طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

[anwaroo]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

امبيييه لا فصلت عليييكم الله يغربل بلييسكم واللله قمت ابجي من الضحك مو من صجكم
خصوصا موقف بنت العاشره ام شعر ههههههههههههههههههههه فصلت عليييه
والثاني اسيره القمر والله عيوني دمعت هههههههههههههههههههه والله فصلت
خوش موضووع صرااحه
اللهم لاشماته انشالله ما اطيييح ولا اتعرجب جدام احد
خنقولكم موقفي

مره كنت رايحه عرس اخو رفيجتي وحدي كاشخه والكعب كاان حدا عالى المهم
كنت انا وامي خلص العرس
طلعنا تعرفون بعد الريايل لازم يتوقفون برا بعد مايدخلون المعرس
وانتى طالعه من الصاله لازم ايلج دري تنزلين منه
انا شفت الريايل والكل عينه على اي وحده تطلع جان اتبلعم وعدل شيلتي وادخل الشعر حسبالى كلش
نهاية الدري وادبغ على ويهي دبغه
ركبي تجرحو منها والريايل طبعا ماشفت ويوهم كل واحد قفا وكركر الا واحد فييهم يقولي الله الله بسم الله عليج
طبعا امي ماشوف الا غبرتهااا
من العرس لي البييت ماسكتت ضحك اقولها الحين تخليني اطيح وتروحيين تقولي ماقدرت استحمل المنظر انا ويهي صار داخل جسمي من الفشله مثل توم وجيري

 

[شيخـة الـزيـنـااات]

هههههههههههههههآآآآآآآآآآآآي


مت من الضحك :krkrkr:


<<ماتقدر تقول طيحاتها منكشفه عند الكل خخخخخخخخخخخخخ


ذكرتيني يا مط مط بالذكريات المؤلمه هههههههههههه بس صج احراااااج من امه :eh_s(11):


يسلموووو ع المواضيع الحلووه مثل راعيتها

 

[anwaroo]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

بنات تكفون نبي بعد مواقف
خنضحك
لووووووول
<<<< شماته

 

[ضحكه مستعاره]

رد: رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

الطيحات ,, يا ويلي ,,

بس ملاحظه ,,

( ما تطيح الا المزيوونه ) لانها تجذب الارض جااذبيتها قويه :eh_s(22): << امششش ههههههههههههههه


لا انا طحت بمصافط الافنيوو و تربعت بمكااني و قعدت اضحك و الله ما قمت قااعده ههههههههه

المصيبه كنت داقه الثقل و يعني اني فجأه طرررررررربخ ,, :23_asmilies-com:


اما اختي ,,


ام الطيحات ,,


اقوى طيحه ,, نازله من الدرج اللي بشرق الكل يطيح منه ,,
و طاحت مسكينه ,,
و قالها وااحد سمالله عليج و طاااح فوووقها لا تشووفين الاحرااج ,, << اخخ لو مزيوون صرااحه اتمنى اطيح عاادي :wqedqw: ,, ههههههههههههههههههه
قعد ساااعه يتأسف موو قصدي ,, هههههههههه

فشله ,,, :friends:



:eh_s(22):

ههههههههههههههههههههههههههههاي اهم شي تربعتي​

 

[om-7many]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

هههههههههههههههههههههههههههههههههههههههههههه
طيحاتكم اضحك ههههههههههه ضحكوتي

انااا ما اطيح واايد الحمدالله بس اذا طحت لووول اطيح طيحة قوية هههههههههه:lololoe:
هذاا الطيحة فرش امس وانا كنت عند الاب مادري شلوون طحت بقووم من الفراااش
ولا اتعربج فوق واطيح ع ويهي بالقاااع اااااااااااااااح للحين بس اتذكرهاا اتذكره العوار واضحك ههههههههه
بس اقعد افكر :080402ask_prv: :080402ask_prv:
انا شلوون طحت تصدقوون مادري لوووول
عاد من الخرعه قعدت اقرى ع روحي :yaaaaaarb: >>>>>> اخترعت من الطيحة ومن روحي هههههههههههههه
وبعدين ضحك ع روحي من الطيحة الغريبة ههههههههههههههههههههه :RoadRunner:



يسلموو ع الموضووع اللي ع صااحبتة الحلووه :eh_s(7)::edbf4317b9:​

 

[mo0o0n22]

رد : رد: طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

لا عاد الحلوة كنت ميته حر من الفشللله دخنت

ومن ورى برااااااااااااااااااااااد الهوا يكخخ .. اشوا لابسه تنوره سوده مو بنطلون بسسس جان صج تمسخرت:krkrkr:

ههههههههههههههههههههههههههههههههههههههههههههههههههههههههههههه

ااااااااااااااااه يابطني خلاااص ...

