عروس متوهقه وطالبتكم ؟؟!!

[Atoomi]

السلام عليكم بنات ·· اولا مبارك عليكم الشهر ·· بدش بالموضوع على طول ·· احترت, وبالي وايد مشغول وتعبانه نفسيا, الصراحه انا بجهز حالي حالي العرايس ولاني البجر ما اعرف شي وامي الله يهداها ما تعلمني ولا شي وكل ما اسالها اتقولي اشدراني وما توديني ولا مكان وكل ما اسال محد يرد علي بالشي اللي انا ابيه ابي الاشياء اللي اجهزها من الالف الى الياء تكفوون بناات طالبتكم, الله يوفقها اللي ترد علي ويسعدها في دنيتها واخرتها

 

[شيخه القلوب]

مـآ عليج ان شاء الله يفيدونج عرايسنا شوفي تجمعاتهم وموفقة يــآرب =)​

 

[WAAAW]

وااااااااااااايد مواضيع راح تلقينها بهالقسم بتفيدج.. حبيبتي لاتحاتين شي انشالله

 

[التوق]

كل شي موجود هني اخذيلج فرة بالقسم وبتلقين اللي يرضيج ويطمنج
و الله يوفقج و يتمم لج على خير ي رب

 

[al-musk]

خذيلج فرة بالقسم والبنات مو مقصرين بالمواضيع

 

[mi corazon]

وي ذكرتيني بعمري وبحوستي

شوفي انا الحين النساة ذابحتني ومضيقة صدري حبتين

ولا كنت ادرجت لج صفحتين قرقه

الشي الاكثر نفعا كان لي وحابه انصحج فيه اهو انج تيبين دفتر صغير ينحط بالجنطه واظرف للفلوس تقسمين فيها مهرج

لاني مهري طاااااااار لاني ما طبقت هالنصيحه

والدفتر اول باول جيكي عليه

والله يباركلج في جهازج

 

[om-3azo-83z]

ولا يهمج حبيبتي احنا نساعدج و انا برد على كل اسالتج اذا مو هني بالخاص
اول شي قسمي شغلج كله لا تخلين كل شي يوم واحد ولا تاخذين اكثر من اللازم السوق ماراح يطير
اول شي خلصي شغل الحفله عشان ما تحاتين شي ولا تحاتين الميزانيه و اي نسيت اسالج انتي قسمتي الميزانيه؟ و شبتسوين عرس و ملجه ولا شنو؟
نبدي بالتجهيزات انا راح اجهزلج على اساس حفله وحده ملجه او عرس و اذا حفلتين انتي زيدي شغلات بسيطه..
اول شي البدله البيضا و شغلها كاااااااااامل من الملابس الداخليه و الجوتي و انتبهي ارتفاع الكعب على حسب النفنوف المكان اللي تشترين منه النفنوف اهما يقولون شطول الكعب او انج تشترين كعب من اول شي و تقيسين عليه الطول اخذي جوتي يكون مريح شوي مو يكون همج الشكل و بس حطي فبالج بتقعدين فيه ساعات طويله ... الشبكه و حسب وضعج شنو تبين ذهب الماس فضه و تبين الصراحه هالفتره محد ياخذ هالسوالف يروحون محل شوارفسكي و طقته و خلاص .. تاج للتسريحه اذا كنتي بتحطين او اكسسوار الشعر حسب تسريحتج طبعا ... العدسات اللي بتحطينهم و مو اخذين اي شي حسب لون مكياجج و جربي اول ترا احيانا يختلف لون العدسات بالعين او تصير مو حلوه باللبس و احلى شي للعروس الرمادي و العسلي و انتي و ذوقج.. ولا تنسين تحجزين الصالون و البرنامج اذا بخاطرج تسوين انا عن نفسي عرسي كان السنه اللي طافت سويت شغلي كله بليلى هارموني برنامج لمده اسبوع مع المكياج وكل شي طلع قريب الــ500 بس بصراحه يستااااااااهل و بشهاده الكل شغلهم روعه بصراحه.. العطر اللي راح تحطينه و البخور
انا عطيتج التجهيزات بس ما عطيتج شغل الحفله لان مادري شنو وضعج انتي و المعرس تختارون ولا بس انتي و الشغل عليهم ولا عليج و جذي..
خلصنا من الحفله نيي للشغل العادي


