عندي أورلاندو عشان بنتي تستانس في دزني ... الكل يقول واشنطن ونيويورك حدها 4 ايام ... وفي ناس قالو غير الرحله حق لوس أنجليس وأرلاندو ... ابي اذا سمحتي ممكن تعطيني رايج وتقسمين الرحله لي لأن أنا وزوجي أول مره نروح ومانبي تطيح بأخطاء ... طبعا الرحله راح تبدي من واشطن لأن طيارتنا على يونايتيد من تاريخ 31/5 لمدة 28 ليله ... ولاتنسين لو سمحتي ترشحيلي فنادق زينه ومع العلم ترا ماراح نأجر سياره يعني التنقل بين الولايات طيران داخلي على شركة دلتا ..

ومشكوره وايد على التجمع

اممم اذا انتي بطبين في واشنطن انا اقول خلي رحلتج الدولية على اليونايتد جذي


كويت- واشنطن -كويت

نيويورك 3 ليالي

اورلاندو 23 ليلة

واشنطن ليلتين

او تقدرين تبدين نيويورك وواشنطن اول شي وتخلين اورلاندو آخر شي علشان الجناط والوزن ويعتبرونها لج طيران دولي

الشغلة الثانية والمهمة السيارة ضروروية جداً لتنقلاتكم داخل اورلاندو بالذات يعني لازم تحجزون سيارة باورلاندو ضروري واوفر لكم من التكاسي لأن لازم سيارة مو مثل اوروبا مافي قطارات او تكاسي وايد منتشرة ولا باصات


موفقة


​

 

[rawona]

ديجتال

الله يبارك فيج والله يشافي ام ريلج يارب ويعافيها .. طمنينا عليها





أماني

مشكووووووووووورة :e3: ويعطيج العافية على المجهود اطيب والقل الرائع وان شاءالله البنات اللي بيطلعون فيزا يستفيدون ..




ام أحلى جود


انا بعد هالسنة ان شاءالله كاليفورنيا وافضل اسكن بالمناطق اللي قالت عنها ام بنينو

Newport Beach

Anaheim

Costa Mesa

Irvin

تصدقين مو حابة اسكن قريب من لوس انجلوس وسانتا مونيكا مادري ليش

احس بالمناطق اللي قالت عنها ام بنينو اكثر هدوء !

​

 

[rawona]

:nbvppw::nbvppw::nbvppw:



مواقع مفيدة لسفرتكم لأمريكا إذن الله


حجز الطيران



الاتحاد www.etihadairways.com

اليونايتد www.united.com

الدلتا www.delta.com

الكي ال ام www.klm.com

القطرية www.qatarairways.com

الإماراتية www.emirates.com


التركية www.turkishairline.com





يتبع :sfg:


​

 

[rawona]

مــــواقع حجوزات











لحجزرات الفنادق - الطيران - السيارة - الكروز او الباكيجات



اكسبيديا www.expedia.com

برايس لاين www.priceline.com

تشيب تيكتس www.cheaptickets.com

هوت واير www.hotwire.com

هوتيلز www.hotels.com

وهذا الموقع اللي حجزت منه تذاكرنا وشفت عروض حلوة لفنادق لاس فيغاس فيه بعد

ترافلوسيتي www.travelocity.com



يتبع :sfg:

​

 

[rawona]

مواقع حجز السيارة







تقدرون تحجزون سيارات من المواقع اللي حطيتها توني او مواقع شركات السيارات نفسها



هيرتز www.hertz.com

أدفانتج << تبع هيرتز www.advantage.com


دولار www.dollar.com


ثرفتي www.thrifty.com

الامو www.alamo.com

بدجيت www.budget.com

افيس www.avis.com



:eh_s(15):





نسيت أضيف ملاحظة مهمة


للي بيسافرون اورلاندو حتى لو مو معاهم اعيالهم افضل يسكنون في منتجعات وريزورتات افضل واونس وشكثرهم باورلاندو


واللي مسافرين كاليفورنيا ومعاهم اعيالهم وبيقعدون اقل من شهر افضل سلسلة فنادق ماريوت اللي تكون شبه شقق فندقية مثل

Residence Inn

Townplace

اريح لهم

واللي بيقعدون فوق الشهر بكاليفورنيا عندهم شقق الأكوود


www.oakwood.com



وبس باكتفي بهالقدر من المعلومات يلا البقية همتكم معاي :eh_s(15):


ام بنينو حطي اسواق كاليفورنيا ولاس فيغاس واللي تعرفونه من أماكن سياحية ما تتطوف :sfg:




:bye22:

​