عادات وتقاليد المجتمع الكويتي في الولادة!!!

[* LOVE STORY *]

بالعكس اضوى انتي اللي كلامج عين العقل وحمواتج ماعندهم سالفه

آنا سويت استقبالي بالمستشفى واهتميت بكل شي العصاير والجاي والقهوة والكاكاو والديكور الكماليات يعني
بس آنا كنت لابسه قميص فخم وناعم بنفس الوقت ورافعه نص شعري وكحلت عيني ع الخفيف وحطيت قلوس هم خفيف وبس

أصلآ موحلو لابسه بدله فخمه ومادري شنو وآنا توني والدة لانه مو وقته وكل شي بوقته حلو
عاد وقت طلاعتي من الاربعين خالتي ام ريلي سوت لي استقبال واهني بصراحه شطيت روحي من بدله ماركه ومكياج حلو وشعري سويته تسريحه يعني طلعت وحدة ثانيه وهذا وقته بصراحه لأنج يايه لبيت ريلج والناس كلها بتشوفج


ونصيحه : انتي تقولين انج تدخلين غرفة حمواتج وتسهرين معاهم ودام هذا تفكيرهم وانج ماتعرفين شي نصيييييييحه لاتحتكين معاهم زياده عن اللازم الظاهر شافوج كله عندهم قالوا هذي ماتعرف شي وانج معجبه بتصرفاتهم ، خليج زينه بس رسميه

 

[ذكريات]

مالج شغل فيهم

جاريهم بالكلام بس بالفعل سوي اللي تشوفينه صح

 

[جنتي^و^ناري]

الصراحه أكو أشيا لا من العادات ولا من التقاليد .. هالأشيا توها طلعت

ولا انا الوالد خبري تعصب راسها وكله تتدهن وتشرب الحلبه وهالأشيا

موتخيس يعني تتغسل بس تكن وتتدفا و ماتتبهرج خلال ال 10 ايام الأولى

يعني القميص المرتب هذا أكيد شي من زمان إذا أحد بييلج ويتحمدلج السلامه لازم تلبسين قميص عدل و حلو لأنهم ظيوف

بس ماكان الشي يوصل لي هالدرجه مثل هالأيام يعني الوحده لازم يكون عندها ميزانيه 1000 دينار للتجهيز

ألحين بس الواحد يحاتي الكفر والككاو والفناتق

ماقولج الشي مو حلو بالعكس وناسه الواحد يستعد بشي حلو بس حتى اللي على قدها لازم تحاول وتقايش عشان توصل مستوى الناس اللي بيولها لاتطلع أقل منهم

الوالد لازم تحافظ على نفسها وتتحرز وكون فيها حيل حق هالبيبي اللي شالته 9 اشهر بس هالأيام حتى الوالد ماتقدر تقعد على حيلها لازم تباشر شغلها عشان يطلع عدل

بس عقب الأربعين عاد هني الشاطره اللي ابين خلال لنفاس شنو حورفت بعمرها .. لازم تطلع فارقه عن الحمال من ناحية الجسم والنفسيه

مره أقول بشتري وبونس عمري وبتفنتق ومرات أقول المهم الله طلعني بالسلامه خل التفت حق روحي وخلي فليساتي حق وناستي عقب الأربعين.

 

[أضوى1]

