عشاني بسجل بنادي رياضي ...............قال عني انتي عاااهرة !!!!!!

[ماروكوالصغيره]

بس حبوبه ماتشوفين ان العنوان حيل كبير عالموضوع !!

 

[ياملحي]

الله يهدي ابوج ويخليه لج

مايجوز يقول لج هالكلام

وانتي لازم ماتعقين فيهم ولاتعاقبينهم عشان اغلطوا فيج تبين الجنه دوري رضاهم

وبالنسبه للنادي اشتري اجهزه وحطيهم ببيتكم اذا الطلعه مستحيله ومايخليج تسجلين

اي والله الله يهديه حتى لو طلبت منه الاجهزة بيرفض لانها غاليه :eh_s(11):

،


حبيبتي لاتتضايقين ترى حالج اهون من حال غيرج ع الاقل تشبكين وتقضين وقتج مابين نت وتي في والطلعات والله مادري
بس بنت جيرانا والله لانت ولا طلعه ولا دخله وخلوها تكمل لي 2 متوسط وقعدوها لما صار فيها نفسيه ودخلوها الطب النفسي وامي راحت هاوشت اهلها وقالت لهم كله من حكرتكم والحين شوي شوي خلوها تطلع بس مع امي غيره لا وامي تمشيها وتتسوق معاها ونفسيتها تعدلت وصارت تقعد مع الناس وكملت دراستها واخذت معهد وصار عندها لاب توب بس ماتشبك دايم فيه بحكم اخوانها بس الحمد الله حالها تغير

حبيبتي اهلج طوفي لهم ولاتقولين ابي وابي تجنبي الكلام وباجر تتزوجين ان شاءالله وتسوين الي خاطرج فيه

الله يهديهم على هالكلام وياجرج ان شاءالله

انا حتى اكلت حبوووب نفسيييييييييييه !!!!! وانا توني ببدايه عمري جاني اكتئاااب :eh_s(16):

شوفي حبوبة

اهلج ما يبون تدخلين نادي

عادي لا تدخلين

العبي رياضة بالبيت

بس اشلون يقولج عاهرة

لو منج ما اعديها لهم بسهولة

شنو هالكلمة بسيطة !!!!

لو منج ابجي واصارخ واقلب البيت عليهم واضرب عن الطعام والشراب بعد

شنو يعني يقول عاهرة

بعدين اذا تزوجتي وعصب عليج يقولها قدام زوجج وعيالج

سامحي بكل شي الا الشرف

حتى لو ابوج

هذا رأيي انا وانتي بكيفج

عارفه انها قوويه بس من الصدمه سكتت مو عارفه وش اقووول

 

[ياملحي]

شفيهم الناس هاليومين يشووفون النادي مكان مو زين!!

اذا عشان تحافضين على جسمج الحل انج تشترين الاجهزه بالبيت
واذا على ضيقه الخلق ف الله يعينج شتسوين بعد

من جد مادري وش فيه النادي عشان يمنعونا منه ؟؟؟؟؟؟؟

الله يكون بعوونج
شكله اهلج نفس اهلي
بس انا تعودت ماقمت احن عالطلعه والا نادي وهالسوالف لاني اعرف الجواب
ليش اتعب عمري
اللي يضحك بالموضوع يقولولي .. لي تزوجتي سوي اللي تبينه ههههههه
انزين واذا ماتزوجت شسوي !! << اموووت مثلا

ههههههه من جد اهلي نفس اهلك حتى هم يقولون اذا تزوجتي اطلعي وروحي :eh_s(4):

 

[ياملحي]

بس حبوبه ماتشوفين ان العنوان حيل كبير عالموضوع !!

ليه كبير العنوان نفس محتوووى الموضوع مالفت ولا جبت شي من عندي جد عشان نادي قال انتي عاهرة !!!!!!!!!!!!!!!!!!!!!!!!

