عادات وتقاليد المجتمع الكويتي في الولادة!!!

[أضوى1]

انا مادري شنو اللي صاير الحين بس من وجهة نظري ماله داعي مكياج واايد و اذا لازم مكياج يكون خفيف

و احس ماله داعي الذهب !!

و اللبس اما قميص ناعم او دراعة بسيطة و ناعمة

وأنا معاج ونفس رايج حلات الشي يكون أنيق وذوق بدون تكلف زايد عن اللزوم.. وصاجه الذهب ماينلبس الا بالمناسبات والحفلات مو والوحده نفاس .. اذا كلش كلش تلبس ساعه وتراجي ناعمه.

يعطيج العافيه حبيتي عالتفاعل :eh_s(15):

 

[أضوى1]

انا وحده ولا مره رحت استقبال وشفت وحده حاطه مكياج وله لابسه الماس بس اكون الكفر كشخه وتكون متسبحه ولابسه قميص يديد وناعم والشعر مرتبته ومتبخره واغلب الاستقبالات تكون بالمستشفى , فاكيد بتحط ورد وشاي و قهوه وحلو وكاكاو المولود , و وحده اتيبها اتقدم .

وهم انتي الثالثه اللي نفس رايي ياااااااااااربي طلعت عاقله وفاهمه

عيل ليش حمواتي يسوون فيني جذيه كله مناشبيني وحاطيني مااعرف الناس الراقيه وعيال النعمه شيلبسون وشيسوون ؟؟؟

دايما معارضين وجهة نظري مع اني بالنهايه اطلع انا الصح وانا اكون مقتنعه بنظرتي بس كلهم يقبون فيني يمممه والله يخرعون مايعطون مجال
الوحده تبطل حلجها وتقول رايها كلوها جنها جايه من العصور الحجريه وماشافت خير ولاتعرف السنع !!
والله انا منبطه جبدي منهم شقوووووووووووووووووول شحجي فيني كبت لازم أطلعه بس مو هنيه اكيد لازم اسوي موضوع بقسم المشاكل الاسريه يمكن ألقالي حل معاهم... والمصيبة زوجي كله يقولي قعدي معاهم ودشي غرفهم واسهري معاهم .. أنا ما استحمل سوالفهم كله يتكلمون عن نفسهم احنا واحنا سوينا وشرينا وفعلنا وكل شي عندهم بسعره جنطتي بالشي الفلاني وساعتي بالشي الفلاني وفلانه قالت عني حلوه والناس يتكلمون عني ومعجبين فيني والا كله كوم وتبطل التلفون جدامي وقراءة المسجات انه الناس يمدحونها وهيااااااااااااااااااط له أول ماله تالي يا جماعه أنا انغثيت مااتحمل اقعد بوسط ناس ما همهم الا المظاهر والفلوس لااااااا وياليتني أشوف عليهم شي حلو والا يسوا هالمبالغ اللي يتكلمون عنها والله أنا وحده الكل يشهد لي بالذوق والاناقه والادب والاحترام عندهم ما اشوف هالشي كله يحسسوني اني دون المستوى مع اني من بيت ناس شايفين خير واهل نعمه ... بس عندهم بديت افقد الثقه بنفسي وانا ماابي هالشي شالحل ماادري

 

[أضوى1]

والله انا امي الله يرحمها قالتلي بولادتي الاولى بلا استقبال بلا خرابيط لما ولدت بنتي كان عطلة وكنت فاتحة بيت اهلي لابسة من هالدراريع الساتان وكفري عادي من اللي بالسوق ماخبيت نفسي بشي وللي يبي اييني حياه الله ياخذ ككاوه ويشرب استكانته ويتوكل على الله وبس حتى حف مو حافة ولاشي اللهم شواربي لووووووووول ماقدرت اخليهم بصراحة وشعري رابطته حتى فيه نص صبغة بس... بس ليش الحين دوامات وانا كلية اللي يبي اييني بالويكند وبس اربعاء وخميس وجمعة عشان مدارس خواتي وجذي البيت موفاضي وليي مايبي ايي مايشوف شر والفلوس اللي اقطها على استقبال اخليهم حق سفرة ولا اغير غرفة نومي يعني شي يديد حقي انا وريلي نستانس فيه ...