خابرين قبل اللي تولد تقعد يومين ثلاث بالطبيب وتطلع تروح بيت ابوها وامها انفسها وسابع بيت بالفريج يدري ان هالبيت فيه حرمه والده من ريحة الحسو والزعتر والشب والحرمل وهالدويات اللي يسوونها حق الوالده الوالده الصبح محد يمرها ولايزورها امها تجابلها تريقها وتغديها ولي صار العصر يعطون الياهل رضعته قبل لايوون الحريم والوالده تغسل وتلبس قميص ناعم وتتمغط بفراشها وايوونها الحريم كل وحده شايله هديتها تدش وتسلم وتقعد جاي وعصير وكاكاو ماكنتوش ومخلط وتالي يحطون الياهل بحضن المره شويه وعقب ساعه بالكثير والا اقل قامت وقالت مع السلامه وراحت بطريجها ويت اللي عقبها وجذى كل يوم باب الحوش مبطل وكل الحريم اييون ويروحون
بس الحين هالايام غير نمونه الكاكاو اشكال وارناق والحلويات والمعجنات والبخور والكفر هذا غير التفافيخ علي باب غرفة الوالده بالطبيب وغير مصاريف المستشفي وغير مصاريف النفاس وغير الاستقبال لوويه مالها طعم بس شنسوي يقول المثل ان طاعك الزمان والا طيعه الحريم الحين ينبشون علي الشى اللي ينقدون عليه ويتطنزون سبحان الله عاد الوحده تبي تتحاشا هالانتقادات تقوم تبدع باستقبالها علشان يتحجون فيه الحريم وكل وحده تنافس الثانيه والمسكين الريال مااااااااااعنده مهنه غير يحط هالكي نت ويسحب غير الفيزا ههههههههههههههههههههههههههه الله يازين اياااااااااااااااام قبل

الغالية نونو.... يا حلوج ويا حلو كلامج

وصج يا زين أيام قبل وياحلات زمان امهاتنا وجداتنا كل شي كان بسيط وعالفطرة الناس عايشه حياتها بدون تكلف وبهرجه وسبحان الله ربي شلون كان مباركلهم ومهون عليهم ولايدهم مع أنهم ما كانوا يحصلون الرعاية الطبيه والاهتمام مثل وقتنا هذا .. وما شاء الله عليهم الوحده حتى وهي حامل تنفخ وتطبخ وتشتغل في بيتها لا خدامه وبطيخ وبعضهم ولادتهم في بيوتهم
وتكون هذي مهمة الداية هي اللي تولد وتقوم باللازم وسبحان ربي اللي مهون عليهم والبعض تكون ولاته بالمستشفيات الحكومية والا بالمستوصف .. وتبارك الله بدل الواحد والاثنين تلقين المره عندها درزن يهال مو الحين دلع وفخفخه والخدامات قايمين بكل الشغل هم اللي يربون وهم اللي يقومون بكل شغل البيت ... ايييييييييييييه الله يرحم أيامج يا يمه ويا جدتي صج كانت أحلى أيام ..... ومثل ما قلتي يا نونو ان طاعك الزمان والا طيعه يعني احنا مجبرين نساير الوقت ونرضي الناس علشان لحد ينتقدنا.

شاكرتلج حبيبتي تفاعلج الحلو :eh_s(15):

 

[أضوى1]

انا ما عندي عيال يعني ما سويت استقبال بس المعروف بين كل الناس
انه الوالده ما تجط مكياج وتلبس ذهب وبدله كشخه حق استقبال المستشفى
اي تحط كفرها وشغلها كله ولبس قميصها الكشخه ترتب شعرها وتتسنع لكن مكياج والماس وما ادري شنو هذي كلها خرابيط والصارحه احس انه الي تسوي جذي مو شايفه خير

bnt_kwt ... وانا رايي من رايج وهذا اللي انا كنت عارفته وفاهمته..

بس حمواتي فاهمين الدنيا بالمقلوب أو انهم مثل ماقلتي مو شايفين خير

والله يرزقج ان شاء الله ويرزقني معاج بالذرية الصالحه ونسوي استقبال ونوري الناس السنع :eh_s(3):

 

[أضوى1]

الحل يا قلبي خلج انتي الزينه واخذيهم على قد عقولهم بس حزه الافعال خليهم ينجعمون بأفعالج الزينه والسنعه وبالكلام ترا تنبني قصور
بس لي ييتي عالفعل كل شي يوقف بمكانه

