عجاائب انوثة !! << اول رواية لي

[simpel anooma]

البـــــ السابع عشر ــــــارت​

احمد:يالله عاااد​

.....:حموود و الله استحي ​

احمد:فدييتهم انا الي يستحوون​

.......................................................................​

مناير من الصدمة راحت تركض غرفتها​

علي:يمــــــه شفيج​

غيداء:خاالتي وين راايحة تعااالي ​

عزيز:يمـــــــــــــــــــه تعــالي​

اميرة:ماماتي وييينج؟؟​

عادل:انتوا لي اهني تعالوا فووق .. لا تنسون امي تعبانه هاليومين​

وراحوا يركضون لها شافوها تحط ملابسها كلللها بالجنطة ​

غيداء:خالتي وين رايحة .. شفيج خالتي؟؟؟؟​

علي:يمـــه وين رااايحة .. تكلمي يمه​

عادل:يمــــــه ردي اغراضج .. ليش قام تسوين جذي​

عزيز:يمه ابووي مضايقج ؟؟ .. قوليلي و الله مااسكت قوليييلييي​

عبدالله يرد اغراض امه:يمه ماكو طلعه شفييج ليش تسوين جذي​

نوال تبجي:بـــــــــــــــــــــــــــــــــــــــــس ​

اميرة تبجي:ماماتي .. ليش تسوين جذي تروحين و تخليني بروحي مني .. ​

نوال تحضنها حيــل:ماراح اهدج .. روحي جهزي اغراضج​

و بعد شوي شافت كل الصبيان حتى غيداء و علي يايبين اغراضهم كلللهاا​

نوال عند الباب:ماراح نطلع الحين .. راح ننطر احمد​

علي:ليش يمه شصاير انزين؟؟​

نوال:الي يبي ايي معاي يوقف معااي .. و الي يبي يوقف ضدي يقعد هني​

الكل:احــــــنا معااااج ​

دخل احمد و يغني و حالته حااله.. لمن شافهم​

احمد:وين عالله؟؟​

عزيز:يبـــــه حسن الفاااظــك ...​

نوال قاطعته:ابوكم ليي انا .. و ((تلف على احمد))وين كنت؟​

احمد:و من متى حضرت جنابج تسأليني وين كنت ؟؟!!​

عادل:يبه لو سمحت​

نوال:اول مرة و آخر مرة اسالك .. وين كنت؟​

احمد:وييييه فكينا انا يووعان​

نوال:ليش لمن رحت لها ماوكلت لك ؟؟​

احمد باستغراب:منو اهية؟؟​

نوال:منو اهية اهااا ... تعرف منووو اهيية .. اهييية روووحي اهييية حيااااتي​

اهيية بقاااايااا اهلـــي ...((و انهارت و تبجي جان غيداء تحضنها))​

احمد:بدييينا مسلسلات تركية .. الشرهة مو عليج الشرهة علي انا الي قاعد اتحجى معاج​

علي عصب:يبـــــــــــــــه ... احترم نفسك​

احمد يصفق:مشالله تكلم المعرس .. اقول شلون زوجتك و يغمزله​

عادل:يبه احنااا مو عياااالك و امييي مو زوووجتك؟؟؟؟؟​

احمد يستهزأ:خلني افكر جم يوم​

عزيز بركاان:تستعبط حضرتتتك ؟؟؟؟​

عبدالله:هدوا .. يبا جاوب على امي وين كنت​

نوال:لا تكفى لا تجاوب .. بيتي راح ينهدم اذا انذكر اسمها هني​

احمد يضحك: قصدج اي بيت ههههه .. ماكو شي اسمه بيتج​

نوال:شقصدك؟؟​

احمد:دخلــي رووحي .. دخلـــي حيااتي انتي​

.....:هاااااي شلونكم شباب؟؟​

الكل انصدم من الحركة الجرييئة هذي ​

علي:يبه شنوووو هالحررركة .. عيب استح على وييييهك​

احمد بغى يعطيه كف جان تمسك ايده حييل:مو انااا الي تطق عيااالي جدامي​