 

[عشقك وطن]

هههههههههههه شوفي انا عندي جهاز بالبيت بس ماقرب صوبه لان فيني كسل طبيعي

فأبي نادي عشان التزم وعشان فيه كذا جهاز مختلف .



بس احس لو اقول لهلي بيقولون لأ ؛ بس مع الحنه اتوقع مو مشكله بس هم بعد فيني كسل اقولهم بروح نادي ههه


عاد وش قلت بسوي مرت اخوي بتروح وبروح معها عشان لاحد يسوي سالفه

فأنتي شوفي احد كبير يثقون فيه يروح معك ولا خلي امك تروح معك تسوي لك رادارات


صراحه شي غريب ابوك يقولك كذا والله الحكره هي اللي تجيب البلاوي


انا اقول روحي وتكلمي ويا ابوك كسري خاطره قوليلها شلون وانا بنتك تقول عني كذا ومن هالكلام



الله يسهل لك

 

[lovely jojo]

حاولي تنسين الموضوع مافي حل ثاني

 

[عالي مستواها]

انا رديت قبل بس موضوعج شدني وفيه كلام ليما الحين بقلبي

نصيحتي انسي السالفة كلها بكبرها وحتى كلام ابوج انسيه لا تشيلين بقلبج شي انتي اللي بتتعبين وبعدين هذا ابوج لو مهما سوى لج يبقى ابوج سواء رضيتي عن معاملته او مارضيتي انتي ملزومه تبرين فيه

وتأكدي كل كلمة يقولها من خوفه عليج مو كره ولا شك فيج بس خايف عليج وعلى باله النادي فيه ناس مو زينه مايبيج تحتكين فيهم اكيد

الاخت عشقك وطن قالت اقتراح حلو اذا عندج اخت كبيرة ولا وحده يثقون فيها قولي بروح معاها النادي وخليها تدش معاج شوي شوي بيصير الوضع عادي واذا جربتي ومانفع خلاص انسي السالفة وصدقيني اللي بالنادي تقدرين تسوينه اشتري اجهزة بالبيت او دشي اليوتيوب تلقين مقاطع تمرينات تأقلمي مع واقع اهلج وعادي الحياة حلوة النادي مو شي ضروري ترا ماتسوى تتعبين نفسيتج عشانه

 

[آتعــبني غـلآآك]

خلاص حبيبتي مايبونج تروحين لا تروحين
احسن من انه يقط عليج كلام يعور القلب
ومع الوقت بيعرف انه غلطان

 

[شوق95]

الله يعينج

 

[ღ كحلاء العين ღ]

،*

آهلج هم آهلج مآ رآح يتغيرون …

فآنآ آقول آنتيے غيريے آسلوبج معآآهم آضحگيے و سولفيے و تغشمريے لآ تفصلين نفسج عنهم …

حتـآ لو سبوج وبهذلووج آقلبيهآ ضحگ وونآسـه …

و لبيے طلبآتهم و آي شيےء يبونه سويـه من دون لآ لآء و آلآ مآليے خلق …

وبهآلزمن آلقلب آلحسآس مآ يعيييش

قطيے آحسآسج و گرآمتج و شعورج ورآ ظهرج عنـد آهلج و سآيسهم حتے لو خلوج بيزه مآ تسوين …

آهلج آگيد لهم ميززآت آگتبيهآ بورقـه و ذگري نفسج فيهآآ …

و خلييج قوييــه و لآ يهزج گلآمهم …

وآلله يعينج قلبوو و يهـديے آهلج …

وآي شيےء تبينه آنآ موجودهـ
​

 

[دلع العتبان]

لاتدشين نادي اقعدي بييت اهلج اصلا لادشيتي نادي بيلوعون جبدج على النازله والطالعه الله يهديهم بس مالها معنى هالسوالف ،،،​

 

[أحلى البشر]

الله يعينج

 

[بنات حواء2]

امبيييييييييييييي
لا مو صج شلالفاظ اشلون يقولج جذي و انتي تربيته
لا لا مو صج
يعني الحين انا عاهره و الي بنوادي كلهم عاهرات ؟؟؟؟؟؟؟؟؟؟
استغفر الله ياربي
هلكلام عود و كبير عند ربج

 

[بـربـوشـآ]

والله انا ما اشوف فيهآ شيء

بسس عقليتهم شوي مسكرهـ ..