انتي راقيه بأفعالج وسنعج وذوقج وادبج ورقيج
مو بلسانج وفلسفتج الجذابه

والله يكتب لج وتحملين وعلميهم اشلون الاستقبلات السنعه


وفي نقطه احب اوضحها في ناس ما يسوون استقبال بالمستشفى وعادي الناس متى ما يبون يزورونهم عادي بس لا اطلعت الوحده من الاربعين
سوت لها امها او ام ريلها استقبال كبير وعادي بهالاستقبال تلبس وتكشخ وكل شي ومكياج وذهب عادي اما بالمستشفى ولا بالبيت واهي توها والده فلا انتي صح وما عليج منهم لا تهتز ثقتج بنفسج

bnt_kwt .... يااا بعد جبدي والله كلامج ريحني

بس يا وخيتي شلون آخذهم على قد عقولهم ؟ مااقدر اسايرهم واقول شي انا مو مقتنعه فيه مااحب أقول كلام ويكون فعلي غير كلامي أنا بطبعي قولي وفعلي يمشون بخط واحد صعب أأيد نظره تخالف قناعتي .. بس أنا ممكن اسمع وأسكت .. يعني مرات كثيرة أذا ما عجبني الكلام أفضل الصمت وعدم التعليق علشان أفتك من الكلام اللي لا يودي ولا يجيب لاني عرفت ان الجدال معاهم لايمكن ينتهي وبتم نظرتهم دايما هي اللي صح ومستحيل احد يقنعهم بعكسها حتى لو هم عارفين انها غلط .

وبالنسبة للطلعه من الاربعين أكيد لازم الوحده تكشخ وتكون بأحلى صورة :eh_s(15):

يعطيج العافيه حبيبتي عالتفاعل ودعوتج الحلوة ونصايحج الذهبية :eh_s(17):

 

[أضوى1]

حبيبتي دام انتي واثقه من راييج وعارفه .. ليش اتدخلينهم دام انهم ناس مايمشون الا كلمتهم .. سويي اللي تبينه بسكات ولا تشاورينهم دام ان اسلوبهم بهالطريقه..
وليما تقوليين لهم عن شي لا اتشككين ابمعلوماتج خلج واثقه من نفسج .. ليما اترددين احسون ان كلامج ((خواره))
بالاخير الشي مو بسعره .. الشي بحلاته ونزاكته

diorella ... يا قلبي انا مااستشرتهم بشي حماتي هي اللي بدت موضوع وتناقشني فيه فأبديت فيه رايي وصدقيني اصلا أنا لايمكن أشاورهم بشي أنا انقرصت كذا مره منهم ولو بقول اللي جاني منهم ألفت كتاب .. أنا من عرفت طبعهم حطيت خط ما اتجازوه .. وبالاصح هم اللي فرضوا علي هالشي من أول ما اتزوجت حسسوني اني ما اتعدي حدودي وافرضوا علي الرسمية بالمعامله وعدم التدخل بخصوصياتهم .. بس اللي يزن علي بهالشي هو زوجي هو اللي يبيني اقابلهم 24 ساعة واتدخل بشؤونهم واقط نفسي عليهم واتحمل اللي يجيني منهم مع انه عنده علم وعارف اكثر من مره شلون جرحوني بس كان يتعذر لهم ويقول انتوا خوات وهالشي عادي يصير بين الخوات وللعلم ترى انا الزوجه الثانيه له والاولى اعتقد انهم هم اللي طفشوها ليما طلقها .. والشي هذا عرفته من ولد حماي مع ان زوجي قايلي سبب ثاني .

ومثل ماقلتي وفعلا كلامج صحيح مرات لما يكون الواحد متردد ومو واثقه بكلامه يعطي انطباع بضعف حجته ورايه لو كان صح .. وانا مشكلتي ماعندي حدّة بالكلام مثلهم واتردد وايد لما اتكلم معاهم والله لاني صرت أخاف منهم واعمل مليون حساب لكل كلمه اقولها مع اني ماكنت جذيه بأول ايام زواجي كنت تلقائية واعاملهم مثل رفيجاتي .

