طالبات مدرسة ينظفون ويغسلون المدرسة في الكويت صور!!

[Dwesho]

الحمدلله والشكر عبالي عندج سالفه
تلاقينهم مستانسين واللي ماتبي مومجبره
..........
مافيها شي ابدا
....................................

 

[حلفت عℳري*ｼ]

لا بالعكس خوش شي و خوش فكرة و إحنا بعد مدرستنا سوو جذي يوم النظافة

 

[noni_q8]

الله يرحم أيامنا قبل يوم بالمتوسط والثانوي لاقالو تعاونو معانا استانسنا وقمنا ننظف ونسنع ولعبنا
لأن الطالبات هالايام ماعندهم غير الرباده تاكل وتقط عالأرض وتحذف الكراسي جدامي لاحول ولاقوة إلا بالله
وزين تسوي فيهم الناظره علشان تزرع فيهم روح التعاون والمشاركة الجماعيه وتخلي اللي رافعه خشمها تتواضع وماتشوف نفسها غير عن زميلاتها بالفصل والمدرسه
ويعطيج العافيه عالموضوع

 

[الامـيـرهـ]

شوفي اذا كان يوم واحد وطلبت متطوعات ..شي حلو انها تنمي رووح التعاون بالطالبات
ويحسون بالفراشات والخدم والتعب اللي يتعبونه .. عشان يتعلمون الطالبات لما يخلصون من الاكل
يقطونه بالزباله (مكرم السامع ) ومايشخبطون ع الطوف او الادراج
كلنا كنا طالبات والحين في بينا مدرسات كلنا نشوف بعد الفرصه شلون مكان الساحه او الكفتيريا
حلو ان الناظره تحسسهم بالمسؤليه ( والنظافه من الايمان)

اما اذا الناظره جبرت البنات وبشكل متكرر تخليهم ينظفون ..... اكييييد انه هذا شي غلط

تقبلوا مروري
الامـيـرهـ��

 

[gala q8]

أأول ما قريت الموضوع قلت يعني عادي كلاسات و جذي بس إنصدمت إن بعض الردود كانوا ينظفون حمامات !!!! عزكم الله


بصراحه مهزلـه ,, =(

 

[sweet-rose]

ما فيها شي ، الموضوع هذا يخليهم يكسرون الروتين ويتعلمون النظافة وتحمل المسئولية، ويمكن هذا نوع من العقاب مثل الدول الاجنبية يسمونه خدمة المجتمع .

 

[FoFa stylish]

حبيبتي ترى محد يوسخ المدرسة غير البنات و خاصه هذيل بنات مو اولاد يعني لازم يتعلمون مثل ما يوسخون ينظفون شلون باجر بتصير ام و وربه منزل و انتي تشخبطين على الطاولة جنج ياهل باول ابتدائي

ما تشوفين اليابان يوميا بعد نهايه اليوم ينظفون المدرسة و يخلونها تلمع ما عندهم خدم هذيل بنات متدلعين ياكلون و يمشون ايدهم بالطوفه

 

[3houd86]

شالمشكله إذا نظفت مدرستها؟
بعدين عيالنا مو متعودين على السنع و لا على النظافه, يمشون و يقطون قراطيسهم و كلينكساتهم.
و يا ليت توقف على هالحد لأ, بنات الكليات يقطون حتى فوطهم الصحيه الوصخه بالحمامات. و تجي هالمسيكينه تخم من وراهم.

و البنات اللي يقولون آنا غرفتي ما أنظفها عشان أنظف المدرسه, هذا مو سنع و لا شي تفخرين فيه و تقولينه بالفم المليان. هاذي اسمها وصاخه و رباده.
الخادم الله رازقنا ياه عشان يعاوننا, مو عشان ينظف صراويلنا الوصخه!!!

 

[فديت روحش]

انا اعتقد مافيها شي
بالعكس يبث فيهم روح التواضع اولا وروح العمل الجماعي والنظافه لان المدرسه تعتبر بيت ثاني وفووق كل هذا تلقينهم مستانسين
وبعدين وزاره التربيه والتعليم^^ من اسمها تربيه بعدين يعلمون يعني لازم عشا اتربي احد علي قيمه انسانيه معينه لازم اتخليهم يشارك في عمل معين عشان يحس اشوي بالناس الثانيين كمثال الفراشات بالاخير هم بشر

انا اهني واحترم الناظره لانها عرفت كيف اتربي واتعلم