ولاشرايج

والله كلامج عين العقل حلوه البساطه وحلو الواحد لما يتصرف بحكمه أحس ربي يباركله ويهون عليه ويحفظه من عيون الناس .. الله يكملج يعقلج ويوفقج مع ريلج ويخليلج عيالج . :eh_s(17):

 

[أضوى1]

كل ماصار الشي بسيط ومرتب مو مبالغ فيه صار أرتب وبيض الوجهه هذي وجهت نظري

الرد رقم : 5

وهم نفس وجهة نظري .. أشكرج عالرد وابداء رايج

 

[أضوى1]

حلات الشي ببساطته وماله داعي الماكياج والذهب
قميص ناعم ستان ولفه دانتيل وكيسه البيبي حلوة ومرتبه وكان الله غفور رحيم

الرد رقم :6

نعم الراي السديد .. مكياج وذهب والله انا لما قالت حماتي هالشي بققت عيوني قلت مكياج ..؟؟ وذهب ؟؟ وبدله كشخه ؟؟ استغربت شلون الوحده نفاس ومالها خلق نفسها تسوي كل هالخبة .

وشنو كان ردها لي ؟؟ انتي مو شايفه استقبالات الناس الكشخه شعرفج بهالناس يعني .. كان مقصدها من الكلام انه انا مو مطلعه على اللي قاعد يحصل الحين بالكويت في أرقى استقبالات الولايد وانها بحكم علاقاتها واختلاطها بالناس الراقيه على حد قولها اتشوف واتعرف احسن مني وولعلم هي اصغر مني يمكن ب 7 سنوات والثانيه اكبر مني بأربع سنوات وكلهم على قلب واحد وظدي
وانا شايفه رفيجاتها وربعها والناس اللي مختلطين فيهم والله ناس عاجيين وأقل من عاديين بعد.. ماشفت عليهم أي شي من مظاهر الرقي والتمدن اللي تتكلم عنها .

 

[أضوى1]

انا مو متزوجه..

ماعمري رحت لوحده والده غير امي وقبل 14 سنه

بس انا مع ان الوالده تلبس قميص ذرب وراقي حيل وطبعا يكون من أفضل النوعيات واللي يكون متماشي مع الكفر وباقي الديكوريشن والاكسسورات ملوت الاستقبال .. ويكون شكلها ناعم وبسيط والشعر نظيف ومسرح بشكل ناعم ومرتب والوجه بدون مكياج اذا في أول يومين واذا في ضرورة يكون المكياج خفيف وناعم...

وشكرا..

رونه الله يخليلج أمج ويرزقج ان شاءالله بالزوج الصالح والذرية الصالحه وتسوين استقبالج ونفرح فيج
وانا مع رايج :eh_s(17):

 

[أضوى1]

وفي يالغاليه احنا احيانا يكون في البيت والمستشفى فتكون الوالده لابسه قميص حلو وذرب وكشخه عادي اذا كانت رافعه شعرها بطريقه حلوه او نص شعرها واذا كانت لابسه قلب وتراجي ناعمين عااادي وطبعا هذا المفروض واصلا اذا كانت توها والده مايصير تلبس بدله ومكياج الناس راح تظحك عليها

اما الشي الثاني اهو ان اذا الوحده اطلعت من الاربعين وسولها استقبال هذا شي ثاني

(يعني انا لما طلعت من الاربعين حمولتي سوو حقي استقبال وقالوا حق كل اهلهم الي مايولي فلبست بدله مالت استقبال كشششخه كنت ماخذتها من انسام الخلف سويت شعري وكنت صابغته وحطيت مكياج كامل )

فالاستقبال يختلف اذا كان قبل الاربعين او بعده
وسوري طولت عليج

الفنانة .. مشكورة حبيبتي على ابداء رايج واللي مايختلف عن رايي..

واللي فهمته منج انه الاستقبال سواءا كان بالبيت أو بالمستشفى في أو الايام من النفاس هي نفس الاستعدادات والتجهيزات واللبس

وصاجه احس الوحده اللي بتخب عمرها وتتمكج وتلبس بدله وتلبس ذهب احس الناس بيظحكون عليها ..

مع حماتي الكبيره قالت احنا جذيه متعودين ومعارفهم هذي طريقتهم وعوايدهم ولو ماسويتي مثلهم بيضحكون عليج يعني قلبوا الآيه

وفعلا قلتها انتي اذا جذيه خبيتي عمرج وبدله ومكياج وعفسه عيل بطلعتج من الاربعين شبتسويين ؟؟ قالت احنا جذيه وبعصبيه .

