السلام عليكم ورحمة الله وبركاته
من خلال جولتي بالقسم الصراحه حسيت بعض البنات فيهم سلبيه غير طبيعيه
بنات شنو يعني عمرج 30 سنه وماتزوجتي ؟؟؟!!!!!
سؤال الزواج بيصنع لج شخصيه وكيان ومستقبل ؟!!
انا ماانكر ان الزواج مهم بس الزواج يعتمد عالنصيب لا انا ولا انتي ولا اي احد يقدر يتدخل بهالموضوع لانه نصيب والنصيب يجي من رب العالمين لامني ومنج ولامن اي احد من البشر .
ناخذ نظره سريعه عالمتزوجات وخصوصا هالوقت , البعض توفق بزواجه والبعض الاخر اصبحت هي الزوجه والزوج بنفس الوقت ؟
بتسألوني شلون , بهالوقت 80% من الرجال معتمدين اعتماد كامل عالزوجه اهي اللي تصرف عالبيت اهي اللي تشتري حق العيال اهي اللي شايله نفسها ومسؤوليتها واهي اللي تشتري ماجلة البيت .... الخ
ولاتنكرون هالشي لان شايفته شكثر سواء بمجتمعي او بمجتمع صديقاتي
مافي شي اسمه عمري فوق ال30 وماتزوجت , ماتدرين حبيبتي يمكن نصيبج افضل من الف وحده تزوجت بعمر 15 سنه , مو المهم متى تتزوجين المهم هل بتأخذين زوج يكون سند لج بالدنيا ؟ او بتأخذين زوج بيزيد همومج هموم ؟! لكم الاختيار حبايبي
بهالوقت مافي شاب واعي مثقف عاقل واثق من نفسه وياخذ بنت اقل منه سسواء بالعمر او التعليم او الثقافه لان هالشاب اذا فكر بالزواج فكر بانسانه تتوافق مع عقليته مو بس لمجرد الزواج , ولانه عنده ثقه بنفسه بياخذ انسانه مثل تفكيره وعقليته لان يدري حياتهم بتكون مستقره
اما الشخص اللي ماعنده ثقه بنفسه شي طبيعي بياخذ وحده اقل منه اهني ماتكلم فقط عن العمر اتكلم عن كل شي يخص البنت من تعليمها وثقافتها وعمرها لان انسان شخصيته ضعيفه وماعنده ثقه بنفسه يبي اللي اقل منه عشان يسيطر عليها وعلى شخصيتها ويجردها من كل شي حلو بحياتها ويحولها لمأساة لان يدري اذا اخذ وحده مثقفه ماراح يقدر يفرض رايه عليها
كتوضيح للنقطه السابقه , انا ادري ان الزوجه لازم تحترم الزوج بس بعقل يعني انا اقبل من الزوج انه يناقشني باشياء مو عاجتبه بس مايفرض علي اي شي انا مابيه لان انا لي شخصيتي واعرف اميز بين الصح والغلط .
حبايبي هذي دعوه مني انكم تنبذون هالتفكير وتتأكدون محد راح يطلع من هالدنيا الا مستوفي كامل رزقه .
شيلوا هالعباره من راسكم احنا ب2011
ممكن نقول هالعباره يوم البنت قاعده بالبيت تطبخ وترتب البيت وتخم وتغسل اما الحين الوضع تغير الحريم وصلوا لاعلى المراكز وصاروا ينافسون الرجال باعلا المراكز واثبتوا انهم قادرين يكونون الزوجات وصاحبات الاعمال وربات بيوت ويقدرون يسون كل هالاشياء اللي مايقدر عليها الرجل , الرجل لو تخلين عنده طفل واحد بيعصب وماراح يقدر يتحمل مسؤوليته فمابالكم بمجموعة اطفال ؟ شفتوا شكثر انتوا قادرين على فعل اشياء الرجل مايقدر عليها .
افتخروا بانفسكم ولايطري على بالكم يوم من الايام ان الزوج بيصنع لكم المستحيل
بثقتج بنفسج , بانجازج , بتحقيق ذاتج بتقدرين تكسرين اي عين تنظر لج بشفقه << وطبعا هالنوعيه اللي تنظر لج بشفقه لانج ماتزوجتي داخلها تموت من القهر الف مره لان تتمنى يوم من الايام تعيش حياتج اللي انتي عايشتها :rerrerek:
صدقوني الزواج مو بذاك الاهميه اللي تعلقين كل حياتج عليه , لان مو بيدج بيد اللي يدبر امورج باحسن تدبير
خلوا ثقتكم بربكم اولا وثانيا بانفسكم ان وجودكم بالحياه مهم وانجازاتكم اهم
اتمنى فكرة الموضوع وصلت لكم
واتمنى اسمع ارائكم بهالموضوع ,,
تحياتي
من خلال جولتي بالقسم الصراحه حسيت بعض البنات فيهم سلبيه غير طبيعيه
بنات شنو يعني عمرج 30 سنه وماتزوجتي ؟؟؟!!!!!