الله كريم .. والله يفرجلي ان شاء الله ويسخرهم لي .

تسلمين ياقلبي على ردج المقنع :eh_s(17):

 

[أضوى1]

مـــــــــــــــــــــــــــــــــــــــــــــــــــــــــاله داعى ((((((( مكياج
مـــــــــــــــــــــــــــــــــــــــــــــــــــــــــــــاله((((((((( ذهب
مــــــــــــــــــــــــــــــــــــــــــــــــــــــــــــــاله((((((((( بدله


قميص ذرب وكاكاو وديكوريشن واكسسوارت نفس الشى بس حبيبتى

عاد شنو وجهه نظررررررررررررررررررررررك

فطيرة .... وانا معاج حبيبتي ورايي من رايج

أنا ما مرت علي وحده تلبس بدله وتحط مكياج وتلبس ذهب وهي نفاس ..

بس هذي كانت وجهة نظر حمواتي اللي خالفوني فيها وضحكوا علي جنه انا ما اعرف شنو الدارج الحين بحجة اني مارحت استقبالات ناس كشخه وعوايل كبار . مع ان اهل أمي من اكبر واشهر عوايل السعوديه والموضه تطلع هناك وبعدها بجم سنه اشوفها بالكويت وما عمري شفت هناك شي من هالكلام كل اللي شفته نفس اللي قالوا عنه خواتي .

ويعطيج العافيه يالغالية على تفاعلج :eh_s(17):

 

[أضوى1]

شفيها البساطة يا زينها زيناه ولا الكشخة حق شنو تبقق العيون و الحسد انتي الصح

tota in indiana .... يسلملي هالرد وراعيته

وكلامج عين العقل ياقلبي:eh_s(9):

 

[سنا الفضه]

بعد حمولتج ماقالوا لج انه عيال النعمه ايبون فرقه بلال الشامي والا الطراروه ويززفووون الوالده من غرفه الولاده للجناح

واذا يابوا البيبي غنوا عليه هب السعد وصقلوا الطار عليه ورقصت ام الوالده وخالتها سامري وابو الولد يتبوسم ويلعب بمسباحه على الاريكه

وتكون الوالده لابسه شبكه المااااااس اتبارق جنها ثرية

وقميص نوم مع طرحته تصميم كرستيان ديور


وماسكه بيدها ورد قرنفل مطعم بالرشاد لزوووم الولاده

وآلاء دشتي يمها تعدلها
:eh_s(14): :eh_s(14):

اي والله بعد شنو عيال النعمه غير

كل الناس عيال نعمه وشايفين خير والوالده بعد والده خو الياهل مو طالع من جمومها

لا يبه ولاده طلعه روح من روح وحياه ثانيه اشفيهم

طووول عمري احضر استقبالات وحق الكل كله من صغير وكبير وعيال نعمه على قولتهم <<<بس صج مادري من وين يايبيين هالتصنيف

وعيال الفقاره<<<بالله موجووده عندهم هالفئه

كلهم يولدون وتروحين لهم كفر انيق وقميص نوم بسيط وماشي مع شغلها وكاكاو وسوفونير ومطاطرتين جاي وقهوه والا عصير وبس
وكان الله غفور رحيم

سمعني واخذيها قاعده مني الي يحب يتشيحط وهذا عندي وبهالسعر الفلاني

هذا يسمونه مستحدث نعمه يعني مو شايف خير

والا الي عينه متروسه مايقعد يقول هالجنطه من هالمكان وبهالسعر​

 

[أضوى1]

انا ماأيد الوحده تتمكيج وتزين وهي توها والده
لازم الواحد يخاف من العين

النعومه أحسن شي مثل ماقالوا الأخوات

ألوي الكويت ... صاجه حبيبتي العين حق وخاصة المره النفاس لازم تحذر من هالشي وتحصن نفسها وتحصن ولدها وتتوكل على رب العالمين .