نيي للملابس ...
ملابس للشقه نوعي بين نفانيف و شورتات و تنانير و جذي
بجايم وقت الدوره اخذي جم طويل لازم تدفين
و اخذيلج جم بدله لوقت الطوارئ شي طويل مثلا طلع اشعر فجاه خو تعرفين هالحالات الخايسه
اخذيلج عبايتين راقين و عبايه حق الشغلات السريعه
بدلات الطلعه و بدلات راقيه حق طلعات اول الايام و الزيارات
قمصان النوم و الملابس الداخليه و ملابس الداخليه للدوره تكون خاصه احسن
بدله الصباحيه و يدله لزياره الاهل اول يوم
اطقم الارواب فوق البجايم و قمصان النوم
بديات داخليه احتياط و سوالف دلاغات و هالسوالف
و انتي بكرامه جواتي للطلعه و البيت نوعي بين الكعب و الفلات

هذا بالنسبه للملابس نيي للعطور
اخذيلج جم عطر فرنسي نوعي منهم للشقه ناااعم و للطلعه
و عطور عربيه و دهن عود و بخور و مسك العروس اهم شي و عطور الشعر

و لا تنسين سواف بودي شوب وجذي
تاخذين مجموعتين لا تكثرين مصيرج بتشترين بعدين تكون كامله الشور جل و اللوشن و العطر و كل شي
و ليفه بودي شوب و مرطب فيتامين اي وايد حلو و يفيدج و مجمموعه العنايع بالقدم انا عن نفسي احب مال بودي شوب ما احب سوالف الجمعيه بس نصيحه لا تاخذين شي انتي مو متعوده عليه ولا مستعملته ولا مره و هالشغله اطبقينها خاصه بالمكيااااج

نيي حق سوالف الجمعيه
اهمممممممم شي و اول شي تحطينه بالعربانه الكوتكس لان اول دوره راح تستحين تطلبين منه و الكير فري بعد
غسول للمنطقه الحساسه - غسول الاسنان - فرشه للاسنان و معجون - استون و قطن للصبغ و اخذيه معاج الفندق عشان الصلاه - اعواد لتنظيف الاذن - بودر للجسم انا عن نفسي احب سوالف اليهال ريحتهم حلوه و خفيفه - شامبو و بلسم و سيريوم للشعر - مزيل العرق اخذي النوع اللي انتي متعوده عليه - لوشن للجسم و الويه و مرطب الويه ينقسم قسمين للصبح مع حمايه و بليل و انا انصحج اولاي - سنفره المشمش - كلينكس صغار تقطينهم بالجنطه - مزيل مكياج سائل - سكينول - كلينكس ديتول و معقم ديتول شي اساسي تحطينه بجنطتج - حلاو حار و علج - صابون للويه و انا انصحج تاخذين صابونه طبيه افضل او اي صابونه انتي متعوده عليها - لزقات فيت و موس حتى لو ما تستعمينهم احتياااااااااط ما تدرين شيصير - صابون ستيل للمنطقه الحساسه - مرطب للشفايف - بندووووووووول حيل مهم

نيي للتناتيف ...
ساعات يد اخذي الالوان الاساسيه انج بتاخذين بعدين و ساعه ليله العرس
شباصات و تيجان سوالف الشقه و اهم شي و الكل غافل عن اهميتهم الماشات
ولا تنسين اذا بتسوين جلسات ليزر او تبييض اسنان
اكسسوارات للشقه و الطلعه
جناط و بواكه

نيي للمكياج انا بعطيج الاساسيات بس اللي ما تعرفين تستخدمينه لا تاخذييييين ترا بينقط بالدرج ماراح تدرين عنه
فونديشن للشقه و الطلعه و يكون نوعين العادي و البودي و على حسب انتي شنو متعوده عليه
اي لاينر و كحل عادي و كل شي راح ينقسم قسمين للشقه و الطلعات
قلوسات و حمر
عدسات
شدو + فرش
كونسيلر + بلشرات
صبغ اظافر
و اهم شي منظره صغيره للمكياج تقطينها بالجنطه و حب البنات الازلي منظره خاصه للمكياج اللي تكبر لوووول و اذا ما تدرين وين تلقينهم في بايكيا و مكياج المنصور
هذا اللي فبالي الحين انشالله اكون افدتج و ما قصرت بشي و اي استفسار على الخاص من عنوني اساعدج
و الله يوفقج و تصيرين احلى عروس يارب