احمد:مشالله .. صار لج لساان بعد .. واقفة بكل جرأة جدامي​

عادل:و هاذي مو بكل جرأة واقف هنييي​

غيداء:خالتي تعالي بره .. تعالي نقعد بالسيارة​

احمد:تكلمت العرووسة الجمييلة .. اليتيييمة المسكيينة​

علي:يبااا .. الزم حدودك لو سمحت .. لاتنسة هذي مرت ولدك​

احمد:تخسي انت و اهية فووقك​

عادل:يبـــه .. خل الخيااس يدخل بيتك و كلنا طالعين ​

.....:حموود هذييله عيالك هذووله .. امش امش ورني غرفة نوومي​

عزيز:يالله حموود عن اذنك​

عبدالله:هههه .. يالله مشنا ((و طلعوا و راحوا بيت عمة غيداء نور))​

و دخلوا و نور رحبت فيهم و جهزت لهم غرف ​

((ملحووظة:نوور غنية .. لانها تزوجت واحد غني عن حب .. و مات ريلها و كانت اهية الوريثة الوحيدة .. عشان جذي كانت تصرف على اخوها و غيداء))​

نوال:و الله مفتشلين يا نور .. تو تم العرس .. رحنا قعدنا عندكم .. (جان تبجي)​

نور تحضنها:حبيبتي و الله .. لا عادي انا الضيفة و انتوا اهل البيت ماله داعي هالكلام و بعدين انا بروحي بالبيت .. تعالي ونسيني و روحي بدلي و تعالي نشرب لنا جوييه​

علي:جزاج الله خير عمتي << يعتبرها ام زوجتها عشان جذي قال عمتي​

عادل:اي و الله جزاج الله خير ​

عزيز:انشالله نخدمج بالافراح​

عبدالله:اي و الله ماننسى جميلج .. بس يعني وين غرفنا انا تعبت حدي !!​

جان نوال تطالع عيالها .. و تحمد ربها ان عيالها كلهم معاها​

في غرفة علي و غيداء​

علي:سامحيني حبيبتي .. بس و الله ابوي اول مرة جذي يسوي ​

غيداء:عادي حبيبي .. اهم شي انا يمك​

علي:تسلمين بعد عمري .. و ادري ان المفروض ما تتحركين وايد لانج حامل بس ظروف​

غيداء اقعدت يمه:لا تحط ببالك .. انا اهم شي عندي قربك ​

في غرفة عادل​

عادل:آآآخــ .. لو تدرين شكثر محتر انا ​

جمانة:حبيبي و الله .. ماتستاهل .. وبعدين انتوا وينكم الحين؟​

عادل:بيت مرت علي .. و الله فشلة اليوم متزوجين و باجر عندهم !!​

جمانة كاسر خاطرها:لا تشيل هم حبيبي .. و الله لو بيدي احطكم بعيوني ​

عادل:تسلم عيوونج حيااتي​

في غرفة عزيز​

ياسمين:حياتي .. هونها و تهون .. اهم شي لا تتعب امك و لا تعصب جدامها ​

عزيز:موبيدي و الله مو بيدي اشووفه ودي اذبحه .. انا مو مصدق هذا ابووووي​

ياسمين:لاتقول جذي مهما كان هذا ابوك​

عزيز:اي ابو تتكلمين عنه .. خليها عاللله بس ​

نوال قاعده مع نور و تحاول تنسي نفسها الي صاار ​

نور:الا نوال .. انتي ماتسوقين؟؟​

نوال:و الله نا اخاف اسوق .. و بعدين احمد كان مو مخلي علي قاصر سواق و خدم ​

نور تحاول تغير السالفة:الا تعاالي ماتبين تزوجين عادل؟؟​

نوال:امبلا كنت بزوجه بس احمد كان رافض الفكرة نهائيا​

نور بقلبها:و الله حياتي ماتستاهلين الي يصير لج .. لا تحاولين تنسين نفسج .. لانه بكل موضوع افتحه معاج تذكرين اسمه .. اخيييه عليج بس​