وغير العين اصلا مو حلو الخبه الزايده لانها ماراح تزيدها جمال بالعكس اللوية الزايدة والخبه تخلي الوحده تصير جنها هيلقيه .

 

[أضوى1]

انا ما أأيد المكياج الا اذا شي خفيف حده كحل وبلشر بس علشان لا يصير ويها اصفر والشعر مرتب وخلاص وتلبس قميص ذرب من قمصان النفاس بالنسبة لنا احنا ما نسوي استقبال الا بالمستشفى وماشالله البيت داش طالع كلمن ايي بالوقت اللي يناسبه والبيت مفتوح طول الاربعين يوم

رفرف ... وانا رايي من رايج ولله الحمد

بس عندي ملاحظه بقولها ... انا حماتي لما سوت استقبالها بالمستشفى ماخلت احد يشوف ولدها وحتى لما طلعت لبيت اهلها كانت عندنا وكنت اشوف طريقتهم .. ماكانوا يراوون الياهل اي احد وكله خاشينه يخافون من العين انا استغربت من هالشي بصراحه يعني بعض الناس كنت تجي تبارك وتشوف الياهل بس ما كانوا يراونه احد حتى المقربين وانا ما كانوا يخلوني اشيله كل ما قربت منه خذته خالتي وقالت للخدامه اتصعده لحماتي يعني شي غريب بصراحه انا هالشي ما عمري شفته عند اهلي ولا عند رفيجاتي .. وهم كانت حماتي ما تستقبل أي احد يجي يباركلها في البيت كانت تقعد فوق بغرفتها تقول انا سويتي استقبالي بالمستشفى لاني مابي احد يجيني بالبيت ولو جاني احد ما راح استقبله تقول شنو انا كل يوم بسوي استقبال !!!! انا قلتلها انتي استقبالج سويتيه بالمستشفى وخلاص بس اللي يجي بالبيت بتكون زيارة عاديه يباركون ويمشون ماله داعي الخبه مالت المستشفى وفعلا ما استقبلت احد .

ياربي احس عيب جذيه ناس جايين علشاني ومقدريني ومحشميني ومحشمين أمي وجايين يباركون لي ويتحمدون لي بالسلامة ويهدوني مااستقبلهم ؟؟ ولا اوريهم البيبي ؟؟

يا ناس يااااعالم انتوا جذيه ؟؟ والا بس حمولتي ؟؟

 

[أضوى1]

حلاة الشي ببساطته
احنه ما عندنا سالفة الاستقبالات بالمستشفى
يعني الوالده تقعد بالمستشفلى يومين ثلاثه وطبعا الي يبي يزورها اهلها اهل زوجها ربعها
وطبعا لاوم يكون حزتها كل شي مرتب
انه بولادتي لما كنت بالمستشفى لبست قميص نوم ناعم وراقي يمشي مع لون الكفر واغراض البيبي من مهاد ولفه ولبس وحلويات
كنت حاطه بالشر خفيف عن الصفاره ولابسه تراجي وقلب طقم نعومين

FANDA..... حبيبتي الحمدلله رايج من رايي سواء كان الاستقبال بالبيت أو المستشفى الاستعدادات هي هي اللهم ما يختلف الا المكان .

يعطيج العافيه وماقصرتي :eh_s(17):

 

[أضوى1]

بالعكس اضوى انتي اللي كلامج عين العقل وحمواتج ماعندهم سالفه

آنا سويت استقبالي بالمستشفى واهتميت بكل شي العصاير والجاي والقهوة والكاكاو والديكور الكماليات يعني
بس آنا كنت لابسه قميص فخم وناعم بنفس الوقت ورافعه نص شعري وكحلت عيني ع الخفيف وحطيت قلوس هم خفيف وبس

