^^^^عدت بقصتي الثانية (( بنات بو محمد في مهب الريح )) ^^^^

[جروح الحب]

ناااااااااااااااطرررررررررررررينننننننننج

 

[MaFaZ]

ماجد تغير وايد .. ما عاد ماجد هذاك اللي ليل ونهار يدوررزقه بالجواخير وبالسوق .. ما عاد ماجد راعي السفرات والقنص .. والعروس والمواجيب .. ما عاد راعي الكشخة والسكبة والدواوين

ماجد صار حاله من حال شهاب مجابل ديوانية البيت مع اخوانه وابوه .. وان خلص دخل داخل جابل مشاعل .. ولا امه ..

ومشاعل ما بذلت مجهود جبار عشان تعرف المفتاح اللي يوصلها لقلب وعقل ماجد ..

كل اللي سوته انها بدت تتفنن بالطبخ واساليب التدليل والتدليع .. ما خلت اسلوب تحسس فيه ماجد باهميته ما سوته وتعاملت فيه ..

كانت كل يوم تخليه يعيش تجربة جديدة .. سواء من اكل ولا عيشة ولا كلام ولا فراش .. تفننت ووصلت ..

وبتقولون انها بنت ام 16 سنة وشعرفها .. بقولكم امها .. كانت امها معاها عالخط اول باول .. وهالشي محد كان يعرفه ..

كانت امها دايما معاها على اتصال .. وان زارتهم خير ونعمة .. كانت امها المعلمة الخصوصية لها .. ومشاعل ما كانت الا الطالبة المجتهدة اللي اتقنت عملها .. ونفذته باتقان والنتيجة زوج بدا يحبها بفترة قياسية مقارنة بحبه لبنت خاله .. ويقدرها .. ولو شنو تطلب عندها .. واكبر دليل لما ....


انتصار: وي وي مشاعل لا يبوقونج هههههههههههه
مشاعل: ( (ببرود )) ليش ؟
رقية: قصدج عالمضاعد نصورة ؟؟
انتصار: اي وايد .. ما شاء الله حلوين
مشاعل: عادي .. بالله ليش شاريتهم عشان اخشهم ؟؟
اندقرت انتصار اهني .. وانحرجت وسكتت لكن رقية ما قدرت
رقية: شدعوة مشاعل .. انتصار شقالت عشان تردين عليها جذي ؟
رباب: ماكو شي شفيكم مشاعل ما تقصد نصورة .. رقية ؟؟ ماكو شي شفيج
رقية: اي ادري ماكو شي بس جنه مشاعل زعلت ليش سالناها ؟؟
مشاعل: لا مازعلت انتو اللي شفيكم ؟؟ انتصار زعلتي ؟؟ ترا مو قصدي
انتصار: لا عادي ماكو زعل شدعوة
مشاعل: اي كلش ولا زعلج .. واذا مرة ثانية كلامي زعلج قوليلي على طول انا ما ودي احد يتدخل بينا ويكبر المواضيع

اهني رقية بققت عينها .. انتصار جنه احد لاخها كف ورباب انصدمت نص صدمة .. رباب وانتصار ما دققوا وقالوا اكيد مو قصدها .. كالعــــــــــــادة

بس رقية ... مادرت شتسوي بعمرها كان ودها ترنها باكبر ما عندها .. مشاعل مبينة مو هينة .. وكلامها هذا مو مجرد دفاشة يهالو .. ولا عدم اسلوب .. لا هذي ناوية على شي جايد ومبين انها مبلشة فيه .. شنو هالجراة وشنو هالوقاحة ؟؟ اشكره واخبره علي النغزة ؟؟ اصلا هذي مو نغزة الموضوع كان واضح ومفهوم حتى من غير لا تقول اسمي

قربت ولادة رقية .. وكل شي جاهز ... كانت قاعدة في غرفتها اهي ورباب يسوون جنطتها حق المستشفى في حال يالها الطلق تكون جاهزة على طول لان ام شهاب لهت مع احمد .. وما كان عندها وقت انها تجهز حق رقية مثل ما جهزت حق رباب .. وفجاة انطق الباب ..

