ام شهاب : لا يمه البيبي ما مات بس المشميمة صار فيها انفصال وتمزق والدكاترة اهني بيحاولون كثر ما يقدرون انهم يسوون اللي عليهم والباجي على رب العالمين ادعي ربج ان الله يثبته ويخليه لج ان شاء الله
رباب: الحمدلله على كل حال خالتي (( بدت تدمع عيونها )) ان شاء الله ماكو شي ..
اهي نوعا ما كان احد صب ماي بارد على قلب رباب وتمت بسرها تدعي ربها ان يثبت لها ضناها ويرزق كل محرومة لانها حست باحساس الام اللي على وشك تفقد الضنى وحست باحساس المرة اللي ماعندها ضنى .. الضنى غالي وعزيز وحتى لو كانت قطعة دم بالحشا ..
اما برة فراح شهاب للمحقق وطلع بالصدفة واحد من ربعه كلمه وضبط الموضوع معاه ان رباب زلقت من عالدري وطاحت ..
وفي البيت ماجد وبو شهاب قاعدين على نار .. بالرغم من سكوتهم الا ان داخل كل واحد فيهم نار ...
بو شهاب بقلبه نار جنته اللي تطاولت وايد وتمادت .. واذت البنت من غير سبب .. شنو بيسوي وشلون بيتصرف خاصة ان هالجنة تصير بنت نسايبه وبنت خال عياله ومرت ولده وام عياله ؟؟ يطلقها ؟؟ مو معقولة ... يخرب بيت كامل بسبب تهورها وبنفس الوقت ما يصير يخليها جذي تفلت من العقاب .. لازم تتعاق على فعلتها .. لازم بس شلون
وماجد بقلبه نار على مرته و على اللي سوته يعني اهي الحين بنظر القانون وبنظر اهله وبنظره مجرمة يت تعدت عالبنت واذتها وطقتها .. شعوره شعور صدمة اكثر من حيرة .. شلون زوجتي الرقيقة الذربة تسوي جذي وليش .. اهي ما بينت م نقبل غيرتها او حسدها م نرباب االا اللهم اشياء بسيطة وسوالف حريم شمعنى هالمرة ؟؟ شلون تتجرا وتيي وتسوي هالسالفة مع بنت الناس ...
بو شهاب : شوف .. تتصل بخوالك وتبلغهم ان باجر يجون عندنا الديوانية ... مفهوم
ماجد: ان شاء الله يبه .. بس يبه .. علمني شنو بيصير
بو شهاب: (( خز ماجد )) تبيني اعلمك ؟؟ شعلمك ؟؟ عن سواد هالويه
ماجد: ما عليه يبه طيش واهي غلطت والغلط راكبها من ساسها لكرياسها
بو شهاب: ولد اخوك بغى يروح علينا هذا اذا ما راح وبنت الناس نزفت غرقت بدمها ترا بنتا الناس مو لعبة احنا ما زوجناها ولدنا عشان ناذيها
ماجد: والله ادري يبه واخوي العود ومرته على راسي بس هم غالية زوجتي واللي افهمه انك بتنادي خوالي اكيد طلاق
بو شهاب: لا وانا ابوك طلاق مع هالمرة ما يفيد .. بس مرتك هذي لا زم تتداوى وتتعلم ان الله حق .. وان احنا الكبار موجودين وكلمتنا تمشي ...
ماجد: اللي تشوفه يبه
رباب حالتها تستلزم انها اتم بالمستشفى مدة عشان تتحسن حالة المشيمة ويوقف النزيف مع ابر التثبيت والعناية الطبية .. عشان جذي كانت ام شهاب ورقية مجابلينها طول النهار .. وام شهاب ابلليل تنام عندها واحيانا خلود ... ويوم عن يوم الحمدلله حالة رباب بدت تتحسن ووضع البيبي يطمن ..
اما غالية فلما تجمعوا الخوال عند بو شهاب قرر بو شهاب ان غالية تقعد في شقة يم بيت ابوها .. ما تدخل عليهم ابد .. ماجد وعياله بس .. يزورون وشقته فوق اتم مثل ما اهي عشان يعرس فيها
محد قدر يقول كلمة على قرار بو شهاب حتى ماجد لان اللي سوته غالية مو شوية .. احنا وين قاعدين بغابة ؟؟ تدش وتطق البنت وتاذيها واهي حامل وتخليها تحاتي الليل والنهار ضناها .. يطيح ولا ما يطيح ..
وفي يوم من الايام لما كانت ام شهاب مع رباب بالمستشفى
رباب: خالتي بسالج سؤال
ام شهاب: تفضلي
رباب: خالتي شصار على زواج انتصار... السالفة صارلها من قبل عرس رقية ولحد الحين لا احم ولا دستور ؟؟
ام شهاب: ايييي
رباب: سامحيني خالتي اني سالت او تليقفت
ام شهاب: لا يا امج لا تليقفتني ولا شي بس شقولج هو شي يفشل
رباب: خير
ام شهاب: ام عيد مرة والنعم فيها ما في مثلها طيب واخلاق واصل وفصل ومن جماعتنا بس ولدها الله يصلحه
رباب: شفيه خالتي ؟
ام شهاب: فجاة حط اغراضك بجنطتك وسافر .. وهذا وجه الضيف ..
