عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[ام البنين2000]

ماري ماري للأسف انا ما رحت نيويورك ولا مره

 

[ام البنين2000]

ام العيال تري انا بعد صبحت عليج بس انتي مارديتي يمكن كنتي لاهيه بتسجيل بنتج بالجامعه
الله يوفقهم ان شاء الله

 

[in style]

هااااي بنات صبااح الخير

الا روونه وينها مالها حس

 

[ام البنين2000]

هلا ستايل صباح النور شلونج

 

[Marymary]

ام لعيال بعد عمري مشكورة
ام البنين جربي روحيلها ترى حلوة "
ان ستايل عندها ظروف ما تقدر تشبك النت هالمدة وان شاءالله ترجع لنا بأقرب وقت والله مشتاقين لها

 

[om l3yal]

ام العيال تري انا بعد صبحت عليج بس انتي مارديتي يمكن كنتي لاهيه بتسجيل بنتج بالجامعه
الله يوفقهم ان شاء الله

حبيبتي والله سامحيني ما انتبهت كنت قاعدة ازهب اغراض السفر بالمنتدى
واي اموت انا على اللي يتشره بذرابة
الله يوفق عيالج انتي بعد والمسلمين ان شاء الله
ام البنين تدرين في شي لما اقراه بهالتجمع انغث وتلوع جبدي وينكسر خاطري

 

[حبة خاله]

:hjy5jewf::يزاج الله خير يا أم لعيال وعسى الله يحرم ايدياتج عن النار ويوفق عيالج
خوش شغل

 

[Marymary]

ام لعيال شنو الشي الي تلوع جبدج منه بالتجمع " افا

 

[حبة خاله]

:ssssso:عسى مو مني
أخاف حنيت وايد على تنزيل الموضوع
عفيه والله أتوب لا تطردوني آنا توني طايحه فيككككككككككم:lkmnkl:

 

[حبة خاله]

أبييييييه محد رد علي
يعني آنا الغثيثه وألوع الجبد
خلاص عيل مع السلامه
عاد آنا يايه أقولكم سالفه تفيدكم بس خلاص ماني قايلتها
خنروح حق ربعي المتان في السمنه والنحافه أحسن لي:krkrkr:

 

[om l3yal]

ام لعيال شنو الشي الي تلوع جبدج منه بالتجمع " افا

انغث علشان تم البنين مسكينة آدام يوم السبت الكل إجازة واهي أداوم بعد عمري

 

[om l3yal]

أبييييييه محد رد علي
يعني آنا الغثيثه وألوع الجبد
خلاص عيل مع السلامه
عاد آنا يايه أقولكم سالفه تفيدكم بس خلاص ماني قايلتها
خنروح حق ربعي المتان في السمنه والنحافه أحسن لي:krkrkr:

حبة خالة آفا أنا انغث على ام البنين علشان أداوم بعد عمري يوم السبت والكل نايم
اقول ترا أنا من وبهج اللي بتروحين لهم
وسالفة المستلزمات أنا كل سنة اسوي ورقة واتضيع وصارت فرصة انزل الموضوع علشان الكل يستفيد أتم مرجع حق الكل حق كل سنة
اقول قولي سالفتج اللي تفيدنا خلينا نستفيد يا حلوة

 

[om l3yal]

:hjy5jewf::يزاج الله خير يا أم لعيال وعسى الله يحرم ايدياتج عن النار ويوفق عيالج
خوش شغل

ويحرم جبهتج وجبات الحبابي كلهم عن النار
حبيبتي مأسويت شي هذا شغلج انتي وانا زدت و عدلت عليه انتي اللي الله يعطيج الف عافية

 

[حبة خاله]

:bbbiu:أشوه حسبالي بعد
السالفه الي عندي أهيه ماأدري تعرفونها والا لا انك تدخلين على سايت لفندق معين وتصيرين عضوه معاهم وتحاولين تكون أغلب حجوزاتك عندهم حتى لو تروحين ولايه ثانيه هم تحجزين عندهم مثلا ماريوت وكل الفنادق التابعه له
ومتى ما وصلتي حد معين من الليالي يبدون يعطونك ليله مجانا أو خصم على الاقامه

 

[Marymary]

ام لعيال صح مسكينه وعليا "(((((( يعني ام البنين انتي كلش ما عندج ويك اند الا مرة وحدة بالاسبوع ؟؟؟؟؟؟؟؟؟


حبة خالة افا يبا احنا الطالعين وانتي الي تدخلين افا عليج لا تقولين هالكلام

حبة خالة وام لعيال صج مشكورين على موضوعكم انا تو الناس على تجهيز جنطتي
بس نسيتو شغلات جانبية
اول شي كتابة كل الاماكن السياحة باللغة الانجليزية وبدون اخطاء املائية عشان لما تدخلينهم بالجي بي اس يكون صحيح
وثاني اهم شي بالنسبه لي الدكشنري الناطق ( اليكترونيك دكشنري ) عربي انجليزي وانجليزي عربي ...