ياربي تخيلت شكلك لو بمكان ثااني صح بس بالحرم .. زين ماصوروك ..:nocommint:

 

[الجفول&]

رد : رد: طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

سبحآن الله الموضوع هذا كنا نتناقش فيه اليوم انا وخواتي :gathering: << اختي توها راده من العمره لآفين رجلها تمزق بالأربطة هههههه

وآاااااي يآكثر الطيحآت اللي اكلتها بس ..!!

لدرجة اني دشيت موسوووعة غينيس بهالهبة هذي انا وخواتي.. << الناس تدش باختراعات وحنا بطيحات خخخخ :denya:

تخيلو حتى المستشفيات عرفونا من كثر مايلفون علينا كل اسبوع وحده الحمدلله والشكر << اخرتها زوجي شرالي عدتهم

حقت اللف والضبابات والمراهم في البيت عشان توفير مشاوير للمستشفى كل يوم ..:ada:

صرنا خوات صج كلنا تمزق بالأربطه مو برجل وحد بالثنين <<< لآعبات كورة محترفات على هالتمزقات ..!!

الموووووهيم اكثر موقف احراااااج بس مو طيحه << دآشه عرض :eh_s(13):

بصيف 2008 كنت رايحه عمره انا وزوجي وولدي

واحنا بمركز مكه صاعدين بالسلم المتحرك وطبعا مسااافه بيني وبين زوجي <<< ركزوا على هالنقطه الرومانسيه

يوم وصلت فوق اخر السلم نشبت عباتي بأسنااان السلم وقااام يسحبني شوي شوي

وتبطلت عباتي وكنت لابسه بدي جبنيز وطلعت ايديني وانا انادي زوجي .. فلآن .. فلآن والآخ مشوت :roadrunner:

وولدي قام يبجي ماما لآ لآياكلج السلم ماما تعالي انا ابيج << حياتي صار فيلم هندي :eh_s(16):

عاد وراي واحد مطوع قط علي شمااغه تكشفت وانا لابسه نقاااب عشتوا قمة الاحتشام

واخيرا لبى النداء سوبر مان قصدي زوووجي سمعني وهب للنجده <<< شعقبه عقب ما اتمسخرت :016:

وجا حاول يطلعني من السلم اخر عباتي مخيطه والسلم اكلها من ورا كلها وقامت تزنطني والناس اللي بتصعد وراي زحمه

حاول مع جم واحد يجرون العباة ما كو فايدة وناس تنادي السكيوريتي يوقف السلم شوي واهو مادري وينه وولدي مستمر بالبجي

فيلم.. فيلم.. مابقى احد بمركز مكه ماتفرج علي .. :27d66a9c24b146327bf

اخر شي شقوا عباتي اللي مسكت بالسلم من ورا كلها

وطلعت ميته من الفشللللله .. وامشي ومن روا ماكو عبايه بس من جدام ومن الخلفية وتحت مااااكو خخخخخ

وركضه حق محلات العبي فووووق ادور عباااية وقلت بصعد بأسنسير مابي سلم واحد وراي يتفرج :tongue22:

عاد الاسنسيرات بسرعة توصل هناك..<<< ايه هين ماانزرعت وانا انطره :bluesmclr:

وانا واااقفة عند الاسنسير زوجي عطا ولدي 10 ريال وقال عطها امك صدقة

لا تشوفوني لما ضغطني جذيه مت مت بجي واهو ميت ضحك :nocommint:

بسسس صج عمره لآتنسى :eh_s(2):

كاااااااااااااااااااااااااااااااااااااااااااااااااااااااااااااااااااااك
يمه فصلت من الضحك على موقفج اهم شي زوجج يتصدق عليج هههههههاااااااااااااااااااايييييي

 

[الجفول&]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

ههههههههههههههههههههههههههههههههههههههههه

مواقفكم تووووووووووحفه .... بس تدرون احمدوا ربكم انكم قداام نااس غرب ...

