صور من تلفوناتكم الجزء (2)

[جاي وحليب]

بنك .. عليكم بالعافيه
اي صج بغيت اسألكم .. بالافنيوز اكو جوكلت بار؟ ووين؟
يااربي هالمجمع لي يومكم مافريته كله ههههه في شغلات اسمع فيها ومااشوفها
مشكلتي كله ادخل من ناحية ايكيا.. وااحوس لين اخلص واطلع .. والباجي مااكمله

 

[زلابيا]

الله شالمطعم بنكو مشاءالله شكله لذيذ

عجبوني لصحون نقشتهم اتينن ناعمه

شلون المطعم شكله ايراني ؟؟ عليكم بالعافيه وتقبل الله

 

[Pink GirL]

بنك .. عليكم بالعافيه
اي صج بغيت اسألكم .. بالافنيوز اكو جوكلت بار؟ ووين؟
يااربي هالمجمع لي يومكم مافريته كله ههههه في شغلات اسمع فيها ومااشوفها
مشكلتي كله ادخل من ناحية ايكيا.. وااحوس لين اخلص واطلع .. والباجي مااكمله

الله يعافيج حياتي

اي اكوو جوكليت بار مقابل نينووو وتحت ماكي بالضبط لوول ان شاء الله عاد دليتي خخخخ

انا من كثر ما اروح حفظته

الله شالمطعم بنكو مشاءالله شكله لذيذ

عجبوني لصحون نقشتهم اتينن ناعمه

شلون المطعم شكله ايراني ؟؟ عليكم بالعافيه وتقبل الله

الله يعافيج ومنا ومنج يارب

اي يديد فاتحينة بالافنيوز مقابل ووتر ليمون

المطعم ايراني واكله لذيذ والله بس عيبة يتأخر بالطلب تقريبا ساعه يالله وصل الكباب

 

[أم الحلوة جمان]

بناات والله صوركم تشووووق ...

بنك علييييج بالعافية .. توني ادري عن هالمطاعم اللي في الافينيووز .. والله يبيله ..

الله يسلمكم انا امس رحت تعشيت بالشيراتون بالمطعم الهندي ( بخارى ) حبيييبي ... أمووت علييه ...

الشوربة حسافة نسيت أصورها ..
و هذا المقبلات .. اهما نوعين ربيان (بس ما صورته ) و ريلي قضى عليه .. و دجاج و هذا صورته .. :

و هذا خبز نان 4 أنواع .. اييبوونه من غير مانطلبه ... اينن ...( من وراه مبين الربيان و الخضرا و التوابل الهندية )..

و هذا طبقي الرئيسي ... دجاج بالتتبيله البيضا و الكريما ... اينن ...

أما ريلي فطبقه الرئيسي .. طلبه من مطعم شهريار الايراني ...

طبعا حصلت تعليقات من ريلي و أنا أصور الأكل ..
بس لعيوونكم اتحمل

 

[زلابيا]

عليكم بالعافيه ام جمونه

ياعله مداخيل العافيه ..

 

[Pink GirL]

بنك علييييج بالعافية .. توني ادري عن هالمطاعم اللي في الافينيووز .. والله يبيله ..

الله يعافيج حياتي
وبالعافية عليج الاكل انا بعد اموت على بخارى يعجبني اكله
شوقتيني وانا صايمة

 

[june_m00n]

شوقتووووني




شرايكم بالصوره ؟؟

لا ومصورتها باستقبال بعد هههههه

قدمو لنا مع الجاي شكله مصفف وشحلوه وشزينه

خذيت منه انا عبالي معموول


ولا شيطلع ؟؟؟؟؟؟؟؟




تدرووون شنوو



يقط

استغفر الله

كعشرت جدام الاوادم خزياه

اشوه اني ما قرمتها بس حشتها ولا يحووشني طعمها اللاذع

شرايكم مقلب ها هههههههههه

 

[SILVER ROSE]

مون الصورة مو طالعة

 

[Pink GirL]

ماكو صورة حبيبتي مون

 

[رفرف]

اليوم يبنا غدا من لتل سيزر والا يعطونا هالحلوين ...
بنتي شافتني يبت تلفوني بصور صفصفتهم وقالتلي ماما صوريني يمهم خخخخخخخ

 

[زلابيا]

مون .. اي عاد شكله معمول !!

رفرف .. شحلاتهم الالعاب بس استغفر الله ليتل سيزر ما ينبلع عليكم بالعافيه

 

[رفرف]

اي والله زلابيا مو حلو !!

 

[رفرف]

اي والله زلابيا مو حلو !!

 

[أمواج البحر]

صوركم تهبل

وعليكم بالعاااااااااااافيه

جون مون خخخخخخخخخخخخخ ضحكتيني يقط عاااد شخباره لي الحين الناس ذاكرينه يحليله ههههههههه

بس صج شكله معمول ... عسى محد شافج وانتي مكعرشه لوووووووووول

يالله تكبرين و تنسين

 

[bambena]

من صجكم جاردن مطعم؟؟؟؟

ويني عنه انا !!

عندي شكثر صور مالي خلق ياربي

 

[Pink GirL]

رفرف > عليكم بالعافية

بامبينا > اي مطعم شفيج ؟؟ خخخخخ روحيله بالافنيوز ,, ويالله عن الكسل حطي الصور خنتطمش خخخ

 

[أم الحلوة جمان]

عليكم بالعافيه ام جمونه

ياعله مداخيل العافيه ..

الله يعاافيج حبيبتي ....

الله يعافيج حياتي
وبالعافية عليج الاكل انا بعد اموت على بخارى يعجبني اكله
شوقتيني وانا صايمة

الله يعاافيج حبيبتي ....
مطاعم الشيراتون كلها تينن ... بس الهندي ياربي اكلهم عجييييب

 

[زيـنـه]

انا شكثر صوري .. بس بلوتووث لاب توبي ما ادري شفيه !

كل ماحاولت اسنعه مو راضي يستقبل !!

بس هم خاشه الصور و مو لاغيتهم من موبايلي .

 

[Pink GirL]

ام جمان > اي والله صاجة كل مطاعمهم حلوة

زينة > صلحي البلوتوث يا بنية وخنشوف صورج الحلوة

 

[nono78]

الله يسامحه ريلي شوفوا شنو يايب ويقولي مو حقج حق علاوي

اذا مو حقي ليش حطيته عندي بالغرفه
















الدونت الصغير في عيب شرعي

اذا اكلتيه حبه وحده ماتقدرين تصكرين حلجج