سوري نزلت نفس الجزئيه مرتين بالغلط بس هذي التكمله للجزء الثالث
وكمل بدر لبيتهم نزل ساره وحرك سيده راح لكوفي شوب وقعد فيه كان الوقت متاخر يعني قربت الساعه ع وحده بالليل ودق ع دلال اللي كانت تنطره من مساع ولمن دق ترددت انها تشيله وقلبها تسارعت نبضاته وباخر لحظه شالته
دلال:الو
بدر:زين رديتي جان قعدتي شوي والله عبالي نمتي بغيت اذبحج
دلال:ههههههههههههههه ما كنت يم فوني
بدر:شقاعده تسويين؟
دلال:ماكو ع ما بدلت وقعدت مع اهلي شوي اقولهم عن الطلعه وبعدين كلهم راحو ينامون الا انت داق
بدر:وشرايج بالطلعه مساع عسى استانستي
دلال:بصراحه حيل استانسنا صج غيرنا جو عقب روتين الامتحانات الا صج ما سالتك منال وينها؟ليش ما راحت معانا؟
بدر:مو لازم وبعدين يعني لازم تعكرين مزاجي
دلال:هههههههههههههههههه شنو مو لازم هذي زوجتك حبيبي
بدر:دلال تكفين الله يرحم والديج غيري الموضوع انا داق عليج عشان استانس مو عشان تذكريني بشي ينكد علي
دلال:اوكي اوكي خلاص ولا يهمك انت وينك الحين؟
بدر:قاعد بالكوفي شوب اللي دايم اقعد فيه
دلال:ويييييه امداك تقطنا ورحت السالميه ع طول تدري لو ندري رحنا معاك بعد عشان نمصخها ههههههههههه
بدر:هههههههههههه لا عاد لا تمصخونها
دلال:ههههههههههههه اي والله لا صار صاحبك حلو لا تاكله كله بعد احنا مو طماعين الا صج شخبار حبيبتك؟
بدر(انصدم ونسى انه مجذب عليها وقايلها انه يحب وحده).:منو؟
دلال:شفيك البنت اللي تحبها ومو متقبل منال والسبه هي
بدر(تذكر بسرعه).:اي بخير ما عليها
دلال:شنو اللي بخير ما عليها ما سالتك عن صحتها انا
بدر:ها اجل شتبين؟
دلال:يعني متى اخر مره كلمتها وشنو وضعك معاها ولي متى بتظل ع هالوضع يعني البنت اللي عندك بالبيت شنو مصيرها
بدر(اه ودي اقولج بس ما ودي اصدمج اخاف ما عاد تكلميني بالتلفون واخاف ما اتقبلني واخرب كل شي انا ودي بالاول اتاكد انها متقبلتني ولازم اتاكد انها ما تحب احد).:تغارين؟>>>الاخ نسى عمره
دلال(انصدمت وما توقعت هالرد نهائيا).:................
بدر:شفيج ههههههههههههههه ترى اضحك>>يرقع الموقف
دلال:هههههههههههههههه لا عاد صج شصار؟
بدر:ما صار شي البنت للحين احبها ومصر اني اتزوجها ومنال انا مو متقبلها نهائيا بس مضطر اني اخليها عندي كم شهر عشان كلام الناس وبس
دلال:انزين مو خايف انها اتزوج يمكن يخطبها واحد وتوافق وبهالوقت مراح تقدر تسوي شي
بدر:انا هذا اللي خايف منه وقاعد ادعي ان محد يخطبها
دلال:بس لو كانت تحبك وواثقه فيك بتنطرك
بدر:ان شاء الله تكون من نصيبي ادعيلي
دلال:الله يكتبها من نصيبك اذا كانت الخيره بهالشي
بدر(يا حليلج يا دلال ع نياتج وما تدرين انج انتي المقصوده):واخبارج
دلال:الحمدلله امس احن ع ابوي اقوله خنروح دبي ودي اروحلها من زمان ما رحنالها بس يقول بشوف بس ما اتوقع
بدر:عمي الله يعينه الشغل ما يقدر يخليه انزين شرايج نروح دبي
دلال:منو؟
بدر:انا وياج ههههههههههههههه لا والله اكلم العيال اشوف اذا بيروحون نروح روحه شبابيه كلنا
دلال:يعني منو بالضبط؟
بدر:يعني انا وساره وعبدالرحمن واكلم ناصر اذا يرروح معانا هو ونوف وانتي وتركي واشوف عبدالله اذا بيروح هو وخواته
دلال:الله وناسه والله انا ما عندي مانع واضمنلك ابوي بيقول ما تشوفون شر وامي زهقت من السفرات ما توقع بتعارض
بدر:خوش خلاص انا بكلم خالد وناصر والبنات وبشوف ابوي وعمامي اذا ما قالو شي ندور حجز بعد اسبوعين جذي اوكي
دلال:وزوجتك؟
بدر:يووووه اشهد اني كنت ناسيها
دلال:هههههههههههههههه
بدر:ياخي انتي ليش اتحبين اتنكدين علي
دلال:ههههههههههههههه والله عاد صج يعني هي واقع لابد منه
بدر:الا كابوس وانتي الصاجه ،، هي ع ما اعتقد انها بتاخذ كورس صيفي اذا خذت يكون احسن
دلال:اوكي انت شوف وعطني الاخبار اول باول
بدر بقلبه(ما طلبتي شي انا ما دقيت عليج الحين الا وانا مخطط ع هالشي من زمان وان شاء الله يضبط كل شي).:ان شاء الله
دلال:يالله انا دخت بنام تبي شي؟
بدر:اخ جنها طرده محترمه
دلال:هههههههههههههههههه والله من صجي حدي دايخه
بدر:وانا اقول بسهر معاج لي الصبح ابي اتاخر ما ودي ارد البيت الحين ابي المسعده تنام قبل اجي مالي خلقلها
دلال:هههههههههههههههه والله عاد مشكلتك توهق بروحك هذا مو ذنبي
بدر:ايا النذله هذا وانا مطلعج مساع وفار فيج صج ما فيج خير
دلال:هههههههههه لا والله مشكور وما قصرت خلاص ها بقعد اشتبي؟
بدر:ههههههههههههههه لا خلاص روحي نامي تصبحين ع خير
دلال:وانت من هله
ـــــــــــــــــــــــــــــــــ
منال نطرت بدر لي الساعه 2 وداخت ونامت وهي مو حاسه بعمرها وكانت معصبه ع سالفة الطلعه بس قالت باجر اكلمه اما هو ما رد للبيت الا عقب ما صلى الفجر وتوقع انها نامت حمد ربه لمن رد ولقاها نايمه ونام.
ــــــــــــــــــــــــــــــــــــــــ
بصراحه عجبني حمااااسج بس البارتات الجايه تقهر اكثر:eh_s(2):