نوال:نووور .. وين رحتي؟؟​

نور:هآآ .. لا و لا شي بس افكر ببنات حق عادل​

نوال:ههه .. لا تفكرين و تعبين راسج .. يحب الولد​

نور:ههههههه .. خلاص زين قلتيلي عيل ​

و مضا الي تبقى من اليوم بسلاااام .. لانه علي اخذ البوديقاردات و حطهم عنده​

احمد:و بأي حق تااخذهم​

علي:بحق اني انا الي يايبهم آآخذهم .. شوف حموود .. القانون بصفي و قبل لا انسى .. سلم على منوور ​

احمد بقهر:يووووصل ​

تـــــــ البارت السابع عشر ـــــــم​

 

[محبة بوليود]

يسلموو على البارت
حراام نوال تكسر الخاطر
واحمد صج حقير ليش جذي
فديتج متى البارت الياي نبي نسهر اذا ممكن نزلي البارت على الساعة وحده

 

[simpel anooma]

اوك .. و الله عشانج بنزله على الوحده

 

[simpel anooma]

البــــــ الثامن عشرــــــــارت​

نوال:علي يمه مانبي مشاكل ردهم​

علي:يمه اي مشكال .. هذوله انا يايبهم​

نوال:كييفك يمه كييفك​

الخدامة:ماما نوور في ريال عند الباب كلي يدكل؟؟​

نور:لا .. سألي منو اهوة شسمه؟​

الخدامة عقب ماسألته:هذا يقول انا واحد جميل يبي يشوف ناس جيكر​

عادل:لا هذا يبي له من يوقفه عند حده​

احمد يدش مدرعم .. جان نور تلبس ملفعها الي على جتفها لانها كانت متوقعه​

احمد:هلا هلا بنونو ​

عزيز:انت شلوووون تدررعم جذي .. البيييت له حررمه​

احمد:حررمة ... خير انشالله ..​

عزيز:انت ماعندك غييره كللللش ​

احمد قط ورقة على ويه نوال جرح خدها من الورقة<<ترة صج يعور​

عادل وصل حددده:انت شفيييييييك مينووووووون​

احمد ببرود اعصاب:خلك ايزي حبيبي​

عادل:لااااا .. مصخهااااا​

بغى يروح له جان عبدالله يمسكه .. ​

عبدالله:عدوول هذا مايسوى خلله​

احمد:تدرون شلووون انا متبــــــــــــــري منكم لييمن تيوون تبوسوون ريلي اسامحكم​

و راح رقع الباب وراه .. ​

علي:عمتي سامحيني و امسحيها بويهي​

نور:لا عادي حبيبي .. نوال شنو بالورقة​

نوال بصدمة:انا .. تطلقت​

عزيز:و الله يمه احسن لج ​

نوال:انا ادري احسن و بعدين انا مو محتاجة له​

و الكل كان خايف عليها .. بس كانت تسوي نفسها طبيعية و تضحك و اهية محرووقة​

الكل نام و اهية منسدحة بغرفتها تفكر و تبجي:ليييش يا احمد .. لييش انا قصرت عليك بشي و تزوج بس لييش اختييي ليييش .. و ظلت تبجي ليمن نامت​

الصبح​

نور:خديجة عدلي الصفرة و روحي نادي الي فوق​

خديجة:انشالله ماما .. وراحت تقعدهم و اهمة على الريوق​

نوال تغمز حق نور:عادل عطني تلفونك​

عادل:تفضلي يمه .. ​

جان نوال تفج قائمة الاسماء تدور اسم جمانة شافت اسمها "حياتي" جان تاخذ الرقم و نور تسجل​