أصلآ موحلو لابسه بدله فخمه ومادري شنو وآنا توني والدة لانه مو وقته وكل شي بوقته حلو
عاد وقت طلاعتي من الاربعين خالتي ام ريلي سوت لي استقبال واهني بصراحه شطيت روحي من بدله ماركه ومكياج حلو وشعري سويته تسريحه يعني طلعت وحدة ثانيه وهذا وقته بصراحه لأنج يايه لبيت ريلج والناس كلها بتشوفج


ونصيحه : انتي تقولين انج تدخلين غرفة حمواتج وتسهرين معاهم ودام هذا تفكيرهم وانج ماتعرفين شي نصيييييييحه لاتحتكين معاهم زياده عن اللازم الظاهر شافوج كله عندهم قالوا هذي ماتعرف شي وانج معجبه بتصرفاتهم ، خليج زينه بس رسميه

كرستاله .... يعطيج العافيه عالرد ..

بالنسبة لاستقبال المستشفى ما اختلفنا عليه انا وحمواتي يعني استعداداته نفس ماقلتوا .. وهي سوت جذيه لما كانت بالمستشفى .
بس الخلاف كان لما يصير الاستقبال بالبيت تخب الوحده نفسها وتلبس وتتمكيج جنها بحفله وهذا اللي مااقنعي .. حتى كانت تقولي انتي مارحتي استقبالات وايد وماتعرفين شنو اللي دارج الحين شعرفج جني ماافهم ولا اعرف السنع .

كرستاله لا انا نادرا اروح اقعد عندهم بغرفهم حماتي اللي اكبر مني ماادخل غرفتها اللي اذا استأذنت وكنت بسلم عليها أو بغيت ابلغها عن شي.

أما الثانيه امرها مرات قليله بس مااطول عندها لاني مااحب اكون ثقيله على احد ... بس زوجي هو اللي دايما يضغط علي ويبيني اقابلهم دايما واسهر معاهم مع اني ما حسيت منهم قبول لهالشي وهم من النوع المتكتمين ويحبون الخصوصية بس هو مو راضي يقتنع . بس هو مقتنع ان اخته الكبيره رسميه حيل بتعاملها .

 

[أضوى1]

مالج شغل فيهم

جاريهم بالكلام بس بالفعل سوي اللي تشوفينه صح

ذكريات .... تسلمين ياقلبي عالنصيحة وهذا اللي بيصير ان شاء الله .:eh_s(15):

 

[fjnt]

أولا اللة يرزقج بالذريةالصالحة ويرزق كل محروم...
ثانيا... وايد رحت إستقبالات بالمستشفى وتكون الوالدة حاطة ميك أب أو على الأقل حاطة فاونديشن وتكون لابسة الالماس سواء تراجي أو ساعة..إلخ بس أنا من رايي إن الوالدة المفروض ماتفتح عيون الناس عليها وأساسا الوالدة تكون مالها خلق نفسها أنا عن نفسي ألبس قميص راقي حيل وشعري يكون مرتب وماأحط إلا المرطب على ويهي.

 

[أضوى1]

:eh_s(17):

الصراحه أكو أشيا لا من العادات ولا من التقاليد .. هالأشيا توها طلعت

ولا انا الوالد خبري تعصب راسها وكله تتدهن وتشرب الحلبه وهالأشيا

موتخيس يعني تتغسل بس تكن وتتدفا و ماتتبهرج خلال ال 10 ايام الأولى

يعني القميص المرتب هذا أكيد شي من زمان إذا أحد بييلج ويتحمدلج السلامه لازم تلبسين قميص عدل و حلو لأنهم ظيوف

بس ماكان الشي يوصل لي هالدرجه مثل هالأيام يعني الوحده لازم يكون عندها ميزانيه 1000 دينار للتجهيز

ألحين بس الواحد يحاتي الكفر والككاو والفناتق

ماقولج الشي مو حلو بالعكس وناسه الواحد يستعد بشي حلو بس حتى اللي على قدها لازم تحاول وتقايش عشان توصل مستوى الناس اللي بيولها لاتطلع أقل منهم