الله يهديهم بسسس ..

بس اهم شيء لا تسوين اي شيء يغضب اهلج

يعني حاولي قد ما تقدرين تتحاشينهم وماترفضين لهم طللللب ..

مهمآ كانوا هذول اهلنا والجنه تحتهم ..

الله يهديهم

 

[بـربـوشـآ]

اي صح

انتي ابوج انا العايله كلها

حشى ما اسوي شيء الا العمام كلهم يدرون

هذا اذا ما جوا البيت وشخلوني

 

[جوانا2010]

حبيبتي اكيد ابوك مايقصد طلعت الكلمه بساعة غضب واكييد اكيييد بدون قصد لان مافي اب في الدنيا يقول لبنته هالكلمه باقتناع
وهم ترى من خوفهم وحرصهم عليك عصبوا
فياليت تطنشين وتصبرين وتطيعينهم وتحتسبين الاجر وصدقيني ربي بيعوضك خير

 

[FeShinGoOo]

والله حبيبتي وايد ناس جذي حتى انا زوجي مايرضى ادش نادي يقول ماحب الحرمه الي تطلع من بيتها بدون ظروره واكيد ابوج نظرته لج بنفس الطريقه يبون طلعتنا للشغلات الظروريه بس ..
بس انصدمت من اسلوب ابوج اشلون يتكلم بهالاسلوب مع بناته ..؟؟
المفروض هالكلمات ماتطلع منه ومايربيكم بهالطريقه غلط وعيب ..!!!!

 

[ورود كويتيه]

بعض الأهل علللللللللللللللللللللله

>>>>>>>>>> ماأوصيج أول واحد يطق الباب قولي مواااااااااااافقه

 

[(دنيتي)]

الله يعينج تحمليهم هذيلي مهما كان ابوج وامج وحاولي تفاهمين معاهم على انها هالكلام كبير وانتي ماقلتي شي

واذا مو عاجبهم الكلام اللي قلتيه والاقتراح يقدرون يقولون لا وخلاص بس هالكلمه صعبه ولله


ادعي بالدعاء كل شي يصير ولله صدقيني​

 

[شتاء الحب]

حبيبتي ..
خلاص لا تجبيين هالسيره لهم
الوالدين و خاصه لو كان نوعا ما كبار بالسن تفكيرهم غير عن جيلنا
و يمكن هالسب ما يقصدون فيه المعنى الحقيقي له و يقولونها و عادي يتحسفون عليها

و خاصه المجتمع السعودي احس وايد محافظ على البنت ..

انتي لا تضيقين خلقج و تبقى هاي امج و هذا ابوج
و تفكيرهم ما نقدر نغيره

حتى انا امي و ابوي يقولون لي الفاظ بس انا عارفه ان هالشي على السان فقط مو قصدي بالالفاظ دائمه سب لا احيانا تعليق علي

اذكر ابوي الله يرحمه طلعت معاه مكان و كنت اول مره البس عباية راس و قفاز و نقاب _ الحمد لله _ و هو شبه مو راضي ..
اذكر عند الناس و بالزحمه ناداني بأسم ( طير هههه)

الله يرحمك يا بوي و ياتاج تاااااااااااج تااااااااااااااااااااااااج راسي
لو غير عادي بجوو هههه ( بكوو )

بس هم جي ما نقدر نغيرهم

فتأقلمي معاهم و بطبيعتهم الى ان يأتيك فار س الاحلام