لمن طلعوا كلهم الدوامات مابقى الا غيداء و نور و نوال ​

نور:يالله اتصلي الحين​

نوال:الحين الصبح نطري عليهم​

نور:لا لا يالله​

غيداء:شصاير شفيكم​

نور:بنخطب حق عادل .. ​

غيداء:ايي يالله اتصلي الحين .. عاد انا احب هالسوالف ههه​

نوال:برايكم الحين .. بس اخااف نايمين​

غيداء:لا لا الحين و بعدين البنت دكتورة على حسب كلام عادل​

نور:اي يعني قاعده .. اتصلي يالله​

نوال بتردد: اوك .. و اهية تتصل ردت جمانة​

جمانة:صبااح الخير​

نوال:صباح النور​

جمانة استغربت:احم احم .. منو معاي؟​

نوال:ههه .. حبيبتي انا ام عادل​

جمانة استحت:هلا خالتي .. ​

نوال:هلا فيج حبيبتي .. بغيت منج طلب مو ترديني​

جمانة:آمري خالتي عيوني لج​

نوال:تسلم عيونج .. ابيج تعطيني رقم امج بييكم البيت ابيج تصيرين جنتي​

جمانة مستحية و مستاانسة على الاخر:انشالله خالتي .. و عطتها ​

نوال سجلت الرقم .. و نطرت لييمن العصر و اتصلت​

ام جمانة(سمية):السلام عليكم منو معاي؟​

نوال:و عليكم السلام .. اختي ام جمانة؟​

سمية:اي نعم .. منو معاي؟​

نوال:انا ام عادل .. بغيت عنوان بيتكم​

سمية:و النعم ... بس ممكن اعرف ليش​

نوال:انا بييكم اطلب القرب منكم .. ابي بنتج جمانة لعادل ولدي ​

سمية استانست:هذي الساعة المباركة و متى بتشرفونا؟؟​

نوال:انشالله الخميس الياي .. اذا فاضيين؟​

سمية:انشالله حياكم الله .. و عطتها العنوان​

لمن قام عادل من النوووم "نومة العصر" شافهم يببوون​

عادل:خير خير شصاير​

نوال:يا معيريس عين الله تراك و القمر و النجوم تمشي ورااك​

نور + غيداء :كلووووولوووووووووووش​

عادل:شصاااير يمه شصاااير منو المعيريس؟؟؟​

نوال:مبرووك يمه مبرووك .. الخميس الياي بنروح حق حبيبة قلبك​

عادل مو مصدق:صج يمه صج؟؟؟؟​

نوال:اي .. حبيبي نغير جوّ ​

عادل راح يبوس ايد امه و راسها :مشكووورة يمه مشكوورة الله يخليج لنااا انشالله​

تــــــــــــ البارت الثامن عشر ـــــــم​

 

[✿¸3ώẪṧĤ»]

ماااااااااااالت ع احمد و مناير

waiting
up
up
up
up

 

[simpel anooma]

ماااااااااااالت ع احمد و مناير

waiting
up
up
up
up

ليلحين ماشفتي شي ههه
الحين انزل لكم البارت التاسع عشر ​

 

[simpel anooma]

البــــــ التاسع عشر ـــــــارت​

مر الاسبوع بطيــئ على عادل .. و اهوة حده متشوق يشوف جمانة و كل مرة يتصل عليها و ماترد .. طرش لها مسج​

