شوفوووا الصدمه ؟؟!!! والحمدلله ع كل حال

[أبكاني ذنبي]

السلام عليكم ورحمه الله وبركاته


حبايبي الله يجزاكم الجنه اللي تعرف لاتحرمني الاجابه والله يطمنكم ع اللي في بطنكم يارب



لي فتره اعالج وكلوميد وابر تفجيريه وكانت الدوره ملخبطه ماتنزل الا بحبوب تنزلها بس اخر دورتين انتظمت عاد هالشهر

وصفت لي الدكتوره حبه كلوميد باليوم حبه وحده بس وبتابع معاي التبويض وعشان الابره التفجيريه بس ياتني سفره مفاجئه وسافرت

لما رديت قالتلي ليش ماييتي خلصت المده انتهى وقت الابره بس بعطيج مثبت دافستون واستمري عليه من تاريخ معين عطتني اياه المهم

امس كان موعد دورتي وحسيت بدوخه وحللت جذي بس وطلعت حامل بجيت بجي من الفرحه انطر هاللحظه من زمان حللت دم بنفس الوقت

طلعت لاقرب عياده وطلع حمل ورحت طيران لدكتورتي بسوي سونار بس بتطمن ادري مايبين شي بس بتطمن عشان الكلوميد

اهني الصدمه شافت كيس حجمه 6 سانتي ع الرحم اهي اخترعت وخرعتني تقوول شوفي كيس شفته حجمه كبيير ع الرحم

قالت روحي الحين بسرعه حللي دم مركز تقصد هرموني تقول العادي ماعترف فيه وشربي ماي واايد ولاتروحين الحمام وتعالي

كنت صايمه وفطرت قبل الاذان بساعه عشان الدم وعشان اشرب ماي ورجعت لها نسبه الحمل 240 تقول توج اسبوعين او 3

قالت بعد بكره بنفس هالوقت اللي سويتي فيه التحليل سويه مره ثانيه وتعاليلي لازم تكون النسبه 500 فما فوق بصراحه

ياتني البحيه خفت بس مؤمنه ان شاء الله بربي ماراح يضيع فرحتي وان شاء الله يتممه ع خير

تقولي لما شافتني خفت تقول عادي تصير مضاعفات كلوميد

الحين بعرف لو ارتفعت نسبه الحمل شنو بصير بهالكيس شلون شنو بصير

اخاف الله لايقوله حمل خارج الرحم لاسمح الله

طمنووووني ؟؟؟؟؟ شنو وصعي

وجزاكم الله خير

 

[شوشو44]

ان شاءالله حامل دكتوره قالت لج ممكن يكون حمل خارج الرحم
تبين رايي غيري دكتوره روحي لغيرها والله يوفقج ويسهل عليج ويعطيج الي تمنينه

 

[اختكم نونا]

اذا ارتفع هرمون الحمل معناته الحمل ماشي طبيعي

انصحج تراجعين اكثر من دكتوره عندج دكتوره روبينا بالسيف شاطره راجعي عندها وشوفي شتقولج

 

[أبكاني ذنبي]

مشكورين حبايبي

انا اراجع عند الاستشاريه بهواني واللي اعرفه انها شاطره

والله كريم والله اني فارشه سجادتي وادعي ربي

ان شاء الله باجر بتبين النسبه وببشركم بس لو طلعت النسبه طبيعيه الكيس شنو راح يصير عليه

شبتسوي فيه هل بضر الحمل بيستمر معاي او ينزل او يسحبونه ولا شنو

 

[أبكاني ذنبي]

ياليت البنات الباقين يشاركوون اللي عنده علم

لحد يبخل بمعرفته ومشكوورين

 

[كويتاويه2009]

والله يااختي انصحج وبشده غيري الدكتوره بقولج سالفة اختي

راحت لدكتوره شاطره ومعروفه ماودي اذكر اسمهاا واصدمتهاا قالت هذا حمل عنقودي لازم ينزل وانصدمت وبجي وحالتها حاله

ونصحتها تنطرجم اسبوع لمن يبين الجيس عدل وبعدها تروح لدكتور تخصص سوناار مثل اشرف اللي بسلام ومشت ع كلامي وسبحان الله طلع كللم دكتورتها خطا
وكاهي الشهر اللي طاف جابت بنت قمرر ومافيها الا العافيه

الله يطمنج يارب وطمنينا عنج حبيبتي

 

[أبكاني ذنبي]

ماشاء الله ربي يحفظها لها


بنطر باجر بحلل دم وان شاء الله ربي كريم ان قالتلي نفس الكلام بعد ماشوف النسبه بغيرها

واذا الامور طيبه ان شاء الله بستمر والله يجزاكم خير يارب

 

[حشمه]

