قبل العرس بيوم يومين شسوي من سبوح و الذي منه؟ خاصة ان امي حالفه ماأروح صالون أسوي برنامج عروس (( )) أدري حدهاا نكبه بس شقول الشكوى لله . و أبي أعرف شنو يتضمن برنامج العروس علشان أسوية بنفسي و اي نصايح بهذا الموضوع بليييز قولولي ؟
ج1: اخذي طريقة الحمام المغربي من قسم العناية بالبشرة..وفي بعد طرق حلوة مثل طريقة مزيونة وشقرة..
يوم العرس الصبح قبل لا أروح الصالون بتسبح و تدهن بمجموعة كاملة من زهور الريف بس راح تروح لا جا الليل و رديت البيت و انا مشكلتي كبييرة بسرعة أعرق و أصب ماي من وجهي وكل مكان حتى أيدي اذا توترت الحمدلله من غير ريحة لاني حييل أهتم بنفسي بس مادري شسوي بالضبط اخاف مع المكياج و الشعر يروح العطر و اتمصخر عدل ؟
ج2: عاااادي...خذي معاج بخاخ الجسم ..واللوشن والباودر والبيرفيوم حق المجموعة وردي حطي منهم..البخاخ واللوشن جطيهم عالاماكن اللي ما فيها مكياج قبل لا تلبسين الفستان والباودر عالمناطق الحساسة و القدم وثنيات الجسم بس لا تكثرين...والعطر عالفستان وأماكن النبض يعني ورا الأذن عند المعصم ورا الكاحل وبتم ريحتج زهور الريف..
كريم الأساس حق الجسم للعرايس يحطونه حق كل الجسم ولا بس من فوق ( ادري عبيط السؤال )
ج3: مادري بس أنا ما انصحج تحطينه على كل جسمج...خلج عالطبيعة أحسن..
لا رديت من الصالون شلون أتعطر و اتبخر قبل لا روح للصالة ؟
مثل ما قلت في سؤال زهور الريف..والبخور ما عرف له طريقة خاصة
لا رحت الشقة شسوي انام بالمكياج و انا نصي الفوقاني لون و التحتاني لون ؟؟ و لا اغسل و افك المصخرة فوق راسي و امسح مكياج بـ 400 دينار ؟ انزين اذا قالي أمسحي هالمكياج شلون أمسحة و بعدين أذا قال جذي بنكب نكبة عدله أنا ما أعرف أتمكيج حدي حدي بودرة و حمرة و الكحل يبيلي ساعة و نص أَضبط فيه أمسح وأحط أمسح , أحط ,,,,إلخ أبي طريقة تخفف المكياج من غير ما أمسحه كلة
مافي طريقة تخفف الماكياج لأنه ثقيل أصلا..لو كان بالعكس خفبف تقدرين تظبطينه...ونصيحة شيلي كل شي حتى لو مكياجج بمليون بتغسلينه بتغسلينه آخر شي..وبعد ما تشيلينه مو لازم تسوين شي معقد بس كحل داخل العين وبلشر خفيف وقلوس..وشعرج رتبيه وبس
لا لبست قميص النوم شلون أتعطر يعني أحط عطر عادي على اذني و أيدي ولا أبخبخ بكل مكان وهل استخدم بودرة العطر ولا لأ ؟ لأني شارية مجموعة كااملة حتى فيها كريم رجول؟
لا تحطين شي حطي شوي لوشن وبخاخ..وممكن تحطي شوي عود ...مدري احسج تعطرتي وايد خ خ خ ..
أستخدم مسك العروس من تـ ... حـ ... ت ولا لأ ؟ و شلون الطريقة ؟
مو لازم ..والسبب اني ما احب هالسوالف هع..
أنا بصبغ شعري بفتحة شوي يصير أحط رشوش و ريحان عقب الصبغة عادي ولا مو عادي
عاادي حطي اذا ما حطت العروس منو يحط...
وان شاء الله ردي يفيدج