"ليش ماتدرين .. ترة اهون عن الخطبة .. مو وقته تتغلين يالله"​

بعدها اتصل عليها:​

عادل:هلا هلا ... بالعروسة اليديدة​

جمانة:............................​

عادل:الوو وينج؟​

جمانة مستحية:كاني​

عادل:وليـــــــــــــه بدينا دلع بنات​

جمانة:انت ليلحين على ولييه غيرها .. و بعدين لازم ادلع و لا تبيني مطفوقة​

عادل:ايي هذا جمانة الي اعرفها​

جمانة:عاااادل مو عــــــدل​

عادل:هههههههههه .. فديت الجملة من حلجج انا​

جمانة:اي اي .. وين هالرومانسية من قبل​

عادل:انا قلت لج بخشها لج ​

جمانة:انزين يالله باي .. مايصير لازم تشتاقلي​

عادل:سجلي عليج طراااق ثاني ​

جمانة:ههههههه .. جان تسده بويه و قعدوا يضحكون على بعض​

((في الخطبة))​

سمية:هلا هلا .. نورتي البيت​

نوال:منور بأهله .. ​

سمية:تسلمين حبيبتي​

و تمت الخطبة بسلااام .. و نوال و نور و غيداء حبوا جمانة و اهلها ​

نور بعد ماردوا بيتهم:و الله يا نوال البنت خوش وحده و اهله ناس طيبين​

نوال:اي و الله ماتدرين انا شكثر مستانسة ..​

غيداء:يعني نقول مبروك خالتي؟؟​

نوال:انشالله حبيبتي انشالله​

عند الشباب​

علي:يالله مبرووك يا حلوو​

عزيز:اي يالله كل واحد بيفتح بيت و انا و عبود هنيي منثبرين​

عبدالله:لا لا انا بتزوج قبلك كااك​

عادل:بس يالله ياهلوا و يتكلمون خلاص يالله ​

عزيز:و انتوا كل جذي لمن تبون تتزوج احنا نصير يهال​

عبدالله:اففـــ منهم ماعندهم نظر .. انت نصيري و عديل روحي ​

علي:اقول عدول خلهم مردهم بيحسوون بهالشعور​

عادل:ماتدري يا علي شكثر انا مستانس و اخيرآآآآ باخذ حبيبة قلبي​

عزيز و عبدالله:هآآآآآآآ .. كنت تحبها؟​

عادل:هههههههه .. اي كنت احبها و كان صاير لنا 4 سنين​

علي:و كانت تسوي لنا واسطة بالمستشفيات خخخ​

عزيز:كل هذاا من ورااناا​

عبدالله:ايااا الخوونه​

و بعد جم يوم يالهم خبر موافقة جمانة على عادل و خططوا على الملجة و كل شي بس اختلفوا بشي واحد:​

عادل:يا جمانة مايصير انتي شفيج؟؟​

جمانة:مابي اقعد بشقة بروحي .. ابي اسكن مع خالتي و معاكم​

عادل:لا لا .. لازم شقة بروحنا​

جمانة:ليش غيداء ساكنة عادي خوو انت شفيك جذي​

عادل:غيداء هذي عمتها حسبة امها احنا شكو نقعد معااهم ​

جمانة:عدوول .. يالله عاد انا ماحب اقعد بروحي و بعدين بوفر عليك الاجار​

عادل:وليــــــــــــه ... باي باجر نتفق​

صكر التلفون و راح حق علي يشكيله و علي راح يحل مشكلته​

علي:غيدائي ​

غيداء:عيوونها​

علي:عادل اخوي كاسر خاطري ​

غيداء:ليش شصاير؟​

علي:زوجته تبي تقعد معانا و اهوة رافض ​

غيداء:و ليش رافض؟؟​

علي:يقول ان فشلة .. و اهية ماتبي تقعد بروحها بشقة تبي تييمع معانا​

غيداء:اولا ليش فشلة احنا اهله و اذا على عمتي انا اكلمها ..و بعدين من حقها البنية تقعد بروحها ليش؟؟​

علي:اي و الله الله يخليج لنا و لي انا بالاخص و يغمز لها​

غيداء:بس عااد عليوي استحي و الله​

علي:شسمي شسمي ؟؟؟ .. فديت الي يستحون اناااا​

و كلمت غيداء عمتها نور و وافقت لانه اهية تبي تيمعهم كلهم عندها و جم مرة نوال بغت تطلع بس نور ما رضت لانها تعودت عليهم ​

