شو آخر نيو لوك سويتيه؟؟ وشو ردة فعل زوجج بكل صراحه..

[Zen&7ala]

قصيت شعري بوي ...
وريلي طلقني

من صجج ؟

 

[Zen&7ala]

لبست برموده ازرق غامج و تي شيرت a&f و كروكس كحلي يعني ستايل صيفي

و انا شعري بني فاتح على اشقر غامج اول ما شافني قالي شفيج جنج توج راده من البحر

 

[قلبي ماركه]

حلوووووووووه أفكاركم خواتي ربي يسعدكم ..

 

[قلبي ماركه]

حاليا مسويه رجيم عشان أعدل من جسمي أخترب بعد الولاده أبي

أكون رشيقه وايد زاد وزني ان شاء الله قبل العيد أكون وصلت للوزن الي أبيه..

 

[قلبي ماركه]

ياريت الي تدخل تخبرنا بتغير سوته..

 

[عروس مطيريه]

انا توني ناااااس

 

[وَرْدَة الْقُلُوْب]

شعري كان طويل وقصيته وصبغته
ودخلت البيت
وفته ساكت ما علق
قلت له شو رايك قالي بشنو
قلتله بشعري قالي اشفيه
قلتله قصيته
قالي لا والله
وما اقول لكم شنو صار فيني
الله ستر لزمت اعصابي

 

[عاشقة هواك]

 

[قلبي ماركه]

لا تزعلين عادي تصير فيه ريايل يستعبطون بس بقلبهم شي ثاني .. آآآآآآآآآآآه منكم يالريايل ..

 

[قلبي ماركه]

أبي مشاركات عشان الكل يستفيد ناخذ أفكار ..

 

[قلبي ماركه]

uuuuuuuuuuup

 

[عشق ريلها]

أخر لوك سويته كان قبل 3 شهور بمناسبة الترقيه غيرت الدار تغير كامل خليت لون الدار بني غامج وشريت كرفايه يديده وخذيت له ساعه رجاليه وعطر والحمام خليته نفس ماهو بس غيرت البانيو وحطيت كلونيـات ومعقمات لليدين وعن لبسي لبست نفنوف قصير وناعم لونه وردي وحطيت ميك اب خفيف بس روج وردي وكحل سائل وصبغت شعري باللون البني الثلجي وقصيت شعري مدرج وخليته ويفي وحطيت مناكير لوونه وردي وأستانس علي قالي خلج جذي دوووم

 

[سوزي الشرقية]

اليوم الخميس معزومين على حفلة خطوبة بنت خالتي
واني بالاساس زهقانه مره مره مادوي اروح
اخذت عدة المكياج حقي وطلعت الي ثوب قصيرواكسسوارات ورحت بيت اهلي بهم ورحت حفيت الحواجب شعري طويل مره لبست الثوب بعدالمغرب وحطيت الي مكياج خفيف وكحلة سودة.......يعني الميك ناعم حيل
وخليت شعري مفلول على كتفي
وتالي غيرت رايي ماني رايحةواتصلت عليه ومرني بيت اهلي
ولمن وصلنا عجبه اللوك ههه نعومة البنت

 

[$حبيبة عبودي$]

اخر لوك لي من اسبوع شعري طال وكان بني بخصل عسليه وللكتف
الحين طولته وصبغته اشقر رمادي فاتح وبلياج ثلجي اللون يخقق وركبت رموش دائمه لم اسبوعين
وغيرت خطة حواجبي لاني من فتره معتمده العريضه الحين ضعفتهم مع شوس برونز ع الخد

بس ناويه بس امل اسبوعين ثلاثه بحط كحل اسود يخقق مع الرموش
نفس ستايل مادلين مطر

واااااااااااو ماشاءالله لوكج يشووووق :rerrerek:

 

[روعة خيال]

عاد ناويه اسوي لوك يديد بمناسبة عيد ميلاده الله يخليه لنا يا رب

و راح اصبغ ثلجي و اسوي tanning

و انا حاليا اسوي رجيم و ان شاء الله يكتمل شكلي

عاد اهو وااايد يلاحظ مو شويه

 

[lamoshty]

قصيت شعري بوي ...
وريلي طلقني

من جد ...؟؟؟؟؟؟؟ :eh_s(1):

 

[Queeeen]

آب

لسى ماتزوجت بس شدني الموضوع<<هع
منكم نستفيدددد ^^

 

[(*ام عهــــد *)]

الله يسعدكم ياارب
أنا في فترة حمل بس ربي يسهل علي وأولد بالسلامه
أقولكم عن اللوك الجديد

 

[دلوعة حمني]

خوش موضوع....

اخبركم عن ستايلي اليديد الاسبوع الياي...

لوكي واحد من ال زواج ما غيرته الا مرة وحدة لان زوجي يموت على الشعر الطويل فمطولته له

بس الاسبوع الياي بقصة بوي! و اصبغه و بشوف شنو يقول

 

[قلبي ماركه]

خوش موضوع....

اخبركم عن ستايلي اليديد الاسبوع الياي...

لوكي واحد من ال زواج ما غيرته الا مرة وحدة لان زوجي يموت على الشعر الطويل فمطولته له

بس الاسبوع الياي بقصة بوي! و اصبغه و بشوف شنو يقول

الغاليه لا تقصينه بوي .. وحده بنفس موضوعي هذا كتبت انها قصت شعرها بوي واطلقت ..

بعيد الشر.. بس ما دام شعرج طويل وما غيرتيه من يوم تزوجتي لا تقصينه مره وحده بوي ..

قصيه مدرج على طوله أو مدرج قصير بوي لااااااااااااااااالا .. ​