ععدساتي قطعوا عيوني :'(

[Senyorita AFM]

حبيبتي
انا ما اقولج عندي خبره كافيه بالعدسات
بس افهم فيهم

اخذي فرش لوك
تراي كلر
بيلا
ميساء مغربي >>> مجربتهم وحده بالانستغرام تستخدمهم يوميا وتمدهحم


واخذي قطره معقم حتى لو جمجوم من الصيدليه
تجي لون اصفر او اخضر او ازرق او كحلي
كلهم نفس بعض تقريبا ورخاص

والمحلول اخذي الاصلي من الصيدليه
في هذول زينين .. تجربتي الخاصه







وبالنسبه لطريقه التنظيف
حطي العدسه براحه ايدج وصبي ماي من الفتر او محلول وشوي شوي حركيها بصبعج ديري بالج تنشق
وغسلي العلبه بماي وحطي فيها محلول وردي العدسه
اذا كنتي تلبسينهم يوميا .. ف كل يوم تنظفين
واذا لا .. ف نظفيهم من وقت لي وقت
وبسسسسسس

واللي تسأل عن الرموش اخذي ماكس فاكتور او ماك

دعوآتج ياحلوه

 

[مييريآ]

هلا حبيبتي

في 4 اشياء تسبب الحساسية من العدسات

1- اول شي اذا نوعها رخيص وايد وتجي العدسه اكبر من حجم البؤبؤ ، بس هالانواع صينيه او كوريه او اللي تنشرى من النت ، اما فريش لوك او تراي كلر او عدسات غادة عبدالرازق او ميريام فارس او نوال الزغبي ما تسبب حساسيه .
2- المحلول اللي تنظفين فيه العدسات ، الانواع الرخيصه تسبب حساسيه بالعين ، او في انواع معينه يمكن عيونج ما تتقبلها ، فانتي اشتري 3 انواع مختلفه وشوفي شنو اللي ترتاح عليه عيونج ولا تنسين تنظفين علبه العدسات اسبوعيا وتغيرين المحلول الي فيها.
3- في ناس اصلا عيونهم حساسه ، ومافي حل اكيد بتصير العيون حمرا او تدمع او تحرق ، فالاحسن ما تحطين عدسات .
4- لو كنتي تحطين عدسات عادي وما كنتي تحسين بعوار وبعدين صارت عيونج تتحسس فهذا من سببين ، حسد ، او مشاكل بالقرنيه .
انا ما احب اقول على كل شي عين وحسد بس بالنسبه للعدسات صارت مع اختي ، وحدة قالت لها عيونج حلوة وشنو نوع العدسات ما مر 5 دقايق ولا اختي تحس مثل الابر تنغز بعيونها وشالت العدسات على طول وقطتهم بالزباله ، وتمت فترة ما تقدر تلبس عدسات ، والشي الثاني الي يلبسون عدسات يوميا ولفترات طويله يتسبب هالشي بضعف القرنيه والتهابات ما تحسين فيها الا لما تحطين العدسات ، ولو فحصتي عند دكتور بيقول لج .

هذا كل اللي اعرفه ،، انا وخواتي خبره بالعدسات ههههههه ،، بالتوفيق

 

[غلآ نوآف]

سبحان الله انا تراي كلر ابدا ماناسبوني حمرو عيوني ويتحركون
وجربت بعد بيلا كلش ثقال وسببت لي جفاف
فرش لوك جدا مرتاحة عليهم لكن الوانهم ع العين هادية وخفيفة
كان خاطري بالوان واضحة وقوية مثل تراي كلر لماتلبسيهم

يمكن اجربهم م جديد

 

[mllon]

غيري المحلول اللي تغسلين فيه عدساتج

وضروري تجيكين ان العدسه سليمه ، يعني مو مزلغه


انا كنت نفسج، بس غيرت المحلول ، ارتاحت عيني

 

[still there]

انا العدسات مرة وحدة بحياتي لبستهم بسبب صعوبة لبسهم الصراحة ×× يعني معاناة هذاك اليوم و الكوافيره هي اللي حطتهم بعد صراع واتوقع ما نست الموقف ×× وطبعا طول العرس ماشفت شي كله ضباب ×× رجعت البيت وقطيتهم


بصراحة بنات شلون تلبسون العدسات ما ترمش عيونكم ؟ << تري حدي بدائية بالهسوالف

 

[فيلسوفة قلبي]

كانت تصير معي هالحآلة لما ألبس عدسات فريش لووك ...

يخلووون عيني حُمر تدمع وماأقدر أطالع بالضوء أو الشمس تعبوووني حيل

لا وبعد يسببون لي حساسية حوالين قرينة العين ..

ف وقفت أخذ من فريش لوك وأنتقلت ل بيلآ (سنوآيت )ألوآنهم داكنة وطبيعية حييييل


أنا ألبس البني أغمق درجةأن عيوني الطبيعية فاتحةة وماأحب كلش النظارة الطبية =((

 

[ظبية بوظبي]

القطره الي تبيض بياض ألعين هذي اصلا غرضها طبي لكن في ناس يستخدمونها لتجميل وهالشي خطر فوق مضارها الصحيه تقلب البياض مع كثره الاستعمال للون رصاصي او حتى مزرق اختي كانت تحطها حتى وهي قالبيت والحين لون البياض عندها غير عن اللون الطبيعي. قلبت رماديه مزرقه