سؤال الزواج بيصنع لج شخصيه وكيان ومستقبل ؟!!
انا ماانكر ان الزواج مهم بس الزواج يعتمد عالنصيب لا انا ولا انتي ولا اي احد يقدر يتدخل بهالموضوع لانه نصيب والنصيب يجي من رب العالمين لامني ومنج ولامن اي احد من البشر .
ناخذ نظره سريعه عالمتزوجات وخصوصا هالوقت , البعض توفق بزواجه والبعض الاخر اصبحت هي الزوجه والزوج بنفس الوقت ؟
بتسألوني شلون , بهالوقت 80% من الرجال معتمدين اعتماد كامل عالزوجه اهي اللي تصرف عالبيت اهي اللي تشتري حق العيال اهي اللي شايله نفسها ومسؤوليتها واهي اللي تشتري ماجلة البيت .... الخ
ولاتنكرون هالشي لان شايفته شكثر سواء بمجتمعي او بمجتمع صديقاتي
مافي شي اسمه عمري فوق ال30 وماتزوجت , ماتدرين حبيبتي يمكن نصيبج افضل من الف وحده تزوجت بعمر 15 سنه , مو المهم متى تتزوجين المهم هل بتأخذين زوج يكون سند لج بالدنيا ؟ او بتأخذين زوج بيزيد همومج هموم ؟! لكم الاختيار حبايبي
بهالوقت مافي شاب واعي مثقف عاقل واثق من نفسه وياخذ بنت اقل منه سسواء بالعمر او التعليم او الثقافه لان هالشاب اذا فكر بالزواج فكر بانسانه تتوافق مع عقليته مو بس لمجرد الزواج , ولانه عنده ثقه بنفسه بياخذ انسانه مثل تفكيره وعقليته لان يدري حياتهم بتكون مستقره
اما الشخص اللي ماعنده ثقه بنفسه شي طبيعي بياخذ وحده اقل منه اهني ماتكلم فقط عن العمر اتكلم عن كل شي يخص البنت من تعليمها وثقافتها وعمرها لان انسان شخصيته ضعيفه وماعنده ثقه بنفسه يبي اللي اقل منه عشان يسيطر عليها وعلى شخصيتها ويجردها من كل شي حلو بحياتها ويحولها لمأساة لان يدري اذا اخذ وحده مثقفه ماراح يقدر يفرض رايه عليها
كتوضيح للنقطه السابقه , انا ادري ان الزوجه لازم تحترم الزوج بس بعقل يعني انا اقبل من الزوج انه يناقشني باشياء مو عاجتبه بس مايفرض علي اي شي انا مابيه لان انا لي شخصيتي واعرف اميز بين الصح والغلط .
حبايبي هذي دعوه مني انكم تنبذون هالتفكير وتتأكدون محد راح يطلع من هالدنيا الا مستوفي كامل رزقه .
شيلوا هالعباره من راسكم احنا ب2011
ممكن نقول هالعباره يوم البنت قاعده بالبيت تطبخ وترتب البيت وتخم وتغسل اما الحين الوضع تغير الحريم وصلوا لاعلى المراكز وصاروا ينافسون الرجال باعلا المراكز واثبتوا انهم قادرين يكونون الزوجات وصاحبات الاعمال وربات بيوت ويقدرون يسون كل هالاشياء اللي مايقدر عليها الرجل , الرجل لو تخلين عنده طفل واحد بيعصب وماراح يقدر يتحمل مسؤوليته فمابالكم بمجموعة اطفال ؟ شفتوا شكثر انتوا قادرين على فعل اشياء الرجل مايقدر عليها .
افتخروا بانفسكم ولايطري على بالكم يوم من الايام ان الزوج بيصنع لكم المستحيل
بثقتج بنفسج , بانجازج , بتحقيق ذاتج بتقدرين تكسرين اي عين تنظر لج بشفقه << وطبعا هالنوعيه اللي تنظر لج بشفقه لانج ماتزوجتي داخلها تموت من القهر الف مره لان تتمنى يوم من الايام تعيش حياتج اللي انتي عايشتها :rerrerek:
صدقوني الزواج مو بذاك الاهميه اللي تعلقين كل حياتج عليه , لان مو بيدج بيد اللي يدبر امورج باحسن تدبير
خلوا ثقتكم بربكم اولا وثانيا بانفسكم ان وجودكم بالحياه مهم وانجازاتكم اهم
اتمنى فكرة الموضوع وصلت لكم
واتمنى اسمع ارائكم بهالموضوع ,,
تحياتي
