طرد سفراء نظام بشار .... قواكم الله ياشيوخنا :)

[ترف بابا]

آآآآآمين الله يعجل بنصرهم وفرجهم

اشكر مروركم يالغاليات

 

[عسوله ودلوعه]

لا انتي ولا اكبر واحد من اهلج يقدر يطرد الشيعه

احترمو الشيعه ترا وصلت حدنا لي متى هالسب اللي نتعرض له
ماكلين حلال ابووكم !
ردوود تييب المررض

ومن ياب طاريج انتي :krkrkr:قلت الشيعة الموالين للخميني .

 

[*E.B.D.A.3*]

خنكون صريحين، انا مو قاعده اتكلم عن عوام الشيعه ،
بس اتكلم عن الواجهة الرسمية للشيعه المتمثله في نوابها وخطبائها ومحدثينها في مختلف ارجاء الوطن العربي!!
صدم عيشتي المهري يوم قال انه شاف في منامه درع وسيف الامام المهدي يحمي بشار الاسد!
اشدعوه عاد !!!

وللاسف، ان الطائفين يدعمون بشار لان بشار قص عليهم وقالهم ان السنة يبون يقلبون الحكم ويطردون الشيعه
فاوهمهم ان الصراع طائفي في سوريا ولازم يساندونه عشان يتغلب على السنة

لكن الي عنده عقل يدري ان بشار اصلا طالع من ملة الاسلام !! شفتوا شعاراته انتوا ؟؟
" قل هو الله الاحد الله الصمد اعز الله شعبي واختار منه الاسد "
استغفرالله ؟!
لا كله كوم وهالصوره كوم ثاني !!

!!!!!!!!!!!!!!!!!!!!!!!!!!!!!!!

هذا يبه لا يمثل طائفه الشيعه "العلووية" ولا يمثل الاسلام بكبره !!
ليمتى رؤس الشيعه يساندونه بعرف !! وليش يساندونه اصلا !!!!!!
حتى حرب الاسد ماهيه حرب طائفيه!! اباد الكل والجميع واشرك برب العالمين @@
يعني لو سلمنا جدلا انه يحارب السنة، ماهوه قبل لا يحارب السنة حاارب الدين الي يجمع السنه والشيعه !!!
و حط نفسه في مكان الاله على السورين ! استغفرالله !!

 

[ترف بابا]

مشكوووورة ابداع

رد اثرى النقطة اللي طرحتها فوق ...

 

[دانه الشطوره]

زين ما سوو

و الله يحفظ الشعب السوري و ينصرهم و يفرح قلبهم بالنصر القريب ان شاء الله

و يرحم شهداءهم و امواتهم و يحفظهم بحفظه .. اللهم امين


و بليز بنات يعني اللي تبي تدعي رجاء بلا طائفيه و عنصريه اللي تقول الله ينصر السنه في سوريا

ترى حتى الشيعه مظلومين مثلهم

مادري متى بتكبرون عقولكم !!


ترف بابا

يسلموو ع الموضوع المفرح
لا هنتي حبيبتي

 

[ام ريماس ومياس]

والله انا اشوف وقد كذا مرة رحت حق سوريا والله بنات في اشياء تقطع القلب .


قبل 9 سنين الي سو عميلة تركيب اسنان لزوجي واحد علوي سئله زوجي عن المعدات ليش قديمة .؟

ولمح في حجيه سب لبشار والبعثيين .بعدين من ها الحجي انصدمت ان والده مقتول من النظام في عهد حافظ الاسد

بنات ارجوكم لاتحطون بذممكم ان المظطهدين هناك فقط سنة

والله في علوية يكسرون الخاطر ومسييحين بعد .واضح حياة البؤس والشقاء فيهم

في حلب شفت همن وحدة علوية تحط العيش لبنتها في قوطي علف ( العلف) حق لحيوانات مفرغتها جان اختي تحاجيها تقول مو زين

ييب بكترياء حق بطن بنتج قالت لو بإيدي احط لها احسن طبق .

والفقر مو فقر من الله لا فقر اظدهات تعرفون شلون يعني ياخذون مثل رب الاسرة او الشخص الي يعيش الاهل على راتبه لسجون ولقتل .والاسرة نفسها تضيع .

 

[Miss.6Mo7]

إن شاءالله الفرج قريب

 

[Hi--class]

(هاي كلاس --- وكل الخوات الشيعيات )اسمحي لي حبيبتي اوضح لج نقطة على سبيل الحوار مو الاتهام ...

احنا المأخذ اللي لاحظناه على انه مافي احد من مشايخكم ندد بافعال نظام بشار أوكي -على خلاف ان اول ناس هاجموا تصرفاته

هم رجال

الدين من السنه ... قبل حكوماتهم ( مثال العفاسي لما دعى في المسجد الكبير )

واذا فيه احد منهم ادان نظام بشار قولوا اسمه بالعكس هذا دليل مشرف لكم ...

واحنا ندري انه هذا بسبب انه سوريا توصل الامدادات والدعم الايراني لحزب الله بلبنان ...

يعني نرجع ونقول : المصالح سياسية خلطت فيها اوراق الدين والمذاهب ..