رقية: منو ؟؟
مشاعل: انا مرت حماج
رقية: قطيعه شتبي هذي وايد ثقة انا مرت حماج ولا وطلع لها راس هاليهال
رباب: اشششششش لا تسمعج .. حياج حياج
رقية: شكوو ؟؟
رباب: حياج دخلي ماكو احد بدر وشهاب مو اهني
مشاعل: الله يحييج ها شتسوون ؟
رباب: ولا شي رقية تسوي جنطتها لا تولد علينا باي وقت
مشاعل: الله يسهل عليج ان شاء الله
رقية: مشكورة .. ونتي ماكو شي ؟؟ (( تحط الاغراض بالجنطة ومالها خلقها ))
مشاعل: لا ماكو خليني بعدي صغيرة .. لاحقة عالشقا

طالعوا رباب ورقية بعض
رقية: اي صاجة .. بعدج نونو
مشاعل: الا انتو جم اعماركم ؟؟
رباب: انا 25
رقية: وانا 24
مشاعل: اي ما شاءا لله العمر كله .. ممم انزين ليش توكم تتزوجون يعني اللي مثلكم متزوجين من زمان ؟؟
رقية: ماكو نصيب
رباب: اي والله على قولة رقية ماكو نصيب ..
مشاعل: ايييييييييييييي . .. الله يعينكم ..
رباب: الله يعين الجميع .. وبعد
مشاعل: بغيت اقولكم انا باجر بسافر تبون شي تامرون على شي
رقية: وين ؟؟
مشاعل: الامارات ..
رباب: حسافة اخاف رقية تولد ونتي مو موجودة
مشاعل: ما عليه ملحوقة ..
رقية: اي ان شاء الله عالخمس الباجيين اللي بييبهم
مشاعل: ليش ناوية تيبين نص درزن
رقية: ايوا عليج نووووووووووووووووووور نص درزن بالتمام والكمال ونتي شدي حيلج و لحقي علينا انا ورباب
مشاعل: لا واي وايد
رباب: بالعكس اليهال حلوين
مشاعل: لا انا بستانس بشبابي
رقية: اي شلج باليهال خلي اليهال لنا .. الله يعينج جم نفر كنتو في البيت ؟؟ 12 ؟
رباب (( تخز رقية )) هههههه يحليلج رقية تنكتين
مشاعل: عن اذنكم بروح اسوي جنطتي

طلعت مشاعل واهي مضغوطة ههههههههههه احسن زين تسوي فيها رقية .. عشان تتعلم لا تصير دفشة .. واي اموت من هالاشكال اللي الرقة بس جدام الريل وجدام الناس قمة الدفاشة ...

المهم ما علينا .. صار الليل ونزلوا كلهم يتعشون واول ما نزل ماجد
شهاب: يه يه لو ندري جان من زمان مزوجينك الثانية
ماجد: ههههههههههه ليش ؟
شهاب: قمنا نشوفك مو مثل اول .. والله ان تجيني ايام انسى وجهك
ماجد: لا شدعوة موجود انا من زمان بس يتهيأ لك
ام شهاب: الله يجمعنا على خير . زيا حلو لمتكم .. من زمان مو شايفتكم على العشا
انتصار: هاج ربوبة تحبين اللبنة والزعتر
ربا[: يا حلاتج انتصار لحد الحين تتنقصين لي جني عروس
انتصار: ونتي دوم عروس .. فديتج يا ام حمادة
شهاب: والله ان محد يبرد جبدي غير نصورة .. الا على طاري الجبد وين اللي كله تلوع جبدي خلدو
ام شهاب: ههههههههههههههههه يقطعك لا تقول جذي عنها بعد جمن يوم بتفارقنا
بدر: صلي عالني يا ام شهاب اي جمن يوم بعد شهرين قاعدة على جبودنا الدعلة
خلود: (( واهي نازلة )) اوريك يا بدور والله ما اشيل ولدك
رقية: (( تساسر بدر )) على طاري ولدك فيني عوار ..
بدر: (( يساسرها )) صج ؟؟ اوديج ؟؟
رقية: لا انطر خل نخلص عشا واقول حق خالتي ..
بدر: اوكي .. هاج اكلي
رقية: واي فشلة بدوري مو جدامهم
بدر: ولج لا تقولين بدوري لا الحين اشيلج اوديج فوق ..
رقية: هههههههههههههه بولد واي ..
بدر: اي ماعندي قلي بصل انا .. على طول اشيل وعالدار ...
رقية: اها بعد عمري والله فديتك تحسسني ان خشمي مو وارم
بدر: لا مو وارم يتهيأ لج ..