شرايكم باللي بالعرس ثقيله وطول اليووم قاااااعده ومرتزه ولا حركه ولا شي ..... ويغنون على ابووووووووي ..

واجيكم افحط وجااني الحمااااااااس >>>> الله وكيلكم لاجااني الحمااس شي ثااني:roadrunner:


المهم وارقص .. الا وانا طاااااااااااااااااااااااااااااااااااااااااااح .. على البست ... انا مافيني شي بس قلبتها عليهم قلت اااااه رجلي التفت

قالت خالتي عين عين اكيد عين ... دوروا وجهي اقوول بقلبي ايه هين عييين ههههههههههههههههههههههه

الله لايعيد هذااك اليوم .. من ذكريااتي السيئه هههههههههههههههههههههههههههه

هههااااااااااااي
ذكرتيني بوحده اعرفها شايشه ترقص عالبست جان تخثع وتطيح من الاحراج سوت نفسها منصرعه لوووول جت امها قالت قومي قومي عن الهواله مافيج الا العافيه كاااااااااااااااك بدعت امها

 

[aṕriliå]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

حاولت اقنع نفسي انه طيحتج عاديه مثل كل الطيحات p:
بس اهوا بصراحه فلم لاتحسدين عليه هههههههههههههههههههههههههههههههههههههههههه
يمكن لو انا جدامج جان مامسكت نفسي من الضحك امبيه انا اسفه بس صج صج طيحتج قويه :$
يارب عاد الناس كانت لاهيه ولا منتبه لج



ياربي لاتاثمني بس امنية حياتييييييييييييييييييي اشوف عروسه اطيح واهيا تمشي للكوشه << مجرمه p:

حرااام عليج

احرجتيني

تركتي كل المواقف وجيتي علي :eh_s(2):

 

[غـيوض]

رد : رد: رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

ههههههههههههههههههههههههههههاي اهم شي تربعتي​

هههههههههههههههههههههههههههههههههههه

من صجج رفيجاتي كملووا للسياره متفشلين و انا اضحك و اناديهم تعاالوا عاادي طحت و بعدين و اهم طناااااااااااش

هههههههههههههههههههههههههههه



بنااات مواقفكم تبجي ,,, يا فشلتي ,,

 

[~*~الملكة~*~]

.


هههههههههههههههه واي بنآت موآقف مو صججججججججج :* !
الحمد لله الحمد لله .. انا و لا مره بحياتي طحت جدآم الناس بمجمع أو يمعه أو اي مكآن في ناس ..