و بعد مرور جم اسبوع ​

غيداء:عليوي برووح السوناار ​

علي:اكيد اي ليش لا .. ((راحوا حق السونار و بالسونار))​

غيداء:لا لا لا لا .. ماااآآآبي مااآآآبي​

تـــــــ البارت التاسع عشر ــــــم​

 

[taboolaaaa]

امبي شفيها ششافت ؟؟
الله يستر !!
ناطرينج حبيبتي كملي ;**

 

[✿¸3ώẪṧĤ»]

اممممممم شفيها غيداء

لا يكوووووووون شافت العله مناير وججع بكل مكااان !!!!!

 

[simpel anooma]

اممممممم شفيها غيداء

لا يكوووووووون شافت العله مناير وججع بكل مكااان !!!!!

هههه .. لا لا مناير مالها شغل
قصدي انها شافت شي بالسونار ​

 

[simpel anooma]

البـــــــ العشرون ــــــــــارت​

ردت غيداء البيت و اهية تقول:ليش ... مابي جذي مااابي


علي:انتي شفيج عادي شنو يعني


الكل قام مخترع ​

نوال:شفييكم يمه شفييكم


علي:الاخت غيداء الله معطيها توأم و تقول مابي


نور:خرعتووني طيحتووو قلبي الله يخس بلييسكم .. و انتي شنو يعني توأم نعمة من الله


غيداء:مابي مابي .. ابي واحد مابي توأم


علي:الله يخليكم فهموها


اميرة:ونااااااسة يعني في بطنج 2


غيداء خزتها خزه .. :اي اي .. مابي 2 ابي واااااااحد


نوال:ليش يا يمه ترة العيال نعمة


غيداء:و مرات نقمة .. انا صغيرة مابي وايد بسررعة


نور:انتي متخلفة من متى ؟؟؟


غيداء:عمــــــة نوووور


نور:و انا الصاجة .. يالله روحي نامي و خلصينا


غيداء:اففف .. و راحت غرفتها و نامت ​

((عند احمد و مناير))<<العلل​

احمد:منوورتي حيااتي


مناير:نعم


احمد:طلقتها بعد شتبين


مناير:لا و الله بس تطلقها


احمد:يعني شتبيني اسوي .. طلاق و طلقتها


مناير:حمود يعني لا تنسى اهية شلون طردتني من هالبيت و شلون كانت تعاملني


احمد:حبيبتي و الله مو ناسي .. بس قوليلي شسوي فيهم و انا اسوي


مناير:اســـمـــع..............​

في فلة نور​

نوال:و الله يا نور فشلة منج


نور:شنو الي فشلة .. عادي يا نوال انتي ماتدرين شكثر انتي عزيزة


نوال:يعني اذا كل واحد من عيالي تزوج بيسكن هني راح يصير ماكو مكان لج اصلا


نور:خلاص نوال .. اذا فتحتي هالسالفة مرة ثانية و الله ازعل


نوال:و الله ماانسى لج هالشي طووول عمري


نور:حبيبتي و الله


فجــــــأة يه علي يصااارخ:يمــــــــــــــــــــه .. عمــــــــــــــتي


نور و نوال:شفييك شفييك


علي:غيداء قاعدة تبجي و تتألم ماادري شفيها


نور:يمه بنتي ..


نوال:اتصل على الاسعاف احنا رايحين نشوفها


غيداء:ييمه نوور .. لحقي علي قاعده اتأأأألم


نور:حبيبتي .. نطري نطري وين يعورج


نوال:نووور قاعده تنزف البنية لبسيييها بسرررعه


و لبسوها و دخلوها المستشفى وغرفة العمليات​

بعد ساعتين تقريبآآ من العملية​

الدكتورة:يؤسفني اني اقولكم ..


علي:شفيييها زوجتي شفييها؟


الدكتورة:زوجتك سليمة الحمدلله بس .. الجنين طاح​

تفاجؤااا كلـــــــــــــــهم .. و حطوا غيداء عندهم فترة قصير بغرفة صغيرونة​

علي:ماعليه حبيبتي .. ماعليه الي خلق واحد يخلق 10


غيداء:يعني انا مو حاامل .. (جان تبجي )


نوال:بس حبيبتي .. الياهل يتعوض انشالله


نور:لو كنتي قايلة الحمدلله على التوأم جان ماصار جذي


غيداء:استغفــــــر اللــــــه يا ربي .. استغفـــــــر اللـــــــــــه​

و طلعوها .. و بعد جم لازم يسوون لها فحص على صحتها بالسونار:


الدكتورة:مبرررروك استاذ علي


علي مستانس:الله يبارك فيج شنوو ؟؟


الدكتورة:لحسن الحظ .. كان عندها توأم و الي طاح بس ياهل واحد و الثاني بقى و اهوة صاحي


غيداء:الحمدلله ياربي الحمدلله​

و راحوا البيت و بشرووهم و فرحوا كلهم


عادل:يمه شصار على جمانة؟


نوال:اي يمه قبل لا انسى .. ترة اليوم حطينا موعد الملجة


عادل:و متى الملجة؟


نوال:انشالله يوم الاربعاء تاريخ 22/6


عادل:اي خووش وقت


نوال:بس شوف عاد خلك ثقيل .. مو تتصل عليها كل دقيقة


عادل يضحك:لا توصين حريص​

تــــــــ البارت العشرون ـــــــــــــم​

 

[✿¸3ώẪṧĤ»]

ولييييييييييييه شكل مناير وراها مصييييبه

waaaaiting

 

[simpel anooma]

بنات وين ردودكم
انا ماستاهل ؟

 

[كويتيه كول عطول]

تستاهليييييين او نص تسلمييين حبيبتي على البارت حده عجييييب و الله يستر من احمد ومناير

 

[simpel anooma]

تستاهليييييين او نص تسلمييين حبيبتي على البارت حده عجييييب و الله يستر من احمد ومناير

مشكورة حبيبتي .. هذا من ذوقج :eh_s(7):
انشالله بس اشوف ردود راح اكمل :eh_s(2):​

 

[✿¸3ώẪṧĤ»]

افااا من يقول ما تستاهلين تستاهلين مليون مره

wAiTiNG

 

[simpel anooma]

افااا من يقول ما تستاهلين تستاهلين مليون مره

waiting

و الله عشانج و عشان القليل الي ردوا عليّ ..
بكمل الروآية .. بس صج ضايقوني ​

 

[simpel anooma]

