عانس ..متزوجه ..مطلقه..أرمله ..( ترتيب تصاعدي )

[iLLuMinaTion]

السلام عليكم ورحمه الله وبركاته

ودي اعرف اراءكم بخصوص هذا التسلسل والافضليه

يعني شنو أحسن ..وشنو وضع المرأه أحسن ..أنا راح أنقل اللي سمعته ...

وطبعا الافضليه بالنسبه لشؤون الحياه ..ان فرضا تكون وحده مطلقه ومشغوله بعيالها أفضل من مطلقه ووحيده

من الأأفضل الى الأسوأ :

1- متزوجه وعندها عيال
2- متزوجه وما عندها عيال
3- مطلقه وعندها عيال
4- مطلقه وما عندها عيال
5- ارمله وعندها عيال
6- أرمله وما عندها عيال
7- عانــــس.

شنو رايكم

هناك رأي اخر يفضل مطلقه وما عندها عيال عشان يصير عندها فرصه تتزوج مره ثانيه

 

[الأميرة جوري]

رد : عانس ..متزوجه ..مطلقه..أرمله ..( ترتيب تصاعدي )

الاختيار صعب ...مادري شختار.....مشكوره

 

[++MesK++]

؛
؛



اكيد اللي متزوجه و عندها عيال اهي افضل اختيار

؛
؛

 

[بيبي سبايس]

اكيد متزوجة وعندها عيال لانها مستقرة وعندها العيال اللي اهم احلى شي بالدنيا

 

[gourges 1]

رد : عانس ..متزوجه ..مطلقه..أرمله ..( ترتيب تصاعدي )

الافضل متزوجه وعندها عيال .. اسوء حال الارمله وعندها عيال لان بيكونون يتامى واهيا مسؤوله عنهم وبتكون لهم الام والابو << شكو اشرح

 

[زوووز77]

رد : عانس ..متزوجه ..مطلقه..أرمله ..( ترتيب تصاعدي )

الافضل عندي العانس مو ملزومه باحد

 

[أو عبوش]

متزوجه وعندها عيال.......


والاسوء >>> اللي تبقى من غير زواج ( واكره لقب عانس )

 

[زامليه وافتخر]

طبعا متزوجه.. وعندها عيااال...واثقل كلمه عانس..واكره كلمة مطلقه..
ومسكينه الارمله تلعوزت..

 

[( مي )]

مهما كانت حالتها ،، اذا كانت مرتاحة بحياتها ووضعها فهذا أفضل شي

ممكن تكون متزوجة وأم عيال وشابت من الهم والغم
متزوجة بدون عيال وماكلينها الناس ليش ماعندها عيال
وممكن مطلقة وام عيال وصعب تتزوج عشان عيالها
ممكن مطلقة وماعندها عيال وتبي الأمومة
ممكن أرملة وعندها عيال ومحتاسة مع عيالها
وممكن أرملة وما عندها عيال هذي جنها ما تزوجت ولا اطلعت من الزواج بشي لا الزوج اللي حبته ضل معاها ولا يابت عيال يشيلون اسمه
والعانس تبي تتزوج حالها حال غيرها


أرد واقولج ،، مهما كانت حالتها مدام انها مستقرة ومرتاحة في بيتها وجدام الناس ،، فإهي الأختيار الأحسن

 

[منيرة خالد]

الافضل

متزوجه وعندها عيال

 

[Ga6waah83]

رد : عانس ..متزوجه ..مطلقه..أرمله ..( ترتيب تصاعدي )

والله كل الخيارات اتعور القلب
ماقدر اختار شي

 

[عاشقة الكاكاو]

الاختيار صعب

بس ماحبيت كلمة عانس لانها مو حلوة كلش

 

[جوك احلى جو]

لو كاتبه عزوبيه افضل لان كلمة عانس ترا قاعده تهينين وضع المرا وحدها وقحه الكلمه تصفين وضعها بعدم الفائده او النفع

 

['Basma']

(مي) قالت كل اللي كنت بقوله

مو ضروري كل وحدة متزوجة وعندها عيال معناتها انه حياتها خالية من المشاكل

ولا كل وحدة مطلقة معناتها اهي مسكيينة، يمكن ارتاحت من مشاكل زوجها و تحررت منه

ولا كل وحدة مو متزوجة (ماحب كلمة عانس) معناتها حياتها واقفة، بالعكس الكل يعيش حياته لما الله يكتب

 

[BiiShOoO]

متزوجة و عيال

 

[&& دعاء &&]

رد : عانس ..متزوجه ..مطلقه..أرمله ..( ترتيب تصاعدي )

متزوجه وعندها عيال

 

[برد ابو الذهب]

مادري

 

[توته شيطونه]

تبين الصج اي وحده من هذول تقدر تخلي روحها سعيده

اذا كانت راضيه بما قسما الله لها

لكن عدم الرضا والقبول بالقضاء والقدر ماراح يخليج مستانسه في ولا وحده فيهم

 

[ملاك حبي هلاك]

محد أحسن من احد

وكل وحده هذ1 نصيبها بالحياه والله الي يوزع الارزاق

ليش العانس حاطينها تحت يمكن عانس والمجتمع يحتقرها بس تكون أسعد انسانه بالكون

وجهة نظري ان مانحكم على سعادة وافضلية حياة الشخص بس بمجرد حالته الاجتماعي متزوج مطلق وغيره

وبالنهايه نحمد الله على كل حال

وجهة نظري واتمنى تقبلونها براحبة صدر =)

 

[ولهااااانه]

أممممممممممممممم يمكن
أرمله بدووونـ عيال