خلصوا العشا وتمت رقية قاعدة مهي قادرة تتحرك ولا تقولهم اللي فيها ..
بدر : يالله قومي ..
رقية: لا لا مابي ..
انتصار: شفيج رقية ؟؟ ويهج اصفر
ام شهاب: وجهها مستنفس .. النبت زين اذا ما ولدت
مشاعل: بتصرخين ؟؟؟
رقية: خالتي قاعد يجيني عوار . .والحين ما اقدر اقوم من العوار اللي برجولي ..
ام شهاب: ما عليها الحين بسويلج دارسين .. شربيه وحاولي تمشين .. وتتحركين
بدر: تبين امشيج ؟؟
رقية: لا خالتي ما فيني ..


وشربت رقية الدارسين وصعدت دارها وحاولت تنام تمت اهي وبدر يسولفون لمن غفى بدر .. واهي تتالم وتعد الفترة بين كل عوار مثل ما قالت لها خالتها ..

وتوها بتغفي ويشب العوار عليها عدل ...
رقية: واااااااااااااااااااااااااااااااااااااااااااااااااااااااااااااي بدور بدر .. بدران قوم
بدر: ها شنو منو وين . شفيج ؟؟
رقية: ماني قادرة (( تبجي )) بس ماني قادرة يعور واي يعور ماني قادرة .. بس خلاص
بدر: انزين هدي ايدي ... شنسوي .. لحظة اي .. وين ياربي شنو في
رقية: ناديلي خالتي على ما ابدل جني بولد بسسسسسسسسسسس ماني متحملة خلاص ...
بدر: انزين لا تصرخين بس صوتج لحد يسمعج
رقية: لا تقوللي صوتج بدور ماني قادرة
بدر: يا عيون بدور انتي
رقية: مو وقته تغازلني وااااااااااااي وايييي وااااااااااااااي روح ناد خالتي امبيه لا خلاص مابي اولد خلالالالالالالالالالالالاص لا وااااااااااااااي


وتمت رقية تلوي بمكانها واهي ميتة من العوار ... ماتت وحيت على ما لبست عباتها
بدر: امي مو تحت ولا احد تحت
رقية: شلون ؟؟ وين راحت ..
بدر: مادري .. يالله اوديج مو وقته امي الحين
رقية: انزين ربووووب وااااااااااااااااااااااااااااااااااااااي العوار رد بدور رد العوار رد (( ومسكت ايده وعضتها ))
بدر: آآآآآآآآآآآآآي يالمينونة رقية هدي ايدي قرمتيها
رقية: ماني قادرة بس طلعوه من بطني ولا خلوه .. بسسسسسسسسسس ابي اختي ابي ابوي ابي الهام
بدر: هههههههههههههه يالله خلاص ..
رقية: جنطتي لا تنساها ..
بدر: اي .. وبعد
رقية: مادري مادري انا قاعده اتعور مادري عن شي ...
نزل بدر وحط رقية بالسيارة وداس و على طول دق على امه
ام شهاب: هلا يمه .. شفيك ؟؟
بدر: يمه وينج ادورج مو في البيت وادق عليج ما تردين ؟؟
ام شهاب: انا بالمستشفى . .احمد ولد شهاب فيه غازات ومات من البجي خذيناه انا وامه وابوه ليش رقية فيها شي
بدر: ما تسمعينها يمه انا بالطريج رايح اوديها الظاهر ولادة
رقية: محد الزاهر الا اكيد خاااااااااااااااااااااااااااااااتي لحقيني لحقيني بولد بولد واي يعور يمه يمه يمه يمه
ام شهاب: يا عين امها ... اي مستشفى الحين نجيكم
بدر: الهادر يمه ..
ام شهاب: انزين جنطتها جبتها
بدر: اي جبتها .. يمه بسرعه تعالي ترا ماعرف شسوي
ام شهاب: جايين


