عدد الاطفال. اتفقتي مع زوجج

[دايم على البال]

ماتفقنا ولا فكرنا جم بنييب اللي ربي قاسمه لنا الحمدالله

 

[نونا**]

انا كنت مكتفيه بالاثنين اللي عندي وماراح احمل الا بعد 4 سنين

بس هالحمله صارت بالغلط والله كريم

 

[كتالونيه]

انا طبعا غييير عنكم
زوجي هو الي يبي 4 وبس
يقول كافي علشان نهتم فيهم اكثر
وانا بعد معاه لانه فعلا ليكثرتي من العيال
تشتت تفكيرج
والله يرزق الجميع

 

[Mrs.H]

ما اتفقنا ولاتكلمنا بالموضوع لان تونا بالبداية

بس بشكل عام الواحد مايدري عن باجر ولا يدري عن ظروفه انا مخليتها على الله

وبالنسبة لمجتمعنا اغلبهم اسر صغيرة ما اييبون وايد

 

[iLLuMinaTion]

انا كنت مكتفيه بالاثنين اللي عندي وماراح احمل الا بعد 4 سنين

بس هالحمله صارت بالغلط والله كريم

الله كريم

 

[unknown1988]

قبل كنا متفقين 3 وبس .. الحين الحجي تغير انا ابي 3 حدي ..

واهو يبي 5 وفوق

و الله يكتب اللي فيه الخير التربيه اهم من العدد شالفايده اييب 6 والا 7 وقاطتهم يتربون بروحهم ؟

وهالزمن كل شي زايد وكل شي غير من الناحية المادية والاجتماعيه والنفسيه وغيره ..

فأييب ياهل وما اظلمه الصراحه يا اكون قدها يا بلاها .. ف 3 او 4 كافي والحمدالله

 

[أإلع ـشق دلع ـهـأإ]

اممم حلاته ٥ وفوق حلو لا كبرتي عيالج حولج بناتج يجونج ويساعدونج ويساعدون بعضً

وعيالج يقومون مع ابوهم ويساعدونه عزوه

٦ و ٧ حلو

وسالفة التربيه الام تقدر تربي عيالها احسن تربيه لو كانو ٢٠

مايضرها وفي حريم حتى واحد مايقدرون عليه

 

[iLLuMinaTion]

قبل كنا متفقين 3 وبس .. الحين الحجي تغير انا ابي 3 حدي ..

واهو يبي 5 وفوق

و الله يكتب اللي فيه الخير التربيه اهم من العدد شالفايده اييب 6 والا 7 وقاطتهم يتربون بروحهم ؟

وهالزمن كل شي زايد وكل شي غير من الناحية المادية والاجتماعيه والنفسيه وغيره ..

فأييب ياهل وما اظلمه الصراحه يا اكون قدها يا بلاها .. ف 3 او 4 كافي والحمدالله

الله يحفظهم

 

[iLLuMinaTion]

يسلموووووووووو