الوالد لازم تحافظ على نفسها وتتحرز وكون فيها حيل حق هالبيبي اللي شالته 9 اشهر بس هالأيام حتى الوالد ماتقدر تقعد على حيلها لازم تباشر شغلها عشان يطلع عدل

بس عقب الأربعين عاد هني الشاطره اللي ابين خلال لنفاس شنو حورفت بعمرها .. لازم تطلع فارقه عن الحمال من ناحية الجسم والنفسيه

مره أقول بشتري وبونس عمري وبتفنتق ومرات أقول المهم الله طلعني بالسلامه خل التفت حق روحي وخلي فليساتي حق وناستي عقب الأربعين.

q8plaza ..... كلامج كله صح يالغاليه وفعلا الوحده مجبورة تجاري العالم اللي عايشه فيه بس بحدود المعقول ...

أما سالفة المبالغة الزايده والمظهر والشكليات اللي مو في محلها اعتقد هذي مرفوضه وما ظنتي فيه وحده والدة وتلبس وتتمكيج جنها معزومه بحفله ..

لازم توفر الكشخه والتزين حق طلعتها ا هنيه تكون كشختها بمحلها .

ويعطيج العافيه عالرد يالغاليه

 

[xxx]

ادري طولتها وهي قصيرة ... بس استفساري هو هل المره لما تصير نفاس وتسوي الاستقبال تلبس بدلة كشخه وتتمكيج وتسوي شعرها وتلبس ذهب ؟؟؟؟

هل يعقل ان المره الوالدة اللي لها أسبوع من ولادتها وحتى لو كان استقبالها بالبيت هل يعقل انها تلبس بدلة كشخة وتحط فل ميك اب والشعر والاكسسوارات والذهب وغيره ...؟؟

انا اوافقج الراي

مو حلو وحده توها والده وتسوي هالشي

المفروض قميص ستان ناعم ويكون شعرها مرتب بس

((موحلوة بحقها ،، والعين حق))

والله شوف عيني نفس يوم الولاده حاطين مكياج ومرتزين على الفراش

عبالهم جذي زين بس الوالده حلاته ويهها اصفر

اذا كانت طالعه من النفاس تسوي الي تبي

 

[شاهة]

ماخلت احد يشوف ولدها وحتى لما طلعت لبيت اهلها كانت عندنا وكنت اشوف طريقتهم .. ماكانوا يراوون الياهل اي احد وكله خاشينه يخافون من العين

؟؟؟؟؟؟؟؟؟


وهم كانت حماتي ما تستقبل أي احد يجي يباركلها في البيت كانت تقعد فوق بغرفتها تقول انا سويتي استقبالي بالمستشفى لاني مابي احد يجيني بالبيت ولو جاني احد ما راح استقبله تقول شنو انا كل يوم بسوي استقبال !!!!



هذي من صجها ناس تزوريني تتحمدلي بالسلامة اكشت فيهم اسمحيلي حماتج ماعندها ذرة من الذوق
ي

اربي احس عيب جذيه ناس جايين علشاني ومقدريني ومحشميني ومحشمين أمي وجايين يباركون لي ويتحمدون لي بالسلامة ويهدوني مااستقبلهم ؟؟ ولا اوريهم البيبي ؟؟

يا ناس يااااعالم انتوا جذيه ؟؟ والا بس حمولتي ؟؟[/QUOTE]

لا يا عمري انت الصح واهم الغلط والله لو وحدة تسوي فيني جذي ما اطب بيتهم من عقب الصرراحة اهانة وقلة احترام

واسمحيلي اذا غلطت فيهم بس عيب جذي ما احب قلة الادب :eh_s(22):

 

[توتة البنوووتة$]

مالج شغل فيهم

جاريهم بالكلام بس بالفعل سوي اللي تشوفينه صح

:eh_s(15): :eh_s(15): :eh_s(15):

واصلان فيه ناس تتعبين نفسياااا ااذا تناقشتي معاهم السكوت احيانا يريح واسال مجرب :eh_s(14):