رباب: صجج وين راح ؟؟
ام شهاب: مدري تقول مرة يقولها انا هاجرت ومرة يقولها انا ادرس برة
رباب: لا حول الله .. الله يعين خالتي ام عيد
ام شهاب: اي والله المرة ما تقدر تطالغتي ..مستحية مني بس الواحد شنو يقول ؟؟
رباب: اي والله خالتي صدقتي مو بيدها ... الله يهديه ويرده لها سالم وخيرة خالتي
ام شهاب: اي والله خيرة .. كل شي قسمة ونصيب ..
رباب: ان شاء الله يرزقهم بالنصيب الزين اهي وخلود قولي امين ..
ام شهاب: امين رب العالمين
وعقب معاناة اشهر .. معاناة البيت ومعاناة رباب بالمستشفى طلعت رباب بالسلامة .. وطول هالمدة ما سالت شن وصار بغالية ولا شسوو لها .. كانت تحاتي بالبيبي وبس ما فكرت بولا شي ثاني .. ومن طلعت من المستشفى ودخلت البيت بو شهاب ذبح لها ذبايح وخلاها تمر عالدم .. ومن كثر الذبايح خلا الفريج كله يطلع يشوف بعينه الخرفان اللي انذبحت ... غرق السكة دم .. ووزعهم عالفقارة والمساكين ..
وسوا عزيمة حق اهلهم وجماعتهم على سلامة جنته من المستشفى ..
وام شهاب عزمت كل الحريم من اهلهم وربعهم ... سوو عزيمة لا صارت ولا استوت .. الكل استانس بطلعة رباب م نالمستشفى وان الله عداها الشر .. لدرجة ان بهالعزيمة الكل كشخ جنهم رايحين عرس لبسوا وكشخوا واستانسو حيل ..
والاحلى من جذي ان بهالمناسبة الفقارة كلوا لحم : ) ودعوا حق بو شهاب وجنته بالصحة والعافية ...
شهاب: شوفي ابيج كله منسدحة مابيج تتحركين ولا تسوين ولا شي .. ابوي طلب خدامة زايدة تشوف طلباتج طول النهار وعقب تروح تنظف وتساعد شغالات امي مفهوم
رباب: مفهوم يا بو احمد ..
شهاب: وي فديت احمد والبطن اللي شايلته .. والله يارباب اني تخرعت .. بغيت اموت .. ماتدرين شصار فيني
رباب: لا ادري .. قلبي حس فيك غير اللي شفته واي شهاب اول مرة اشوفك جذي .. ما توقع تفي يوم اشوفك بهالحالة
شهاب: من صجج انتي ؟؟ اغلى اثنين عندي بخطر تبيني اقعد ساكت .. ترا ما عرفتيني انا واجد حنون
رباب: هههههههههههه الله يقطع سوالفك ضحكتني
شهاب: اي اضحكي واستانسي وايام الهم والغم والزعل راحت خلاص وعندي لج خبرين خبر ما راح اقوله واجد حلو بس استحي اقوله امي الله يهداها مسكتني وقالتلي وانا مالي شغل تفشلت مادريت شقولها اختربت ام شهاب
رباب: شنو قول
شهاب: هم يقولون لج انطري
رباب: مممممممم اوكي خلاص بنطر والثاني ؟؟
شهاب: في بيتنا بيصير عرس
رباب: حسرتي عرس منو ؟؟ بدر ماعتقد انته ؟؟
شهاب: هههههههههههههههههههههههههههه لا
رباب: انزين سالم مسافر ... ماجد متزوج امبيه لا يكون عمي
شهاب: هههههههههههههههههههههههههههههههههههههههههههه الله يخرب بيت هالسوالف ولج لا تسمعج ام شهاب والله تقلب عليج
رباب: هههههههههههههه عيل منو ؟؟
شهاب: يعني المتزوج ما يتزوج ؟؟
رباب: يتزوج امبلى امبيه اخاف انته يعني انته عادي تتزوج علي ؟
شهاب: ولا الله مو عادي اصلا انا مارضاها .. اكو احد يترك الزين ويدور عوار الراس ؟؟ لا يبه لا انا ولا عمج
رباب: بدر؟
شهاب: ههههههههههههههههههههههههههههههه بدر؟؟ خليني ساكت
رباب: اي اي هههههههههههه لا ماعتقد امبيه لا يكون ماجد
شهاب: ايوا ماجد هو بعينه وشحمه ولحمه ...
رباب: امبيه
شهاب: ليش امبيه هم كاسرة خاطرج مرته
رباب: ها ؟؟ لا .. مادري والله انزين منو بياخذ ؟؟
شهاب: بياخذ الله يسلمج بنت بو مبارك ال .... تعرفينه اسولف لج عنه اللي مرته كل يوم تجيب لها جاهل
رباب: هههههههههههههه اي ...