 

[om-3azo-83z]

اي و نسيت خلي عندج نوت تكتبين كل شي تبينه و كل شي شريته شطبي عليه عشان لا تعيدينه و نصييييييييحه خلي معاج جنطه وحده طول فتره التجهيز عن الحوسه و قسمي مهرج باظرف و كتبي كل شي ولا تطلعين عن الميزانيه كلش لاحقه على السوق
ونسيت انبهج ترا قميص النوم مال اول ليله لازم يكون ابيض او اوف وايت و يكون مستر شوي و القمصان نوعي بين طويل و قصير

 

[ابيك م ابي غيرك]

ححبي التجهيز من الالف الى اليااء عسااني ما انساا شي

اوولاا من تبدين اتجهزين لا اطوفين ركعتين في اخر الليل تدعين بالبركه ..

ثااني ششي .. نفسج .. يعني شعرج بشرتج جسمج .. لان اي برنامج من هذيل ياخذ وقت ..
ثالث شي .. دووورتج اهتمي فيهاا وفي موضووع بالقسم لووحده ما اذكر اسمها .. بس بشوف ل.الرابط له ..

ربعااا ..
التناتيف .. لانها حيل اتحوس وتاخذ وقت فابدي فيها بدري ..
التناتيف اهي شغل الشقه .. من لبس .. قمصان بجايم داخلي صنادل
مجموعااات الي شور جل ولوشن بدي سبريه واشتري بس ثنتين لاتكثرين السوق مو طاير
ونصيحه شوفي باث اند بدي [[ دارك كيسس _ العود ]] فكتوريا سيكرت [[ فيري سكسي تج ]] بدي شوب مجموعة المسك .. والناس اذوااق بس هذا اكثر شي عجبني ..

ومري فافوووم عندهم ماركت بنفت .. فيهاا منتجات حلووه خليها تعطيج فكره عنهم
عقب اشتري ..
لاتنسين شبابيص بخورات للشقه وعوود للاستعمال الشخصي .. مبخر كهربائي ووشمع ..

صناديق وعلب للتنظيم بالشقه اترتبين شغلج وحوستج ..
طقم فووط صغيره للمغسله ..
ثلاث اطقم روباات .. اخذي اثنين كشخه واحد كت وااحد كاامل .. واخذي واحد عاادي للاستعمال السريع اذا العريس برااا ههههههههه ..
الميك اب .. العطورات فرنسيه وشرقيه ودهن عوود .. الشريقه عندج جنيد والجزيره والقرشي ..

مسك العروس ومسسك الطهااره لاتنسينهم ..

بدل للحموله .. بدل سواريه كشخخه وفخممه ..
عبي .. صنادل كشخه .. ادوات النظافه الشخصيه ديودرنت بودر سنفره غسول للفم فراشه .. والخ

جنط اخذي ثلاث حجمهم زين واخذي كلجين ذهبي وسلفر او اي لونين يلبقوون ع اغلب شغلج ..

كريماات النكهاات بس استعمليهم بعد شههر شهر ونص مو ع طوول انتبهي .. واخذي نكهتين فانيلاا والثانيه اتكون نكهة فاكهه عشان اتعرفين ذوق الريال ..

اهم شي اهتمي بنظافة الشخصيه ..
امم عطر للشعر لاتاخذين خمريه ااخذي فرنسي ألوور يهببل .. وبخري شعرج ع طوول ..
اكسسوارات للشقه..

واطقم فضه وذهب تكشخين فيهم بعد العرس ..
ساعات اخذي وحده غاليه لليوم العرس وثنتين او ثلاث لبعد العرس وكلهم ماراكاات ..

الشبكه . حسب الميزانيه فضه ذهب ابيض المااس ..
بدلتج البيضه ي عرووس مسكتج واحجزي المصوره ممن الحين وشوفي الميك اب وين حابه واحجزي ..

امم لبس للدوااام .. يكون عملي وومرييح وبنفس الوقت مرتب ورااقي ..
حااولي ان لوكج بعد العرس يكوون غغير خلي اتكون لج فزه بعد العرس ..اتمنى تكونين فهمتي علي

بالنهاايه غلاتي السووق مو طااير .


يمكن او اكييد اني نسيت شغلات كثيره بس مابغيت اطلع بدوون لا ارد عليج ..

