السلام عليكم
بنات انا حدي حدي حدي مضايقه و بليز اللي بدش الموضوع بتحسس و تسوي فتن لا ترد
السالفه و ما فيها ان اخوي اللي عمره بالثلاثينات ضافني عنده في الفيس بوك طبعا اول ما ضافني استانست لان بروفايله ديني و فيه مواعظ و عبر حلوه لحد اهني حلو
بس انا لاحظت ان اصدقاءه الموجودين في القائمه اشكالهم غريبه و لبسهم غريب جنهم رهبان مادري احبار يهود وحتى اساميهم واشكالهم كلش مو خليجيين
بعدين صار في نقاش بينه و بينهم في موضوع و انا اقرا لاحظت ان اخوي يتكلم بافكار غريبه عن الدين انا ما راح اتكلم عنها بس افكار تقدرون تقولون ان فيها ظلال و اهو مقتنع فيها مع ربعه
انصدمت انه ينسب نفسه للصوفيه و اصدقاءه اشعريه و مادري شنو فرق بعد يعني ربعه مادري اشلون صايره افكارهم من ناحية الدين يعتقدون باشياء مادري اشلون صايره
المهم انا ما اعرف شنو الصوفيه و الاشعريه ودشيت قوقل و قمت اقرا عنهم وااااااااااااااي يا بنات ضاق خلقي من افكارهم
الحين اللي ضييق خلقي أكثر انه قاعد يسب مشايخ دين كبار و معروفين سب ما يليق بمكانتهم و اصدقاءه يطبلون له و يشجعونه و يقول انه راح يألف كتاب يسبهم و يفضحهم و مادري شنو من هالسوالف
انزين انا حاولت اكلمه و اناقشه بس كلش مو راضي يسمع و ربعه قاعدين يشجعونه و مغتاظين مني ولا فوق هذا قاعدين يدعون لي بالهدايه لطريجهم حسبي الله عليهم
ولا فوق هذا يبون تصير مظاهرات بالكويت و الخليج لاسقاط النظام بس اخوي طبعا صدهم و قال لهم احنا نبي شيوخنا و ما نرضي بغيرهم اهني اهم سكتوا.. انا بهذي النقطه الوحيده اللي اخوي عجبني فيها بس انا خايفه انه يتأثر مع الوقت فيهم
يعني احس اسلوبهم فيه خباثه
و ترى على فكره اخوي من صغرته متعلق في الدين متدين من البيت لي المسيد وبمكتبته كتب دينيه و دايم يرتل و يحفظ قران اهو من نفسه يعني اهو حاب جذي
بس سنه من السنين يعني من حوالي 6 او 7 سنوات ابوي شافه يرافج واحد ملتحي بس يقول ابوي ان شكل هذا المتدين ما عجبه لانه حذر واااايد و غامض ولا يبتسم ولا حتى يسولف لما ابوي يقعد معاهم ودايم يشوفه يسولف مع اخوي و من يدخل عليهم ابوي يرتبك و يغير السالفه وايي ووياه كتب دينيه ابوي ما قرا عناوينها.
الحين انا مادري شسوي يا بنات في وحده عندها اقتراح اسويه يمكن الله يقومه من الغفله اللي هو فيها ويشيل الغمامه من على بصيرته
ادعو له بنات
بنات تحذير لكم و لاخوانكم و خواتكم و عيالكم ديروا بالكم عليهم و عرفوا اهم منوا يرافجون لا تقولون ناس متدينه لا تاكدوا منهم لانه في ناس تدعي الدين و التدين بس افكارهم تخووف و غريبه و مالها اي صله بالدين غير دوافعهم و مصالحهم الشخصيه
ملاحظه: ترى انا من يضيق خلقي ما احب اشارك وايد بالمنتدى
بنات انا حدي حدي حدي مضايقه و بليز اللي بدش الموضوع بتحسس و تسوي فتن لا ترد
السالفه و ما فيها ان اخوي اللي عمره بالثلاثينات ضافني عنده في الفيس بوك طبعا اول ما ضافني استانست لان بروفايله ديني و فيه مواعظ و عبر حلوه لحد اهني حلو
بس انا لاحظت ان اصدقاءه الموجودين في القائمه اشكالهم غريبه و لبسهم غريب جنهم رهبان مادري احبار يهود وحتى اساميهم واشكالهم كلش مو خليجيين
بعدين صار في نقاش بينه و بينهم في موضوع و انا اقرا لاحظت ان اخوي يتكلم بافكار غريبه عن الدين انا ما راح اتكلم عنها بس افكار تقدرون تقولون ان فيها ظلال و اهو مقتنع فيها مع ربعه
انصدمت انه ينسب نفسه للصوفيه و اصدقاءه اشعريه و مادري شنو فرق بعد يعني ربعه مادري اشلون صايره افكارهم من ناحية الدين يعتقدون باشياء مادري اشلون صايره
المهم انا ما اعرف شنو الصوفيه و الاشعريه ودشيت قوقل و قمت اقرا عنهم وااااااااااااااي يا بنات ضاق خلقي من افكارهم
الحين اللي ضييق خلقي أكثر انه قاعد يسب مشايخ دين كبار و معروفين سب ما يليق بمكانتهم و اصدقاءه يطبلون له و يشجعونه و يقول انه راح يألف كتاب يسبهم و يفضحهم و مادري شنو من هالسوالف
انزين انا حاولت اكلمه و اناقشه بس كلش مو راضي يسمع و ربعه قاعدين يشجعونه و مغتاظين مني ولا فوق هذا قاعدين يدعون لي بالهدايه لطريجهم حسبي الله عليهم
ولا فوق هذا يبون تصير مظاهرات بالكويت و الخليج لاسقاط النظام بس اخوي طبعا صدهم و قال لهم احنا نبي شيوخنا و ما نرضي بغيرهم اهني اهم سكتوا.. انا بهذي النقطه الوحيده اللي اخوي عجبني فيها بس انا خايفه انه يتأثر مع الوقت فيهم
يعني احس اسلوبهم فيه خباثه
و ترى على فكره اخوي من صغرته متعلق في الدين متدين من البيت لي المسيد وبمكتبته كتب دينيه و دايم يرتل و يحفظ قران اهو من نفسه يعني اهو حاب جذي
بس سنه من السنين يعني من حوالي 6 او 7 سنوات ابوي شافه يرافج واحد ملتحي بس يقول ابوي ان شكل هذا المتدين ما عجبه لانه حذر واااايد و غامض ولا يبتسم ولا حتى يسولف لما ابوي يقعد معاهم ودايم يشوفه يسولف مع اخوي و من يدخل عليهم ابوي يرتبك و يغير السالفه وايي ووياه كتب دينيه ابوي ما قرا عناوينها.
الحين انا مادري شسوي يا بنات في وحده عندها اقتراح اسويه يمكن الله يقومه من الغفله اللي هو فيها ويشيل الغمامه من على بصيرته
ادعو له بنات
بنات تحذير لكم و لاخوانكم و خواتكم و عيالكم ديروا بالكم عليهم و عرفوا اهم منوا يرافجون لا تقولون ناس متدينه لا تاكدوا منهم لانه في ناس تدعي الدين و التدين بس افكارهم تخووف و غريبه و مالها اي صله بالدين غير دوافعهم و مصالحهم الشخصيه
ملاحظه: ترى انا من يضيق خلقي ما احب اشارك وايد بالمنتدى
التعديل الأخير:
