هآآي يا حلوات من قبل امس ادور تجمع عرايس شهر 10 ولا لقيته خخخ
انا انضميت لكم بعرايس شهر 10 :$ والله يوفقنا
رحت للمعرض اخذت من القرشي العود اللي بـ 25 خذيت علبتين لاني بصراحه امووووووووت فيه
وماخذه منه مسك العروس ~> سائل ابيض
من جنيد اخذت صينية المبخر والبخور ودهن العود والمرش
ومن الخزامي عنده عرض 5 عطور مرشات + بخور عود يجننن <~ العلبه كلها بـ 10 يا بلاش .. انا ريحة العود اعجبتنيييي حييييييييل
اما المكياج صراحه مااحب المكياج ولا شايله همه خخخخ بخليه ع خواتي يشترونه لي لاني جد امل من مقابل المكياج والمشترى له وبخليه ع شهر 5 او 6 احس تو الناس عليه واخاف يخرب علي والا شي
والعطور الفرنسيه ماراح اخذ شي من اهني كلللللش لان كلهم باخذهم من لندن ان شاءالله
الاندروير بس اخلص اختبارات هالاسبوع بتفرغ لهم وقبل لا اشتري من اهني ان شاءالله اروح للامارات هالاسبوع واشتري لو عجبني من هناك شغلات
لوشنات وهالشغلات يمكن امر بدي شوب واخذ مجموعتين
وملابس البيت الشورتات والجنزات والبجايم ببلش فيهم هالاسبوع ان شاءالله
وبس للحين مافي ببالي غير هالاشياء ~> اما عناية البشره والشعر فالله يستر يبيلي من قلب خخخخخخخخخ
ع طاري الجسم بنات شرايك بالليزر للجسم ؟ والله ودي اشيل شعر جسمي كله بس امي وخواتي معارضين يقولون مو زين وانا جد ماله من الحف =(
تو الناس صح :b