 

[bnt_kwt]

الحل يا قلبي خلج انتي الزينه واخذيهم على قد عقولهم بس حزه الافعال خليهم ينجعمون بأفعالج الزينه والسنعه وبالكلام ترا تنبني قصور
بس لي ييتي عالفعل كل شي يوقف بمكانه

انتي راقيه بأفعالج وسنعج وذوقج وادبج ورقيج
مو بلسانج وفلسفتج الجذابه

والله يكتب لج وتحملين وعلميهم اشلون الاستقبلات السنعه


وفي نقطه احب اوضحها في ناس ما يسوون استقبال بالمستشفى وعادي الناس متى ما يبون يزورونهم عادي بس لا اطلعت الوحده من الاربعين
سوت لها امها او ام ريلها استقبال كبير وعادي بهالاستقبال تلبس وتكشخ وكل شي ومكياج وذهب عادي اما بالمستشفى ولا بالبيت واهي توها والده فلا انتي صح وما عليج منهم لا تهتز ثقتج بنفسج

 

[أضوى1]

والله شوفي
احنا من النوع اللي نخب نفسنا واااايد بالاستقبال
ونشيك على كل شي
ونحسب حساب كل شي
يعني قميص استقبال راقي
وكفر يكمل معاه الطقم
وشراشف الطاولات
وغطى الكلينيكس
والصواني
والستكانات
ومطاطير الشاي والقهوه
وأنواع الحلو
والموالح
والعصاير
وكل هالسوالف
وطبعا بالنسبه للوالده نفسها تكون قبلها رايحه الصالون مسويه اللازم لأنها بتخمر اربعين يوم
خخخخخخخخخخخخخخخخخخ
ولازم متبخره ومتعطره شي أكيد

بس مكياج؟؟
ذهب؟؟
لا وبدله بعد؟؟

شوفي مره رحنا حق استقبال بنت خالتي
كانت متمكيجه ولابسه بدله
مابقى احد بالموجودين ماتطنز عليها ونقد عليها بس محد قال ماشالله كشخه والا سنع.. بالعكس قالوا هيلق خخخخخخخخخخخخ​

أم بدير .... يعطيج العافيه يا قلبي وانا ما اختلف معاج بالراي فعلا هذا وانتي على قولتج من الناس اللي يختبون بالاستقبالات ويتكلفون فيها ويعني متعودين على هالشي .. ومع ذلك كلامج عين العقل يعني الاستقبال ما نفس ما قلتي بالتجهيزات والترتبات كلن على حسب امكانيته وذوقه بالاعداد..

أما ان النفاس تتمكيج وتلبس الذهب والبدله هذا الشي الغريب واللي هو من عاداتنا ولا طبايعنا وانا ما عمري سمعت احد سوا جذيه .. بس هم الله يهديهم شككوني بنفسي وقلت يمكن هذي الموضه وانا ماادري ..

وهذا انتي قلتيها بالنسبة لبنت خالتج وشفتي شلون الناس ماتقبلوا الفكره وتطنزوا عليها.

 

[أضوى1]

انا مع الشى البسيط والناعم حلات الوحده قميص كشخه وناعم ومن غير مكياج وذهب

مشكوره دلووعه .. وعين العقل كلامج :eh_s(15):

 

[أضوى1]

أو انها كونها نفاس تلبس قميص ذرب وراقي حيل وطبعا يكون من أفضل النوعيات واللي يكون متماشي مع الكفر وباقي الديكوريشن والاكسسورات ملوت الاستقبال .. ويكون شكلها ناعم وبسيط والشعر نظيف ومسرح بشكل ناعم ومرتب والوجه بدون مكياج اذا في أول يومين واذا في ضرورة يكون المكياج خفيف وناعم.؟؟

انا معاج بهذا الصراحة انا لبست اول الايام نفنوف النفاس ناعم ودانتيل لانة كلة منسدحة بفراشي لما قدرت اقوم قمت البس دراعة حلوة واحط كحل لانة الصراحة ابي عقب النفاس اطلع وحدة ثانية

براوينييز .. رايي نفس رايج الحمدلله ... وصاجه الوحده لازم توفر الكشخه والتزين حق طلعتها :eh_s(17):

مكشورة يالغاليه:eh_s(8):

 

[أضوى1]

اذا بتمكيج بالنفاس والبس ذهب اجل شخليت حق طلعت النفاس ؟؟؟

حببيبتي حلاة الشئ ناااعم مثل ما قالوا البنات اذا كلش كلش كحييلة بس وشعرج رافعته ونظيفة وبس

صدقيني اللى تخب عمرها وهي توها ما صار لها اسبوع وتحط مكياج وتلبس ذهب ..

