طرد سفراء نظام بشار .... قواكم الله ياشيوخنا :)

[ترف بابا]

ابداع ماقصرتي حبيبتي علي هالمداخلات

ما شالله تحليلج حلوو

بس انا كسر خاطري حمد بن جاسم لما علا صوته علي ممثل روسيا

وقال له اذا عليت صوتك مره ثانية لن تري قطر !!!!!

 

[AL-DMERA]

^^

اهوه يه متاخر لان في بداية الامر ، كانت الدول موقفها مساير للنظام، لان مو من صالح اي دولة "نجاح الثورات"
لان هالشي راح يهدد امنها اهيه ! وشفنا ايام الثورة التونسيه شنو سوى اميرنا الغالي عشان يتغدا بالمعارضه قبل لا اتعشاه
وقدم لنا اجمل فبراير ، والشعب سوى مسيرة تجديد الحب بآل صباح .

لكن دولة الكويت ماقدرت تستمر في مسايرة النظام السوري بعد ماتضح الخطر الاقليمي الي راح يضرب بالخليج اذا استمر هالنظام
يكفي مسانده ايران و روسيا والصين،
فكان يجب على دول الخليج انها تتحد وتكون قوى ضد النظام السوري الي استعان بـ ألد اعداء الخليج !!!
طبعا هالنظام بحركته هاذي خسر اكثر مما كسب، وبدت الدولة الخليجيه على وجهة الخصوص تنفر منه وماتحط ايدها بايده !!
لان معروفه نوايا ايران على المدى البعيد ... وشنو تبي توصله ،

بشار الاسد فاقد للحنكة السياسية .. والبداهة ،
واخذته العزة بالاثم ، ويوم شاف ايران مستعده تسانده عسكريا وروسيا ماسكه ظهره .
قعد يشوف الدول الخليجيه الي لطالما حاربت معارضين الثورة في بلدها ،، مثــل النمله لا تهش ولا تنش
مع انه ناسي او متناسي قوة دولة قطر الي اهيه حليفه امريكا اولى ،
دول الخليج قدرت تطيح النظام الليبي .. وما بدت امريكا تتدخل بشكل رسمي الا بعد موقف دول الخليج !!
فهل اهوه ليهدرجة مستهين بدول الخليج ؟؟ الي ليدرجة انه استعان بعدوها غير آبه تماما بالاثار المترتبه عليه ؟
وهل نسى التقاء مصالح الدول الخليجيه مع المصالح الامريكية في اطاحه وتحجيم قوة ايران ؟؟
ما توقع ان هالشي ممكن يخلي جهود الطرفين تتكاتف وتبيد نظامه عن بكرة ابيه ؟؟؟؟

ما شاء الله عليج ,,
تفسير منطقي ,,
:eh_s(7):




بالنسبه للموضوع الله يخليلنا حكامنا ولا يفرقنا يارب ,,
ثـ,ـآنكــس ,,

 

[امة الله100]

قلوبنا معاكم يا اهل الشام ربي يفرج كربكم

 

[بين المشاعر]

يعينهم الله

 

[*E.B.D.A.3*]

اشكر كلمن اقتبس ،
واليوم قريت هالخبر

" الجامعه العربية تطلب من مجلس الامن ارسال قوات الامن الدولية الى سوريا " .

وهالشي تنبأت فيه بردي الي قبل ،،
لان القذافي لمه خسر موقفنا ،، عطينا الغرب الضوء الاخضر لارسال حلف الناتو حق ليبيا !
واليوم بعد ماخسر بشار موقف الخليج ،، طالبت الجامعه العربية بارسال قوات الامن !!!!

مثل ماقلت بردي السابق، بشار فاقد للحنكه السياسية ...
والحين راح يلقى نفسه بين نارين، يعابل بالمعارضه من صوب و يعابل بقوات الامن من صوب ثاني !!!

حط نفسه في موقف لا يحسد عليه ،، ولا اتعض من غلطة القذافي !!
واشكال بشار، عمرهم الافتراضي قصير ... !!!

 

[ترف بابا]

انشالله الفرج قريب لان زوجته و إمو لبشار غادروا البلاد....
بسسس

مادري احس للحين ناشب !!!*

 

[Shasawi]

بشار طاغيه ويجب ان يتوقف لكن انا مصدومه من الظلم والكيل بمكيالين الموجود عند بنات ديرتي
شمعنى بس بشار كلكم قمتو عليه لانكم معتقدين انه شيعي! على فكره تر بشار موشيعي بشار علوي والعلويه غير عن الشيعه ومايختلطون باحد ولايسحبون احد يدش مذهبهم!! وينكم عن علي صالح والقذافي وغيره؟ ليش ماطردتو سفرائهم؟؟ ليش السعوديه استقبلتهم لمه طلبو اللجوء السياسي؟؟ خافو من الله كلهم طواغيش ان كان بشار ولاغيره احقوالحق عشان نفسكم تره هذي علامات الساعه وانتم محاسبين وربكم قد يغفر كل شي الا الظلم

 

[ترف بابا]

ابداع دشيت موضوعج الثاني لقيته مسكر


هههه ياااااااخطيره انتي !!!

 

[بسمتي]

هذا الخبر من جريدة الوطن للكاتب فؤاد الهاشم
آخر خبر.. مزعج:
.. السفير السوري «المطرود»، عاد الى بلاده ومعه لائحة تضم أسماء كل المقيمين السوريين الذين تظاهروا امام سفارته لملاحقة عائلاتهم وذويهم في كل المحافظات السورية! هذا الرجل مجرم مثل كل البعثيين، نرجو من الثوار – هناك – تعليقه «سلط – ملط» من قدميه على عمود نور في ساحة.. «المرجة» بوسط دمشق!


المصدر
http://alwatan.kuwait.tt/ArticleDetails.aspx?Id=172723&YearQuarter=20121&WriterId=26​

 

[_نوفه_]

الله يفرجهااااااا عليهم يارب ويحقن دمائهم عاجل غير آجل يااااااارب العالمين اللهم ألطف فيهم يارب وأرحم ضعفهم​

 

[ام حمادنه]

بنااات والله اعرف شيعه يدعون على بشار

شيعه عرب فاهمين محترمين ولائهم عربي مو خامنئي وايراني هذول صج اللي نكن لهم كل احترام وتقدير لاتجمعون

والله اعرفهم واقعد معاهم يسبون ايران ويلعنونها

ماوقف مع بشار النعجه الا اللي ولائه ايراني خامنئي ..عبالهم لاوقفو مع ايران بتنفعهم ..ايران مانفعت شعبها تذبحهم وتقتلهم حسبي الله عليها ديرة الشر الله يمحيها

 

[ترف بابا]

حسبي الله ونعم الوكيل / ظامن نفسه يعني هالمطرود ؟؟؟

 

[جلكسيه اس 3]

يذبحونهم. لانهم جزارين ماعندهم غير البطش و القتل بدون سبب
حسبي الله و نعم الوكيل. و بغيت اسال في نتيجه بعد ما انطردو السفراء ولالا

 

[ترف بابا]

والله شتتوقعين نتايج

من واحد من هذا عنده عزه بالاثم ؟؟؟

اذا المساعدات منعها من الدخول !*

 

[قطريه كول 143]

الهم احفظ الكويت وكل دول الخليج يااارب

وعسى الله لايغير علينا قولوا امين

تسلمين عمري على الموضوع

 

[ترف بابا]

آمين

ولااهنتي

انتي والغاليات اللي مروا