اذكريني بدعواتج بهالشههر . والله يتمم لج ويتمم لك عرايسناا ع خيير ..

ممموووووفقه غلاااااااتي ..

 

[الأميرة جوري]

خواتج ما قصروا معاج كفوا ووفوو...الله يوفقج

 

[فرفورهـ]

ثووواني بس واييب لج موضوع وحده يفييدج حيييييييييييييييييييييييييل

 

[فرفورهـ]

هذا رابط موضوع العضوه جنزبيلا

http://www.q8yat.com/t981783-3.html



والملخص للموضوع هذا اهو طبعا اهي الي مسويته ويعطيها الف عافيه لان بجد راح يفيد الكل




الجسم

•بشرة
•* شعر
•* أسنان
•* ليزر
•* مساج
•* وزن
•* توحيد اللون

العرس

•* البدلة البيضه
• * المسكه
• * الساعه
• * الاكسسورات
• * المصورة
• * الجوتي
• * الصالون
• ( تسريحة + مكياج )
• * العطر
• * قميص النوم ( ونعاله وملابسة الداخليه )
•* اغنية الدخله والزفه
* جنطة الصالون

•الملابس :
•* دراريع ( بيت + استقبال )
•* بدل
•* بجايم+ملابس داخلية
•* عبي وملافع

المكياج :

•كريم أساس ( يومي + ثقيل )
•* كونسيلر
•* بودره + بلشر+ شدو
•* لمعة واضاءة
•كحل ( سائل واقلام )
•مسكرا ( يومية + قويه )
•حمر + محددات وقلوس
•عدسات + صبغ اظافر
•كريم اساس سبري للجسم

جناط وجواتي :
•** جناط يد + جناط زواره
•** جواتي ( سليبرز –فلات-كعب مريح خفيف )
* العطورات :

•* فرنسية (طقم / سنقل )
*عربيه ( دهن عود + بخور )
*صينية بخور وعدة ( فحم + ولاعة + مبخر )
•مسك العروس القرشي
•* مسك الطهارة
•مرشات للغرفة والفراش
•بودرة جسم –شور جل – لوشنات
•ديودرنت






* ترتيب اغراضكم :

•* جناط كبيرة
•* مقسمات ترتيب الادراج
•*حامل الجناط
•* معاليق ملابس
•ستاندات التسريحه
•علب كرتون
•ترتيب الجواتي
•شموع + ورد مجفف
*اغراض الجمعية :

•فرشاة ومعجون
•غسول فم + علوج وحلاو
•عود اذن
•قطن
•اسيتون
•صابون سائل مقشر
•مرطب جسم
•مرطب ايد + كلينكس صغار ومبلل + معقم للجنطه
•اكسجين عادي + للجسم
•شيره
•سبري شعر
•سبري كهربه
•رغوة شعر
•كوتكس
•مرطب شفايف لايبلو
•فحم
•ليفه
•سنفره
•غسول تحت
•كلنكس مزيل مكياج
•ملطف جو للحمام

متفرقات :

•*ثوب صلاة
•روب حمام وفوط
•هليهوبات ودلاغات شفافه وملونه
•دبابيس شيله + طواقي
•عدة خياطه
•عدة الاظافر + ملقط
•مناظر صغيره للجنطه
•نعال حمام
•شباصات متنوعه + مشط
•استشوار عادي وسيراميك
•مريلة طبخ
•ماشات
•مقلمة مكياج صغيرة للجنطه
•ستاند للعبي

********** الذهب + الاكسسورات + ساعه العرس ********* <<< طبعا هني كل وحده وطريقتها
+ تحطون فبالكم اذا في ثاني يوم او رده الاسبوع تتجهزون له تقريبا نفس طلبات يوم العرس بس على خفيف وناعم ...

