عاجل حسبة الاثر الرجعي للكادر لكل معلمه

[قـہۈه فـرنسيـہ™]

ينزل شهر 8 ولا 9 ؟

 

[منال القلب]

^
^

9

 

[قلب راشد]

الله يرزقنا مشكووره صاحبة الموضووع

 

[الواثقه بربها]

السلام حبيبتي مشكوره على هالخبر الحلو بس الخبر اكيد وانا معلم د كم الزياده بالظبط لي ومشكوووووووووووررررره

 

[أورااااااد]

الحسبة هذي صح يعني ؟؟؟؟

 

[شمعة الدنياا]

اختي لوسمحتي أنا رحت للمنطقة امس قالولي مافيه كادر قلتلها ليش قالت موقفينة قلتلها ليش يتكلمون كادر كادر اثر رجعي صرنا مقصة صج. قالت هذا الي عندي من كلام. قلتلها وحده متعينة شهر 6. وخذت تقرير راتب نازلها الكادر. قالتلي بالحرف الواحد. هذا من حظهم وراحت عليكم. ابي اسأل صج الكلام يعني مافيه كادر. أمانة يابنات طمنونا. فيه شي والا لا

 

[Y.H.Q.]

الحمدلله خير ونعمة
والله يشافييج يا رب ويفرجها عليج

 

[Miss dreams]

اختى شمعه الدنيا ما عليج من موظفات المنطقة التعليميه

اصلا هذولا ما يدرون عن شى ولا وين الله قاطهم

بعدين الوزير بكبره طلع بالتلفزيون وقال انه كادر موضى اهو اللى ماشي

وتقدرين تتاكدين من ديوان الخدمه المدنيه لانه وصل لهم القرار مو المنطقة التعليميه اللى ما يدرون عن هوا دارهم

 

[شمعة الدنياا]

بأبعد عمري يااختي مس دريمز طمنتينا بالخبر عسي الله يوفقكم ويستر عليكم ويعطيكم الصحة والعافية. يابنات منتدي المعلمات يمكن علي قولتج مايدرون عن هوا دارهم لا تدرين شرهانات يبن كادر مثلنا الله يخلقكم شنو الشغل الي عندج والي هاد حيلج عشان تبين كادر ما غير قاعدات وتعللت سوالف.

 

[PuPa^^SWeeT]

اختي لوسمحتي أنا رحت للمنطقة امس قالولي مافيه كادر قلتلها ليش قالت موقفينة قلتلها ليش يتكلمون كادر كادر اثر رجعي صرنا مقصة صج. قالت هذا الي عندي من كلام. قلتلها وحده متعينة شهر 6. وخذت تقرير راتب نازلها الكادر. قالتلي بالحرف الواحد. هذا من حظهم وراحت عليكم. ابي اسأل صج الكلام يعني مافيه كادر. أمانة يابنات طمنونا. فيه شي والا لا

المنطقة لو فيها خير جان ماضيعت طبياتي خلتهم يخصمون علي 3 اشهر

حامل عندي مجلس طبي و نزيف حالتي حالة

ولما اتدق علي اتقولي بتخصم عليج بس مو الحيين بننطر بعد العيد لأنه حرام اكيد مو مجهزة @@

لا والله ؟؟؟ مشالله بنك ابووج كريم حده


وصرخت فيها قلتلها ايي انتي تفلسفي علي و انا ضيعيلي طبياتي يعني تكرمتي علي ويا ويهج

طبقته بويهها لوووول و 10 دقايق رحت الاجازات بالمنطقة

ولا الاخت غايبة لها 3 ايام و ناوية تشبكهم مع اجازتها ام 45 يوم ؟؟؟؟؟؟؟؟؟؟؟؟

كانت اتحاجيني من البيت

اقوولهم طلعو اوراقي تخيلو ابلات ؟؟؟ طبية اسبوعين كاملين 15 يوم مو لاقينهم ؟؟؟؟؟؟؟؟


طبعا خصمو علي لأنه الاخت توها ضيعتهم لي و ما يمدي اطلع غيرهم




رحت بوزارة التربية اقوولهم شلوون جذي المنطقة و مادري شنو


قالولي والله احنا حالنا من حالج كل يوم اتيينا وحدة مثلج مضيعين طبياتها و اوراقها


لأنه قسم المالية يطلب منهم اوراق اتييهم كلها قهوة و دبق حلوو و مادري شنو


تخيلووو

يقووولي ماضيع حقج باييج بس اذا مرة ثانية عطيتيهم طبية صوري منهم 10 نسخ


@@

 

[Miss dreams]

اخت PuPa^^SWeeT الله يعينح

احنا عيل بمدرستنا السكرتيرات اللى يضيعون طبياتنا

وما نشوف الا ورقه الخصم ولما نقولهم احنا معطينكم طبيات ... طاااف عمك اصمخ

عشاان جذى تعلمنا الدرس وصرنا نصور طبياتنا اول باول قبل لا نسلمها للسكرتاريه

 

[شمعة الدنياا]

ومنكم نستفيد ياخواتي العزيزات وماقصرتوا

 

[جمانه وحنين]

مشكورة والحمدلله على النعمة

 