بس اتذكر قبل كآنت تبي اتييلنا مآمآعوده ..
و انا مشتطه مع آمي قآعده ارتب البيت .. > وقتهآ ليلحين مآ يت الخدآمه اليديده ..
المهم آمي قآعده تشتغل بالمطبخ و قالتلي رشي رشوش عند المدخل > و المدخل طبعا سيرآميك !
و انا روووووووح و ارش و ارش و ارش > كاااك خلصت الرشوش كلهآ !
جان بعدين آنتي تنآديني بصوب عآآآآآآآآآآلي و انا من الخرعه
حطيت الرشوش على الطآوله و رحت المطبخ > بس و الله بنآت مآ كنت اركض ..
بعدها وقفت جان اقولها هآ يمآ ؟ !
و اهيه قآعده تقولي روحي فوق مآدري شنو !
المهم بعدها بمشي خطوه صوب الدري بكل هدآوه و لا جك ! مآ آشوف نفسي الي طآيحه بالآرض :|
> مو مستوعبه شلون طحت ! بس من الغباء أكو وآحد يرش رشوش على السيرآميك
بعدها ابوي ييه يقولي قومي :/ قلت له مآ أقدر .. جان آمي اتيي قالتلي عن الدلع انا شفت طيحتج مآ فيها شي !
جان اقولها و الله يما مآ آقدر > و قآعده ابجي !!!
جان ابوي يشيلني :$ و يحطني القنفه مآلت الصآله و انا ابجججججججججججججججججججججججججي )= !
حوظي يعورني .. المهم بعدين صعدني غرفتي و اهوه شآيلني طبعا و انا ابجي اهئ اهئ !
و حطآني بالفراش ! قالي اذا صرتي زينة و قدرتي تمشين تعالي عند مآمآعوده قلت له أوكي و عطآني بندول
المهم جان اخذ نوته الآنقلش و ادرس > كان علينا امتحان انقلش باليوم الي وراه ! =$
جان اتيي آمي بعدهآ بسآعه تقول يلا عآد استحي على ويهج روحي سلمي على مآمآعوده
قلت لها و الله مآآقدر .. جان تقول كيفج :× !
بعدين لمآ طلعت مآمآعوده جان ايي ابوي قال يلا قومي امشي خل نشوف
توني بمشي خطوه وحـده !!!! و لا اطييييييييييح > شالسالفه يا ناس مآ آحس بعوآر و طيحتي كلش مو قوية !!! :|
جان يشيلني و يركبني السياره و طيراااااااااااان عالمستشفى جان يسوون لي اشعه
اثااااااااااااري كسر خفيف بالحوض :/ ويهي و وي آمي و وي أبوي جذي > :| :| :| !!!!
ابوي قال حق الدكتور / دكتور اهيه طآحت طيحه زرزور لو نمله الي طآيحه مآ تتعور !!!!!!! جان يقوله الدكتور
في كسر بالحوض و لازم نسوي عمليه ! طبعا انا ميته من الخوف على بالي رآح آموت خلاص
و كلآم الدكتور خوفني آكثر
قال الصرآحه بنكون وآضحين معآكم هالعمليه سوينآهآ حق 5 حريم كبآر و 3 صغار و لا مرة نجحت
يعني بالنهايه قآعدين على كررررررررررسي متحرك !!!
انا بس ابجي من الصدمه :| !!!! قلت آمبيه انا رآح آقعد على كرسي متحرك طول حيآتي :/ !
و قلت أوكي الحمد لله على كل حآل المهم اصير زينة ..
و صار اليوم الثآني و انا رآيحه العمليه و سوولي العمليه و العمليه مآ تبين نتيجتهآ بسرعه !
طبعا حطولي بحوضي 2 برقي > جني باب (= !
و نمت بالطبيب اسبوع و رديت البيت > طبعا السكول نجحوني > لأنه كآن آمتحآنآت فآينل و الحمد لله انتقلت الى المرحله اليايه بدون لا امتحن > احلى شي بالسالفه كاااك
بعدين عطوني عكآزه و قالولي تمشين عليها و بس تكرمون الحمآم و تردين !!! و اذا بتطلعين كلا على كرسي !!!
> حسيت بـ ذوي الأحتيآجآت الخآصه و حبيييييييييييتهم وآآآآآآآآآآآآآآآآيد ! و صرت آحترمهم وآيد
و كلا ابتسم بويووهههم !
مآ علينآ .. المهم بعدين صارلي 3 شهور جان ابوي ايي جان يرفع ريولي فوق > ابوي بآيعهآ فديته
> و آمي تقوله شسوييييييييييييييييييييت @@@@ ! طبعا هوشه صارت
بس ابوي لمآ شآفني مآ تعورت جان يقولي يلا يلا قومي بسرعه الدكتور رحنآ و لا الدكتور يقول يلا آمشي بدون عكآزه !
:| > انا جذي ويهي شلون امشي بدون عكآزه و انا فيني كسر ! معقوله يلتئم ب3 شهور !
جان اقوم و امشي و امشي رآيحه و رآده بمكتب الدكتور > و الدكتور يظحك > مو مصدق الي يشوفه كااك
بعدين قال حق ابوي شلون شنو توكلونهآ !!! و لا ابوي يقوله باليوم 3 حليب kdd و قفشتين حلبه نآعمه !
و من جذي التأم العظآم بسرعه :$ !


طبعا انا كنت بطيييييييييير من الفرحه !!!! (=
مآ كنت متوقعه امشييييييييي و سجلوني بالمستشفى أنه أول حآله أمشي بعد هالعمليه $$$$ !

> قلبت الموضوع حزن و نكد .. بس لأنه هاذي الطيحه الوحيده بحيآتي
و الي سببتلي توتر بس الحمد لله رب العآلمين جآآت سليييمه (= !


.

