صج الهرده تبييض

[نوف الصقعبي]

السلام عليكم يا حلوات

:eh_s(8):


بنات انا لما اسوي حمام مغربي بعد التفريك ولما اخلص اخر شي
تحط لي هرده نفسها مالت الأكل
وتقول الهرده تبيض صج بنات هالكلام
عن نفسي اشوف نعومه قويه بجسمي بعد الحمام المغربي
وهم لونى يفتح بكل مره اروح اسوي حمام مغربي
بس بعرف هل الهرده لها مفعول وله البخار اهو السبب
لان ودى استخدمها بالبيت

وسلامتكم​

 

[dr.eng]

وعليكم السلام والرحمه
اممم انا امي تستخدمها من وعيت على الدنيا لوول
تحطها مع قطرات ليمون وروب وماشاءالله ويهها افتح من رقبتها وفرق بينهم
بس لما انا جربتها فتره بس نعمت بشرتي وصفتها بس ماقتحتني مثل امي يمكن لانها فترة طويله
ولما اسألها تقولي اذا مانفعتج ماتضرج احسن من خلطاتكم وخرابيطكم

 

[نوف الصقعبي]

الله يحفظ لكم الوالده يارب ويطول بعمرها​

 

[Tom ♥ Jerry]

,


اي حبيبتي فعلا الهرده تبيض
بس طبعا مو بآول مره و لا بثاني مره
يبيلها استمراااااااااااار !


انا رفيجتي ماشالله ايدها لون وآحد و مآكو سواد بالمفاصل
تقول انا كل يوم آحط هرده و روب اخليهم نص ساعه
لاحظتي قالت " كل يووووم " يعني صارلها بالسنين تستعملها

 

[عنوده العتيبي]

مسساؤ اخت نوف

الهرده عجيييييييييييبه للتبيض
انا استخدمهاااا شخصياااااااااااااا ومثل ماقالو الاخوااات يبيلها استمراااااااااااااار
اخلطها مع حليب بودره وماي ورد ونص ساعه على البشره وااااو
اخلطها مع زيت اللوز المرررر واحطها على جسمي قبل مااتسبح واخليها ساعه ونص وفيك تطولي بالمده وعقب تتسبحين رووعه جدااااا
وفيك تخلطينها مع الر وووب واااو جوونان يعني لها كذا استخدام وياليت افدتك
وياليت الاخوات مايقصرون معانا ويقولون تجاربهم الفتااكه ههههههه
تقبلي ودي

 

[Gold gem]

بصراحه مره يبيض ماشاءالله مع الاستمرار يعني حطي سدر وهرد ومره وليمون حطي بعد المغربي وتاني يوم بالليفه يعطيك نظاره ويفتح مع الاستمرار مع السدر

 

[نوف الصقعبي]

اسعدنى مروركم جميعآ يالغاليات
بقعد احطها على ويهي وجسمي بالبيت بعد ماخلص الشاور والتفريك واقعد فيها بونص ساعه واشوف النتيجه ​

 

[Gold gem]

دكتور اوز قال على خلطه عجيبه للبشره هرد ودقيق الحمص تفتح وتشد البشره

 

[أميرة-]

انا مشكلتي اتكاسل

وخاصة الشغلات الطبيعية مفعولها بطيء ومؤقت

جربت السدر بروحه حلو كماسك للبشرة وجربت الروب والليمون حلوين

الهرده ماجربتها

 

[نوف الصقعبي]

انا الهرده بخليها مكمل للبرنامج اللي ماشيه عليه لاكنها مو الاساس طبعآ
لان البرنامج اللي ماشيه عليه وفادني صج طبي ومع دكاتره​

 

[ام عبد العزيز م]

حبيبتي الحمام المغربي وخلطاته اهي لي تبيض اما الهرده بس تنعم الجسم من بعد التفريك

 

[تبيني آرضى عليك]

انا استعملتها فتره تنعم وتفتح
روب وهرده

 

[الأميرة جوري]

يكفي انها من سمسم عجيب للبشره

 

[فوشيـأ]

يبيلنا نجررب


بس اي صالون اللي يحطونها عقب المغربي ؟؟

 

[Gold gem]

انتي حطي بنفسك وربي نظاره ولو حسيتي نفسك صفره عادي تكوني مابتخرجي تاني يوم افركي جسمك وبخار ومرطب النيفيا روووعه السوس والتوت

 

[تبيني آرضى عليك]

آآآآآآآب

 

[نوف الصقعبي]

يبيلنا نجررب

بس اي صالون اللي يحطونها عقب المغربي ؟؟​

صالون الشرقيه اللي بخيطان اطق درب بس عشان شغلهم نظيف حيل​

 

[فوشيـأ]

خلاص برووح له

 

[Nonono83]

والله انا جربتها بالصالون مره مثلج بعد الحمام حطتلي الللللله وكيلج اتحكحك جني شقول بس طلعت فيني حساسيه منها ولا اختي تينن تستعملها تقول تييييينن بس انا ماناسبتني

 

[Nonono83]

نوف صاجه الشرقيه يكفي النزاكه والنظافه والبدكير وكل شي عندهم انا اقربلي الجابريه من خيطان قبل اتعنالهم خيطان اشوا فتحو يمنا