شهاب: ما شاء الله بعين اللي ما يصلي عالنبي عنده 8 بنات وحدة منهم تزوجت
رباب: ما شاء الله
شهاب: اي .. وابوي خطبها له
رباب: الله يهنيه ان شاءا لله ويصلح بال مرته بتدري
شهاب: اي عيل شلون هو ابوي ما زوجه الا عشان راسها ينكسر ..
رباب: الله يوفقه ان شاء الله
شهاب: و اللي ما ينذكر اسمها خلاص بح .. ما راح تجي ولا تطب هالبيت مرة ثانية ماجد اجر لها شقة قريبة على بيت خالي .. وشقته اهني فضوها وبياثثونها للعروس هههههههههههههههههههههههههههههههه
رباب: شفيك تضحك ؟
شهاب: بلاج ما تدرين جم عمر مرته
رباب: جم ؟
شهاب: 16 سنة
رباب: يا ويلي ... حرام صغيرة
شهاب: يا مرة محد صغير .. هي مو مرة وتقدر تتزوج خلاص ماكو شي اسمه صغيرة وبعدين احسلج انتي واختج لا تجي وحدة تعكر عليكم و تاذيكم
رباب: ما يندرا .. ان شاء الله تكون زينة امبيه حرام عورت قلبي
شهاب: سلامته من العوار .. يالله انا نازل الديوانية .. البنات شكلهم برة باضوا يبون يدشون وانا قاعد لهم قعدة ..
رباب: اوكي الله وياك
طلع شهاب مني وسيدا انتصار وخلود مني و عسى ما شهاب نزل من اخر درية عالدري نادوا رقية تدش
رباب: ههههههههههههههههههههه شفيكم ؟؟ شصاير قولوا انطقوا تراني على نار
انتصار: مممم لا لا رقية تقول
خلود : لا لا انا بقول
انتصار: انتي شتبين ليش تحشرين نفسج باللي ما لج فيه
رقية: بسسسسسسسسسسس انا بقول خلاص .. لا ولا اقولكم انتو قولوا
خلود : هههههههههههههههههههه يا خوافة
انتصار: لا رقية انتي قولي خلود اسكتي لا والله ادفرج اهني
رقية: هههههههههههههههههه صاير وحشية انتصار
رباب: قوووووووووووووووووولللللللوووووووووووووووووووووا واي شفيكم قولوا تحجوا اي احد قمت احاتي شصاير
رقية: اختي انا حــــــــــــــــــــــــــــــــــــــــــــامـــــــــــــــــــــــــــــــــــــــــل (( ونزلت راسها يعني مستحية ))
رباب: صجججججججججججججج ؟؟ واااااااااااي رقية تعالي بلمج
ولمت رباب رقية حيل وتموا يبجون ...
انتصار: واي بس خلاص لا تقلبونها فيلم هندي شفيكم ؟؟؟
خلود: اي والله ترا انا وانتصار بنبجي الحين
رباب: الف مبروك الف الف الف مبروك خالتي درت
خلود: اول وحدة الله وكيلج .. هي من الصبح راحت شرت التحليل من الصيدلية
رباب: عيل انا ليش تلتني من ايدي للطبيب
انتصار: هههههههههههههه انتي حالة خاصة
خلود : لا تزلغين وايرات بين الخوات هههههههههههههههههه
رقية: اي اي هههههههههههههه لا تزلغون .. لا شوفوا انا امس قلت لها خالتي سويلي دوا لان الدورة مو راضية تنزل وبطني وظهري يعوروني حيل واول مرة مو راضية تنزل علي مو عادتها تتخربط او تتاخر فقالت اوكي ... وعلى اساس اليوم انزل اكل دواي بس تفاجات انها شارية تحليل ويوم سالتها قالت نجيك قبل ما تاكلين دوا اخاف فيه شي والدوا ينزله .. وبس
رباب: وبدر درا ؟؟
رقية: لا ..
رباب: هههههههههههههههههههههههههههههههههههههههههههههههههههه
رقية: شفيج ؟؟
انتصار: ضحكينا معاج ؟
رباب: شهاب يدري
رقية: شنهاااااااااااااااااااو ؟؟؟؟؟؟؟؟؟؟؟؟؟؟؟؟؟؟ امبيه شلون ؟؟
رباب: خالتي قايلتله
انتصار: امي استخفت رسمي هههههههههههه وا فشلتاه
خلود: شكو شهاب يدري اذا بدر ما درا ؟؟
رقية: امبيه شلون بحط عيني بعينه الحين
خلود: ولا يهمج مردها بطنج بتمشي جدامج
تموا البنات يسولفون مستانسين على تجهيزات البيبي وشنو بيشترون وشكثر رباب سابقة رقية .. وسولفوا عن العروس اليديدة وشلون بيكون العرس ... وتوقعاتهم عنها ... ...