حبيبتي انا ادري ان السنه اهم اللي بادروا بهالشي بس مو معناته ان الطائفه الشيعيه بعكسكم
وايران تساندها احنا يالشيعه شكو
ليش قمنا نخلط بين المذاهب والسياسه ..سوريا وايران لهم مصالح احنا يالشيعه شكو بس لان مذهب ايران شيعي
انا مالي بالسياسه خارج الكويت وايد بس لما اشوف انسان ينقتل بلا سبب لو منو يكون بوقف وياه مو عن طائفتي ولا شي لان هذي روح بشريه والرسول و الله عز وجل نبذو الطائفيه والفتن
لو شيخ شيعي يأيد نظام السوري لا تعتقدون الشيعه بما ان اهوا أيد النظام يعني كل الشيعه بيأيدونه
بالنهايه كلنا بشر
ووالله ينصر اخوانا المسلمين بكل انحاء العالم

 

[Hi--class]

ومن ياب طاريج انتي :krkrkr:قلت الشيعة الموالين للخميني .

حبيبتي كلامج واضح
انا مادري الشيعه وايد قاهرينكم ليش شتبون منا !!

 

[ترف بابا]

ولااااا زلت اشكر مروكم يالغاليات ....

 

[nano555]

الله ينصر الشعب السوري يا رب

 

[سميتك الغلا كله]

خوش خبر
كفو والله يا شيوخ الخليج ..

 

[أحمرجوري]

واخيرا اتفقوا العرب علي شي ربي يحفظ شيوخنا يارب

 

[ترف بابا]

هههههه

المهم اتفقوا * -^ الحمدلله

 

[هُدوء]

بنآت شكو سنه وشيعه ؟
بشآر قتل آلكل من ( سنه وشيعه ومسيحين ) !!
آلله لأيوفقه ، وان شأءء الله يومه قريب
وموقف حكآم الخليج جاء متآخر ححيل بس يّ الله كل تأخير فيهآ خيره
يعطيج العافيه ةة

,

 

[ترف بابا]

اي هو متأخر - انا ابي النقاش يدور على هالنقققطه ..

اشكر مرورج

 

[*E.B.D.A.3*]

^^

اهوه يه متاخر لان في بداية الامر ، كانت الدول موقفها مساير للنظام، لان مو من صالح اي دولة "نجاح الثورات"
لان هالشي راح يهدد امنها اهيه ! وشفنا ايام الثورة التونسيه شنو سوى اميرنا الغالي عشان يتغدا بالمعارضه قبل لا اتعشاه
وقدم لنا اجمل فبراير ، والشعب سوى مسيرة تجديد الحب بآل صباح .

لكن دولة الكويت ماقدرت تستمر في مسايرة النظام السوري بعد ماتضح الخطر الاقليمي الي راح يضرب بالخليج اذا استمر هالنظام
يكفي مسانده ايران و روسيا والصين،
فكان يجب على دول الخليج انها تتحد وتكون قوى ضد النظام السوري الي استعان بـ ألد اعداء الخليج !!!
طبعا هالنظام بحركته هاذي خسر اكثر مما كسب، وبدت الدولة الخليجيه على وجهة الخصوص تنفر منه وماتحط ايدها بايده !!
لان معروفه نوايا ايران على المدى البعيد ... وشنو تبي توصله ،

بشار الاسد فاقد للحنكة السياسية .. والبداهة ،
واخذته العزة بالاثم ، ويوم شاف ايران مستعده تسانده عسكريا وروسيا ماسكه ظهره .
قعد يشوف الدول الخليجيه الي لطالما حاربت معارضين الثورة في بلدها ،، مثــل النمله لا تهش ولا تنش
مع انه ناسي او متناسي قوة دولة قطر الي اهيه حليفه امريكا اولى ،
دول الخليج قدرت تطيح النظام الليبي .. وما بدت امريكا تتدخل بشكل رسمي الا بعد موقف دول الخليج !!
فهل اهوه ليهدرجة مستهين بدول الخليج ؟؟ الي ليدرجة انه استعان بعدوها غير آبه تماما بالاثار المترتبه عليه ؟
وهل نسى التقاء مصالح الدول الخليجيه مع المصالح الامريكية في اطاحه وتحجيم قوة ايران ؟؟
ما توقع ان هالشي ممكن يخلي جهود الطرفين تتكاتف وتبيد نظامه عن بكرة ابيه ؟؟؟؟

 

[خطاابه]

جعلهم لشش فدوه يا ترف ابيشش
ذولا ما ينفع معاهم الاقناع والنقاش

جعلهم الوهم ،، لا يرفعون شغطشش

 

[*E.B.D.A.3*]

وصج توني انتبه على هالنقطه بين ردود العضوات الي قالو ان بشار الاسد لا يمثل دين ولا ملة لانه علماني
حتى العلمانية اهوه مايمثلها لان العلمانية ماتقولك اعبد حاكمك وحطه في مكان رب ، تعالى الله عن ذلك
بالمختصر المفيد ، بشار مايمثل غير الديكتاتورية فقط !!!!!

 

[ترف بابا]

خطااابه
ههههههه
لاتخافين انا اصلا بالطبيعه بمنتهى البرورد ترى *