وتمت رقية تطلق وماتدري وين الله حاطها .. خايفة ومتوترة .. الكل كان ينطر ولادتها .. واهما مترقبين .. الالم والشد والتوتر .. ما خلى فيها حيل وما ولدت الا الساعه 12 الظهر مع قولة الله واكبر .. اذان الظهر ..

العصر ام شهاب ورباب وانتصار وخلود وبدر ومشاعل زاروها بالمستشفى
رباب: ههههههههه ها جربتي ؟؟
انتصار: شكلج تعبان
رقية: انا جني قلت بجيب ستة ؟؟ توبة توووووووووووووووووبة ما اجيب بعد تعبت خالتي .. والله يا بنات حسيت روحي بتطلع
ام شهاب: ما عليه .. يا امج ما عليه ..

اهني فزت مشاعل وقامت تصب جاي وقهوة .. رقية انقهرت ماتدري ليش مع ان مو وقت مشاعل .. بس مبين ان قومتها مو لله .. رقية تحس ان هذا كله تمثيل .. ورياء عشان تبين جدامهم انها سنعه ..

وبي نالضحك والسوالف على تجربة رقية بالولادة نطت مشاعل وقالت
مشاعل: خالتي امي تسلم عليج وتقولج ان اختي عذاري انخطبت
ام شهاب: اي ما شاء الله الله يتمم عليها
خلود: منو منو ؟
مشاعل: زيد ولد ام عيد ال ...

اهني رقية انصدمت بس حاولت كثر ما تقدر ما تبين .. وانتصار هم انصدمت بس انتصار بين عليها وسكتت

ام شهاب: اييييي هو رجع من السفر ؟؟
مشاعل: اي رجع .. اصلا عيد رفيج اخوي مبارك رفيج عمره .. فعشان جذي قال ما راح الاقي احسن من خواتك

ام شهاب وانتصار وخلود حسوا بالاهانة .. يعني انتصار شفيها اللي خلاها وراح سافر لا حس ولا خبر .. وبما ان رباب تعرف بالموضوع حست بالاحراج اللي حسوا فيه حمولتها .. وحقدت على مشاعل انها مثمنت كلامها بالرغم من ان مشاعل على اساس ما تدري بسالفة خطبة انتصار

ومن قهر ام شهاب ما سكتت
ام شهاب : انتي تدرين ان كان خاطب انتصار يمه ؟؟
مشاعل: صج خالتي ؟؟ وليش تفركشت ؟؟
ام شهاب: ماكو نصيب .. حط جنطته وسافر وامه تفشلت معانا بس كل شي قسمة ونصيب

من هالكلام كانت ام شهاب تنطر ان مشاعل تعدل كلمتها او تحسن من موقفها لكن عمك اصمخ مشاعل دفشة لدرجة انها ما حاولت تسامح من خالتها او تطيب خاطرها بكلمتين وتسحب كلمة ان زيد ما بيلاقي احسن من خواتها ..

