صايره مااعرف ادرس ولا قادره احفظ

[bdora]

مرحبا بنات تكفون ساعدوني فديتكم ضعت وزفت بدراستي والسبب اني مو قادره استوعب او حتى احفظ شنو الحل؟؟؟؟

 

[بنت الدلال]

ميي توو

 

[Q8update]

لازم تغيرين جو شوي ، وتغيرين طريقة دراستج ، حاولي تقرين بصوت وتكتبين عشان تفهمين وتحفظين وتربطين الدروس بمواقف ، بس اهم شي تغيرين طريقة دراستج وحتى المكان لانه عندج نوع من الملل وطبيعه المخ مايستوعب الا مع تغيير البيئة والمكان ..

الله يوفقج

 

[دلوعة ميدو]

حبيبتي ليش ماتروحين عند الأستشارية الدكتورة سميرة دهراب وايد يروحولها عندهم مشاكل بالدراسة وصج فادتهم واذا تبين اعطيج رقمها انا حاضره

 

[دلول ام خلود]

غيري مكان الدراسه انا نفسج حبيبتي انا غيرت المكان ورحت ستار بكس مافي شي يشغلج هناك غصب تدرسين صج انج بتشوفين الناس بس تعرفين تركزين وانتي اساسا حطيتي في بالج انج رايحه تدرسين يعني غصب راح تدرسين

 

[bdora]

مشكورين الله لايهينكم دلوعة ميدو واللي يعافيج عطيني رقمها بعد عمري انتي

 

[دلوعة ميدو]

حبيبتي هذا رقمها 25737773 ترى صاير بمركز الرازي وهذا العنوان بعد :السالمية نهاية ش البغداد. ابراج الجوهرة 1_الدور الأول ترى صج وايد زينة انا رفيجاتي راحو عندها وعلمتهم وايد اشياء استفادو منها حتى بالجامعة

 

[دلوعة ميدو]

واللة يوفقج حبيبتي ان شاللة

 

[وردة بيتنا]

روحي مكتبة العجيري . عندهم خوش كتب عن الدراسة و طرق حلوة لها .

خوش كتب وايد استفدت منهم . ملوت الاستاذ الرفاعي و غيره

 

[contessa]

upppppppppppp

 

[bdora]

مشكوريييييييييين فديتكم والله يوفقكم ويقوي ذاكرتنا انا صرت كسلانه حدي وحتى درجاتي تفشل والدكاتره مايعذرون

 

[القلوب الساهيه]

جزئي دراستج خليها ساعتين مقابل بريك نص ساعه وقسمي الكميه على الوقت اللي عندج وموفقه يارب

 

[koosa]

أول شي تعوذي من ابليس
و ثاني شي لا تقولين ما اقدر احفظ و هالكلام
ترى هالكلام اهوا اللي يشوش عليج
لازم الأضاءة تكون قوية و واضحة و ما في اي ازعاج ولا صوت
ومثل ما قالوا خواتي اقلري و حفظي
يعني مو تنسدحين بالفراش و تقرين لوووول
صدقيني احسن
و لا تروحين عالدرس اليديد الا و انتي حافظة اللي قيل و كل شوي ردي عليه
و اهم شي المرااااااجعة
و الله يوفقج

 

[bdora]

والله حدي تفاءلت من كلامكم عسى الله يوفقكم ويرفع قدركم

 

[yam_yam]

نفس الحالة
بطبق اللي قلتوه و بشوف

 

[FoOjaa]

جزئي دراستج خليها ساعتين مقابل بريك نص ساعه وقسمي الكميه على الوقت اللي عندج وموفقه يارب

رايي من رايها و الله يوفقج يا رب و يسهل عليج

 

[قلب راشد]

حبيبتي احنا مناقشين موضوع كيفية المذاكره بحملة احنا قدها والسلبيات بنهدها

بالموااضيع المثبته بهالقسم شرفينا وان شاء الله تستفيدين