صيدليه أعشاب x أعشاب (( خاص للإحتياجات الخاصه ))

[HearT ChocolaTe]

السلام عليكم ورحمة الله وبركاته

نبي خبرتكم بالأعشاب الطيبه .. ما أعتقد وحده منا ما جربت شي في بيتها
وهذي خبرتي وبقدمها ... أنا وااايد أشياء مجربتها وبقولكم اللي حاضرني

الحبه السوداء : 1م . ص + كلاس ماء حار : تترك 10 دقايق وتحلينها بالعسل.
الزيت زيتون : 1م . ك مع الأكل
زيت بذرة الكتان : بصراحه جربته لأن لفت أنتباهي بوجود الأوميجا 3 وتوني بالبدايه
دبس الرمان : لإلتهابات الفم واللسان والبلعوم


يا الله أترك لكم البقيه ... تحياتي لأحلى أمهات


:33_1185028183:

 

[نونا العتيبى]

رد: صيليه أعشاب x أعشاب (( خاص للإحتياجات الخاصه ))

الغاليه نوووووفه نعطيها عالريج عسل أصلي خاص للأطفال ,,زيت زيتون مع اللبنه
وبسسسسسسسسسسسسسسسسس

 

[الصابرة المحتسبة]

رد: صيليه أعشاب x أعشاب (( خاص للإحتياجات الخاصه ))

يعطيج العافية يام عزووز

 

[HearT ChocolaTe]

رد: صيليه أعشاب x أعشاب (( خاص للإحتياجات الخاصه ))

الغاليه نوووووفه نعطيها عالريج عسل أصلي خاص للأطفال ,,زيت زيتون مع اللبنه
وبسسسسسسسسسسسسسسسسس

وي يا عساها مداخيل العافيه على نوفه .. :ggdw:
مشكورة على مشاركتج يا نونا

 

[HearT ChocolaTe]

رد: صيليه أعشاب x أعشاب (( خاص للإحتياجات الخاصه ))

يعطيج العافية يام عزووز

يعافيج ربي يا الغاليه

 

[جوريه28]

عن تجربه ممتاااااز حق الكحه والبلغمممممم وايضاا حق العظام -حلبه- طريقة الاستخدام تغلين الماي وتحطين فيه ملعقه كبيره من الحلبه ثم تشخلينه وتحلينه بشكر او عسل عادي وتشربينه ولدج او بنتج ثلاث او اربع مرات باليوم وشوفي شلون تخف الكحه والبلغمم تحياتييي للجميع

 

[أسـيـل]

يعطيكم العافيه يابنات

 

[ام^صالح]

اللهم كما انزلت الامراض بقدرتك فارفعهاا بمشيئتك

اللهم اشفي ابني وابناء المسلمين شفاء عاجلا تاما


مشكوره ياا ام عزوز على هالموضوع الراااااااائع والله يشفي وليدج ويبلغج فيه يارب

اولا بقولكم انا شنو قاعده اعطي ولدي ((توحد))


*اغلي له ثومتين مع قفشه كركم واعطيه بالقطاره يومين بالاسبوع ((تقوي جهاز المناعه-تعتبر مضاده للبكتيريا والفطريات))

*اعطيه صبح وبالليل ملعقه ماء ورق زيت الزيتون مضافه الى قلاص ماي((يحتوي على الكالسيوم-يقتل بعض الفيروسات والفطريات))

*نصف ملعقة الشاي زيت حبة البركه مخلوطه بنصف ملعقة عسل واحاول حاليا اضيف الجوز للعسل بس يارب يتقبله((ادعو له)) ....طبعا يابنات حبة البركه فوائدها واجد

وقاعده استخدم المرقدوش يوم في الاسبوع علشان ينظف ويلين بطنه وسمعت ان الاعشاب تاثيرها اكثر من الماء نفسه
وانشاء الله احصلها من مكان موثوق

ونسيت اقولكم اني قاعده اعطيه صباحاا لبن ابل مخلوط بالعسل (((بتقولون شجاب اللبن حق الاعشاب)))
بقولكم لعل وعسى يفيد احد منكم لانه يستخدمونه كعلاج

وانشااااااااااااااء الله اني مانسيت شي


اختكم.. ام صالح

 

[ام نوونه]

مشكورة ويعطيييج الف عافيه
والله يشافي عيالنا

 

[الصابرة المحتسبة]

يعطيكم العافية
ام صالح ما قصرتي

 

[HearT ChocolaTe]

عن تجربه ممتاااااز حق الكحه والبلغمممممم وايضاا حق العظام -حلبه- طريقة الاستخدام تغلين الماي وتحطين فيه ملعقه كبيره من الحلبه ثم تشخلينه وتحلينه بشكر او عسل عادي وتشربينه ولدج او بنتج ثلاث او اربع مرات باليوم وشوفي شلون تخف الكحه والبلغمم تحياتييي للجميع

يا فديتج يا جوريه .. صادقة والله يوم عزوز صغير أحطها له بالرضاعه الحليب وكل ما جا وقت الرضاعه
خلطتها وخففتها بماي .. والحمد لله عظامه وااايد زينه ... أرد وأعاود له على فترات

يعطيكم العافيه يابنات

الله يعافيج .. مشكورة حبيبتي على المرور

 

[HearT ChocolaTe]

يا هلا بأم صالح يا هلا بج .. :ggdw:
عاد تصدقين والله شاهد على كلامي مفتوح هاللنك
من ردودج علينا .. ما شاء الله أحس أنج خبره بالأعشاب
فقلت خلينا نتشارك لفايدة عيالنا وهو شي ما يضر والحمد لله .. حليب الإبل ماااالح فديتج ما يقدرون عليه الصغار؟
تخلطينه مع شي ؟؟ وبالنسبه لغلية الثوم مع الكركم شكثر الكميه اللي يشربها ؟؟ عزوز 4 سنوات
مشكورة يا طبابتنا