رقية كانت تفكر .. وتقول في نفسها والله وصرت ريال يا زيد .. الحين ماكو احسن من خوات مبارك ؟؟ جم عمرها اللي بتاخذها اذا مشاعل عقب اختها وعمرها 16 اللي تحت مشاعل جم عمرها 13 ؟؟ وهالزبوط مشاعل ام 16 من تحت ليه تحت اختها شلون بتصير ؟؟

ام شهاب حطت بخاطرها على المسعدة مشاعل .. ليش انتصار شفيها ؟؟ وانكسر قلبها على بنتها وما تمنت انها تسمع هالكلام مهما لو يكون ه ماهي بنت ويحز بخاطرها ؟؟

اهني رقية انبطت جبدها من مشاعل وكان ودها ترقعها بستاند الككاو .. وقررت انها ترد لها الصاع صاعين وما تتساهل معاها وخاصة ان اختها بتاخذ زيد .. اي نعم ما تكن لزيد اي مشاعر .. ونست الحب القديم بس هم المواقف اللي بينهم ما تغفر لمشاعل ..

انتصار طول الوقت قعدت ساكتة وسرحانة .. تفكر اهي شفيها اللي خطبها زيد واهو اقل منها بالتعليم والجمال وكل شي .. وخلاها وسافر و راح وما كلف على خاطره يكنسل .. وحط امه جدام الامر الواقع ..

اهي شفيها يعني ؟؟ واخت مشاعل يمكن توها بالمتوسط او الثنوي .. و حالتهم على قدهم وراح يخطبها ؟؟ وما بيلقى احسن منها بعد ؟؟

نار شبت في قلبها وامية ليش وشحقه وشلون ؟؟ وبيني وبينكم من حقها لان موقف بايخ بصراحة ..

انتصار: اي اخت فيهم
مشاعل: شنو ؟؟
انتصار: اي اخت اللي انخطبت
خلود: خلصت السالفة من زمان انتصار شفيج
انتصار: لا بس كنت بعرف
مشاعل: اللي كانت لابسة اصفر
انتصار: اها ..
رقية: اللي خشمها طويل
مشاعل: لا حرام عليج خشمها مو طويل احنا مافينا خشم طويل
ام شهاب: ها .. (( فكرت تصف مع رقية ولا لا ؟؟ )) امبلى خشمها طويل
مشاعل: حرام عليج خالتي ..
ام شهاب: ليش حرام علي ما قلنا شي .. قلنا الصج واللي شايفينا ولا انتو شرايكم ؟؟
خلود: اي صح شوية خشمها طويل ..
ام شهاب: ها شفتي ؟؟ ها رباب شرايج ؟
رباب: ما انتبهت بس صج ما تشبهكم
ام شهاب: شفتي خشمها طويل
مشاعل: لا والله خالتي خشمها مو طويل .. انتي بس اللي كل اللي يقولونه جناينج صح
انتصار: وييي شدعوة مشاعل زعلتي ترا ما يزعل هم ما سبوها هم قالوا خشمها طويل وبيني وبنيج صج خشمها طويل

الكل ضحك .. لسببين .. السبب الاول ان ما يبون السالفة تقلب جد وهذا من مصلحتهم عشان اي وقت يبون ينتقمون منها بالحجي يدورونها ضحك ويقولون اللي يبونه والسبب الثاني ان اهم بشكل لا ارادي اكتشوفا انهم اتفقوا على كلمة وراي واحد انهم يضغطون اختها لان ماله داعي التعالي وشوفة العمر ..


وكلمتها كانت بايخة ..

مشاعل حطتها بقلبها وانقهرت انها ما قدرت عليهم كلهم .. كل مرة تتدفيش مع وحدة فيهم هالمرة حست بالتهديد لان كلهم على قلب واحد .. وخاصة خالتها .. اللي مادري شنو عاجبها برقية ورباب ..

وقررت انها تلجأ لامها وتشوف شنو العمل .. عشان ترد مكانها بين حمولتها انتصار وخلود وام شهاب ..