[moony77]

يا بنات انا سمعت انه ال 240 كلها اهي اللي راح تنزل لكل المعلمات وهالكلام من موظفه ماسكه الكادر وقاعده تسوي ملفات المدرسين يعني اا صح انشالله راح يكون الاثر الرجعي 1500 دينار وراح اتاكد لكم من الموضوع ازيد من المنطقه باجر لاني رايحه براجعهم علي التدرج الوظيفي مالي

 

[بنات حواء2]

الحمد لله
ان هذا من فضل ربي

 

[كيكة دارسين]

يقصون علينا والله الحمدلله والشكر عى كل حال

خواتي مهندسات كل وحده معاشها 2000 دينار ونايمين في البيت ماكو شغل
وانا 860
والحين يعطونا كادر زياده 105 دنانير
صج حكومه ماتستحي ولاتنتخي
كل وحده منكم لاتحتقر عملها واللي قاعد تسويه
والمهندسين مواحسن منا
والمحاسبين اكثر من معاشاتنا
ليمتى احنا عيال البطه السوده
من موضي الى المليفي بولمعه الجذاب
صدقوني اذا رضيتو على هالخرده بنعيش طول عمرنا اقل راتب يموظفين الكويت
الحين ماكو راتب اقل من راتب المعلمه
خلاص انتو اقل شي بالدوله
تطلعبن من التربيه اي وزاره تاخذين اكثر من معاشك والله العظيم اسسالو وشوفو الفرق
خلاص انا اذا ما قروو الكادر شهر 10 انا بايباي تربيه

 

[كيكة دارسين]

الحين كل وحده ماعندها كادر من موظفين الدوله لها كادر من الدوله 100 دينار
واحنا زادونا من 100 - 145
شررايكم في فرق عن موظفي الدوله
شي قعدنا بهالوظيفه
انا اقول نعطي المجلس والحكومه اخر فرصه شهر 10
وانا اروح ارتاح باي مكتب بالدوله
واذا عطوكم كادر بعد 10 اقبض من دبش

 

[MisS *-* BMW]

بصراحه مو فاهمه الموضووع عدل بس مشكوره حبيبتي ع الحسبه

وعلقونا مره يقولون فيه كادر ومره لأ شسالفه صرنا مقصه ههههه :krkrkr:

والله توني خريجه تربيه اساسيه يديده بكرااتيني شكلي بهون ماني مقدمه اوراقي ع التربيه خخخ

دام هاذي سوالفهم ..

الحمدالله ع النعمه ما قلنا شيء بس الحمدالله الدوله موقاصرها شيء وكل الوزاارات احسن منا

شمعنى احنااا ؟؟ حتى الدبلوم والله صاروا اعلى مناااااااااا !!

وفوق هذا تعب ولوعه وغير مصاريف وتكاليف وحرقه الاعصاااب :eh_s(14): والوقفه

ولا بعد انرد البيت لازم انحضررررر حق درس باجر غيرنا يرد البيت ينااام ويطلع واحنا انرد انحضر جنه يهاااال

ههههههه :eh_s(16): >>> مقروده ما طحت الا ع التربيه

بس ما اقول الا الله كريم

 

[PuPa^^SWeeT]

اخت pupa^^sweet الله يعينح

احنا عيل بمدرستنا السكرتيرات اللى يضيعون طبياتنا

وما نشوف الا ورقه الخصم ولما نقولهم احنا معطينكم طبيات ... طاااف عمك اصمخ

عشاان جذى تعلمنا الدرس وصرنا نصور طبياتنا اول باول قبل لا نسلمها للسكرتاريه

السكرتارية بعد ازيد

تخيلي مرة يااني خصمية 30 دينار من راتبي بالبنك

لما رحت الوزارة قالولي عندج يوم انقطاع عن العمل ؟؟؟؟؟؟؟؟؟؟؟؟؟؟؟؟

انا بققت عيوني قلت متى ماعندي

عطاني التاريخ

ولا صدمتي ذاك اليوم انا ذاكرة انه خدامتي تنحت الا بتسافر و انا رحت ابجي عند اللي بالدوام اقولهم شسوي حامل و اتنسى و عندي بنية و مع هذا وديت بنتي الصبح عند امي و داومت

انا اشتعلت فيني الحرة لووووول


رديت المدرسة ولا اطلع سجل الحضوور ولا انادي المسئولة عن الدفتر ولا اقوولها ليش مسجلتني انقاطاع عن العمل و ورديتها ورقة الوزارة يبتها وياي

جان اتقولي انتي مو مداومة ولا يبتي طبية

قلتلها يالله طلعيلي كاهو التاريخ وين انقطاع ( موقعة حضور و انصراف بخطي بعد )


اهيا ويها قام يقط الوان


طبعا دزت الاوراق للمنطقة

المنطقة كل يوم دزولنا الورقة ضاعت دزولنا الورقة ضاعت خوش شغل ماشالله



بالاخير ماردولي 30 دينار مرة وحدة

جزئووها 12 12 6 يالله كمل المبلغ

خصمو كامل بس لما يردوون ميزانية الدولة ماتسمح

 

[الحلوة69]

اله يرزقكم ويقرون الكادر