ღ TőOőma ღ
New member
هااي بنات شلونكم؟؟
مابي اطول عليكم بقولكم شصار على طول
امس بليل امي طلعت وراحت عند خالتها لانها كانت مسافره و توها راده من العلاج...وانا واخواني فالبيت وابوي متوفي من سنتين وشي يعني ماكو احد غيرنا والخدامه تحت والسايق برا..
واخوي كان المفروض يسافر بنفس اليوم لان بيدرس بره بس اشوا صارت خيره لنا انه أخروها لان الفيزا ماطلعت للحين
المهم...
انا كنت بالصاله اطالع تلفزيون واختي نايمه.. تقريبا عالساعه 11 جذي او قبلها بشوي سمعت صوت بيبان تتصكر حيل تحت
انا قلت يمكن اخوي طلع لان دفش لمن يبطل الباب !! او يمكن امي توها راده المهم ماهتميت وقعدت اكمل فلمي :eh_s(1):
بعدها بـ10 دقايق امي دقت على رديت عليها ولا تسألني وينج شتسوين!! قتلها اطالع تلفزيون..
ولا تقول انتي قاعده فالبيت شفتي ريال دش ؟؟ قتلها لاء ليش :eh_s(1): ولاتقول خلاص ولاشي كاني يايه بالطريج
انا ماستوعبت وقلت لمن تيي افهم السالفه يمكن في شي بس قلت مومعقووله..وكل هذا وانا للحيني فوق!!
بعدها بشوي ولا اسمع صوت صراخ تحت
نزلت ولا امي واخوي والخدامه يعني مثل ماتوقعت انها مسويه شي من سؤال امي لمن دقت
طلعت مدخله رفيجها البيت وكل يوم لمن نطلع تييبه:eh_s(1):
اخوي بغى يطقها بس امي مسكته وقعدت تزفها وهذيك عذرها بمخباتها..والله بنات لو تشوفونها تقولون مسكيينه ومالها بهالسوالف و كل ماامي تقولها شي تقولها لا انا في بنت و زوج اخاف من الله ومادري شنو و كنت بروح اشرب ماي ولا ريال يطق الباب بطلته ولايدش<<شهالترقيعه؟
واهي ماعندها تلفون مادري شلون تدق عليه لان امي نبشت بأغراضها وحتى تلفون بيتنا مو مباشر لازم نطق رقمين قبل بعدين ندق
المهم جذي قامو يزفونها ولا امي تعصب وطقتها انا هني كنت ببجي
معنها مو الطقه القويه يعني لا بس طلعت منها لاارادي لان صج السالفه مو هينه و احنا بنات فالبيت يعني مو حلوا احد يشوف ريال غريب داش شيقولون اللي برا!!المهم يوم طقتها انا قلبي قام يعورني والله انا عندي الخدامه لو شنو مسويا مااحب احد يمد ايده عليها
لان ماعندها احد هنيوماتقدر تسوي شي صج غلطانه بس لو مودينها المكتب يتفاهمون معاها احسن
اهي تستاهل الي يصيرلها صج بس انا مااحب اشوف جدامي جذي والله بالجامعه بس اتذكر الي صار و قلبي يعورني
مو هذا موضوعنا بس بغيت اوضح هالشي لان نفسيتي تتعب لمن اشوف احد ينطق جدامي واهي شكلها كان يكسر الخاطر على حقارتها!!
المهم انا سألت اخوي شصار بالضبط ولايقولي ان كان نازل تحت يسويله عشى وشاف المطبخ كلا ظلمه والليتات مسكره..
صوب الباب الي بالمطبخ يعني لان النفتاح من داخل يكون 24 ساعه موجود وتقدر تطلع متى ماتبي جم مره نشيله بس رديناه مادري ليش على حظنا طلعت جذي
المهم دش ولا يسمع صوت قفل الباب تبطل توقعها امي يقول استغربت ورحت اناديها شلون دشت والمفتاح بالباب داخل؟؟ يقول شفت الخدامه واقفه ويا واحد وكانت توها بتدخله:eh_s(1):
قال لاني اول مره انحط بموقف جذي ماعرفت شسوي من كثر ماني متدوده..ولايقول رحتله وطقيته ولا اطرده لان اول شي فكرت فيه ان اخاف يدش او يصعد وانتو بنات فوق بروحكم
طبعا خدامتنا انحاشت الغرفه وقفلت الباب واهو لمن شافها دشت استوعب و طلعله برا بيلحقه وخذا معاه عصايه رنق مادري شيسمونها الي تكون حديد وثقيله
بعدين خوالي يو مع يدتي وامي كانت تحت مقفله على الخدامه الباب عشان الصبح توديها..بغت تتصل بالشرطه بس ماخليناها
المهم خوالي طلعو اييبون اخوي واحنا داخل امي نفسيتها كانت مو شي حدها
واحنا بعد لان هذي مو اول وحده جذي 6 قبلها وكل وحده سالفه غيربعدين دش اخوي ويا خوالي وكان شكله كلش موقادر يتحمل نفسه بعدين غافلنا مره ثانيه وطلع يدوره عشان يطقه
والله صج ان كل شي مايصير او يتأخر يكون خيره من الله واشوا انهم اخروا فيزتا وماسافر امس جان ماعرفنا شنسوي بروحنا وامي مو فالبيت
والله يعني كنت مستانسه اليوم بنزلكم الروايه بس شسوي
والله الله يسامحها صجانا اقدر انزلكم الحين بس مقطع مو اي وقت مراح اخذ راحتي يعني مااظمن لكم الظروف وانا تعودت بروايتي الي طافت انزلكم كل يوم العصر بارت وما اتاخر عليكم
انشالله اعوضكم وادعو ان اخر خدامه تكون زينه وماتسوي سالفه يديده والله من امس ماقدرت انام ولا امي نامت لانها تعبت صج مو اول مره يصير جذي وخصوصا بسالفه الخدم يعني كلماتيي وحده تصير سالفه
بس وهذا كل شي صار بنات ديرو بالكم منهم ولا تغركم اشكالهم ترا والله كلهم نفس الشي مامنهم امان انا كنت جذي احكم عليهم من ويوههم بس كل مره انصدم بشي لان مصخت السالفه :\
بس هذي ماصدقت ان يطلع منها هالشي واهي 24 ساعه بسيادتها و كل يوم تدق على ريلها وبنتها بس صج الخافي اعظم:eh_s(1):
وسوري طولت عليكم انا للحين مومصدقه الي صار صج بالكلام يمكن سهل انا وايد سمعت اشيااء جذي بس صدقوني بالصج شي ثاني
و ادعو الله يسهل الحين انا لازم اكرف ويا امي شوي على ماتوصل اليديده
مواااح سوري حوبي طولت عليكم