ماراح تسلم من شغلتين
1-عيون الناس شلون لها خلق وهي والده تسوي جذي ...
2_التطنز ...

والله يكفينا شر الثنتين

جهراوية .... تسلمين حبيبتي عالرد


والله انج صاجه الناس ماتعطي خير وفوق هذا زاهبين للطنازه على اتفه الامور فما بالك لو شي مثل هذا ؟؟

أشكرج يالغاليه

 

[أضوى1]

لا اختي الوحدة في النفاس ما تلبس بدلة ولا تتمكيج ولا اطقم ذهب
انا في استقبالي بالمستشفى لابسة قميص يناسب كفري و رافعة نص شعري بماشات كريستال ولابسة تراجي ناعمة مع ساعتي بس مو حاطة مكياج ولا شي
و لما خلصت الاربعين ببيت اهلي رحت عند حنان دشتي و تمكيجت و فصلتلي بدلة استقبال راقية و طبعا كنت صابغة شعري وطلعت وحدة ثانية و كنا مسوين عشا حق اللي مايالي استقبال المستشفى .

أم جمان ... ماقصرتي حبيبي ورايج كان نفس رايي اللي ما كان عاجب حمواتي

وبالنسبة للطلعه من الاربعين اكيد هذي الكل عارفها لازم الوحده تكون كاشخه على سنقة عشرة :eh_s(9):

 

[أضوى1]

انا بصراحه ماحب الخبه والكشخه الزايده لانها بترد علي وماتسوي ايييب العين لعمري فبالنسبة لي اشتري قمصان والدات قطنيه او ساتان ناعمين واشتري للبيبي لفه حلوة وحتى كفري عادي يديد والكاكاو اشتريه جاهز وكان الله غفور رحيم

ازقرتية ... عالبساطه البساطه ويا عيني عالبساطه وما فيه احلى من البساطه

تسلمين يالغاليه عالتفاعل :eh_s(17):

 

[diorella]

حبيبتي دام انتي واثقه من راييج وعارفه .. ليش اتدخلينهم دام انهم ناس مايمشون الا كلمتهم .. سويي اللي تبينه بسكات ولا تشاورينهم دام ان اسلوبهم بهالطريقه..
وليما تقوليين لهم عن شي لا اتشككين ابمعلوماتج خلج واثقه من نفسج .. ليما اترددين احسون ان كلامج ((خواره))
بالاخير الشي مو بسعره .. الشي بحلاته ونزاكته

 

[فطيرة]

مـــــــــــــــــــــــــــــــــــــــــــــــــــــــــاله داعى ((((((( مكياج
مـــــــــــــــــــــــــــــــــــــــــــــــــــــــــــــاله((((((((( ذهب
مــــــــــــــــــــــــــــــــــــــــــــــــــــــــــــــاله((((((((( بدله


قميص ذرب وكاكاو وديكوريشن واكسسوارت نفس الشى بس حبيبتى

عاد شنو وجهه نظررررررررررررررررررررررك

 

[irresistible]

شفيها البساطة يا زينها زيناه ولا الكشخة حق شنو تبقق العيون و الحسد انتي الصح

 

[ألوي الكويت]

انا ماأيد الوحده تتمكيج وتزين وهي توها والده
لازم الواحد يخاف من العين

النعومه أحسن شي مثل ماقالوا الأخوات

 

[رفرف]

انا ما أأيد المكياج الا اذا شي خفيف حده كحل وبلشر بس علشان لا يصير ويها اصفر والشعر مرتب وخلاص وتلبس قميص ذرب من قمصان النفاس بالنسبة لنا احنا ما نسوي استقبال الا بالمستشفى وماشالله البيت داش طالع كلمن ايي بالوقت اللي يناسبه والبيت مفتوح طول الاربعين يوم

 

[FANDA]

حلاة الشي ببساطته
احنه ما عندنا سالفة الاستقبالات بالمستشفى
يعني الوالده تقعد بالمستشفلى يومين ثلاثه وطبعا الي يبي يزورها اهلها اهل زوجها ربعها
وطبعا لاوم يكون حزتها كل شي مرتب
انه بولادتي لما كنت بالمستشفى لبست قميص نوم ناعم وراقي يمشي مع لون الكفر واغراض البيبي من مهاد ولفه ولبس وحلويات
كنت حاطه بالشر خفيف عن الصفاره ولابسه تراجي وقلب طقم نعومين