البـــــ الواحد العشرون ـــــــــارت​

في الملجة​

الشيخ:هل انتي موافقة يا جمانة؟​

جمانة حدها مستحية:موافقة​

الحريم:كلوووووووولوووووووش​

و سووا حفلة صغيرونة حق الاهل بس .. في نفس اليوم لمن عادل دخل​

عادل:شهالزين .. الحلو محلو ​

جمانة:بس مو الحين فشلة جدام الناس​

عادل:و انا شكو بالناس .. اذا شيختهم عندي​

جمانة:ويين هالكلام من زمان​

عادل:انا قلت لج خاشه لج .. عشان تتفاجأين​

جمانة:اخييه على المفاجأة بس ههه​

عادل:وليـــــــــــه​

جمانة:اففف حتى بملجتك ولييييه​

و بعدين عزيز توه يدش لانه كان متأخر عن الحفلة شوي و تفاجأ لمن شاف ياسمين​

عزيز بهمس :ياسمينواا .. شايبج هني​

ياسمين:امش برا نتكلم ماينفع هني جدامهم​

عزيز عقب ماطلعوا:ماتقولين لي شيايبج هني​

ياسمين :ملجة اختي تبيني اقعد بالبيت .. انت شلوون ييت هني​

عزيز:ريل اختج اخووي !!!​

ياسمين:هآآآ .. جان تطلع و اهية تضحك ​

عزيز دز لها مسج:"سهلتوا علينا الخطبة يا سمسم"​

و كملوا الملجة و كلهم مستانسين و لمن ردوا بيتهم​

نوال:نور .. شرايج بياسمين ؟​

نور:اي خوش وحدة .. تبينها حق عزيز؟​

نوال:اي و الله خوش وحدة بس الي خايفة منه ..​

نور:لا تخافين من شي .. و البنت خوش وحده من شنو تخافين​

نوال:انا اخاف من زواج الاهل .. الله لايقول اذا صار شي بين عادل و جمانة و تطلب الطلاق ياسمين راح تطلب الطلاق .. يعني يقلدون بعض بأي شي​

نور:لا تخافين يبه .. اتوكلي على الله و نخطبها و نملج عليها و نسوي عرسهم بيوم واحد​

في غرفة الشباب<<مابقى غير عزيز و عبدالله خخ​

عزيز:عبوود شفتها شفتها​

عبدالله:منو .؟​

عزيز:ياسمين طلعت اخت جمانة​

عبدالله:اففف .. يعني كلكم بتروحون و تهدوني ماصارت هذي ​

عزيز:و الله الزوجة وايد ابرك من مجابل ويهك ​

عبدالله:كيفكم بس بعرسي ماني عازمكم كلكم​

عزيز:نشووف .. بس يالله اخمد و خلنا نخمد معاك​

و ناموا بس جمانة و عادل ما ناموا ظلوا يفكرون عن بعض فجأة يرن تلفون جمانة​

....:الو الاخت جمانة​

جمانة:اي نعم منو معاي؟​

....:فاعل خير .. بغيت اقولج شي​

جمانة:قولي​

.....:هذا الي بتاخذينه .. ابوه متبرري منه و امه مطلقة​

جمانة:انا قلت من اول .. المفروض ماتقولين فاعلة خير انتي فاعلة شرر اعوذ بالله منج​

....:هذا يزاتي .. قاعده انبهج عشان لا يصير نفس ابوه​

جمانة:ترة حتى لو هونت للحظة .. راح اتزوجه عنادا عليج .. و ترى الموضوع ماراح يتصكر و الله لوريج .. و جاااااااااو​

و سدته ببويها .. و انهارت بجي .. خافت من كلام هالانسانة و ظلت تفكر منو ممكن تكون و قالت حق امها و امها اتصلت على نوال​

سمية:اختي نوال في موضوع ضروري لازم افتحه معاج​

نوال:تفضلي اختي ​

سمية:في وحدة اتصلت على جمانة بنتي و قالت لها ..... الخ ​

نوال:ايا جليلة الحياا .. اكيد هذي مو محترمة​

سمية:اي و الله​

نوال:عطيني رقمها خل اشوف شغلي معاها​

سمية:لا لا .. ماله داعي مشاكل بس حبيت انبهج من عيون الناس​

نوال:انتي ماعليج بس قوليلي عشان اعرف منو من رقمها​

سمية عطتها الرقم و نوال انصدمت حيـــــــــــــــــــــــــــــــــــــــــــــــــــــل​

تـــــــــــــــــ البارت الواحد و العشرون ـــــــــــــــم​

 

[3rbawya]

انا غبت جم يووم ولقييت شكثر بارتات

تستااهليين والله

كملي حبيبتي

والرواايه عجييبه

 

[simpel anooma]

انا غبت جم يووم ولقييت شكثر بارتات

تستااهليين والله

كملي حبيبتي

والرواايه عجييبه

تسلمين حبيبتي من ذوقج ​