امبيه بعد عمري عورتي قلبي :eh_s(2):

حمدلله على سلامتج

 

[usgirl]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

انا كنت بامريكا رايحين لعرض الدلافين وانا من فرحتي بولدي قاعده اصوره
المهم كنا صافين دور وانا اصور فجأه فقدت توازني وطحت على قفاي (فششششله) ولا طحت بالتدريج مو مره وحده يعني مثل البباي لما يحاول يوازن نفسه بايدينه وتالي طااااااااخ على الزرع اللي وراي عاد الاجانب طناش بس بموتون من الضحك خصوصا الجهال و زوجي ماسك نفسه من الضحك وما ساعدني يعني ما يعرفني وما وعيت الا بذاك الخال اللي يقول سلامات لا يكون تعورتي (بس بالامريكي)
انا قمت وبطيتها ضحكه و

بس فشللللللللللللللللههههههههههههههههههههههه

:denya:

 

[anwaroo]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

كملو كملو عفياااا

لووووووووووووووووووووووووووووووووول

 

[دلوعه دجــه]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

خووووووووووش ماضوع مطمط
تسلم اناملج على هيك مواضيع

واذا على الطيحات تراني تاكنه وثقيله ماطيح ابدا ابداااا
من زود الثقل مامن تكرفس اسم الله على


ومواقف البنات حدها تضحك
ههههههههههههههههههههههههههههههه

 

[ميمي المزيونة]

ههههههههههههههههههههههههههههه

موضوع تحوووفـة ،، لي بآآآآك

 

[قطيووه^_^]

وييييييي وين ردي رديت على الموضوع بس مدري ويين راح

انا ياطويلين العمر مرة جاية ركض بطلع من المدرسة والا درببببببن طحت كنت شايفة قدامي ثلاث درجات بس هقيت اني بعديهم عادي ما راح اطيح اشوا ما كان في احد الا الحارس ونزل راسه يعننه ما شافني بس ذيك الفترة مدري ليش حقدت عليه لوووووووووول

 

[أحـلآم . *]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

اهم شي طيحاتكم ،

لوووووووول

ثانكس ع الموضوع

 

[black rose BH]

ههههههههههههههههههههههههههههههههههههههههه

الطيحات نكت نكت

خاصة لين فيه ريال متيمعه وتطيحين يمهم

كان مرة ابوي شاري لي نعل يديد الله يعز مقداركم

وطلعنا رحنا السوق انه واهو وخواتي

وحامله اختي الصغنونه

واتمشى جان اطيح انه وياها وكل الناس تطالعني

جان اقوم اقط اختي واقول لآبوي شووووف هذا من نعاالك البايخ لان طالع مو من قلبك

ههههههههه شدخل بس من الفشلة حطيتها عليه :$

 

[مرمووور]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط

لووووووووووووووووووووووووووووووووووووووووووووووووووووووووووووووووووول
ياعسااني مااطيح مثلكم

 

[مطيريه ماركه]

رد : طحْت [ طيحة ] يَ كويتيآت ْ سمّوآ عليّه ْ ؛ آلدخول لـ [ آلمهسترآت ] فقط



من آلسآعة 1 آلفجر وآنآ آقرآ آلردود

يآكم ضحكت على ردودكم

هههههههههههههههههههههههههههههههههههههههههههههههههههههههههههه
:krkrkr:

صآدقين مآنطيح آلآ عند مزيون

وآشكآل حدث ولآ حرج

مآقدر أرد عليكم وحدة وحدة

بس آسلموآآ هـ آلسآلفة

مرة مآمآ وبآبآ مودين عيآل آخوآني بر صبحآن

وأمي تصعد لهآ فوق طعس

وتحرص ع آلمبزرة ديروآ بآلكم لآ تطيحون
:krkrkr:

وأبوي نآيم

وتجيكم تدحدر من فووق لِـ تحت

وعيآل آخوآني يضحكوووووووووون

وفضحوهآ عند خوآلهم

يمة طآحت من فوق ويقلدون طيحتهآآ

آلسآلفة لهآ 3 سنين

وآلمبزرة لِـ آلحين يهرجون فيهآآآ

بنوووووووووووووت

مآتشوف شر آلآرض

آلله يعينهآآ

تدرين ليه يقولون يآصبر آلآرض ؟

من كثر آلطيحآت

ههههههههههههههههههههههههههههههههههههههههه
:krkrkr:

آلآشرآف بليز آذآ بِ تثبتون آلموضوع مو بعد سنتين ثبتوه آلحين وآلآ بلآهآ

< يعني آسقآطآت كف وبرآ