طلقها عشان ريحه حلجها

[مفعمه بالحيويه]

هي غلطانه لانها وصلت موضوع تاافه !! للطلاق؟


اوكى صح جرحهاا ، بس الحل بسيط ، اتبين له العكسسس و تشتري غسوول للفم وتتمعجن يومياً بعد الاكل ،


وبعد لازم ترووح عيادة الاسناان تسوي تنظيف وتبييض


خلاص انحلت المشكله


اذا مشكلة تافهه وصلتها للطلاق . وش ترتجون منهاا تصلح تكون ربة بيت وام عيال ؟

 

[BeNt PaRiS]

امبيه لاعت جبدي من طاري الريحه


الصراحه ما الومه


اهم شي النظافه

النظافه قبل الجمال


علشان ما يصير توتر بين الاثنين

ماالومه حرام في ناس ريحة حلجهم مجاري ما يهتمون

 

[عسل سل]

×××××××××××××××××××××
ارجو الالتزام بأدب الحوار

 

[Mrs_Orchidia]

مهما يصير الأسلوب اللي كلمها فيه

ما يسوى انها تطلب الطلاق !!

لو انه مطلقها من غير مقدمات و بعدين قال انه السبب ريحتها جان قلتوا رياييل حسبي الله عليهم لووول


انا شايفة انها اهي الغلطانة

النظافة من الايمان .. و المفروض أهلها مصارحينها رفيجاتها خواتها
مو معقولة بس اهو اللي شم فيها هالريحة


المشكلة لها مليون و مليون حل
لكن مو الطلاق


بالنهاية اهمه مو من نصيب بعض

 

[اميره1980]

بنات بنبهكم على شغله
الريال يشتكي من زوجته من عدم نظافتها الشخصية عموما مو بس اسنانها و حلجها
يعني كلها خايسة مو بس ريحتها
الله يعينه عليها اذا الزوج هو اللي يعلم زوجته على نظافتها الشخصية
اعرف وحدة معاي بالدوام ريحتها الخايسة فايحة بكل مكان من كثر خياسها و قطينا عليها نغزات ماكو فايدة و قلنا اشكره لها هم ماكو فايدة
اذا الانسان ما حس بنفسه ماكو فايدة من الزوج يعلمها و المفروض هذي ام ريحه تتمسك بالريال بايدها و اسنانها و تحافظ عليه مو تطلب الطلاق

 

[om.googi]

طلبت الطلاق !!! الظاهر ما تقدر تستغني عن ريحة حلجها !!

شي محرج شكله مالها ويه تجابله مرة ثانية خصوصا بالنظافة .. الله يعين

الغلطان : اهيا .. يمكن اهو ما حب انه يحرجها وصعبة يعترف لها بشي مثل جذي! خصوصا انها خطبة اهل يعني ما يعرفون بعض من قبل
,, بس اهو نطر عليها اسبوع .. معقولة ما حست انه متظايق من شي ؟ مستحييييييييييل في غلط بالموضوع أو شي مانذكر..​

 

[dubai girl]

انا اشوف ان هي غلطانه
نحن البنات بعدنا ماعرسنا وكل شهر موعد تنظيف في العياده
وهاذي معرسه وجيه عفان الله بس

 

[iLLuMinaTion]

اثنينهم غلطانيين​

جان قايل لها باسلوب ارقى من جذي​

ماخذها طبيب قايلها عندج التهاب لثة امشي اوديج الطبيب يعني لو يبي يقول جان قال​

بس شكله قليل حيله​

وهي عاد عروس ومن اولها جذي !!​

يعني شلون يقولها

 

[miss.Al-Qattan]

اللهم لا شماته
اكووو بنيه ما تهتم بهالزمنّّ!!!!

الزبابيط ام 11 و13 على سنقه عشره يطلعون
ولا عرووووس بعد

اهمه اثنينهم غلطانين
اهوه بدفاشته
واهيه بعدم نظافتها واستعجالها برده الفعل ( مع انها انها اهيه الغلطانه بالاصل والحق معاه حتى لو كان دفش)

الزبده ان الجزء الاكبر من الغلط عليها

 

[شاهي بالحليب]

حرام بنات يمكن مو قلة نظافه يمكن مشاكل بالمعده ولا غيره

 

[om MaRyooM]

2 غلطانين


اول شي كان المفروظ اييها بكذا طريقة
بطريقة غير مباشرة واذا مافهمت بطريقة مباشرة



وثانيا اهيا غلطانة المفروظ تهتم وتروح عيادة الاسنان كل شهر تجيك

 

[The Boutique]

بعد عروس وماتهتم بريحه حلجها تستاهل ابو الطلاق والله ماقدر اجابلها يومين شي يصك الراس والنفس تعاف زين تسوي اتطلق اذا مايهمها نظافتها تذبح ولد الناس بالتهاب بالرئه ولا قمته ولا ربو

 

[دنيا رديه]

بصراااااااااااااااحه اهياااااااااااا

 

[PuPa^^SWeeT]

لاا اهيا الغلطانة

احنا انعيب على بو سروال و فانيلة واهيا ماتفرش اسنانها شدعوا ؟؟؟

للاسف انها خذتها بحساسية

حتى لو قالها باسلوب دفش

 

[last-moon]

الله لا تبلانا بما ابتليت بة عبدك ​

 

[ღاصول الجمالღ]

بصراحه مافيها شيء اذا اهو صارحها ، واهي الغلطانه . يقولج يابخت من بكاني ولا ضحك الناس عليا ، اهو زوجها نصحه لمصلحته انها تهتم شوي بنضافتها الشخصيه ، وبعدين الحمدالله كل شي متوفر هالايام معجون الأسنان والغسول وارخص شي تلقينهم عند الصيدليه ،
ومع مراجعه دكتور الأسنان كل شهرين او ثلاث يسوي لها تنصيف شامل

واهم شي يابنات لما الوحده تفرش اسنانها تفرش هم اللثه واللسان

والله يهدي الجميع

 

[cuta-1]

اكيييد اهي الغلطانه
ويع منو يشتهي يقعد مع وحده ريحتها خايسه

 

[iLLuMinaTion]

اكيييد اهي الغلطانه
ويع منو يشتهي يقعد مع وحده ريحتها خايسه

فعلا الموضوع عشان البنات ينتبهوووون

 

[حكاية شهرزاد]

هي غلطانة .. هذا شغل المرة ولا تنطر الريال يعلمها اياه

 

[سعيدة بحياتي]

لاحول ولا قوة الا بالله
استعجلت بطلب الطلاق
وندعو الله ان ييسر أمورها ويوفقها وترجع لطليقها​