الغبية غفلت ان كلمتها اهي السبب وماكو شي ثاني . زام شهاب انسانة طيبة وحنونة ومتفهمة ولا يمكن تحقد او تحط على احد عشان اي سبب تافه لكن لما الامر يتعلق بعيالها وخاصة انتصار وخلود .. فاهني يصير خط احمر لا يمكن تجاوزه وام شهاب مستعدة تسوي اي شي ولا ان بناتها ينقهرون وينهضمون .. لو اي كان اللي حاول يقهرهم او يظلمهم

 

[سارووونه22]

امبيه صج موهينه الله يعينهم عليها وامها عارفه شلون تخليها تعرف كل شي واهيه صغيرة
مشكوووووووووووووورة على بارت وماقصرتي

 

[ح رؤف آلـ غ ـلأ]

رد : ^^^^عدت بقصتي الثانية (( بنات بو محمد في مهب الريح )) ^^^^

يعطيج العافيه حبيبتي

وااااي لمن اقوو قلبي ناقزني من مشااعل وطلع صج

أهم شي إنتي كل شي يقولونه خناينج صح <<< مليعه

ناطرينج ...

 

[روح الدنيا]

ههههههههههههههههههههههههههههههههههههههههههههههههههههه


البارت يضحك و يبرد الجبد


مشكوووره بااارت و لا اروع هههههههههههههههههههههههههههههههههههه

 

[روح الدنيا]

اي و صج ألف مبروك الجامعه << لاحظت من توقيعج


منها للأعلى يا رب

 

[miss.l5bi6a]

رد : ^^^^عدت بقصتي الثانية (( بنات بو محمد في مهب الريح )) ^^^^

al8i9a 3jeba o na6ren alpart alyay ;;p

 

[جروح الحب]

والله فديت هالرقيه اللي بردت جبدي فيها
تعجبني شخصية رقييييييييييه وااااااااااااااايد
ناطررررررررررررررينج قلب

 

[Riooma]

nabi part nabi part

 

[عشيقة ريلها]

بارت حلووووووووووو وايد

زين سوو في مشاعل اللي يتحرش يتحمل اللي يجيه

 

[6amni bs]

رد : ^^^^عدت بقصتي الثانية (( بنات بو محمد في مهب الريح )) ^^^^

ويي يمه طلعت مو هيييييييييينه
مسكين ماجد مو مترققققع
يعطيج العاافيه كملي

 

[miss disaster]

رد: رد : ^^^^عدت بقصتي الثانية (( بنات بو محمد في مهب الريح )) ^^^^

اف قطيعه بطت جبدي صج مو هينه

اما انتصار فاكسرت خاطري وايد


يسلمو وناطرين الياي

 

[الكونـتـيـسـه]

مشكوره حبيبتي على البارت

 

[JaN JaN]

كااااااااااااااااااااااااااك عجيب البارب مووووصج ام خشم طويل لوووووول



تسلمين عالبارت الحلو :eh_s(22):

 

[Ayoumaa]

رد : ^^^^عدت بقصتي الثانية (( بنات بو محمد في مهب الريح )) ^^^^

واااي مششاااعل ذكرتني اب وحده اعرفهاا نفس الطبع @@ ,, مشكووووووووووووره حبيبتي البارت حيييل حلووو كملي ناطرييينج :*:*

 

[فوشيه عجيبه]

متـابعة =)

 

[fato_kw]

ايواااااااااااا ايوااااااا رقيه صااارت ام وااااااااااااي :>:>:> حدي اندمجت لووول

عجيييبه حركه ام شهاب والبنات كلهم لما اضغطوو مشاعلوو احسن زيين يسوون لانها تستااااااهل اكثر بعد

ويعطيج العافيه البارت حده عجييبه

صكيتي على هبه حماده :>:>

ويييتنغ البارت اليديد

 

[MeeMeeYoo_2]

مشاعل فلم لوووول

يسلموووو

 

[Miss.blue berry]

رد : ^^^^عدت بقصتي الثانية (( بنات بو محمد في مهب الريح )) ^^^^

كااااااااااك تستاهل ام خشم طويل اهيا و اختها
ثينكيو على الباارت حبي

 

[سارووونه22]

اب اب اب اب اب اب اب