 

[نشـــامي]

للبلغم

اغلي بمبر مجفف من العطار حبتين مع شوي ماي وعطي الطفل بس مو بالليل لان الطفل يسهل البلغم او يرجعه

واستمري مو اقل من اسبوع

و ادعوووووووووووووولي ولبنتي

 

[ام^صالح]

صباح الخير ياام عزوز...اللهم من على اطفالنا بشفاء عاجل تام

اولا مشكوره على الكلام الطيب ياقلبي

شوفي حليب الابل اخلطيه بموز او ملعقة عسل انا عن ولدي اشربه نص واقعد نص ساعه واشربه نص القلاص

وبالنسبة للثوم انا احط ثومتين مع ملعقة شاي كركم مع قلاص ماي عمر ولدي ثلاث سنين ونص

 

[HearT ChocolaTe]

للبلغم

اغلي بمبر مجفف من العطار حبتين مع شوي ماي وعطي الطفل بس مو بالليل لان الطفل يسهل البلغم او يرجعه

واستمري مو اقل من اسبوع

و ادعوووووووووووووولي ولبنتي

اي والله صادقه خالتي دايما تقول لي بس ما ادري ليش مو متشجعه له :eh_s(6):
ما قصرتي يا نشامي وعسى الله يشافي بنيتج ويقر عينج فيها يا رب
ويصبر قليبج ويدخلج الجنه من أوسع أبوابه

صباح الخير ياام عزوز...اللهم من على اطفالنا بشفاء عاجل تام

اولا مشكوره على الكلام الطيب ياقلبي

شوفي حليب الابل اخلطيه بموز او ملعقة عسل انا عن ولدي اشربه نص واقعد نص ساعه واشربه نص القلاص

وبالنسبة للثوم انا احط ثومتين مع ملعقة شاي كركم مع قلاص ماي عمر ولدي ثلاث سنين ونص

العفو فديتج .. ومشكووورة حياتي على التوضيح

 

[ام^صالح]

معلومه بس حبيت اضيفها لكم خواتي الامهات عن الحبه السودا اذا بغيتوا تستخدمونها مطحونه اطحنوا المقدار اللي تبون تستخدمونه بس لان

فيها مواد طياره يعني على طول تطحنين وتستخدمين

علشان تكون الفايده اكثر

 

[HearT ChocolaTe]

لازم تنطحن أم صالح أنا ما أطحنها ؟

 

[ام المزايين]

بنات جربت شغله لبنتي بتنصدمون منها من بعدها قوة العضلات وشوي شوي مشت والحمد لله الحين تركض

كنت اخذ من محل الدجاج رجل الدجاج مو الساق لا الي تمشي عليها الدجاجه القدم ونظفها وحطها بماء حار وشيل القشر اذا عندكم خدامه فلبينيه بتعرف تنظفها متعودين بديرتهم المهم افوحها بجدر ماء حتى يصير الماء ابيض يعني كل الجالتين تطلع من العظم بعدها ابردها وشرب بنتي منها 3 مرات باليوم اسخنها شوي لانها راح تجمد بالثلاجه وتشرب منها ماشاء الله شوي شوي تقوة لعضلات عندها حتى مستشفى الفهد للتدليك الطبيعي انصدموا شلون صارت قويه والحمد لله الحين تمشي مع العلم د. مازن العيسى كان يقولي اقبلي باعاقة بنتك وما راح تمشي ولندن قالوا يمكن تمشي بس مو بتزان الحمد لله الحين تركض مو بس تمشي اتمنى اني فدتكم....

 

[الصابرة المحتسبة]

الصراحة معلومة جديدة وجزاج الله خير

 

[HearT ChocolaTe]

بنات جربت شغله لبنتي بتنصدمون منها من بعدها قوة العضلات وشوي شوي مشت والحمد لله الحين تركض

كنت اخذ من محل الدجاج رجل الدجاج مو الساق لا الي تمشي عليها الدجاجه القدم ونظفها وحطها بماء حار وشيل القشر اذا عندكم خدامه فلبينيه بتعرف تنظفها متعودين بديرتهم المهم افوحها بجدر ماء حتى يصير الماء ابيض يعني كل الجالتين تطلع من العظم بعدها ابردها وشرب بنتي منها 3 مرات باليوم اسخنها شوي لانها راح تجمد بالثلاجه وتشرب منها ماشاء الله شوي شوي تقوة لعضلات عندها حتى مستشفى الفهد للتدليك الطبيعي انصدموا شلون صارت قويه والحمد لله الحين تمشي مع العلم د. مازن العيسى كان يقولي اقبلي باعاقة بنتك وما راح تمشي ولندن قالوا يمكن تمشي بس مو بتزان الحمد لله الحين تركض مو بس تمشي اتمنى اني فدتكم....

اي صاجه ذاك اليوم لوعت جبدي يوم أشوفها تآكله .. بس فديتج ما في خوف ؟!
أشوفهم أقويه على عمرهم وكبر سنهم وما شاء الله فيهم قوة !!
زين علمينا فديتج فيه ريحه !! وتضيفين عليها شي ؟؟ عطينا التفاصي الدقيقه الله يخليج عشان الكل يستفيد
يعني تغسلينهم بخل مثلا ؟؟ تخلطين معاهم شي وقت الفوح ؟؟ تقبلت الطعم ؟؟
ويا ريت تقولين بنتج شنو تشخيص مرضها
<<< آسفه والله بس قالت لي وحده بوسنيه من قبل وما صدقتها ..:tomato2: