طليقي احبه ومو قادره انساه

[سبيشل ومن]

كل عام وانتم بالف خير ومبارك عليكم الشهر
انا بكتب لكم سالفتي واتمني منكم تساعدوني تنصحوني لاني تعبت وايد من نفسي ومن حالتي
انا تزوجت من ريال ولد ناس وحبيته وايد بس سبحان الله ماصار بينا نصيب وتفارقنا واهو تزوج من سنين طويله
مشكلتي مو قادره انساه
وايد تقدمو لي بس انا ارفض لاني متعلقه فيه
المشكله اني موشايفه غيره وكل شي بحياتي مرتبط بذكري منه
:s141:شسوي

 

[ha2005]

خلللللللللللللللللللللللللللية يولي
مثل ما قدر ينساج انسية
مثل ما وقع بيدينه على ورقة طلاقج انت وقعي على نفسج عهد انج ماتفكرين فيه
لو يحبج ماكان طلقج حبيبتي
خليج منه بس..
الحين اهو يضحك ومستانس بحياته وانت الحين قاعدة تندبين حظج وعايشه بكآبه عشانه
ليش ياحافظ اخاف ( مهند ) بس ؟؟

ولي يعافيج ضحكي واستانسي وانسييه
واذا يالج نصيب تزوجي لاتقعدين عشان حضرت جنابة

اف يبطون الجبد هالريايل

 

[mi corazon]

ماعليه الحب الاولي صعب ينسي

الهاي نفسج بالطاعة وربج بييبلج اللي ينسيج اياه

 

[روحي تحبه غصب]

حبيبتي الدنيا ماراح توقف

شوفيه مامات او قعد يتذكر اللي كان بينكم
تزوج واكيد صار عنده عيال وعايش حياته
وانتي الله يهداج قاعده توقفين نصيبج ليش لو كان ماتزوج ممكن تفكرين انه بيرجعج

ادري بتقولين انج تحبينه وانج مشتاقه لايامج معاه
بس حرام عليج تخدعين نفسج وتعيشين بالوهم وتقعدين عالاطلال

ادعي ربج انه الله يهنيه ويسعده وانتي بعد يرزقج ويعوضج بولد الحلال اللي ينسيج طليقج

عيشي حياتج اشغلي نفسج لاتقعدين تفكرين فيه وتنسين نفسج
وصقيني الزواج قسمه ونصيب واهوا مومن نصيبج وانشالله نصيبج الجاي احسن

 

[كرز حالي.]

رد : طليقي احبه ومو قادره انساه

حبيبتي تعوذي من ابليس وتاكدي ان هذي الحياة تمشي مهما كان والنسيان نعمه
انتي تقدرين تنسين بس ماتبين تنسين تدرين ليش؟ لانج ترفضين الخطاب
بس تاكدي لو اييج ريال زين ويخطبج وتتزوجون صدقيني راح تنسينه واهو راح اينسيج طليقج بمعاملته وبحبه
بس انتي مو معطيه نفسج فرصه علشان تنسين
شوفي نصيبج والله يوفقج الدنيا ماراح توقف عليه

 

[أبله كويتيه]

حياتي انسيه مثل مانساج

واذا مو قادره خليه بقلبج وتزوجي

العمر يمر حبيبتي واهلج بعد عمر طويل مو دايمين لج

شنو بتسوين بعدين ؟ بتقعدين بروحج ؟ منو بينفعج ؟

اهو مع مرته وبيته وعياله الحين وانتي عايشه بذكراه

خليه بقلبج وتزوجي وشوفي حياتج او انسيه ادري صعب بس يمكن بهالسنين انتي اصلا ماحاولتي تنسينه

 

[نور عيني الغالي]

رد : طليقي احبه ومو قادره انساه

حبيبتي الحيااااة ما توقف عند أحد دام اهو عايش حياتة ليش ما تعيشين حياتج وراح تنسينه

 

[Daleela]

الله عطانا نعمه وهالنعمة اهيا النسيان لابد انج تذكرينه بس حياتج ماتتوقف عشانه

عيشي حياتج والله يعوضج

 

[درة أهل الطولات]

رد : طليقي احبه ومو قادره انساه

انسيه مو لج اهو الحين

الله يوفقج

 

[للزين هيبه]

اللي يبينا عيت النفس تبغيه واللي نبيه عيا البخت لا يجيبه....