حبيبتي الله يطمن قلبج يارب ويفرحج

لاتحاتين ان شالله رب العالمين بفرحج ويرزقج الذرية

ادعي ربج واستغفري وان شالله يثبت الحمل

 

[أبكاني ذنبي]

حشمه


مشكووره حبيبتي جزاج الله خير مااقصرتي



ابشرررركم



الحمدلله رحت اليوم وسويت التحليل والنسبه 500 الحمدلله الحمدلله

وقلت لها انزين الحين شلون وضع الكيس قالت خليه

واستمري مثبتات وفولك اسد وتعالي الثلاثاء بعد اسبوع

اجيك ع كيس الجنين ونقولي لج اقل من 4 اسابيع

الحين بدت محاتاه ثانيه ع معرفتكم يعني بتشوف كيس وجنين

راح يبين معاها ؟؟!

 

[انثى]

الحمدالله يارب بالمبااارك الحمال ووكلي امرج لله ولاااتحاتين والزمي الاستغفار حاولي اقل شي 1000 استغفار باليوم لما ربج يفرجها الواحد الاحد

 

[سلطانة روحه]

الف مبروك

انا لما حللت هرموني كان 520

عقبها بيوم بين الجيس بالسونار الداخلي

 

[أبكاني ذنبي]

أنثى

سلطانه روحه


الله يبارك فيكم ويجزاكم خير يارب

موعدي مع الدكتوره الثلاثاء الياي وان شاء الله يبين الكيس والجنين داخله واتطمن

والحمدلله يارب كما ينبغي لجلال وجهك وعظيم سلطانك

 

[حشمه]

الف مبروك حبيبتي

وان شالله تفرحين فيه يارب بين ايدج

 

[lady_sweet]

الف مبروك الحمال والله يثبته واذا في كيس اكيد يروح مع حمل شي طبيعي لاتحاتين وادعي الله يثبته يارب ويقر عينج فيه ان شالله واتوقع الكيس يروح عادي من منشط يمكن بيضه ماتلقحت لان ماخذه منشط وبشرينا عنج ودكتوره بهواني زينه

 

[أبكاني ذنبي]

ليدي


تسلمين حبيبتي والله يبارك فيج من كثر ماقريت قصص هالفتره

عن الحمل وناس حملوا ومابين كيس البيبي وطلع الحمل خارج الرحم

و و و و قاعده بشقتي ماطلعت اوسوس ماراح ارتاح لين اشوف كيس الجنين

موعدي الثلاثاء بعد يومين والله يطمن قلبي ويجزاكم خير يارب

 

[سلطانة روحه]

احب اطمنج ان حمل خارج الرحم تكون نسبة هرمون الحمل بالالاف

حملج داخل الرحم تطمني ان شاء الله

لانه زاد الضعف بيومين

معناته قاعد يمشي طبيعي

بس دامج طولتي على ما حملتي ديري بالج من كل شي

و ارتاحي و مو اي شي تاكلينه

 

[أبكاني ذنبي]

سلطانه روحه


الله يطمنج بالخير والعافيه ياارب

ويحفظ لج البيبي وتقومين بالسلامه

ان شاء الله وباجر الثلاثا موعدي واتطمن واطمنكم باذن الله

مااقصرتي ريحتيني

 

[أبكاني ذنبي]

امس كان موعدي عند الدكتوره وقالت ان كيس البيبي الحمدلله داخل الرحم

بس موباين البيبي لانه حجم الكيس 7 مل

بس انصدمت ان الكيس اللي ع المبيض حجمه 8 سم واااايد كبييير

شفته مثل البلوونه اقولها شنو بسوي فيه قالت بعد شنو نسوي خليه

قلت يروح من نفسه قالت لا لان حجمه كبيييير بس هو كيس ماي

احسن من كيس الدهن بس لازم ماكو جماع ولا جهد زايد عشان مايتحرك من مكانه

لان اذا تحرك يكون الوضع مومستقر يعني احتمال يكون فيه ضرر ويشيلونه بمنظار اكيد

حتى السفر قلت لو ساعه بالطياره بتكلم ماخلتني اكمل كلامي قالت لاااممنوووع ولاشي

بس عطتني مثبت كرتونين غير اللي عندي وقالت استمري عالمثبتات مع الفوليك اسد

وتعالي بعد اسبوعين اسمعج النبض والله كريم خوووووفني الكيس

حجمه واايد كبييير خرعني ع المبيض اليمين حتى مغطي المبيض كله

 

[ماي الورد]

الله يطمن قلبج يارب

ويتمم عليج بالخير ان شاءالله

 

[سلطانة روحه]

ان شاء الله ماكو الا الخير

و الحمدلله ان شفتي الجيس الله يسهلها عليج يا رب

دامه ٧ مللي الجيس معناته توج تقريبا خمس اسابيع و ٣ ايام اتوقع