** ولاتنسون في بداية نوتكم تكتبون ادعيه لكم ولتسير اموركم ..
+ تخلون بعد كل قسم صفحه تكتبون ملاحضاتكم شنو شريتو وشنو ناقص ...
+ صفحه تكتبون فيها المواعيد والحجوزات مثلا تاريخ بروفا او جلسة ليزر او استلام بدله .



http://www.q8yat.com/t981783-3.html

 

[&'الذآهبـھ'&]

وعليكم السلام والرحمه'
ينعاد علينا وعليج يارب وتقبل الله منا ومنكم صالح الاعمال ^_^

حبيبتي اولاً الف مبروك وربي يتمم على خير

وفي موضوع للاخت جنزبيلا جدول لتجهيز ومرتب جزاها الله خير،،،
هذي شغله ! الشغله الثانيه

واول شي روحي حجزي صالونج مكياج عرسج انصحج بحنان دشتي شعر زينب ومكياج عندج امل ورانيا للمكياج كلهم رووووعه

واهم من كل هذا بدلة عرسج شوفي الاتيليهات اخذيلج جوله >>>اهم شي البدله افتكي منها باسسسرع وقت >_<

واذا بيسون لج مسائيه او استقبال شوفي لج بدله ذربه

والذهب يقولون عقب العيد بينزل >>>>عاد نطري معاي خخخخ
وانصحج نصيحه وانا بعد بسويها اخذيلج فضه ماتفرقينها عن الذهب وارخص لج """"امس شفت سواره ذهب مع خاتمها ب٥٠٠ >>>لا وكلها فصوص >_<
يعني انا باخذ شبكه ذهب وسبحه وطقم نعوم >>واسواره فضه مطلي ذهب ^_^

طيب الحين بقالج البدل يبيلج ٥/٦ بدل استقبال مو اكثر ،،، وعندج المعارض ومشاغل >>>حتى من الكاتلوج وديهم لخياط
طيب الدراريع يبيلج اذا ساكنه مع الحموله ٩ موووو اكككثر

وووصح باث اند بودي ووركس مري عليه مادري اذا ليلحين تنزيلاتهم بصراحه شي خذيت مجموعه ميني اسمها مون شي جذي ولايطوفج قلوساتهم بنكهات فضييعه لا وسعرهم كان رخيص

ونصييييحه من اخت القمصان لا تكككككثرين منها
قميص اول ليله الابيض طبعا طويل
وثاني ليله قميص طويل يكون اوف وايت او لحمي غامج شوي
وثالث ليله هم طويل ولون يكون فرايحي وردي او فستقي هيك يعني
جذي ٣طوال و٥ قصار بسسسسسسسس!!!!!
وطقم روب لج وياه


البجايم ٣شورتات
٢برمودا
٤طوال ايام الدوره عزج الله
ونفنوف قصير وطويل تنوعين شوي

والبجايم الستان >>>هذي تلبسينهم لا تسبحتي وبتنامين عرفتي اول ايام عرسج والبجايم العاديه القطن هذي بعدين مو اول ايام العرس ^__^
اخذيلج
٢بجامه ستان برمودا
٣ بجامه ستان بنطرون
بس

طبعا لاتنسين دلاغات لسرايك مداس وهيك
ويبيلج بنطرون جينز مع بديات لشقه
واذا جسمج يساعد على الشورت الجينز اخذيلج

ولاتنسين جنطه مكياج الي تنحط داخل الجنطه >>>هذي حطي فيها كريم وتاتو حواجب وحمره وبلشر وعلبة شدو صغيره الوانها ترابيه انصحج ب سان لوران تجي ٤الوان مع اضائه ولاتنسين العدسات ومحلول كلهم حطيهم بجنطتج معاج لصالون >>>> تحتاجينها اليوم الثاني بالفندق عرفتي

وجنطة الفندق لازم تحطين فيها عطرج الفرنسي مع عطر عربي مع مسك العروس مع ديودرنت مع مجموعة انصحج من بودي شوب ( الفانيليا )
وبعد قميص اول ليله مع طقم الاندر وير ماله مع الكعب مال قميصج ولاتنسين ثوب الصلاة وعباتج وكعب وجنطه كشخه >>>لاطلعتو من الفندق
ومشط ^_____^

وبجذي خلصنا التجهيز وياااارب يتمم علي وعليج وعلى كل البنات على خيييير يارب ويوفقنا اللهم امين

مابي غير دعوه بظهر الغيب ربي يوفقني بحياتي الجديده ولج مثل ذالك ^_^

 

[Atoomi]

مشكوووووورين واااايد ويعطيييكم العااافيه ما قصرتوا ربي يسعدكم ان شالله كفيتوا ووفيتوا فديتكم حبايبي

 

[قلبهـ 86]

البنات مااقصرو



موووفقه ياقلبي

 

[Kirsten storms]

ماقصرو البنات حبيبتي