 

[منال القلب]

اهو تزوج وناسيج وانتي قعدي فكري واكلي هم وقهر!! ليش! خليه يولي

 

[أم حمد =)]

مابي اقولج انسيه لانج ماراح تقدرين .. بس لهي نفسج بشي مفيد وتقربي من ربج ..
الله يرزقج الزوج الصالح ..

 

[.،:"$الـعـوبــــة$":،.]

تعوذي من ابليس بس ،،
وخل نفسك تعز عليك !!
انا مااعرفك ولا تعرفيني ماهان علي الكلام اللي قلتيه عن نفسك !!
الحين هو طلق ، وكمل حياته عادي ، لا وتزوج بعد !!
وأنتي موقفة نصيبك على أمل يرجع لك مثلا !!!
حرام عليك ، عيشي حياتك ، وعطي غيره فرصة ينسيك طليقك واهله اللي جابوه بعد !!
بس انتي لا تقارنين ولا تقولين يمكن يرد !!
وعلى قولة البنات ،، من باعنا برخيص ، بتراب ينباع ،،​

 

[سبيشل ومن]

اه من قلبي والله مو بايدي حاولت وماقدرت يوميا اشوف صورنا مع بعض وشريط العرس والملجه
انا احبه ياناس موقادره اعيش بدونه
تخيلوا شنو يصير فيني اذا شفت شخص يشبهه
او شفت سياره مثل سيارته
او حتي سمعت بسيره منطقتهم
موقادره انا عايشه بعذاب تعبت من نفسي افكر بالانتحار مرات استغفر الله ربي يلهمني الصبر

 

[عادت ذكرياتي]

كثري من الاستغفار أنفع علاج بإذن الله
وربي يوفقج

 

[من يشابه ديرتي]

رد : رد: طليقي احبه ومو قادره انساه

خلللللللللللللللللللللللللللية يولي
مثل ما قدر ينساج انسية
مثل ما وقع بيدينه على ورقة طلاقج انت وقعي على نفسج عهد انج ماتفكرين فيه
لو يحبج ماكان طلقج حبيبتي
خليج منه بس..
الحين اهو يضحك ومستانس بحياته وانت الحين قاعدة تندبين حظج وعايشه بكآبه عشانه
ليش ياحافظ اخاف ( مهند ) بس ؟؟

ولي يعافيج ضحكي واستانسي وانسييه
واذا يالج نصيب تزوجي لاتقعدين عشان حضرت جنابة

اف يبطون الجبد هالريايل

تعجبينــــي :icon30:

حبوبه الي نساج انسيييييييييه محد يستااهل

 

[Tutti-Frutti]

رد : طليقي احبه ومو قادره انساه

بالعكس ليش ترفضين
اذا يالج واحد زين قبلي فيه
عيشي حياتج مثل ما اهو كمل حيااته وعاشها بدونج

لا توقفين حياتج عليه
خلاص اهو ماراح يردلج

والله يوفقج

 

[!الجادل الصعب!]

رد : طليقي احبه ومو قادره انساه



تزوج يعني مآراح يرجع .. صح ؟

آنتي بيدك يا تكملين حيآتك ولا توقفينها ..

والله لو ماتزوج بقول صح ما تنلام .. بس خلآص رآآآح ..

عآيشة عـ الاطلآل ليش ..!

مآتوقف الدنيآ عشآن رجآل .. لا صآر هو والحزن توم و ولآيف

...


ومثل ما يقولون مره تنسيك مره .. آنا آقولك رجآل وزوج بآذن الله ينسيك آياه ..


موفقه

 

[So0oKaRa]

والله يا اختي لو انتي من داخلج مصممه تنسينه جان نسيتيه
ريال باعج طلقج وعاش حياته مع غيرج
انتي اللي عاجبج وضعج وماتبين تنسينه
لو عندج اراده وخذيتي قرار بنسيانه راح تقدرين
كملي حياتج وعمرج لا توقفين حياتج على احد مهما كان هالشخص
تزوجي وراح تنسينه انشالله

 

[قطوطه حلوه]

رد : طليقي احبه ومو قادره انساه

يولييي زييييييين شوفي شتحبين فيه دام انه طلقج يعني بااايعج الي يبيعج بيعييييه لا وتقولين تزوج بعد ؟ ولي الحيين تحبينه لاتحاولين تفكرين فيه تلقينه حب زوجته الجديده ونساااج والمووضووع الاخطر انج مقزره حيااتج من غير زواج عشاانه بجذي انتي تهدميين حيااتج واهو ما يدري عنج وعايش حيااته بطول وبعرض :eh_s(1):