 

[ام البنين2000]

بعد عمري والله ام العيال وماري ماري
شوفو حبايبي انا اداوم كل سبت او ساعات سبت وترك علي حسب ظروف عيالي اذا عندهم امتحانات او لا يعني اذا عندهم امتحانات ما اروح السبت اقعد بالبيت ادرسهم
عاد ليش اسوي جذي علشان انا اجازتي السنويه كل سنه اسافر فيها واحب اخذ ارمضان اجازه بعد فطول السنه اجمع رصيد حق رمضان واطلع اجازه بالرمضان وساعات يكون عندي اكثر من شهر يعني اذا تأخرت تنحسبلي ساعات اضافيه اخشهم بعد حق اليهال لا سمح الله احد صار مريض او اجتماع اولياء امور علشان انا بصراحه استحرم الطبيه احس انه اذا مو مريضه وخذيت طبيه يوم الطبيه معاشه حرام طبعا هذي وجهة نظري .....وهذي سالفت السبت كلها

 

[فهههده]

:hjy5jewf: حيووووا ام البنين معي لانها فعلا موظفه رائعه وام مثاليه

الله يبارك بمالك وعيالك




..

 

[F.a.r.a.7]

السلام عليكم بنات .. احنا إن شاءالله ناوين على امريكا هالسنه بإذن الله

وعلى شهر 7 إن شاءالله السفره بس للأسف ماحددنا شي ولاحجزنا للحين
بغيت اسأل صاحبات الخبره الي سافرو امريكا ، أي منطقه هناك فيها طبيعه وشنو المناطق الي تستاهل العنوه .؟!
لأن صراحه حدي عليميه بأمريكا وهالسنه اول سنه اسافرلها اتمنى منكم تفيدوني ناطره منكم جواب وبدعيلكم

 

[Marymary]

الله يعينج ام البنين " يحليلج صج انج موظفة بذمه وضمير "
اهلين فرح حياج الله ويانا يا عمري
انا والله نفسج ولا مرة رحت ... بس وايد يمدحوون اورلاندو وكاليفورنيا "

 

[حبة خاله]

بعد جبدي ماري ماري عسى الله لا يخليني منكم

ماشاءالله عليك يا أم البنين تعجبيني والله لو ربع الموظفين يشتغلون بضمير مثلك جان الكويت بخير :q8:كفو والله وراح تشوفينه انشاءالله بركه بفلوسك وبيتك وزوجك وعيالك انشاءالله
الله يوفقك والله وكبرتي بعيني أكثر وأكثر أموت على الموظف الي جذيه

حياك الله فرح شوفي حبيبتي تبين طبيعه مالج الا سياتل باااااارده وطبيعتها تشبه أوروبا لأنها قريبه من فانكوفر في كندا المعروفه بطبيعتها الخياليه وجوها العجيب
بس مشكلتها وايد بعيده وما يمها أي ولايه تسوى الروحه لها يروحون لها الناس الرياضيين الي يحبون التسلق وركوب القاري(اي الدراجه) اهيه معروفه بهالشي بس اذا كنتوا معاريس أوكبار بالسن تصلح لكم
والفرق بين أورلاندو وكاليفورنيا ان أورلاندو حرها على رطوبه أكو ناس وايد يحبونها وكل ما راحوا يقعدون فيها بس آنا بصراحه ما أتحملها لان احنا مو مال العاب مائيه وسباحه آنا مره رحت لها شهر 3 كان جوها عجيب وفعلا استانست وايد بمنتجعاتها وطبيعتها الحلوه لكن كاليفورنيا حرها معقول وبعدين لاس فيغاس يمها علشان جذيه آنا أفضلها
بس ترى وايد تأخرتوا بالحجوزات على الأقل حجزوا طيران التذاكر كل مالها وتغلى وعساكم مطلعين فيزا وخالصين؟روحوا قبل الزحمه والله يوفقك