شنو هديتج لزوجج بالعيد ؟؟ حيااكم نستفيد

[ضحاوي الحلوه]

السلام عليكم ورحمة الله وبركاته

شلونكم خوااااتي ؟ كل عام وانتم بخير ياااارب

اول مره بصراحه اشارك بهالقسم

العنوان واضع حبايبي شنو راح تهدين زوجج بالعيد ؟؟؟

انا اول مره بسويها وقلت باخذ رايكم
طبعا ابيها بسعر معقول لاني مو موظفه :eh_s(2):

فكرت بعطر من عطورات الجزيره بس مليييييييييت ابي شي جديد بصراحه صعب هديه الرجال ما ادري شنو اخذ

يالله يالمتزوجاااااات نبي افكاركم وخبرتكم :eh_s(9):

 

[cat^q8]

انا مفكرة اشتريله ساعه لان من زمااااان ما شرا ساعة



وعندج وايد افكار حسب ستايل ريلج

بقوللج شنو كنت يايبتله قبل

- شماغ ماركة

- قلم ماركة

- ميداليه ماركة

- تي شيرت مع كاب

- طبعا العطورات عدي وخربطي

- خام دشداشة

- مرة كان يبي يحط تواير حق سيارته ومفلس جان اعطيه فلوسهم هديه واستااانس اكثر من كل الهدايا اللي قبل

قلت له لو كل مرة اشتريلك تواير احسن خخخ



وعلى فكرة

عندي تي شيرتات رجالية ماركات

اصليه من بره الكويت كلهم
سعرهم الاصلي 50 دك

بس ابيعهم ب20 دك

اذا تبين تشوفينهم دشي على مواضيعي

 

[قمر^خالد]

ساعه يحب الساعات

 

[pinkoosha]

عاد عيد ميلاده قبل العيد (زلقه بطيحه) :d قلت اخذله شماغ ماركه وساعه يكشخ فيهم بالعيد

 

[iLLuMinaTion]

خوش موضوع

 

[اميره1980]

ليش هدية بالعيد؟
اول مره ادري اني لازم اعطيه هدية
لازم الزوج هو اللي يهدي زوجته و يعطيها عيدية مو هدية

 

[opera]

ولا شي اهو يعطيني عيديه

 

[shozen]

صح المفروض الزوج اللي يعطي زوجته عيديه او هدية العيد،،

 

[وردة^الكويت]

انا حبيب قلبي احب اعطيه هدايا بدون مناسبات

مو لازم عيد يعني لووول

بس افكر بشي خاص

 

[pink Engineerah]

لا تعودينه ما ينعطووون ويه ههههههه

 

[ghadeer212]

انا زوجي مفلس هالايام ف افكر اشتريله قميص حلو يكشخ فيه وتكرمون جوتي حلو بعد

 

[Lost]

اب اب

وهنيئاً مريئاً بنوتات

.

 

[aloooya]

ساعه
بوك
قلم
ميدالية

 

[LA TROO7]

بعطيه ربع كعيديه تذكاريه

ههههههههههههههه

 

[هذا مزاجي]

انا اشتريت له مجموعة كامله
عطر {ch}
وغلفتهم تغليف ولا احلى منه وان شاءالله تعجبه

 

[PuPa^^SWeeT]

عيد ميلاده بالعيد


شريتله عطر ست كامل

و قلم حلو ماركة


انشالله يعجبه


انا وايد اشتريله ساعات

ساعاته كلهم مني انا


و بواكه كلهم مني انا بعد



العطور اول مرة اشتريله

 

[om MaRyooM]

مومفكرة اييب شي صراحة

 

[الأماكن]

ما را أعطيه

لان "بلغ السيل الزبى"

كل ما أعطيه هدية ... راح و عطاها لرفيجه

مرتين شريت له ساعتين ماركة ... رووووح و عطهم رفيجك ....شي يبط الجبد صراحة



فــ عشان جذي هالعيد ""مـــآإآإكـــــو هــديــــة""" .. لين يتسنع

 

[انجبر قلبي]

انتي قصدج بعيد ميلاده والا بالعيد نفسه عيد الفطر؟

يحليلكم اول مرة ادري تهدون رياييلكم بالعيد شي

خوش فكره خخخخ

عاد امس كان عيد ميلاده و اهديته جهاز آيباد 2 اليديد وحيييل مستانس عليه

بس بالعيد ما يبيله خبه اعتقد شي بسيط مو نفس هديه الميلاد حتى لو ورد معاه ككاو ! مادري

 

[el7ob Klah]

من صجكم انتو ؟؟؟؟؟؟

والله محد يخرب الرياييل غير تصرفاتكم الغلط

شكو اعطيه هديه بالعيد ؟؟؟؟؟؟

اخاف عيد ميلاده وانا مادري شسالفه بنات اصحوا

ماله داعي الهدايا بالعيد الريال اهو رب الاسره اهو ولي امرج

يعني اذا السالفه فيها عطيه المفروض يعطيج عيديه

يا فلوس يا طلعه خاصه بينكم بدون العيال

خوووش والله اعطيه هديه اصير خروفته

على كل مناسبه عامه او دينيه اعطيه هديه !

بنات والله ماله داعي هالحركات لاتحسبين راح يحبج اكثر او يقدر

وانتوا احرار كيفكم